ဝင်ငွေနဲ့ အသုံးစရိတ် မျှတအောင် ဘယ်လိုစီမံမလဲ။ ကိုယ့်ဝင်ငွေနဲ့ ကိုယ့်အသုံးစရိတ် မျှတမှု မရှိဘူးဆိုရင် ငွေကြေးပိုင်းဆိုင်ရာ စိုးရိမ်ပူပန်မှုတွေ ကြုံတွေ့ရနိုင်ပါတယ်။ ဒါ့ကြောင့် ဝင်ငွေနဲ့ အသုံးစရိတ်ကို မျှတအောင် စီမံခန့်ခွဲဖို့ နည်းလမ်း(၅)ခုကို လိုက်နာသင့်ပါတယ်။ ၁။ဝင်ငွေအားလုံးကို စာရင်းပြုစုပါ။ လစာ၊ ပင်စင်၊ ရင်းနှီးမြှုပ်နှံမှုကနေ ရရှိတဲ့ အကျိုးအမြတ် စသဖြင့် သင့်ဝင်ငွေအားလုံးကို တိကျစွာ မှတ်တမ်းတင်ပါ။ ၂။အသုံးစရိတ်အားလုံးကို မှတ်တမ်းတင်ပါ။ အိမ်လခ/အိမ်အရစ်ကျ၊ မီး၊ ရေ၊ ဖုန်းခ၊ အစားအသောက်၊ သယ်ယူပို့ဆောင်ရေး၊ အကြွေး များ၊ ကျန်းမာရေး စတဲ့ အသုံးစရိတ်အားလုံးကို အသေးစိတ် ချရေးပါ။ ၃။ဝင်ငွေနဲ့ အသုံးစရိတ်ကို နှိုင်းယှဉ်ပါ။ သင့်ရဲ့ ဝင်ငွေကနေ အသုံးစရိတ်ကို နှုတ်ကြည့်ပါ။ အမြတ်ကျန်ခဲ့ရင် စုဆောင်းဖို့ အခွင့်အလမ်း ရှိပါတယ်။ အသုံးစရိတ်က ဝင်ငွေထက် ပိုများနေရင်တော့ ချိန်ညှိဖို့ လိုပါပြီ။ ၄။အခြေခံလိုအပ်ချက်တွေကို အရင်ဖြည့်ပါ။ အိမ်စရိတ်၊ စားဝတ်နေရေး၊ မီး၊ ရေ စတဲ့ မဖြစ်မနေ လိုအပ်တဲ့ အရာတွေကို ပထမဦးစားပေးပါ။ ၅။အပိုအသုံးစရိတ်တွေကို ထိန်းချုပ်ပါ။ ဖျော်ဖြေရေး၊ အပြင်ထွက်စားသောက်ခြင်း စတဲ့ မရှိမဖြစ်မဟုတ်တဲ့ အသုံးစရိတ်တွေကို လျှော့ချဖို့ ကြိုးစားပါ။ သင့်ရဲ့ ဘတ်ဂျက်ကို ထိန်းချုပ်နိုင်ပြီး အရေးပေါ်ရန်ပုံငွေ ရှိလာပြီဆိုရင် အနာဂတ် ရည်မှန်းချက်တွေ (အိမ်ဝယ်တာ၊ ပညာရေး၊ အငြိမ်းစားယူတာ) အတွက် ရင်းနှီးမြှုပ်နှံဖို့ စဉ်းစားပါ။ ဝင်ငွေနဲ့ အသုံးစရိတ်ကို မျှတအောင် စီမံခြင်းဟာ စိတ်ငြိမ်သက်မှုနဲ့ ငွေကြေး လုံခြုံမှုကို ပေးစွမ်းနိုင်ပါတယ်။ ဒီအချက်တွေကို လိုက်နာပြီး သင့်ရဲ့ ငွေကြေးအခြေအနေကို တိုးတက်အောင် ဆောင်ရွက်နိုင်ပါတယ်။ #coachpannsu #innerupgrade #selfleadership