လောကမှာ စာမတော်ပေမဲ့
ကမ္ဘာကျော် အောင်မြင်နေတဲ့သူတွေ
အများကြီးပါပဲ..

လောကမှာ ပညာမတတ်ပေမဲ့
ကျိကျိတက် ချမ်းသာနေတဲ့သူတွေ
အများကြီးပါပဲ..

လောကမှာ ရုပ်မလှပေမဲ့
နှလုံးသားလှတဲ့ လူသားတစ်ယောက်အဖြစ်
လူအများ ချစ်ခင်လေးစားခြင်းခံနေရသူတွေ
အများကြီးပါပဲ..

စာတော်တာ၊ မတော်တာ
ကမ္ဘာကျော်တာ၊ မကျော်တာ
ပညာတတ်တာ၊ မတတ်တာ
ပိုက်ဆံရှိတာ၊ မရှိတာ
ရုပ်လှတာ၊ မလှတာတွေက
ဘဝမှာ သိပ်ပြီး အရေးမပါလှတာမို့

ထူးပြီး သိမ်ငယ်စရာမလို သလို
ထူးပြီး ဂုဏ်မောက်နေစရာလည်း မလိုဘူး..

အရေးကြီးတာက
ကိုယ်ရောက်တဲ့နေရာမှာ ရိုးသား ကြိုးစားဖို့
ကိုယ့်ဘဝနဲ့ကိုယ် ပျော်ပျော်နေတတ်ဖို့
လူပီသတဲ့ လူတစ်ယောက်ဖြစ်ဖို့
သိက္ခာရှိရှိ နေပြီး လိပ်ပြာသန့်သန့် သေရဖို့ပါပဲ...

Credit