🌿📚 ဂန္ဓီက ဒီလိုပြောတယ်…. ☘️ 📖 မင်းရဲ့ ``အတွေးအခေါ်'' တွေကို ကောင်းမွန်အောင်လုပ်ပါ... ✨ဘာလို့လဲဆိုတော့ မင်းရဲ့ အတွေးအခေါ်ကနေ ``စကားလုံး'' တွေ ဖြစ်လာပါလိမ့်မယ်။ 📖 မင်းရဲ့ ``စကားလုံး´´တွေ ကောင်းမွန်အောင်လုပ်ပါ... ✨မင်းရဲ့ စကားလုံးကနေ မင်းရဲ့``အပြုအမူ´´တွေ ဖြစ်လာပါလိမ့်မယ်။ 📖 မင်းရဲ့ ``အပြုအမှု´´တွေ ကောင်းမွန်အောင် လုပ်ပါ.. ✨မင်းရဲ့ အပြုအမှုကနေ မင်းရဲ့ ``အလေ့အကျင့်´´တွေ ဖြစ်လာပါလိမ့်မယ်။ 📖 မင်းရဲ့ ``အလေ့အကျင့်´´တွေကို ကောင်းမွန်အောင်လုပ်ပါ... ✨မင်းရဲ့ အလေ့အကျင့်တွေကနေ မင်းရဲ့ ``တန်ဖိုး´´ဖြစ်လာပါလိမ့်မယ်။ 📖 မင်းရဲ့ ``တန်ဖိုး´´ကို ကောင်းမွန်အောင် လုပ်ပါ… ✨မင်းရဲ့ တန်ဖိုးတွေကနေ မင်းရဲ့ ``ကံ '' ဖြစ်လာပါလိမ့်မယ်။✨📚🌿 #zlsanggt #highlight #လူငယ်များအတွက်ဗဟုသုတစာပေများ #ကောင်းမှုတစ်ခုနေ့စဉ်ပြုပါ #ခွန်အားဖြစ်စေသောစာများ #crd_to_owner_with_respect

. 🐘 ဆင်ပြောင်ကြီး အမြီးကျမှတစ် 🐘 **************************** >> ရော့.. ဒီမှာပုလင်းတစ်လုံး အဲ့ဒီပုလင်းထဲကို ဆင်တစ်ကောင်ဖမ်းပြီးထည့်ခဲ့ ... 🐘 ပြီးရင်ကျသင့်ငွေ တင်တောင်းလိုက် ... 💵 >> ဗျာ ... ဆင်အကြီးကြီးကို ဒီပုလင်း ... 🐘 အသေးလေးထဲ ဘယ်လိုထည့်လို့ရမှာလဲဗျာ ... 🧂 >> တော်တော်အသုံးမကျတဲ့ကောင် ကြိုးစားကြည့်မယ်မရှိဘူး. ... 😏 နောက်ထပ်ဘာအလုပ်မှမပေးတော့ဘူး.. ... သွားတော့ ... နောက်တစ်ယောက် ... 🚶 >> မင်းကတော့ ပညာရှင်ဆိုတော့ ပုလင်းထဲကို ဆင်ဘယ်လိုထည့်ရမယ်ဆိုတာသိမှာပေါ့ ... ငါ့ကိုအဲ့ကိစ္စလေး မြန်မြန်လုပ်ပေးစမ်းကွာ .. မင်းရဲ့ပညာကြေးကိုလည်း ကျသလောက်ယူသွား ... 💵 >> ဒီလိုပါဗျ သီအိုရီအရ အထည့်ခံရမယ်ပစ္စည်းဟာ ထည့်မယ့်ပစ္စည်းထက်ကြီးရမှာဖြစ်သလို... ထည့်မယ့်ပစ္စည်းရဲ့ အလေးချိန်ကိုလည်းခံနိုင်မယ့် ကြံ့ခိုင်မှုမျိုးရှိရပါမယ် ပြီးတော့ ... >> အာ အဲ့ဒါတွေမသိချင်ဘူး မင်းလုပ်နိုင်လား မလုပ်နိုင်ဘူးလားပဲပြော ... 🗣 >> သီအိုရီအရ မဖြစ်နိုင်လို့ပါခင်ဗျ >> တော်ပြီး မင်းမလုပ်နိုင်လည်း လုပ်နိုင်တဲ့သူပဲ ခိုင်းမယ် ... အလကားကောင် သူအသုံးမကျတာကို သီအိုရီကြောင့် ဘာကြောင့်နဲ့လွှဲချတယ် ... 🗣 နောက်တစ်ယောက် ... >> မင်းကရော ဘာအလုပ်လုပ်လဲ ... >> ကျွန်တော်လား အကုန်လုပ်ပါတယ်ဗျ ဘာဖြစ်ဖြစ်ခိုင်းပါ ဖြစ်အောင်လုပ်ပေးပါ့မယ်ဗျ ... >> အေး ကြိုက်သွားပြီ ဒီလိုလူမျိုးကို ငါက ရှာနေတာ ... >> ဒီလိုကွာ ဒီပုလင်းအသေးလေးထဲကို ဆင်တစ်ကောင်ဖမ်းပြီးထည့်ချင်တာကွ ... 🐘 ရမလား ... 🗣 >> ဟုတ် ရတော့ ရမှာပါ .... သိပ်တော့မလွယ်လောက်ဖူး ... ဒါပေမယ့် ဖြစ်အောင်ကြိုးစားပြီးလုပ်ပေးပါ့မယ် ... အချိန်တော့နည်းနည်းပေးပါဗျ ... ပြီးတော့ ပိုက်ဆံလည်း နည်းနည်းတော့ ကုန်မယ်နော် ... 💵 >> အာ ရတယ် အချိန်လည်းယူ သိပ်တော့ မကြာစေနဲ့ ပိုက်ဆံကတော့ မင်းလိုသလောက် တင်ပြီး အရစ်ကျထုတ်လိုက်ကွာ ... 💵 >> ခုလောလောဆယ်တော့ ကြိုငွေလေး ထုတ်သွားလိုက်ပါ့မယ် ... 💵 . . . >> ဟေ့မင်းအလုပ်အဆင်ပြေလား ဘယ်အခြေအနေရောက်ပြီလဲ ... 🗣 >> အခု ဆင်တော့ဖမ်းမိထားပါပြီ နောက်နှစ်ရက်လောက်ဆို လိုအပ်တာ ပြင်ဆင်ပြီး ပုလင်းထဲစထည့်ပါမယ် ... ခုပိုက်ဆံလိုလို့လာထုတ်တာပါ ... 💵 >> အေးအေးလိုတာယူသွား မြန်မြန်တော့လုပ် ... . . . >> ဟေ့မင်းလာတာနဲ့အတော်ပဲ ပြောပါအုန်းကွ လုပ်ငန်းအခြေအနေလေး ငါလည်း လူကြီးကို ပြန်ပြောရမှာကွ.... >> အဆင်ပြေပါတယ် ခေါင်းနဲ့ရှေ့ ခြေနှစ်ချောင်းတော့ ဝင်သွားပါပြီ ဆက်လုပ်ဖို့ အသုံးလိုလို့ ပိုက်ဆံလာထုတ်တာပါ ... 💵 >> ဟုတ်လား တော်တော်နီးစပ်နေပြီပဲ ဆက်လုပ်ဆက်လုပ် ပိုက်ဆံလည်းယူသွား ငါလည်း သတင်းကောင်းလေးသွား ပြောလိုက်အုံးမယ် ... 💵 . . . >> ဟေ့ ရပြီလား ဘယ်မှာလဲ ... >> ရတော့ပါမယ်ဗျ ခုတစ်ကိုယ်လုံး ထည့်ပြီးပါပြီဗျ အမြှီးလေးပဲကျန်ပါတော့တယ် နောက်၅ရက်လောက်ဆို လာပေးပါ့မယ်ဗျ ... ခုတော့ အသုံးလိုနေတာလေး ... 😊 >> ဟေ့ဟေ့ သူ့ကိုလိုတဲ့ပိုက်ဆံထုတ်ပေးလိုက်ကြ ... . . . >> ဟေ့ မင်းပြောတော့ ၅ရက်လောက် ကြာအုန်းမယ်ဆို ဘယ်လိုဖြစ်လို့ ... >> ဟုတ်ပါတယ်ဗျာ ကျွန်တော်တို့အဖွဲ့လည်း နေ့မအိပ် ညမအိပ်ကြိုးစားပြီး လုပ်ကြပါတယ်ဗျာ ... ခုဟာက တော်တော်လေးလဲပြီးနေပါပြီ တကိုယ်လုံး လည်းထည့်လို့ရနေပြီ ... အမြှီးလေးကျန်တော့မှ အတင်းထည့်လိုက်တာ ပုလင်းနဲ့မဆိုသလောက်လေးကြပ်ပြီး ကွဲသွားတယ်ဗျာ ... ကျွန်တော် ထပ်ကြိုးစားပေးရမလား ... >> အင်းတော်ပါပြီကွာ မင်းလည်းကြိုးစားတာပဲ ခုဟာက ရခါနီးမှ အဆင်မပြေဖြစ်သွားတာကိုး ထားလိုက်ပါတော့ ... >> ဟုတ်ကဲ့ပါဗျ နောက်လိုတာရှိလည်းခိုင်းပါ ... >> အေးအေး ငါလည်းလူကြီးတွေကိုသွားပြီး တင်ပြလိုက်အုံးမယ် မင်းကိုလည်းနောက်မှ ဆုပေးအုန်းမယ် ... အဲ့သလိုနဲ့ ... ဆင်ပြောင်ကြီး အမြှီးမှတစ်တဲ့အကြောင်း လူကြီးတွေအကြားမှာ စွန့်စားခန်းကြီးတစ်ခုလို ပြောစမှတ်ဖြစ်နေတာပေါ့ ... 🐘 ဆင်ကြီးကိုပုလင်းထဲထည့်ခိုင်းသူကတော့ ရာထူးတွေတက်ပြီး ဆင်ကြီးကိုပုလင်းထဲ ထည့်ပေးတဲ့သူကတော့ ဂုဏ်ပြုခံရပြီ နောက်လုပ်ငန်းတွေလည်း ထပ်လုပ်ခွင့် ရသွားတာပေါ့ ... ဒါပါပဲ .. ခင်ဗျားတို့ကိုပြောပြရတာလည်း မောလိုက်တာဗျာ ... မအားရတဲ့ကြားထဲ ... ကျွန်တော်လား??? .. မအားသေးဘူးလေဗျာ ... 🚶 ဆင်လိုက်ဖမ်းရအုန်းမယ် ... 🐘 crd via jack sparrow

ဆေးလိပ်သောက်သူများ ဖတ်ရန် --------------------------------------- ဒီစာကို ဖတ်နေပြီဆိုရင် သင်က ဆေးလိပ်ဖြတ်ဖို့ နောက်မကျသေးပါဘူး။ သင်က နှစ်ရှည်လများ ဆေးလိပ်ကိုသောက်နေခဲ့တယ်။ ကိုယ်တိုင်က စသောက်တာပဲဖြစ်ဖြစ်၊ အပေါင်းအသင်းတွေက မြှောက်ပေးခဲ့လို့ပဲဖြစ်ဖြစ် အခုချိန်မှာတော့ သင်က ဆေးလိပ်ကို မသောက်ရမနေနိုင်ဖြစ်နေပြီ၊ ဆေးလိပ်ကို ရပ်လို့မရတော့ဘူး ထင်နေရင်တော့ သင်မှားနေပါပြီ။ ဆေးလိပ်သောက်တဲ့သူတွေ မသိသေးတဲ့ အရေးကြီးတဲ့ အချက်တစ်ချက်ရှိပါတယ်။ ဒါကဘာလဲဆိုရင် ဆေးလိပ်ကိုဖြတ်လိုက်တဲ့ အချိန်က စပြီး နာရီပိုင်းအတွင်းမှာပဲ သင့်ခန္ဓာကိုယ်မှာ ပြောင်းလဲမှုတွေစပြီး ဖြစ်လာပါတယ်။ အဲဒီပြောင်းလဲမှုတွေက ဘာတွေလဲဆိုတာကို ကြည့်လိုက်ရအောင်။ ဆေးလိပ်မသောက်တော့တဲ့ တစ်နာရီအတွင်းမှာ-သင့်ရဲ့နှလုံးခုန်နှုန်းက စပြီးစည်းချက်မှန်လာတယ်။ တိုးနေတဲ့သွေးပေါင်ချိန်က တဖြည်းဖြည်းကျလာတယ်။ မကြာခဏအေးစက်နေတဲ့ လက်ဖျားခြေဖျားတွေက သွေးလည်ပတ်မှုကြောင့် ပူနွေးလာတယ်။ ဒီအချိန်မှာပဲ သင့်ရဲ့ခန္ဓာကိုယ်က ဆေးလိပ်ဖြတ်ခြင်းရဲ့ အကျိုးကျေးဇူးတွေကို စပြီးခံစားနေရတာပဲ ဖြစ်ပါတယ်။ (၈) နာရီလောက် ဆေးလိပ်နဲ့ ဝေးသွားတဲ့အခါ- သင့်သွေးထဲက ကာဗွန်မိုနောက်ဆိုဒ် ပါဝင်မှုက ကျဆင်းသွားပါတယ်။ ကာဗွန်မိုနောက်ဆိုဒ်ဆိုတာ သင့်အတွက် အဆိပ်ပါ။ အောက်ဆီဂျင်ပမာဏ ပုံမှန်ပြန်ဖြစ်လာတယ်။ ဒီအချိန်မှာ သင့်ရဲ့ဦးနှောက်နဲ့ နှလုံးက ပြန်လည်အသက်ရှင်သန်ခြင်းရဲ့ အရသာကို ခံစားနေရပါပြီ။ စိတ်နဲ့ ခန္ဓာကိုယ် ပေါ့ပါးလာတယ်၊ အသက်ရှူရတာ ပိုပြီး အဆင်ပြေလာပါတယ်။ ဆေးလိပ်ဖြတ်ပြီး (၂) ရက်ကြာတဲ့အခါ- နှစ်ပေါင်းများစွာက သင်မသတိထားမိခဲ့တဲ့ အနံ့တွေကို ပြန်ပြီးခံစားနေရပါပြီ။ အစားအသောက်တွေရဲ့အရသာက ခါတိုင်းထက် ပိုကောင်းလာပါတယ်။ သင့်ရဲ့လျှာကလည်း အာရုံခံစားမှု ပိုကောင်းလာပါတယ်။ ဒီအချိန်မှာပဲ သင့်ရဲ့ခန္ဓာကိုယ်က သူ့ဘာသာသူ သန့်စင်နေပါပြီ။ ၂ ပတ်ကနေ( ၃) လအတွင်း- သင့်ရဲ့အဆုတ်တွေ ပြန်လည်ကောင်းမွန်လာတယ်။ ချောင်းဆိုးတာ နည်းသွားတယ်။ အရင်ကလို သိပ်မမောဘဲ ပိုကြာကြာ လမ်းလျှောက်နိုင်လာတယ်။ သွေးလည်ပတ်မှု ကောင်းမွန်လာတယ်။ ရုတ်တရက် နှလုံးဖောက်နိုင်ခြေ စပြီး ကျဆင်းလာပါတယ်။ ၁ နှစ်ကြာတဲ့အခါမှာတော့- နှလုံးရောဂါဖြစ်ပွါးနိုင်ခြေက ၅၀% အထိ ကျဆင်းသွားပါတယ်။ ဟုတ်ပါတယ် - တဝက်တိတိပါ။ သင့်နှလုံးက ပိုပြီးအားကောင်းကောင်းနဲ့ ခုန်လာတယ်။ သင့်အသားအရေက ပိုပြီးစိုပြေလာတယ်။ ဒီအချိန်မှာတော့ ခန္ဓာကိုယ်ကလည်း ပိုနုပျိုလာတယ်လို့ ခံစားနေရပါပြီ။ ၅ နှစ်ကနေ ၁၀ နှစ်အထိ တောင့်ထားနိုင်ရင်တော့- လေဖြတ်နိုင်ခြေနဲ့ အဆုတ်ကင်ဆာ ဖြစ်ပွားနိုင်ခြေတွေ သိသိသာသာ ကျဆင်းသွားပါလိမ့်မယ်။ ဒါကြောင့် သင်ကဆေးလိပ်ဖြတ်ဖို့ နောက်မကျသေးပါဘူး။ ဒီဗီဒီယိုပြီးတာနဲ့ ဆေးလိပ်ဖြတ်ဖို့ စဉ်းစားကြည့်ပါ။ ဆေးလိပ်ဘယ်လိုဖြတ်ရမလဲ? ဆေးလိပ်သောက်ချင်စိတ်ပေါ်လာရင် အရမ်းစိတ်မလှုပ်ရှားပါနဲ့။ အသက်ကို ပြင်းပြင်းရှူသွင်းပါ။ ရေသောက်ပါ။ အာရုံပြောင်းပါ။ လမ်းလျှောက်ပါ၊ အကြောဆန့်ပါ၊ တစ်ယောက်ယောက်နဲ့ စကားပြောပါ။ ဆေးလိပ်သောက်ချင်စိတ်က ခဏပဲလို့ ကိုယ့်ကိုယ်ကို ပြန်ပြောပါ။ ဆေးလိပ်သောက်တယ်ဆိုတာ အကျင့်တစ်ခုပါ။ အကျင့်တစ်ခုဟာ ဖျောက်ပစ်ဖို့ခက်ပါတယ်။ ဒါပေမယ့် အစားထိုးဖို့ကတော့ လွယ်ပါတယ်။ ကော်ဖီသောက်ပြီး ဆေးလိပ်သောက်တတ်တဲ့ အကျင့်ရှိရင်- ကော်ဖီအစား လ္ဘက်ရည်နဲ့ အစားထိုးလိုက်ပါ။ ထမင်းစားပြီးပြီးချင်း သို့မဟုတ် ကားမောင်းရင်းဆေးလိပ်သောက်တတ်ရင် — သကြားမပါတဲ့ ပီကေဝါးပါ။ ပျင်းလာလို့ ဆေးလိပ်သောက်ချင်လာရင် — ခဏလမ်းထလျှောက်ပါ၊ ရေသောက်ပါ၊ (သို့) ဖုန်း ခဏလောက် သုံးလိုက်ပါ။ ဆေးလိပ်မသောက်ဘဲ နေနိုင်တဲ့ နေ့တိုင်းဟာ အောင်ပွဲတစ်ခုပါပဲ။ ဘယ်လောက်သေးသေးလေးပဲဖြစ်ဖြစ် ကိုယ့်ရဲ့တိုးတက်မှုကို ချီးကျူးပါ။ သင်တန်ဖိုးထားရတဲ့သူတွေနဲ့ သက်တမ်းစေ့ နေထိုင်သွားချင်တယ်ဆိုရင် ဒီစာလေးဖတ်ပြီးတာနဲ့ ဆေးလိပ်ဖြတ်ဖို့ စဉ်းစားကြည့်ပါ။ Crd . Share

ဘဝမှာ မတန်တာတွေရှိတယ်✅ ရန်ဖြစ်ဖို့ မတန်တာတွေ... ရှင်းပြဖို့ မတန်တာတွေ... ပြုံးပြဖို့ မတန်တာတွေ... ပေးဆပ်ဖို့ မတန်တာတွေ... ခင်မင်ဖို့ မတန်တာတွေ... ချစ်မြတ်နိုးဖို့ မတန်တာတွေ... သတိရဖို့ မတန်တာတွေ... အများကြီးဆို အများကြီးရှိတယ်... ♦️တစ်ခါတစ်လေကျရင်တော့ ကိုယ့်အတွက်.....တန် မတန် စဉ်းစားဖို့လိုတယ်တဲ့ ♦️အခုနောက်ပိုင်း ကိုယ့်အတွက်မတန်တဲ့အရာတွေအတွက် အဖက်လုပ်နေဖို့ရော အချိန်ပေးဖို့ရော နေရာပေးဖို့ရော ခံစားနေဖို့ရော မတန်တာမို့ ကိုယ်က မတန်တဲ့အရာတော်တော်များများကို ဥပေက္ခာပဲ ပြုထားလိုက်တော့တယ် ♦️အဲ့တာကြောင့် တစ်ခါတစ်လေ ရန်လာလုပ်သူတွေကို ပြန်ရန်လုပ်ဖို့ မတန်တာမို့ ရှောင်ပစ်လိုက်တယ် ကိုယ့်အပေါ် မကောင်းတဲ့သူတွေအတွက် ခံစားနေဖို့လည်း မတန်တာမို့ ဥပေက္ခာပြုတတ်လာတယ် ♦️မတန်ပါဘူး.......တကယ်ကို မတန်တာပါ ♦️မတန်တာကိုမှ မာန်ကိုချ ဟန်ပြ ဆက်ဆံနေမည့်အစား နှလုံးသားမှာ အမုန်းမပွားမှီ ... ဥပေက္ခာတရားဆီသို့ ဦးတည်ထားလိုက်ပါတော့တယ်... Credit : မူရင်းရေးသူ

အရင်တုန်းက ဦးလေးဖြစ်သူဟာ အရက်ကို အလွန်အကျွံ သောက်သုံးခဲ့တဲ့ အကျိုးဆက်ကြောင့် ကျန်းမာရေး အကြီးအကျယ် ထိခိုက်ခဲ့ရပါတယ်။ အစာအိမ်ရောဂါကြောင့် ရင်ပူတာ၊ အက်ဆစ်ပြန်ဆန်တက်တာတွေ ခံစားရပြီး ညဘက်ဆိုရင်လည်း ဝေဒနာတွေကြောင့် အိပ်မပျော်နိုင်အောင် ဖြစ်ခဲ့ရတာပါ။ ဒါတင်မကဘဲ ဆီးသွားတဲ့အခါမှာလည်း အမြှုပ်တွေထပြီး နောက်ကျိနေတာကြောင့် ကျန်းမာရေးအခြေအနေက တော်တော်လေး စိုးရိမ်ရတဲ့အဆင့် ရောက်နေခဲ့ပါတယ်။ ဒီလို ဝေဒနာတွေ ခံစားနေရတာကို အိမ်နီးနားချင်းဖြစ်သူ အန်တီမာလာက မြင်တွေ့သွားပြီးနောက် "ရုံးပတီသီး" ကို ပုံမှန်စားသုံးကြည့်ဖို့ တိုက်တွန်းခဲ့ပါတယ်။ ✨ ၇ ရက်အတွင်း သိသိသာသာ ထူးခြားလာမှု ဦးလေးဟာ အန်တီမာလာရဲ့ အကြံပေးချက်အတိုင်း မနက်တိုင်းမှာ ရုံးပတီသီး ၅ တောင့်ကနေ ၆ တောင့်လောက်ကို ပုံမှန်စားပေးခဲ့ပါတယ်။ တစ်ခါတလေ အစိမ်းလိုက်စားသလို၊ တစ်ခါတလေလည်း ပြုတ်ပြီး ဒါမှမဟုတ် ကင်ပြီး စားခဲ့ပါတယ်။ မယုံနိုင်စရာကောင်းတဲ့ ရလဒ်ကတော့... တစ်ပတ်အကြာမှာပဲ ဦးလေးက "ငါ အသက်ပြန်ရှည်လာသလိုပဲဟေ့" လို့ အားရပါးရ ပြောနိုင်တဲ့အထိ လူသစ်တစ်ယောက်လို လန်းဆန်းလာခဲ့ပါတယ်။ ညဘက်တွေမှာ နှစ်နှစ်ခြိုက်ခြိုက် အိပ်ပျော်လာပြီး မနက်နိုးတာနဲ့ တစ်နေကုန် တက်ကြွနေပါတော့တယ်။ 🔬 ရုံးပတီသီးရဲ့ အံ့မခန်းစွမ်းပကား (အချွဲဓာတ်ရဲ့ အစွမ်း) ရုံးပတီသီးမှာပါတဲ့ ထူးခြားတဲ့ အချွဲဓာတ် ဟာ ခန္ဓာကိုယ်အတွက် အောက်ပါအတိုင်း အကျိုးပြုပါတယ် - • အစာအိမ်အတွက် အကာအကွယ်: အစာအိမ်နံရံကို အချွဲလွှာနဲ့ ဖုံးအုပ်ပေးပြီး ရောင်ရမ်းမှုနဲ့ အနာတွေကို ကာကွယ်ပေးပါတယ်။ • စနစ်တကျ သန့်စင်ပေးခြင်း: အူလမ်းကြောင်းကို သန့်ရှင်းစေပြီး ကိုယ်တွင်းက သန်ကောင်တွေကိုလည်း ဖယ်ရှားပေးပါတယ်။ • အာဟာရဓာတ် ကြွယ်ဝခြင်း: ကယ်လ်စီယမ်၊ ဗီတာမင်နဲ့ အမျှင်ဓာတ်တွေ အစုံအလင်ပါဝင်လို့ အသည်းနဲ့ ဦးနှောက်ကို အားကောင်းစေပါတယ်။ ✅ ရရှိလာတဲ့ ကျန်းမာရေး အကျိုးကျေးဇူးများ 1. ဝမ်းမှန်၊ ဗိုက်ရှင်း: ဗိုက်ပူတာနဲ့ ဗိုက်အောင့်တာတွေ ပျောက်ကင်းသွားပါတယ်။ 2. ဆီးကြည်လင်: ပရိုတင်းယိုစိမ့်မှုကြောင့် ဆီးနောက်နေတာတွေ သက်သာပြီး ဆီးကြည်လာပါတယ်။ 3. သွေးပေါင်နှင့် သကြားဓာတ်: သွေးတွင်းသကြားဓာတ်ကို ကျဆင်းစေပြီး သွေးပေါင်ချိန်ကို တည်ငြိမ်စေပါတယ်။ ဒီလို အကျိုးကျေးဇူးများတဲ့ ရုံးပတီသီးကို အိမ်နောက်ဖေးမှာတင် လွယ်လွယ်ကူကူ စိုက်ပျိုးနိုင်ပါတယ်။ ဒါကြောင့် အစာအိမ်ရောဂါရှိသူများ၊ ဝမ်းချုပ်တတ်သူများနဲ့ ဆီးနောက်ကျိတတ်သူများအနေနဲ့ အဝေးမှာ ဆေးသွားရှာမနေဘဲ ဒီသဘာဝဆေးစွမ်းကောင်းလေးကို စမ်းသပ်စားသုံးကြည့်ဖို့ တိုက်တွန်းချင်ပါတယ်။ #yoyocooking

"စားသမျှပြန်ဆန်တက်၊ ရင်တွေပူ" တဲ့ ***GERD ရောဂါ*** ကို လျစ်လျူမရှုပါနဲ့! 🚫 ထမင်းစားပြီးတိုင်း ရင်ဘတ်ထဲက ပူလောင်နေသလား? အချဉ်ရည်တွေ၊ စားပြီးသားအစာတွေ လည်ချောင်းထဲ ပြန်ကန်တက်လာလို့ စိတ်ညစ်နေရပြီလား? 😫 ဒါဟာ ရိုးရိုး အစာမကြေတာ မဟုတ်ဘဲ ကုသဖို့လိုအပ်တဲ့ GERD (အစာရေမြိုပြန်ဆန်တက်ရောဂါ) ဖြစ်နေနိုင်ပါတယ်။ GERD ဆိုတာ ဘာလဲ? 🤔 ^^^^^^^^^^^^^^^^^^^^^ ရိုးရှင်းစွာပြောရရင် အစာအိမ်ထဲမှာရှိရမယ့် အစွမ်းထက် အချဉ်ရည်တွေက အပေါ်ကို ပြန်ကန်တက်ပြီး အစာရေမြိုပြွန်ကို လောင်ကျွမ်းစေတာပါ။ ဒီလို ခဏခဏဖြစ်လာရင် အစာရေမြိုပြွန် ရောင်ရမ်းပျက်စီးလာတတ်ပါတယ်။ သင် GERD ခံစားနေရပြီလား? (လက္ခဏာများ) 👇 ^^^^^^^^^^^^^^^^^^^^^^^^^^^ 🔥 ရင်ညွန့်ရိုးတစ်လျှောက် ပူလောင်ခြင်း (Heartburn) 🤢 ခါးသက်သက်/ချဉ်စပ်စပ် အရသာနှင့်အတူ အစာများပြန်ဆန်တက်ခြင်း 💔 နှလုံးရောဂါနှင့် မှားယွင်းတတ်သော ရင်ဘတ်အောင့်ခြင်း 😷 ညဘက်တွေမှာ အကြောင်းရင်းမရှိဘဲ ချောင်းဆိုးခြင်း 🗣️ မကြာခဏ လည်ချောင်းနာခြင်း နှင့် အသံဝင်ခြင်း ⚠️ သတိပေးချက်! GERD ကို ပေါ့ပေါ့ဆဆ သဘောထားပြီး မကုသဘဲထားလိုက်ရင် အစာရေမြိုကျဉ်းခြင်း၊ Barrett's Esophagus (ကင်ဆာအကြိုအဆင့်) မှသည် အစာရေမြိုကင်ဆာ အထိ ဖြစ်လာနိုင်ပါတယ်။ ✅ GERD ကို သက်သာစေမည့် နေထိုင်မှုပုံစံ ^^^^^^^^^^^^^^^^^^ အပြောင်းအလဲများ ဆေးသောက်တာတစ်ခုတည်းနဲ့ မလုံလောက်ပါဘူး။ သင့်နေ့စဉ်ဘဝကို ဒီလိုပြောင်းလဲကြည့်ပါ- 🍽️ စားသောက်ပုံ တစ်ခါတည်း အများကြီးမစားဘဲ နည်းနည်းချင်းစီ ၃ နပ်မှ ၆ နပ်ခွဲစားပါ။ ည ၇ နာရီကျော်ရင် အစာမစားပါနဲ့။ (အိပ်ရာမဝင်ခင် ၃ နာရီခွာပါ) အပူအစပ် လျှော့စားပြီး အသီးအရွက် များများစားပါ။ အချိုရည်အစား ရေနွေးကြမ်းသောက်ပါ။ 🍵 🏃‍♂️ နေထိုင်ပုံ ကိုယ်အလေးချိန် လျှော့ချပါ။ တစ်နေ့ ၁၅-၃၀ မိနစ် လမ်းလျှောက်ပါ။ 🛌 အိပ်စက်ပုံ (အရေးကြီး) ခေါင်းအုံးကို ပုံမှန်ထက် မြင့်ထားပြီးအိပ်ပါ။ ညာဘက်စောင်းမအိပ်ပါနဲ့ (ဘယ်ဘက်စောင်းအိပ်တာ ပိုကောင်းပါတယ်)။ ပက်လက် (သို့) မှောက်လျက် မအိပ်ပါနဲ့။ 📌 အကယ်၍ ဒီလက္ခဏာတွေကို ခံစားနေရပြီဆိုရင် ဆရာဝန်နဲ့ အမြန်ဆုံး ပြသပြီး ဆွေးနွေးကုသမှု ခံယူကြဖို့ တိုက်တွန်းချင်ပါတယ်။ ကျန်းမာပျော်ရွှင်သော နေ့ရက်များကို ပိုင်ဆိုင်နိုင်ကြပါစေ။ 💖 Family Cooking ================== #ကျန်းမာရေး #wellness #health #familycooking #GERDawareness #AcidReflux #HealthTipsMyanmar #အစာအိမ်ရောဂါ #ကျန်းမာရေးဗဟုသုတ

အရင်နေရာမှာ အရင်လိုပါပဲဆိုတဲ့ စကားလုံးကို မသုံးပေမယ့် သတိတရရှိခဲ့ရင် အရင်က ခဏခဏ ခေါ်ခဲ့ဖူးတဲ့ ဖုန်းနံပါတ်လေးကို ဆက်သွယ်လို့လည်းရပါတယ် ။ ပြန်လာမယ့်ရက်ကို စောင့်နေပါ့မယ့်လို့ ကတိတွေ မပေးခဲ့ပေမယ့် သတိတရရှိလာမယ့်ရက်ကိုတော့ မျှော်လင့်ခဲ့ဖူးပါတယ် ။ အဆင်ပြေရဲ့လားဆိုတဲ့ မေးခွန်းတွေ မမေးဖြစ်တော့ပေမယ့် ကိုယ်ကတော့ ... သတိတရနဲ့ မင်းကို ငေးငေးကြည့်နေတုန်းပါပဲ ။ ပျော်နေတာလေး မြင်ရင် အဆင်ပြေနေတာပဲဆိုတဲ့ စိတ်နဲ့ ကိုယ်လည်း ပျော်အောင် နေဖို့ပဲ တွေးပါတယ် မျက်နှာလေး ညှိုးနေရင် အပြေးလာချင်တဲ့ စိတ်ကို ငါတို့က ဆိုင်မှမဆိုင်တော့တာဆိုတဲ့ သတိနဲ့ ထိန်းပါတယ် ။ မင်း သတိတရ ရှိတဲ့အခါကျရင်တော့ ... ကိုယ် ရှိနေနိုင်ဖို့ ကြိုးစားပါတယ် ... ကိုယ့်ဖက်က စပြီး ဖြတ်တောက်ခဲ့တဲ့ ဆက်ဆံရေးမဟုတ်တာကြောင့် ကိုယ့်ကို လို၏ မလို၏ မသိနိုင်တော့တဲ့ ရပ်၀န်းမှာ တိတ်ဆိတ်ပြီးပဲ လွမ်းပါတယ် ။ #ကျေးကို (ရင်နှင့်ရင်း၍ ရေးသည်)

ဒဏ်ရာအဟောင်းကို ဒီနေ့ ... မျက်ရည်တွေနဲ့ ၀ယ်မိပြန်ပြီ ။ မင်းမသိတဲ့ အကောင့်လေးနဲ့ မင်း ရှိရာအရပ်ကို ပြန်လှမ်းငေးမိတော့ ... ကိုယ်သဘောကျတဲ့ ဆံပင်ရှည်ရှည်လေးတွေ မရှိတော့တာကို သိရတယ် .. ပြုံးနေတဲ့ နှုတ်ခမ်းလေးကို ပြန်မြင်ရတော့ မင်းရီသံလေး ပြန်ကြားယောင်မိတယ် .. စကားတွေ သွားပြောချင်စိတ်ကို ထိန်းနိုင်ခဲ့ပေမယ့် သတိရစိတ်နဲ့ မျက်ရည်တွေကိုတော့ ကိုယ် မနိုင်ခဲ့ဘူး ... အချစ် ခရီးအဝေးကြီးကို လျှောက်နေပြီး အိပ်မက်အသစ်တွေ မက်နေတာကို တွေ့ရတော့ ... အိပ်မက်အဟောင်းတွေနဲ့ ချန်ခဲ့ဖူးတဲ့ နေရာ လေးမှာပဲ ရပ်နေမိတဲ့ ကိုယ်က ပျော်ရပါတယ် ... မင်းကို မေ့ဖို့ ကြိုးစားရင်း ပြန်သတိရမိတဲ့ ရက်လေးတစ်ရက်ဖြစ်သလို မင်းနဲ့ ဝေးအောင်နေဖို့ကြိုးစားရင်း မင်းကို ပြန်ငေးမိတဲ့ နေ့လေးတစ်နေ့ပါပဲ ... ဒဏ်ရာအဟောင်းတွေကို မျက်ရည်နဲ့ ပြန်၀ယ်နေမိပြန်ပြီ ထင်ပါတယ် ။ #ကျေးကို

ချစ်တယ် ဆိုတာ မချစ်တော့မည့်အချိန် မရောက်သေးခင် အထိပါပဲ... ခင်မင်တယ် ဆိုတာ မခင်နိုင်တော့တဲ့အချိန် မရောက်သေးခင် အထိပါပဲ... သည်းခံနိုင်တယ် ဆိုတာ သည်းမခံနိုင်တဲ့အချိန် မရောက်သေးခင် အထိပါပဲ... ချစ်ခြင်း မုန်းခြင်း ခင်မင်ခြင်း မခင်မင်ခြင်း စသည်သည်ဖြင့် အရာရာဟာ ကုန်ဆုံးချိန်ဆိုတာ ရှိစမြဲမို့ မျှတသော အတွေး မျှတသော အမြင် ယောနိသောမနသီကာရဖြစ်အောင် မိမိစိတ်ကို ဆုံးမနေရင် အဲ့ဒါတွေနဲ့ကြုံလာတဲ့အခါ ဆိုးရွားစွာ မပူလောင်တော့ဘူးပေါ့..... အရာရာဟာ ဖြစ်ပြီးရင် ပျက်ရစမြဲပါပဲ...... 🍂 Crd

သူက အေသွေးပိုင်ရှင်လေးလေ ... စကားပြောရင် သိပ်ပြီးတော့ အားမနာတတ်ဘူး ဒါပေမယ့် ပြောခဲတယ် ။ စကားနည်းတာ မဟုတ်ဘူးနော် ကိုယ့်အပေါ် မကောင်းတာ လုပ်လာရင်တောင် တစ်ဖက်လူ ထိခိုက်နစ်နာသွားမှာစ်ိုးတဲ့ စိတ်နဲ့ တော်ရုံတန်ရုံ သိပ်မပြောတတ်ကြဘူး ။ ပြောပြီဟေ့ဆိုရင်လည်း အဲ့ဒီဆက်ဆံရေးက သေချာပေါက် အလဲအကွဲပါပဲ ဆက်ရန်မရှိတော့တာမျိုးလေ။ အပေါင်းအသင်းမင်တတ်တယ် ... ကလေးဆန်တတ်တယ် ။ အလိုလိုက်ခံရတာ အချစ်ခံရတာကို သဘောကျတယ် ။ သူ့ကို ဦးစားပေးတဲ့ အရပ်မှာမှ ပျော်နေတတ်တဲ့ ကလေးဆိုးလေးပါပဲ ။ ကိုယ့်ထက် တခြားတစ်ယောက်ကို ဦးစားပေးနေရင် အူတိုတတ်တဲ့ လူစားမျိုးပေါ့ ။ သူ ငါ့ကို ဂရုမစိုက်တော့ဘူး ပြီးတော့ မချစ်တော့ဘူးဆိုတာမျိုးတွေထိပါ တွေးနေတတ်ကြတာ ။ အဲ့ဒီ အေသွေးပိုင်ရှင်လေးကလေ ... နှလုံးသားမှ အခန်းတစ်ခု အပိုပါတယ်ထင်ပါတယ် ။ ဒဏ်ရာတွေကို သိမ်းထားဖို့ ပြီးတော့ ပြောစရာစကားတွေကို မြိုသိပ်ထားဖို့ နှလုံးသားမှာ အခန်းတစ်ခုအပိုပါတယ်ထင်ပါတယ် ။ သူ ဘာဖြစ်နေလဲ ဘာတွေးနေလဲ တော်ရုံတန်ရုံ မသိရတတ်သလို တစ်ခါတစ်လေ အဆင်ပြေပါတယ်ပြောပြီး မျက်ရည်တွေကျချင် ကျနေတတ်သလို တစ်ခါတစ်လေ ငိုနေရင်းက ထရီချင် ရီနေတတ်တာမျိုးပေါ့ ။ ဟန်ဆောင်တတ်တဲ့ လူတစ်ယောက်မဟုတ်ပေမယ့် ဘယ်ဒဏ်ရာကိုမဆို သူက သိမ်းထားတတ်တာ ။ အားနည်းချက်လား ... ဒါမှမဟုတ် ပုံစံလားတော့ မပြောတတ်ဘူး ။ စိတ်ပါရင် ဘယ်အရာကိုမဆို ဖြစ်မြောက်အောင် လုပ်နိုင်သလောက် စိတ်များမ၀င်စားရင် ဘယ်အရာပဲဖြစ်ဖြစ် လှည့်မကြည့်တတ်ကြဘူး ။ သူတို့အတွေးဟာ သူတို့ရဲ့ ဘ၀ပဲ ။ ဒါဖြစ်ချင်တယ် ဒါဖြစ်ရမှ ဒါလိုချင်တယ် မရရအောင် ယူတတ်သလို မဖြစ်ဖြစ်အောင်လည်း ကြိုးစားတတ်ကြတယ် ။ မဖြစ်နိုင်သေးဘူးဆိုရင်တောင်သေချာပေါက် သိမ်းထားတတ်ကြတယ် ။ အဲ့ဒီ အေသွေးပိုင်ရှင်လေးကိုလေ ခန့်မှန်းလို့မရဘူး ပြီးတော့ ချုပ်ချယ်လို့မရဘူး ... ပြောပြပေးလို့ပဲရတယ် ။ ဒါမလုပ်နဲ့ဆိုရင် သူက ပိုပြီးလုပ်ချင်တာမျိုးပေါ့ ။ မသွားနဲ့ဆို ခိုးပြီးသွားတာမျိုး မစားနဲ့ဆို မသိအောင် စားပြီးသွားတာမျိုးလေ ။ စကားချိုချိုလေးတွေ သဘောကျတယ် ကောင်းကောင်းပြောရင် သေချာပေါက်နားလည်တယ် သူကိုယ်တိုင်က မလုပ်တော့ဘူးဆိုတာတော့ ယုံပါ ။ ဒဏ်ရာတွေကို ဖုံးပြီး ပြုံးတတ်တာလေးက လွဲလို့ ... အဆင်ပြေတယ်ဆိုတဲ့စကားကို သုံးပြီး နှုတ်ဆိတ်နေတာကလွဲလို့... အဆင်ပြေအောင် တကယ်ပဲ နေတတ်ပါတယ် ။ သူကိုယ်တိုင် ဂရုမစိုက်တော့ရင်တောင် သူ့ဘေးနားက လူတိုင်းကို ဂရုစိုက်နေရင်း အချိန်တွေ ဖြုန်းနေလိမ့်မယ် ။ သူ့ကိုယ်သူအတွက် မတွေးရင်တောင် သူချစ်တဲ့ လူတိုင်းအတွက်တွေးပေးရင် အချိန်တွေ ကုန်နေလိမ့်မယ် ။ နောက်ဆုံး ... တကယ်ပဲ နာကျင်နေတဲ့အခါ တစ်ယောက်တည်း တိတ်တိတ်ဆိတ်ဆိတ် နေနေလိမ့်မယ် ။ #ကျေးကို

ဘီသွေးပိုင်ရှင်လေးကို ချစ်မိရင် ... အရင်ဆုံး သူ့စိတ်ကို နားလည်ပေးဖို့ လိုတယ်မဟုတ်လား ... အရင်ဆုံး သူ့ပုံစံလေးကို သိထားဖို့ လိုတယ် မဟုတ်လား ... ဘီသွေးပိုင်ရှင်လေးတွေကလေ ခရုလေးတွေနဲ့ တူတယ် အပေါ်ယံ မာကျောချင်ယောင် ဆောင်ထားသလောက် တကယ်တမ်းကျတော့ အရမ်းကို နူးညံ့တတ်တာမျိုးလေ ။ သူ့အကြောင်းကို မသိရင် အရမ်းကို သန်မာနေသလိုမျိုး ပြီးတော့ အရမ်းကို ရင့်ကျက်နေသလိုမျိုးပေါ့ တကယ်တမ်းကျတော့ သိပ်အားငယ်တတ်တာ ။ ဘာမှ မဖြစ်ပါဘူးဆိုတဲ့ စကားတွေ သုံးတတ်သလောက် ဘယ်အရာကိုမဆို စိတ်ထဲ နှစ်ထားတတ်တဲ့ လူစားမျိုးပေါ့ ။ သေးသေးလေးကအစ အရာအားလုံးကို နှလုံးသားနဲ့ ခံစားလိုက်တာမျိုးပေါ့ ။ ပြီးတော့ ဟင့်အင်း မတွေးပါဘူး ဘာမှ ဖြစ်မနေပါဘူးဆိုတဲ့ စကားကို သုံးတယ် ။ သူတို့က အမှတ်သိပ်ကြီးတာနော် လက်စားချေဖို့လည်း မဟုတ်ဘူး အငြိုးထားတတ်လို့လည်း မဟုတ်ဘူး ဒီအတိုင်းပဲ ဘယ်အရာကိုမဆို လွယ်လွယ်လေး မေ့မသွားတတ်ကြတာ များသောအားဖြင့် ပျော်စရာ အမှတ်တရကိုပဲဖြစ်ဖြစ် နာကျင်စရာ အတိတ်ကိုပဲ ဖြစ်ဖြစ် ဘယ်တုန်းကလေဆိုပြီး အစအဆုံးပြန်ပြောပြနိုင်တဲ့အထိကို သူတို့ရဲ့ အမှတ်သင်္ညာက ကြီးလွန်းတယ် ။ တကယ်လို့ သူသိပ်ချစ်မိသွားရင် ... ဘယ်အရာကိုမဆို ဂရုစိုက်တတ်သလောက် သေးသေးမွှားမွှားလေးတွေကအစ နာကျင်ကောင်းနာကျင်နေတတ်လိမ့်မယ် ။ အများကြီး နားလည်ပေးချင်သလောက် အများကြီးလည်း သ၀န်တိုတတ်သေးတာလေ ။ ဒါပေမယ့် နားလည်မပေးနိုင်ဘူးဆိုပြီး အထင်ခံရမှာလည်း သိပ်ကြောက်တော့ များသောအားဖြင့် နားလည်ပေးဖြစ်တာများပါတယ် ။ နောက်မှ ဘယ်သူမှ မသိအောင် ကြေကွဲတတ်တယ် ဆိုပါတော့ ။ အဲ့ဒီဘီသွေးပိုင်ရှင်လေးကလေ ... သိပ်အားငယ်တတ်တာကော သိရဲ့လား ... သူငယ်ချင်းတွေကြားမှာ အပေါင်းအသင်းတွေကြားမှာ အလုပ်ခွင်မှာ ဘယ်ပြဿနာကိုမဆို သူ့ဆီပဲ ရင်လာဖွင့်တတ်ကြတယ် သူ့ကိုပဲ တိုင်ပင်တတ်ကြတယ် ။ ဒါပေမယ့် သူကိုယ်တိုင်ကျ ဘာမှ သိပ်ပြီးမပြောပြတတ်ဘူး ။ တကယ်လို့ မင်းကို ချစ်မိသွားပြီဆိုရင်တော့ အဲ့ဒီ ရင့်ကျက်တာတွေ သန်မာတာတွေ အားလုံးကို အဲ့ဒီ ဘီသွေးပိုင်ရှင်လေးက ခဝါချပြီး မင်းရှေ့မှာ ကလေးဆန်ချင် ဆန်နေမှာ ။ နားလည်ပေးနိုင်မှာလား ဒါမှမဟုတ် အပြစ်တင်နေမှာလား ။ တခြားသူအမြင်မှာ ရင့်ကျက်တယ်လို့ ထင်ခံရသလောက် သူကိုယ်တိုင်က တကယ်တမ်းကျတော့ ပျော့ညံ့ပါတယ် မြိုသိပ်တတ်တယ်ဆိုရုံလောက်ပဲရှိတာ ။ နောက်ပြီး သိပ်အားနာတတ်တာ ။ အဲ့ဒီဒဏ်တွေကိုကော ခံနိုင်ရည်ရှိပါ့မလား ... ပြောရမယ်ဆိုရင် သူ့ဆီမှာ အပူတွေအများကြီး ရှိနေလိမ့်မယ် ပြဿနာတွေ အများကြီးရှိနေလိမ့်မယ် ဒါပေမယ့် အဲ့တာတွေကလေ သူဖန်တီးခဲ့တာ တစ်ခုမှ မပါဘူးနော် ။ သူက ဓားခုတ်ရာကို လက်၀င်လျှိုမိလိုက်သလိုမျိုး ပြဿနာက သူ့ကို တကူးတက မီးထွန်းရှာခံရတဲ့ လူစားမျိုးပေါ့ ။ အဲ့ဒီ အားနာတတ်တဲ့စိတ် သနားတတ်တဲ့စိတ် ငဲ့ညှာတတ်လွန်းတဲ့ စိတ်တွေကြောင့် မကြာခဏဆိုသလို သူ့မှာ ခက်ခဲနေရတာ သူချည်းသက်သက်ဆို သူက အဆင်ပြေအောင် သေချာပေါက် နေတတ်ပါတယ် ။ မင်း သည်းခံနိုင်ပါ့မလား ။ ဘီသွေးပိုင်ရှင်လေးကို ချစ်မိပြီဆိုရင်လေ ... လူနှစ်ယောက်ကို တစ်ပြိုင်တည်းချစ်နေရသလိုမျိုး ဖြစ်နေလိမ့်မယ် ။ တစ်ခါတစ်လေ အရမ်းကလေးဆန်နေလိမ့်မယ် အရမ်းချွဲနေလိမ့်မယ် အရမ်းပျော့ညံ့နေလိမ့်မယ် တကယ့်ကလေးလေးတစ်ယောက်လိုမျိုးပေါ့ ။ တကယ်လို့ ကိုယ်တစ်ခုခုဖြစ်ရင် သူက ကိုယ့်ထက်ပိုပြီး ရင့်ကျက်နေလိမ့်မယ် လူကြီးတစ်ယောက်လိုမျိုး လမ်းပြပေးလိမ့်မယ် ။ ပြီးတော့ ဆုံးမသြဝါဒတွေ အများကြီး ချွေလိမ့်မယ် ။ စဥ်းစားနော် ... ဘီသွေးပိုင်ရှင်လေးကို ချစ်မယ်ဆိုရင် သေချာလေး စဥ်းစားနော် ။ သေချာပေါက် အများကြီး ချစ်ခံရမယ် အများကြီး ဂရုစိုက်ခံရမယ် ဂရုစိုက်လွန်းလို့ တစ်ခါတစ်လေကျ နေရတောင် ကျပ်ချင် ကျပ်နေဦးမှာ ။ တစ်ခုတော့ ... စိတ်ပူရတယ် သူက နာကျင်စရာတွေကို အများကြီးသိမ်းထားတဲ့လူမို့ တစ်ခါတစ်လေကျ အများကြီး မြိုသိပ်ထားလိမ့်မယ် လျှို့၀ှက်ချက်တွေ အများကြီး ရှိလိမ့်မယ် ဒါပေမယ့်အဲ့ဒါဟာ လိမ်ညာချင်လို့ဆိုတာမျိုး မဟုတ်ဘူးနော် မနာကျင်စေချင်လို့ ဖွင့်မပြောတာလောက်ပဲ ။ မလွယ်ဘူး အဲ့ဒီ ဘီသွေးပိုင်ရှင်လေးက ... သူ့ကို ချစ်ဖို့ဆို အများကြီး နားလည်ပေးနိုင်မှပဲ ဖြစ်လိမ့်မယ် ။ #ကျေးကို

အိုသွေးပိုင်ရှင်လေးတွေ အနီးအနားမှာရှိရင် ... နည်းနည်းတော့ ခေါင်းစားရမယ်ထင်တယ် ။ သူ့ပုံစံက ရိုးရှင်းတယ်ထင်ရသလောက် တစ်ခါတစ်လေကျတော့ နားလည်ဖို့မလွယ်လောက်အောင် ခက်ခဲတယ် ။ အထိ အရှလွယ်တယ် အမှတ်အတေးကြီးတယ် ။ သေချာတာတစ်ခုက စိတ်ဆိုးအောင် ဘယ်လောက်ပဲ စနေပါစေ ပြုံးပြုံးလေးပဲ ပြီးတော့ ပျော်ပျော်လေးပဲ ဒါပေမယ့် စိတ်တော့ နာမသွားစေနဲ့ပေါ့ သူတို့တွေက စိတ်နာသွားရင် တကယ်ကိုပဲ ပြတ်သားသွားတတ်တာ ။ စိတ်ထဲ ရှိနေပါစေ အဲ့ဒီလူကို ပြန်လှည့်မကြည့်တတ်ဘူး အဲ့ဒီနေရာကို ဘယ်တော့မှ ပြန်မသွားတတ်ဘူး ။ တစ်ခါတစ်လေကျတော့ တွေဝေတတ်တယ် ။ အဲ့ဒီ အိုသွေးပိုင်ရှင်လေးကလေ တစ်ခုခုကို ဆုံးဖြတ်ချက်မချခင် အချစ်ရဆုံးလူတွေ အားအကိုးမိတဲ့လူတွေကို တိုင်ပင်တတ်တယ် ။ အဲ့ဒီအချိန်လေးပဲ ... ဆုံးဖြတ်ချက်ချပြီးသွားရင်တော့ ပြန်မပြင်တတ်တော့ဘူး ။ အလုပ်တစ်ခုကို တစ်စိုက်မတ်မတ်လုပ်တတ်တယ် ... စိတ်ခံစားချက်ထက် ဖြစ်သင့်တာကို ဦးစားပေးတတ်တယ် ။ များသောအားဖြင့် ... တစ်ယောက်တည်း ရှင်သန်နေတာမျိုး များတယ် ။ ပျော်တယ် မပျော်ဘူးဆိုတာထက် ဒီအရာက အဆင်ပြေမယ်ထင်ရင် ဦးစားပေးတတ်တာများတယ်။ အဲ့ဒီ အိုသွေးပိုင်ရှင်လေးကလေ ... သိပ်ပြီးတော့လည်း ဒေါသကြီးတာ ။ တစ်ခုခု အမြင်မကြည်ရင် အော်မယ် ငေါက်မယ် ပြီးရင် ငါ ပြောတာ မှားသွားပြီလားဆိုတဲ့အတွေးနဲ့ သူပဲ စိတ်မကောင်းတွေ ဖြစ်နေတတ်တဲ့ လူစားမျိုးပေါ့ ။ ကိုယ့်ရှေ့မှာ ဒုက္ခရောက်နေရင် ကူညီဖို့ ၀န်မလေးဘူး ။ တစ်ဇွတ်ထိုး နည်းနည်းလေး ဆန်တဲ့ သူ့အတွက် သေချာပေါက်ကို ထိန်းနိုင်သိမ်းနိုင်မယ့် လူတစ်ယောက်တော့ လိုပါတယ်။ အိုသွေးပိုင်ရှင်လေးကို ချစ်မိသွားမယ်ဆိုရင် နည်းနည်းလေးမဟုတ်ဘူး သူ့ရဲ့ပုံစံကို အများကြီး နားလည်ရမယ် ။ ကိုယ်က သူ့ထက် ပိုရင့်ကျက်နေမှ ရမယ် ။ ကလေးဆိုးကြီးတစ်ယောက်လိုမျိုး တဇွတ်ထိုး ဆန်တတ်သလို ... ဒေါသတွေထွက် တစ်ခါတစ်လေကျ ပြောချင်ရာတွေ ပြောနေတတ်တာ အဲ့ဒီအရာကို မငြိုငြင်မိသွားဖို့လိုမယ် အများကြီး အလိုမလိုက်မိဖို့ လိုတယ် ။ တစ်ခုခုအဆင်မပြေတော့ဘူးဆိုရင် အရမ်းသိသာတာ ။ စကားတွေ အများကြီးပြောတတ်တဲ့ နှုတ်ခမ်းက တိတ်ဆိတ်လို့ ဘယ်နေရာမှာ ထိုးအိပ်နေရမလဲဆိုတာလောက် နေရာရှာတတ်တဲ့ လူမျိုးလေ ။ လူအများကြီးကြားမှာနေရင် စိတ်ရှုပ် ခေါင်းရှုပ်လာတတ်သလို ကီးသိပ်မကိုက်ဘူးထင်ရင် သူကချည်း ဘုနဲ့ဘောက် ထပြီးပြောတတ်တဲ့ လူမျိုးပေါ့ ။ သေချာတာကတော့ အဲ့ဒီ အိုသွေးပိုင်ရှင်လေးချစ်ရင် သေချာပေါက် ကံကောင်းတယ်လို့ မှတ်ပါ ။ ပြိုလဲမယ် ကလေးလိုဆိုးမယ် အများကြီး ရင့်ကျက်မယ် ဒါပေမယ့် ဘယ်တော့မှတော့ တွဲထားတဲ့လက်ကို သူ့ဖက်က ဦးအောင် စလည်းမဖြုတ်ဘူး လူတစ်ယောက်ကို ချစ်မိသွားတာနဲ့ အဲ့ဒီလူအတွက် ဘာမဆို ဖြည့်ဆည်းပေးချင်တာမျိုးပေါ့ ။ တစ်ခုပဲ ရရင်ရသလောက် သုံးတတ်တဲ့ အဲ့ဒီ အိုသွေးပိုင်ရှင်လေးက အရမ်းပဲ လက်ဖွာတယ် ။ ပေးရကမ်းရတာကို သဘောကျနှစ်ခြိုက်တယ် ။ ပင်ပန်းလာရင် အားလုံးရဲ့အဝေးမှာ တစ်ယောက်တည်းနေဖြစ်တာ များတယ် ။ ဒီထက် အများကြီး ရှိသေးပေမယ့် ဒီလောက် အကြမ်းဖျင်းသိထားရင် အရာအားလုံးမဟုတ်တောင် အနည်းအကျဥ်းလောက်တော့ နားလည်ပေးနိုင်မယ်ထင်တယ် ။ #ကျေးကို