''သူကြီးသမီး လင်ရှာနည်း'' တစ်ခါတုန်းကရွာတရွာမှာ သူကြီးတယောက်ရှိတယ် သူကြီးမှာ တစ်ဦးတည်းသော သမီးရှိတယ်ပေါ့ဗျာ သူကလည်း ရုပ်ဆိုးပေမယ့် လင်တော့လိုချင် ရှာတာပေါ့.... တစ်နေ့တော့ မရ ရတာကြံမယ်ဆိုပြီး အိမ်လာ စာရင်းငှားလုပ်‌ေနတဲ့ ကောင်လေးရှေ့ ထမီရင်လျားနဲ့ ဖြတ်လျှောက်ပြတယ် ဟိုစာရင်းငှားကလည်း စိတ်မဝင်စားတော့ မြတ်ပဲရိတ်နေတာပေ့ါ သူကြီးသမီးလည်း နောက်တမျိုးထပ်ကြံတယ် အိမ်ခန်းထဲကနေ ကြာသံလေးနဲ့ "မောင်လေးရေ… မမအကြောတက်နေလို့ ဇက်ကြောလေးလာဆွဲပေးပါ့လား.… နော်……နော် မောင်လေး" "ဟုတ်…အစ်မ ခဏနော်…လာပြီ" စာရင်းငှားလည်း နွားလှည်းကြီးနင်းမောင်းပြီး ရွာတောင်ပိုင်းက အနှိပ်သည်ကြီး ပြေးခေါ်ပေးတယ် ဒါနဲ့ပဲ သူကြီးသမီးလည်း ဂွမ်းရော နောက်တမျိုးကျ အဖေဖြစ်သူ သူကြီးကို ဂျင်းထည့်တယ် အဖေမရှိရင် သူကြီးလုပ်မယ့်သမက်ရှိအောင် ကြင်ယာရွေးပွဲလုပ်ရအောင်ဆိုပြီးပြောတယ် သူကြီးလည်း သမီးအကြောင်းသိတော့ ရွာထဲလူတွေလာရောက်ပြိုင်ဖို့အကြောင်း ကြေငြာလိုက်တယ်ပေါ့ဗျာ ပထမနေ့ ..... လာပြိုင်တဲ့သူက၃ယောက် ဒါတောင် မိဘတွေကြောက်လို့ လာပြိုင်ကြတာတဲ့ သူကြီးလည်း ပထမတယောက်ကို စမေးတယ်… "နည်းနည်းတော့ခက်မယ်ကွ သေချာစဉ်းစားဖြေ တစ်နဲ့တစ်ပေါင်း ဘယ်လောက်ရလဲ" "လေးသိန်းသုံးသောင်း ငါးထောင်ကိုးရာခြောက်ပါ သူကြီး" "ဟင်…မင်းသွားတော့ ကျန်တဲ့သူထပ်မေးမယ် သေချာလေးစဉ်းစားဖြေပါ တို့ရွာက ဘုန်းကြီးကျောင်းမှာ ဘာတွေရှိလဲ" "မယ်သီလရှင်တွေရှိပါတယ်…သူကြီး" "ငင့်… နောက်တယောက်ကွာ နေ့မှာ နေကအလင်းပေးတယ် ညကျ ဘာကအလင်းပေးလဲ" "ဖယောင်းတိုင်ပါ…သူကြီး" "မဟုတ်သေးဘူးလေကွာ… သူကဝိုင်းဝိုင်းကြီး" "ဆီမီးခွက်ပါ…သူကြီး" "ငင့်………" သူကြီးလည်း လူနည်းလို့ မဖြေနိူင်ကြတာထင်ပြီး မလာမနေရ ကြေငြာပြီးထပ်ကြင်ရာရွေးပြန်တယ် "မေးပြီကွ…… ဝုတ် ဝုတ်လို့ ဟောင်တဲ့ အကောင်ကဘာလဲ" "ကြောင်ပါ…သူကြီး" "ဟာ… အဲကြောင်နဲ့မတည့်တဲ့ အကောင်လေကွ" "ကျား…ကျားပါ…သူကြီး" "မင်းပြန်တော့… နောက်တယောက်လာ ဖြေ ရေထဲနေတဲ့ အကောင်တကောင်ပြောပြ" "ဇီးကွက်ပါ…သူကြီး" တယောက်ပြီးတယောက်သာဖြေပြီးတယ် တယောက်မှမှန်အောင်မဖြေကြဘူးလေ သူကြီးသမီးကိုမလိုချင်ကြလို့ ဒါပေမယ့်… သူကြီးသမီးလည်း သူကိုယ်တိုင် ဝင်မေးချင်တာနဲ့ "အဖေရယ်… အဖေကခက်တာတွေမေးတာကိုး သမီး မေးကြည့်ပါအုံးမယ်" "အေး… မေးချင်လည်းမေးတော့ကွာ" သူကြီးသမီးလည်း ဟင်းချက်ရင်းထလာတာဆိုတော့ လက်ထဲမှာ ယောင်းမကြီးကိုင်လာတယ်။ တစ်ခါတည်းမေးလည်းမေး မေးပြီးတာနဲ့ ဖြေတဲ့သူခေါင်းကို ယောင်းမနဲ့ခေါက်ချလိုက်တယ်… "ကျီးကန်းကြီးက… ဘယ်လိုအော်" " ဒေါင် " "အား.………" "ဟေး… ဒီမှာတွေ့ပြီ အဖေလိုချင်တဲ့အဖေ့သမက်" အမယ်..... မသိရင် သူကပဲ လင်မလိုချင်သလိုနဲ့....... အခေါက်ခံရတဲ့သူလည်း နာလို့ယောင်အော်မိတာနဲ့ သူကြီးသမီးနဲ့ညားသွားရလေရဲ့ 😃😄 #credit