ကိုယ်က ပြိုင်ချင်စိတ်မရှိပေမယ့် ကိုယ့်ကိုလာလာပြီး ပြိုင်ချင်တဲ့သူတွေလည်း ရှိတတ်ပါတယ် ကိုယ်က သူတို့အကြောင်းမသိပေမယ့် သူတို့က ကိုယ့်အကြောင်းကို ကိုယ့်ထက်တောင် ပိုသိနေတဲ့သူ တွေလည်း ရှိတတ်ပြန်ပါတယ်။ ကိုယ်က သူတို့ဘာလုပ်လဲ လိုက်ကြည့်ဖို့ အချိန်မရှိပေမယ့် ကိုယ်လုပ်သမျှကိုထိုင်ကြည့်ပြီး အပြစ်တင်နေတတ်တဲ့သူတွေလည်း ရှိတတ်ပြန်ပါတယ်။ ကိုယ်က ကိုယ့်အလုပ်နဲ့ကိုယ်တောင် မအားပေမယ့် အချို့သူတွေမှာတော့ သူများအကြောင်း ပြောဖို့ စပ်စုဖို့ အချိန်ရှိတတ်ပြန်ပါတယ်။ ကိုယ်က သူဘယ်သူမှန်းတောင်မသိပေမယ့် ကိုယ့်ကို အလိုအလျောက်မုန်းနေတတ်သူတွေလည်း ရှိတတ်ပြန်ပါတယ်။ ကိုယ်လည်း အများကြီးမလုပ်နိုင်လို့ တတ်နိုင်တာလေးတွေ လုပ်မိရင်တောင် အဲ့ဒါတွေကို အပုပ်ချဖို့ချောင်းနေတဲ့သူလည်း ရှိတတ်ပြန်ပါတယ်။ သူတို့များ ဘာတွေလုပ်နေသလဲ ကြည့်တော့လည်း ဘာမှလုပ်မနေကြပါဘူး။ သူများကို အပုပ်ချရင်း ချရင်းနဲ့ ကိုယ်တိုင်ပုပ်မှန်းမသိပုပ်သွားတဲ့သူတွေလည်း ရှိပါတယ်။ သူတို့ကိုပြန်မုန်းဖို့ စိတ်ကူးမရှိပါဘူး အခြားသူကို မုန်းရလောက်အောင် မိမိမှာ အချိန်မရှိတာပါ အကောင်းဆုံးနည်းလမ်းက ဂရုကို မစိုက်တော့တာပါ။ အရင်တုန်းကတော့ အဲ့ဒါတွေ ဂရုစိုက်ပြီး စိတ်ဆင်းရဲဖူးပါတယ် လူတွေဟာ အသက်ရှင်တာခြင်းတူပေမယ့် အသက်ရှုပုံခြင်း ကွာခြားတယ်ဆိုတာအမှန်ပါပဲ သူတို့ရဲ့အမြင်ကိုပြောင်းလဲပစ်လို့ မရပါဘူး ကိုယ့်ဘက်က အမြင်ပဲ ပြောင်းလဲလို့ရပါတယ် သူတို့ကိုလည်း ပြန်မုန်းစရာမလိုပါဘူး ခေါင်းထဲမထည့်ဖို့ပဲလိုတာပါ ကိုယ်လုပ်စရာရှိတဲ့ အလုပ်ကိုပဲ အကောင်းဆုံးကြိုးစားပါ။ ဒါ့ကြောင့် ကိုယ့်ကိုမုန်းတဲ့သူတွေကြောင့် စိတ်မညစ်ပါနဲ့ ကိုယ်ကိုချစ်တဲ့သူတွေအတွက်သာ ရှင်သန်ပါ အမုန်းနဲ့မရှင်သန်ပါနဲ့ ပူလောင်ပါတယ် မိမိဘဝကိုသာ အမြင့်ရောက်အောင် မြှင့်တင်ပါ။ #ခွန်အားရှိသောစာတ်ိုများ #စာပေဗဟုသုတများ #ဘဝအတွတ်စာဖတ်ပါ #crd_to_owner_with_respectcrd