တပို့တွဲလပြည့် ဩဝါဒပါတိမောက် အခါတော်နေ့
တပို့တွဲလပြည့်နေ့သည် ဗုဒ္ဓဘာသာဝင်သူတော်စင်တို့၏ 'ဩဝါဒပါတိမောက်အခါတော်နေ့'ဖြစ်ပါတယ်။ အဆူဆူပွင့်ခဲ့ကြကုန်သောဘုရားရှင်တို့၏ အဆုံးအမဩဝါဒနှင့် ပညတ်တော်မူသော သိက္ခာပုဒ်များကို 'ပါတိမောက်'ဟု ခေါ်ဆိုပါတယ်။ " ဩဝါဒပါတိမောက်" ဆိုတာကတော့ " အပါယ်ဘေးမှကင်းဝေးစေသည့် အဆုံးအမ " ဟု ဆိုပါတယ်။ " ပါတိမောက်ပြသည် " ဆိုသည်မှာ ဘုရားရှင်တို့သည် တပည့်သံဃာများအား ထိုအဆုံးအမကို ပြသဆုံးမတော်မူကြခြင်းကို ဆိုလိုပါတယ်။ ရှေးဟောင်းနောင်တော် ဘုရားရှင်တို့၏ ဓမ္မတာလက်သုံး ထုံးနည်းတံထွာ အစဉ်အလာဖြစ်သော "ခန္တီ ပရမံ တပေါ တိတိက္ခာ" အစချီသည့် ဩဝါဒပါတိမောက် (သုံးဂါထာ)ကိုမိန့်ကြားတော်မူပါတယ်။ ယင်း(သုံးဂါထာ)သည်ပင်လျှင် ခပ်သိမ်းသောဘုရားရှင်တို့၏ ဩဝါဒပါတိမောက်ဖြစ်ပါတယ်။
တပို့တွဲလပြည့်နေ့ မှာ ဘုရားဆူဆူ တို့အားရည်မှန်း ကုသိုလ်ယူနိုင်ကြပါစေလိုပါတယ်။ ယခုလိုကာလ တပို့တွဲလဆန်းမှစပြီး တပို့တွဲလပြည့်နေ့အထိ ထမနဲထိုးပွဲများကိုလည်း ခြိမ့်ခြိမ့်သဲ ကျင်းပလေ့ရှိကြပါတယ်။ ယခုလိုကျရောက်တဲ့ တပို့တွဲလပြည့်အခါသမယနေ့မှာ မိတ်ဆွေများအားလုံး ကိုယ်ကျန်းမာ၊ စိတ်ချမ်းသာကြပါစေကြောင်း ဆုမွန်ကောင်း ပို့သအပ်ပါတယ် ခင်ဗျာ။ ကောင်းကျိုး လိုအင်ဆန္ဒများနဲ့ ပြည့်စုံနိုင်ကြပါစေ။ လာဘ်လာဘပြည့်စုံပါစေ။ ပျော်ရွှင်ဖွယ်ရာနေ့ရက်ကောင်းလေးတွေဖြစ်ပါစေ🙏
