မခံချင်စိတ်ကို အားအဖြစ် ပြောင်းလဲပါ သင် ဒုက္ခရောက်နေချိန်မှာ ဘယ်သူ့ကိုမှ အသနား မခံပါနဲ့. ကိုယ်ကိုယ်တိုင်င်ပဲ ရုန်းထွက်နိုင်အောင်ပဲ ကြိုးစားပါ။ သင် ခံစားနေရချိန်မှာ ဘယ်သူ့ရှေ့မှာမှ မျက်ရည်ကျပြစရာ မလိုပါဘူး။. စာနာ နားလည်ပေးမယ့်သူထက် ရင်ထဲမှာ ကြိတ်ပြီး လှောင်နေမယ့်သူတွေ ပိုများနေလို့ပါ။ ကျရှုံးနေချိန်မှာ ဘယ်သူကိုမှ ဒူးထောက် မပြပါနဲ့ နိမ့်ကျသူကို ပိုနှိမ်တတ်ကြလို့ပါ။ အောင်မြင်နေချိန်မှာလည်း ဘယ်သူ့ကိုမှ အပေါ်စီးက မဆက်ဆံပါနဲ့။ မာန်မာနထောင်လွှားသူကို ဘယ်သူမှ မပတ်သ,တ်ချင်ကြလို့ပါ။ သင် တက်လှမ်းနေတဲ့ လှေခါးထစ်တွေကို တချို့က ထိန်းပေးကြလိမ့်မယ်။ တချို့က ဆွဲချကြလိမ့်မယ်။ တချို့တွေက တွန်းကန်ကြလိမ့်မယ်။ ဘယ်သူတွေ ဘယ်လိုပဲ လုပ်လုပ် တည့်မတ်စွာ သတ္တိရှိရှိ တက်နိုင်ဖို့က သင့်တာ၀န်ပါပဲ။ သင်ကြိုးစားနေချိန်မှာ တချို့က အထင်သေးတဲ့ မျက်လုံးနဲ့ ကြည့်လိမ့်မယ်။ တချို့က လှောင်ချင်သလိုနဲ့ ဆက်ဆံလိမ့်မယ်။ တချို့က သင့်ကို မဖြစ်နိုင်ဘူးဆိုတဲ့ စကားတွေ ပြောလိမ့်မယ်။ အဲ့ဒါတွေက စိတ်ဓာတ်ကျရမှာတွေ မဟုတ်ဘူး မခံချင်စိတ်နဲ့ ကြိုးစားရမှာ။ မခံချင်စိတ်ကို အားအဖြစ် အသုံးချပြီး မလျော့သော ဇွဲလုံ့လတွေနဲ့ ကြိုးစားသွားမယ်ဆိုရင် သင့်အတွက် အောင်မြင်ခြင်းက ဆုလာဒ်အဖြစ်နဲ့ စောင့်ကြိုနေပါလိမ့်မယ်။