ကမ္ဘာကြီးတစ်လုံးကို သယ်ထားရသလို ခါးနာနေတာလား...? မျိုးဆက် ၃ ဆက်လောက် လမ်းလျှောက်လာရသလို အဆစ်အမြစ်တွေ နာနေတာလား...? ဒါဆို ဒီကိုလာခဲ့ပါ....! "နတ်ပန်းညို" လို့ခေါ်တဲ့ အစွမ်းထက် ဆေးဖက်ဝင်အပင် ရှိပါတယ်။ ဘယ်နေရာနာကျ'င်နေပါစေ၊ အဲဒီနေရာကို လိမ်းလိုက်ရုံပါပဲ.....! အဆိပ်ဖြေတာရော၊ အရိုးတွေကို ပြန်လည်ကောင်းမွန်စေတာရော အစွမ်းထက်ပါတယ်။ လူတွေ မနာကျ'င်သေးခင်မှာတောင် ဒီဆေးပင်က ကုသဖို့ အသင့်ရှိနေပါပြီး...! သုံးစွဲနည်းကတော့ သင့်စိတ်ကူးထဲက အချစ်ရေးလိုပဲ လွယ်ကူ ရိုးရှင်းပါတယ်........! ခါးနာ၊ အဆစ်အမြစ်ကို'က်ခဲ၊ အရိုးနာကျ'င်ခြင်း များအတွက် 👉 အရွက်လက်လက်ဆက်ဆက်ကို ထောင်းပြီး နာတဲ့နေရာမှာ အုံပေးပါ။ နည်းနည်းပူပေမယ့် စိတ်ကို ကြည်လင်စေပါတယ်။ သွေးလေမမှန်ခြင်း၊ အတွင်းကြေဒ'ဏ်ရာ များအတွက် 👉 အရွက်လက်လက်ဆက်ဆက်ကနေ အရည်ကိုညှစ်ယူပြီး သောက်ပါ။ (အချိုရည်လို တစ်ရှိန်ထိုး မသောက်ဘဲ ဖြည်းဖြည်းချင်း သောက်ပါနော်) အဖုအပိမ့်ထွက်ခြင်း၊ အရေပြားယားယံခြင်း များအတွက် 👉 နတ်ပန်းညိုရွက်ကို ပြုတ်ပြီး ရေချိုးပါ။ ရိုးရှင်းတဲ့ အိမ်လုပ် Spa ပါပဲ၊ ဒါပေမယ့် အရမ်းကောင်းပါတယ်။ အင်းဆက်ပိုးမွှားကို'က်ခြင်း၊ ပျား၊ နကျယ်ကောင် အကို'က်ခံရခြင်း များအတွက် 👉 အရွက်ကို ထောင်းပြီး ကို'က်ခံရတဲ့နေရာကို အုံပါ။ အဆိ'ပ်ပြေပြီး လူကလည်း သက်သာရာရသွားပါလိမ့်မယ်။ သင့်အိမ်မှာ ဒီဆေးပင်မရှိသေးရင် အခုပဲစိုက်လိုက်ပါ...! နာမှသတိရရင် နောက်ကျနေပြီးနော် !😊 ကျန်းမာချမ်းသာလို့ ပျော်ရွှင်ကြရပါစေခင်ဗျာ 🙏🏻 MON SOUNG #MONSOUNG

ငယ်ငယ်ကလောက် ***ဉာဏ်မကောင်းတော့ဘူး၊ ခုတလော ခဏခဏ မေ့တတ်လာတယ်***ဆိုပြီး စိတ်မကောင်း မဖြစ်ပါနဲ့နော်။ 🤗 ဦးနှောက်ဆိုတာ ဓားတစ်လက်လိုပါပဲ။ သွေးလေလေ ထက်လေလေမို့ ပြန်လည်သွေးယူလို့ ရပါတယ်။ ကိုယ့်ရဲ့ မှတ်ဉာဏ်စွမ်းအားတွေ ပြန်ကောင်းလာဖို့ ဒီနည်းလမ်း (၅) ခုကို ပုံမှန်လေး လုပ်ကြည့်ဖို့ တိုက်တွန်းချင်ပါတယ်။ 👇 (၁) တရားထိုင်ပါ 🧘‍♀️ ******************* တရားထိုင်တာက စိတ်ကို တည်ငြိမ်စေပြီး အာရုံစူးစိုက်မှုကို အားကောင်းစေပါတယ်။ နေ့စဉ် ပုံမှန်လေး တရားထိုင်ပေးတာက မှတ်ဉာဏ်စွမ်းရည်ကို သိသိသာသာ မြင့်တက်လာစေမှာပါ။ (၂) ချရေးပါ၊ မှတ်စုထုတ်ပါ ✍️ *************************** "နှစ်ထပ်ရှိမှ မှတ်မိတယ်" ဆိုတဲ့ စကားလိုပါပဲ။ ခေါင်းထဲမှာပဲ မှတ်ထားမယ့်အစား စာအုပ်ထဲမှာ ချရေးလိုက်တာက ဦးနှောက်ကို ပိုစွဲမြဲစေပါတယ်။ မေ့သွားရင်လည်း ပြန်လှန်ကြည့်လိုက်ရုံပဲလေ။ (၃) အိပ်ချိန်၊ ထချိန် မှန်ပါစေ ⏰ ****************************** ဦးနှောက်က ညဘက် လူအိပ်ပျော်နေတဲ့အချိန်မှာ အလုပ်လုပ်ပါတယ်။ မလိုအပ်တဲ့ အချက်အလက်တွေကို ဖျက်၊ လိုအပ်တာတွေကို သိမ်းဆည်းပြီး ဦးနှောက်ကို ‘သန့်ရှင်းရေး’ လုပ်တာပါ။ ဒါကြောင့် ညဘက်တွေမှာ ပြည့်ဝစွာ အိပ်စက်ဖို့ လိုပါတယ်။ (၄) လေ့လာမှုတွေ မရပ်လိုက်ပါနဲ့ 📚 ********************** စက်ပစ္စည်းတွေတောင် မသုံးဘဲ ပစ်ထားရင် သံချေးတက်သွားသလို ဦးနှောက်ကလည်း မသုံးရင် လေးလံသွားတတ်ပါတယ်။ စာဖတ်ပါ၊ အသစ်အဆန်းတွေ လေ့လာပါ။ ဦးနှောက်ကို အမြဲတမ်း Active ဖြစ်နေအောင် ထားပါ။ (၅) စိတ်ဖိစီးမှုတွေ လျှော့ချပါ 💆‍♂️ **************************** Stress များလာရင် ဦးနှောက်က ကောင်းကောင်း အလုပ်မလုပ်နိုင်တော့ပါဘူး။ ဒါကြောင့် စိတ်ဖိစီးမှုတွေကို တတ်နိုင်သမျှ လျှော့ချပြီး နေထိုင်တာက မှတ်ဉာဏ်အတွက် အကောင်းဆုံး ဆေးတစ်လက်ပါပဲ။ ဒီအချက်လေးတွေကို နေ့စဉ်ဘဝမှာ အကျင့်လုပ်ပြီး လိုက်နာကြည့်မယ်ဆိုရင် ဉာဏ်ကောင်းပြီး ထက်မြက်တဲ့သူတစ်ယောက် ဖြစ်လာမှာ အသေအချာပါပဲနော်။ 💪✨ သူငယ်ချင်းတွေလည်း သိရအောင် ဒီ Post လေးကို Share ပေးသွားပါဦး။ Family Cooking ++++++++++++++++ #ဆေးနည်း #ကျန်းမာရေး #familycooking #မေ့ #ခဏခဏ

#အရက်ဆိုင်ထဲမှာ အရက်သောက်နေတဲ့တပည့်က လမ်းမပေါ်ကနေ လမ်းလျှောက်လာတဲ့ဆရာကိုမြင်တော့ နောက်ကနေ လိုက်လာပြီး ပြုံးဖြဲဖြဲနဲ့လာနှုတ်ဆက်တယ်။ #လက်ဖက်ရည်ဆိုင်ထဲဝင်တုန်းက သောက်လက်စ ဆေးလိပ်ကလေးဝှက်ပြီး ဆရာနေကောင်းလား ဘာလား လာနှုတ်ဆက်တဲ့တပည့်မျိုးနဲ့ကြုံဖူးတယ်။ #တစ်ခါတစ်လေ ဘောလုံးကွင်းသွားရင် ဆရာဝင်ကန်လို့ရအောင် ခဏထွက်ပေးမယ့် တပည့်မျိုးလည်း ကြုံဖူးတယ်။ #ပျက်နေတဲ့ကိုယ့်ဆိုင်ကယ်လေးကို စေတနာပါပါပြင်ပေးပြီး ဆိုင်ကယ်ပြင်ခကို ဘယ်လိုပေးပေးမယူတဲ့အင်္ကျိမှာဆီချေးအထပ်ထပ်နဲ့တပည့်မျိုးနဲ့လည်းကြုံဖူးခဲ့တယ်။ #အမှန်အတိုင်းပြောရရင် သူတို့လေးတွေက ကိုးတန်း ဆယ်တန်းတုန်းက စာမတော်ခဲ့ဘူး။ သူတို့လေးတွေအတွက် ကျွန်တော်သိပ်ပြီး မကြိုးစားပေးမိခဲ့ဘူး။ ဂုဏ်ထူးရမယ့် တပည့်လေးတွေလောက် အားမကိုးမိခဲ့ဘူး။ ဆယ်တန်း အောင်ချက်နဲ့ ဂုဏ်ထူးရရေးကိုသာ အဓိက ပေးပြီး ကြိုးစားခဲ့မိတယ်။ #အောင်သွားသူတွေ ဂုဏ်ထူးရသွားသူတွေအတွက် ကျွန်တော်ဂုဏ်ယူမိခဲ့တာအမှန်ပဲ။ #ဒါပေမယ့် ဆယ်တန်းမအောင်ဘဲ အပြင်မှာ ဘဝကိုရုန်းကန်နေတဲ့တပည့်တွေအတွက် ဂုဏ်ယူပေးဖို့ ကျွန်တော်မေ့နေခဲ့မိတယ်။ #တစ်ချို့ဆယ်တန်းအောင်တပည့်တွေက ကိုယ့်ကိုနှုတ်ဆက်ဖို့ တွန့်ဆုတ်နေချိန်မှာ အပြင်ရောက်သွားတဲ့ကလေးက အရက်မူးမူးနဲ့ လာနှုတ်ဆက်နေတယ်။ #ဂုဏ်ထူးရဖို့ဖိပြီးကြိုးစားလုပ်ပေးခဲ့တဲ့တပည့်ထက် မထင်မှတ်ဘဲ အောင်သွားတဲ့တပည့်က ကိုယ့်ကို တွေ့တိုင်း နှုတ်ဆက်ပြုံးပြဖော်ရတယ်။ #လက်ဖက်ရည်ဆိုင်မှာ တက္ကသိုလ်ကျောင်းသားကြီးက game ကစားမပျက်ပေမယ့် ဆယ်တန်းမအောင်ဘဲ အပြင်ရောက်သွားတဲ့ကလေးက ဆေးလိပ်ကလေး ဝှက်ပြီး လာနှုတ်ဆက်တယ်။ #ကိုယ်ဟာ တစ်ချို့တပည့်တွေအတွက် hero တစ်ယောက်ပါလို့ကိုယ့်ကိုယ့်ကိုထင်ခဲ့မိတယ်။ တကယ်တော့ အဲဒီတပည့်တွေက ကိုယ့်ကို သတိရပုံတောင် မပေါ်ဘူး။ #ဒါပေမယ့် ကိုယ်သတိမထားမိတဲ့ တပည့်တွေက ကိုယ့်ကို hero တစ်ယောက်အဖြစ် သတ်မှတ်ထားတာရှိတယ်ဆိုတာကို တွေ့လာရတယ်။ #အောင်ချက်နဲ့ ဂုဏ်ထူးက ဆရာတွေအတွက် ဂုဏ်ယူစရာဖြစ်နေခဲ့တော့ ပညာမတော်တဲ့တပည့်လေးတွေက ဂုဏ်ငယ်စရာတွေပေးသလိုဖြစ်နေခဲ့တယ်။ #အခုတော့ နားလည်လာပါပြီ။ ကျွန်တော်တို့ကိုယ်တိုင်က ပညာနောက်လိုက်ရင်း စိတ်ဓာတ်နဲ့ စည်းကမ်းတွေကို မေ့လာကြတယ်။ စိတ်ဓာတ်လေးတွေကိုပြင်ပေးဖို့ထက် ကျက်ထား၊ တွက်ထားတဲ့စာအမှားတွေကိုပြင်ပေးဖို့ စိတ်သန်နေခဲ့တယ်။ လူ့ဘောင်စည်းမျဉ်းနဲ့အညီနေတတ်ဖို့ထက် အမှတ်ပေးစည်းမျဉ်းနဲ့အညီဖြေတတ်ဖို့ကိုပဲ ဦးစားပေးခဲ့မိတယ်။ #တက္ကသိုလ်မှာအပျော်လွန်ပြီး စာမေးပွဲကျတဲ့တပည့်တွေရဲ့သတင်းတွေကြားမိတော့ ပုစ္ဆာတွက်နည်းတွေပဲသင်ပေးခဲ့မိပြီး ကိုယ့်ဘဝကိုယ်ထိန်းနည်းတွေမသင်ပေးခဲ့မိတဲ့ ကျွန်တော့်ကိုယ့်ကျွန်တော် စိတ်မသန့်ဘူး။ #ပညာမတော်ချင်နေ ဘဝမှာ စိတ်ဓာတ်နဲ့ စိတ်ကမ်းကောင်းရင် ထိပ်ဆုံးရောက်နိုင်သေးတယ်ဆိုတာ တပည့်တွေကို ပြောပြဖို့ အကြိမိကြိမ်ဆွံ့အ ခဲ့မိတယ်။ #တပည့်ရေ ဆရာ့ကိုခွင့်လွှတ်ပေးကြပါ။ အောင်ချက်နဲ့ဂုဏ်ထူးက လောလောဆယ်နိုင်ငံတော်ရဲ့ အလိုချင်ဆုံး product တွေဖြစ်နေတော့ စိတ်ဓာတ်နဲ့စည်းကမ်းပိုင်းကို တော်တော်လေး မလေးမထား ပေါ့လျော့မိခဲ့ပါတယ်။ #စာရိတ္တအချိန်တိုင်း physics စာအုပ်ယူခိုင်းတုန်းကယူခိုင်းပြီးမှ ကျွန်တော်တပည့်တွေထဲက တစ်ချို့က ဆရာတွေကို နှုတ်ဆက်ဖော်တော်မရဘူးလို့ ပြောရင် ကျွန်တော်ပဲလွန်မှာပေါ့။ #ကာယအချိန်အတိုင်းအင်္ဂလိပ်စာတွေသင်ပေးခဲ့ပြီးမှ နောက်လာတဲ့ကလေးတွေ အားကစားမှာ ညံ့လာတယ်လို့ ကျွန်တော် မဝေဖန်ရဲတော့ဘူး။ #ပန်ချီ/ရသ/သက်မွေးချိန်မှာ သင်ရိုးနောက်မမှီတဲ့ဘာသာကို အစားထိုးတွန်းတိုက်သင်တုန်းကသင်ပြီးမှ ခေတ်ကလေးတွေ တိုင်းတစ်ပါးယဉ်ကျေးမှုကို အထင်ကြီးလာတဲ့အကြောင်း အာမချောင်ချင်တော့ဘူး။ #ဘဝချိန်မှာ ဘာသင်ရတာလဲတောင် မသိတဲ့ ကလေးတွေ အများဆိုတော့ လူမှုနေထိုင်ရေးနဲ့ဆက်ဆံရေးမှာ ဘယ်လိုယဉ်ကျေးလာတော့မလဲ။ #အောင်ချက်နဲ့ ဂုဏ်ထူး အရေးကြီးနဲ့စနစ်မှာ ဒါတွေကို တကူးတကလာသင်ပေးနေရင်ရော ဘယ်သူက အလေးထားပါ့မလဲ။ #ပြောရင် မုန့်လုံးစက္ကူကပ်လာနိုင်တယ်။ #အစွယ်လိုသူရယ် အသွားစေခိုင်းသူရယ် #လေးပစ်သူ ကျွန်တော်တို့ရယ် အားလုံးက တစ်လမ်းထဲလျှောက်လာတာပဲလေ။ #ပညာတော်ပေမယ့် စိတ်ဓာတ်ပျက်လာတဲ့တပည့်တွေနဲ့စည်ကမ်းလိုက်နာနိုင်စွမ်းနည်းတဲ့တပည့်တွေကို မြင်မိတိုင်း ကိုယ်လည်း ကြံရာပါတစ်ယောက်ဖြစ်ခဲ့သလို ခံစားမိရင်း.......။ crd #Credit:......

ကင်ဆာ ထိတောင် ပျောက်ကင်းနိုင်ပြီး ဆီးချို၊ သွေးတိုး၊ မီးယပ်ရောဂါနဲ့ လေးဖက်နာတွေအတွက် အစွမ်းထက်တဲ့ လက်ပံပွင့် အညာဒေသ များမှာ ”လက်ပံပွင့်’ အများ ပေါက်လေ့ရှိကြပါတယ်။ အညာဒေသ အခေါ်အဝေါ် အမျိုးမျိုး ရှိကြပါတယ်။ ကရင်ပြည်နယ်ဒေသများတွင်”လက်ပံပွင်’အနည်းအများအလိုက်ပေါက်လေ့ရှိကြပါတယ်။ ကျမတို့ ကရင်ပြည်နယ် ကောကရိတ်မြိုနယ်ကျုံဒိုးမြို့ အမှတ်( ၄ ) ရပ်ကွက် အဘိုအဘွားခေတ်ကဆိုရင် ကျွန်းကလေးများမှာ လက်ပံပွင် အများအပြား ကျမတို့ အဘို အဘွား လက်ထက်ကတည်းက ရှိကြပါတယ်။ ယခုကျမတို့လက်ထဲမှာ” လက်ပံပွင်” တစ်ပင်တည်း ပဲရှိပါတော့တယ်။ လက်ပံပွင်’”ဆေး ဖက် ဝင် တယ်ဆိုတာ တောရုံတန်ရုံဘယ်သူကများမသိကြပါဘူး။ တချို့ဒေသ များမှာ စားလေ့ရှိကြပါတယ်။ ဆေး ဖက် ဝင်မှန်လည်မသိကြပါဘူး။တစ်ချို့ဒေသများလည်” လက်ပံပွင်”ကိုစားရမှန်မသိကြပါဘူး။ ထိုင်း နိုင်း ငံရွေကျောင်း/ ငွေကျောင်းနာမှာဆိုရင်” လက်ပံပွင်” ထိုင်းလူမျိုးများက စားလေ့ မရှိကြပါဘူး။ စားလည်မစားကြပါဘူး။ ကျ မ တို့မင်္ဂလာဆောင်ပြီးထိုင်းနိုင်ငံအလည်အပတ်သွားကြပါတယ်။ကျမတို့ရွေကျောင်းဘုရားသွားဖူကြပါတယ်။ ငွေကျောင်း ဘုရားသွား ဖူးကြပါတယ်။ငွေကျောင်းဘုရားသွားဖူတော” လက်ပံပွင်’”အပင်ကြီးကြီးကို ထိုင်းလူမျိုးကဆိုရင်” လက်ပံပွင်”ကောက်ပြီးအမှိုက်ပုံထဲထည်ကြပါတယ်။ ငွေကျောင်းဘုရားသန်ရှင်ရေအဖွဲ့ခေါင်ဆောင်းကိုကျမမေးကြည်လိုက်ပါတယ်။ ထိုင်းဘာသာစကားဖြင့်မေးကြည်ပါတယ်။ အ နိ ထန် မလိုင် မေးကြည်တော ထိုင်းနိုင်ငံ သန့်ရှင်းရေး အဖွဲ့က ကင်မိတ်ဒိုင် ( စာလို့မရဘူးဟုတယ် ) ထိုင်းဘာသာ ဖြင့် ပြန်ပြောပါတယ်။ ကျမ ကပြောပြပါ တယ်။ ကင်ဒိုင်= စားလိုရတယ်။ ထိုင်း နိုင်ငံသား တွေက ပြုံးကြပါတယ်။ သူတို့ အံ့သြကြပါတယ်။ စားလို့ရလို့ ဆိုတော သူတိုအံ့သြကြလို ကျမအတွက်ကတော လက်ပံပွင့်ဟာ ဆေး အဲဒီဆေး အကြောင်း ဆက်ပြောပြမယ်နော်။ ကျမတို့ အဘိုအဘွား လက်ထက်က ဆေးဖက်ဝင်တဲ့ လက်ပံပွင့် လက်ပံပွင့် ဆေးဖက်ဝင်ပုံ ( က ) ဆီးချိုး ရောဂါသမားအတွက် လက်ပံပွင့်ကိုပြုတ်စားပါ။ လက်ပံပွင်ကိုဟင်းချိုချက်စားပါ။ ( ခ ) သွေးတိုး ရောဂါသမားအတွက် ဇီသီးနဲလက်ပံပွင် ရောပြီး ဟင်းချို ချက်စားပါ။ ( ဂ ) မီးယပ် ရောဂါသမားအတွက် လက်ပံအခေါက် ပြုတ်ပြီးသောက်ပါ။ ( ဃ ) လေးဖက်နားသမားအတွက် လက်ပံပင်အမြစ်ကိုသွေးပြီးသောက်ပါ။ ပြီးလျှင်ခြေဆစ် လက်ဆစ်ကို လိမ်းပေးပါ။ လေးဖက်နားရောဂါ( ၃ ) မျိုးရှိကြပါတယ်။ နံ ပါတ်( ၁) ပိုးလေးဖက်နား နံပါတ်( ၂ ) သွေးလေးဖက်နား နံပါတ်( ၃ ) အရေပြာလေးဖက်နာ လေးဖက်နာအမျိုးအစားသုံးမျိုးရှိကြပါတယ်။ လေးဖက်နားရောဂါရှိပြီဆိုရင် လက်ပံပွင့်အမြစ်ကို ကျောက်ပျဉ်နဲ့ သွေးပြီး ဆားအနည်းငယ် ထည့်ပြီးသောက်ပါ။လေးဖက်နာ ပိုးတွေ အားလုံး သေစေမည်။ နံပါတ်( ၄ ) ရင်သားကင်ဆာဆေးနည်း လက်ပံအခေါက်ကိုသွေးပြီးရင်သာကင်ဆားသမားအတွက်သောက်ပေးပါ။ ရင်သာအနားတစ်ဝိုက်လိမ်းပေးပါ။ ရင်သားကင်ဆာ( ၃ ) မျိုး အဆင့်( ၁ ) ရင်သာကင်ဆာ ပထမအဆင့်ကတော့ လက်ပံပွင်အရွက်ကိုခြွေလိုက်ပါ။ လက်ပံပွင် အလွာပွင်လေးကို ဇွန်းနဲ့ခြစ်ယူပြီး သကြားနဲ့ ဖျော်ပြီးသောက်ပါ။ အရသာ ချွဲပျစ်ပျစ် ကလေးနဲ့ ချဉ်ပြုံးလေးနဲ့ ပါ။ အဆင့်( ၂ ) လက်ပံပွင့် အခေါက်ကို ကျောက်ပျဉ်နဲ့ သွေးပါ။ ရင်သား တစ်ဝိုက် ထူထူလိမ်းပေးပါ။ ရင်သားနာခြင်း အလုံးတည်ခြင်း လျော့နည်း စေပြီး ပဂတိအတိုင်း သက်သာ ပျောက်ကင်းပါတယ်။ အဆင်( ၃ ) လက်ပံပွင်အခေါက်ကိုသွေးလိမ်းပါ။ သွေး ပြီးသောက်ပါ။ ရင်သား တစ်ဝိုက် လိမ်းပေးပါ။ ရင်သား ကင်ဆာကုလို့မရတဲ့ အထိဖြစ်သွားပြီဆိုရင် မနက်တစ်ကြိမ် နေ့လည်တစ်ကြိမ် ညနေတစ်ကြိမ် ( ၃ ) လတိတိ လိမ်းပေးယုံဖြင့် ပျောက်ကင်း ပါသည်။ ရှေးခေတ် လူကြီးပေးသော ဆေးနည်းတစ်လက် ဆေးဒါန ဖြန်ဝေ ပေးဝေ နေပါသည်။ Credit: Edkza_ယမင်း ဖြူ #ကျန်းမာရေးဗဟုသုတရကြပါစေ #sweswe #frypanシ゚viralシ #fblifestyle

ယောင်္ကျားတစ်ယောက် က ကာမပိုင် မိန်းမတစ်ယောက် ရှိပြီးသွားရင် ကြောင် ၅ ကောင်ကို သတ်ရတယ် ဇီဇာ / သဝန် / သရဲဘော / သတ္တိ/ ဖွန် ဆိုတဲ့ ကြောင် (၅)ကောင် ကို အသေသတ်ရပါတယ်တဲ့ အဲ့ဒါကို မယားနေ စ ကြောင်သေမှ လို့ခေါ်တယ် မိန်းမတစ်ယောက် က ကာမပိုင် ယောင်္ကျားတစ်ယောက် ရှိပြီးသွားရင် ဆင် ၅ ကောင်ကို သတ်ရတယ် အပြောအဆို / အနေအထိုင် / အသွားအလာ / အသုံးအစွဲ / အပျံ့အလွင့် ဆိုတဲ့ ဆင်ခြင်စရာ ဆင်(၅)ကောင် ကို အသေသတ်နိုင်ရမယ် အဲ့ဒါကို လင်နေစ ဆင်သေမှလို့ ခေါ်ပါတယ် လင်နဲ့မယားဆိုတာ လျှာနဲ့သွား ဖြစ်တဲ့အပြင် ဘဝ နောက်ဆုံးအချိန်တွေရဲ့ လက်တွဲဖော်ဆိုလဲ ဟုတ်တယ် အဲ့အတွက်ကြောင့် တဦးအပေါ်တဦးက ဘယ်လိုပြသာနာအခက်အခဲတွေ ရှိလာရှိလာ ဖေးမကူတွဲပြီး နားလည်မှုအပြည့်နဲ့သစ္စာရှိဖို့ ရှေ့ဆက် လက်တွဲခိုင်မြဲဖို့သာ အဓိက မို့ အမြဲ ၂ယောက်လုံး အဆင်ပြေပြေနေကြမယ်ဆိုတဲ့ အတွေးပဲ နှလုံးသွင်းထားဘို့ လိုအပ်လှပါတယ်ဆိုတဲ့အကြောင်းးး လေးပြောချင်လို့ပါ

အိမ်တိုင်းအိမ်တိုင်းမှာ မုရိုးပင် တပင်လောက်တော့ စိုက်ထားသင့်တဲ့ အကြောင်းအရင်း🌿🌿🌳 အရိုးတစ်ချောင်းမှာ အရွက်က တစ်ဖက်တစ်ချက် ထွက်ပြီး အကိုင်းဖျားအထိ အရွက်က အစိမ်းရောင်ရင့်ရင့်၊ အမွှေးနုပါတဲ့ဖက်က အဖြူရောင်ဖက်ကို နဲနဲယိမ်းပါတယ်။ အသီးက စိမ်တစ်လုံး သရက်လို ပုံသဏ္ဌာန်ရှိတယ်။ ဒါပေမဲ့ အထဲမှာက လေအပွသီး ဝတ်ဆံအနက်နဲ့၊ အမွှေးမျှင်မျှင်တွေ လေမှာပျံပြီး မျိုးပွားတယ်။ ACID ဓါတ်များပါတယ် ကျွဲမရိုးလည်း ခေါ်တယ် တောင်မရိုးပင်လည်း ခေါ်တယ်။ အညာဒေသမှာတော့ မရိုးပင်လို့ ခေါ်ပါတယ်။ ကျွဲပေါက်ပင်လို့လည်း ခေါ်ပါတယ်။ ရခိုင်ဒေသမှာ မုရိုးပင်ကို ဖြူကြီးပင်လို့ခေါ်တယ်။ ငဖြူ ကြီးပင်လို့လည်းခေါ်ပါတယ်။ပြည်ဘက်မှာတော့ နွားဖြူကြီးပင်(နွားနို့ခဲ) အပင်လို့ ခေါ်ပါသည်။ ဆေးနည်းများ (၁) ဒူးနာ ခါးနာဖြစ်ရင် အရွက်ကို ရေနဲ့ သေချာဆေးပါ။ ပြီးတော့ အရွက်ကို မီးကင်ပြီး ၂ည ၃ည ပတ်စီးပေးရင် ယူပစ်သလို ပျောက်ပါတယ်။ (၂) လေးဘက်နာပျောက်တယ် အပင်ရော အမြစ်ပါမကျန်နူတ်ပြီး အိုးထဲမှာထည့် အပေါ်ကနေ ဆေးရွက်ကြီးအုပ် ရေထည့်ပြုတ်ပါ။ အဲဒီရေကို ချိုးပေးပါ။ နောက်တနည်းကတော့ မရိုး အမြစ်နဲ့ ဆန်ဆေးရည် သွေးပြီး လိမ်းရင်လည်း အဆစ်အမြစ်ရောင် လေးဖက်နာ ပျောက်ပါတယ်။ (၃) ခြေထောက်ခေါက်လဲလို့ မျက်သွားပြီး ယောင်ကိုင်းနေရင် မုရိုးစေးကို အသာလေး ပွတ်လိမ်းပေးပြီး အရွက်ကို မီးကင် လက်လေးနဲ့ အသာလေးချေ အပြန့်လိုက် ကပ်ပြီး ပိတ်စနဲ့ စည်းထားလိုက်ပါ။ (၄) ကြွက်နို့ကိုဖြတ်ပြီး အစေးနဲ့ တို့ထားရင် အမြစ်ပါ စားပြီး ကျင်းခွက်လို ဖြစ်သွားတယ်။ ပြီးတော့ ပျောက်သွားတယ်။ ငါးမျက်စိ ပေါက်နေသူများ မုရိုးရွက်ကို ချိုးလိုက်တဲ့အခါ ထွက်လာသော အစေးနဲ့ ခဏခဏ တို့ပေးပါ။ အလိုလို ထွက်ကျလာမည်။ (၅) ခြေထောက်မှာ ဝတ်ဆံတည်တာကို ခြေပူနာလို့ ခေါ်ပါသည်။ ကြက်ဆူး ထည့်သွားပြီဆိုရင် ခဲနင်းမိပါက အမလေး တ ရတဲ့ အနာပါ။ အနာထိပ်ကို ဓားနှင့် လှီးပြီး အစေးကို သုတ်လိမ်းပေးပါက ပျောက်ပါသည်။ (၆) အမျိုးသမီးများ သားအိမ်အတွင်း သွေးလုံး လေလုံးဖြစ်ခဲ့ပါလျှင် မုရိုး၅ပွင့်ကို နှမ်းဆီနှင့်ကြော်စား၊ ဝမ်းဗိုက်ကို မုရိုးစေးနှင့် ဆနွင်းမှုန့် ဆတူရောစပ် လိမ်းပေးပါက တဖြည်းဖြည်း သေးငယ်ပြီး သက်သာပျောက်ကင်းစေပါတယ်။ ဓမ္မတာမမှန်တာ သွေးမပေါ်တာဆိုရင် အရည်ညှစ်ပြီး နှစ်ခေါင်းထဲကို တစ်စက်ဆီ ထဲ့ပေးပါ။ သွေးချက်ချင်း ဆင်းပါတယ်။ (၇)ပန်းနာ ရင်ကြပ် ရောဂါ ပျောက်ပါတယ် မရိုးပင်ကို ၃လက်မ လောက်ဖြတ်ပြီး နေလှမ်းပါ။ ခြောက်သွေ့တဲ့အခါ မီးရှို့ပြာချပါ။ ပြာကို ရေစိမ် မွှေပေးပြီး အနယ်ထိုင်ရင် အရေကြည်ကို ဆားချက်ပါ။ မုရိုးကြီးရုက္ခမူ ဆားရမယ်။ အဲဒီဆား တစ်ပဲသားကို ပျားရည် တစ်ဆယ်သားနဲ့ ရောသမမွှေ သုံးဆောင်ပါ။ (၈) ဆူး စူးပြီး ဆူးကိုထွင်လို့ မရတဲ့အခါ ဒီအပင်ရဲ့အစေးကို ထည့်လိုက်ပါ။ နာရီ အနည်းငယ်ကြာတဲ့အခါ ဆူးက သူ့အလိုလို အပြင်ကို ထွက်လာပါတယ်။ ဆူး စူးပြီး အနာဝ ပိတ်သွားလို့ ဆူးကျန်ပြီး အထဲက နာနေလျှင်လည်း အနာဝကို ဖွင့်ပြီး အစေးချ အရွက်မီးကင် ကပ်လိုက်တာ ညောင့်ထွက်လာပါတယ်။ ခြေထောက်မှာ ဆူးစူးလို့ ရှာမရဖြစ်နေရင် အစေးကို အနာဝပေါ် တို့ပြီး အရွက်ကို မီးကင်ကပ်ရင် ဆူးထွက်ပါတယ်။ ပတ်တီးဖွဖွလေး စည်းထားရင်လည်း အဆင်ပြေပါတယ်။ ကန္တာရဆူး စူးပြီး တော်တော်နာနေတာ အပ်နဲ့ကော်ထုတ်လဲ မရပါ။ အသိတစ်ယောက်ကပြောလို့ မုရိုးအစေးနဲ့ ကပ်လိုက်တာ နောက်နေ့ အနာကိုညှစ်လိုက်တော့ ဆူးပါသွားတယ်။ (၉) ချောင်းဆိုး တီဘီ အဆုတ်နာ မုရိုးရွက် တစ်ရွက်၊ ကွမ်းရွက်တစ်ရွက်၊ ဆားအနည်းငယ် ထည့်ပြီး ပြာချပါ။ အဲဒီပြာကို လျှက်ဆားလို တစ်နေ့ အနည်းငယ် လျှက်ပေး ပါ ပျောက်ပါတယ်။ (၁၀) အနာစိမ်း မွှေးကျွတ်နာ အနာလုံးများပေါက်ရင် အနာပေါ်မှာ အရွက်ကို မီးလေးပြပြီး ကပ်ထားပါက အလျှင်အမြန် ပျောက်ကင်းပါသည်။ (၁၀) ထိပ်ကပ်နာခေါ်တဲ့ နှာပိတ်ရောဂါကို မရိုးအစေးဖြူလေး နှာခေါင်းထိပ်ထဲ ထည့်ပေးပြီး ၁၀မိနစ်လောက်နေရင် နှာဆက်တိုက်ချေပြီး နှပ်ပုတ်များ ထွက်လာကာ သက်သာ-ပျောက်ကင်းပါသည်။ ထိတ်ခတ်နာကို အရွက်ကိုနေလှန်း ဆေးလိပ်လိုလိပ်၍ မီးရှို့ပြီး ရှူပါ။ ပြီးတော့ နှာခေါင်းမှ ပြန်ထုတ်ပါ။ ပျောက်ကင်းပါသည်။ ထိပ်ကပ်နာ နားခေါင်းယားလျှင် အရွက်ကို ချေပြီး ရှူပေးပါ။ မရိုးရွက်ကို အခြောက်လှမ်း ဆေးလိပ်တွင် ထည့်ကာ မီးခိုးကို ရှူပါက နှာရည်များကျကာ ပွင့်သွားပါသည်။ တစ်သက်လုံး မယားတော့ပါ။ နှာခေါင်းပိတ်(ထိပ်ကပ်နာ) အသက်ရှူကြပ်ရောဂါရှိသူများ မရိုးရွက်မီးကင်ကို နှာခေါင်းအတွင်းမော့၍ ညှစ်ထည့်ပါ။ ခဏအကြာတွင် နှာချေ၍ နှာခေါင်းအတွင်းမှ အဝါရောင် အညစ်ကြေးများ ထွက်လာပြီး လုံးဝကောင်းသွားပါမည်။ ဆေးလိပ် အသောက်များသူများ မရိုး အရိုးအခြောက်ကို ဆေးလိပ်သောက်သကဲ့သို့ တစ်ဖက်မှမီးရှို့၍ တစ်ဖက်မှရှူပေးလျှင် ဆေးလိပ်ချိုး ချေးများ ပြန်အန်ထွက်လာပါလိမ့်မည်။ နှာခေါင်း ခဏခဏ ပိတ်ရင် မုရိုးရွက် အခြောက်ကို မီးခဲပေါ်တင် ရှူပါက သက်သာတယ်။ မုရိုးခေါ် မရွေး တစ်နည်း ဖြူကြီးရွက် ၇ ရွက် ဖင်ပြန် ခေါင်းပြန် ထပ်ပါ။ ထပ်ပြီးရင် ကတော့ထိုးပါ။ ကတော့ထဲမှာ ဆားထည့်ပြီး မီးဖြင့်ဖုတ်ပါ။ ရလာသော ဆားမီးဖုတ်ကို တစ်နေ့ သုံးကြိမ် ရွေးစေ့ငယ်ခန့် လျှက်ပေးပါက ပန်းနာရင်ကြပ် လုံးဝ အမြစ်ပြတ် ပျောက်ပါတယ်။ တစ်လလောက် သီးခံလျှက်ပေးပါ။ (၁၁) အစာအိမ်ရောဂါ ဖြစ်ပါက မုရိုးရွက်တစ်ရွက်ကို အရင်းအဖျား စတိပယ်ပါ။ ရှောက်ရွက် ခုနစ်ရွက်၊ အိမ်သုံးဆား ခုနစ်ကျပ်သား ရောပြီး အိုးထဲထည့် အလုံပိတ် မီးဖုတ်။ ပြာကျ သွားပါက အစာစားပြီးတိုင်း လျှက်ပေးပါ။ ပျောက်ကင်း၏။ (၁၂) သွားကိုက်ရင် သွားအခေါင်းထဲကို ဂွမ်းစလေးနဲ့ သူ့အစေးကိုတို့ပြီး သိပ်ထားပါ။ ခဏနဲ့ ပျောက်ပါတယ်။ သွားအခြေကို အစေးတို့ပြီး ငါးမိနစ်ခန့်အကြာမှာ အဲဒီသွားကိုနှုတ်ရင် အလွယ်တကူ ကျွတ်ပါတယ်။ အသံမထွက်တဲ့လူများ အသံ ထွက်လာပါလိမ့်မယ်။ ဆေးနည်းကတော့ အရွက်ကို ခြောက်အောင်နေလှမ်းပါ။ ခြောက်တဲ့အရွက်ကို မီးကင်ပါ။ ပြာဖြစ်အောင် ကင်ရမှာပါ။ အဲဒီကင်ပြီးသား အရွက်ကို အမှုန့်ကြိတ်ပြီး ပျားရေနဲ့ နယ်ကာ လက်ဖက်စားဇွန်းနဲ့ တစ်နေ့ သုံးကြိမ် နံနက် နေ့ ညနေ စားပေးပါ။ ၃လကြာရင် အသံထွက်လာပါမယ်(မွေးရာပါ စကားမပြောနိုင်တဲ့ လူများ မပါပါ။) မြင်းစဂုံနီမြစ် မရိုးမြစ် မိုးနံမြစ်တို့ကို သွေးပြီး လိမ်းပါက အနာမျိုးစုံပျောက်ပါသည်။ သံနဲ့ ထိခိုက်မိရင် ချက်ချင်း သူရဲ့အစေး အဖြူရောင်ကို အနာမှာထည့်ပါ။ မူရင်းရေးသားသူများအားလေး စားစွာခရက်ဒစ်ပေးပါသည်။ #မြန်မာတိုင်းရင်းဆေး #ကျန်းမာရေးဗဟုသုတရကြပါစေ #sweswe #frypanシ゚viralシ

ရှေးလူကြီးသူမတို့‌၏ အမှာစကားများထဲ၌ ... အိမ်ရှေ့မှာ တမာ၊ အိမ်နောက်မှာ ကတက် မလုပ်ပဲလည်း စီးပွားတက် ဟု ဆိုခဲ့၏။ ယနေ့ခေတ်၌ ထိုသို့ ပြောမည်ဆိုလျင်... ရူးပကွာ မလုပ်ပဲနဲ့တော့ ဘယ်လိုလုပ်စီးပွား ကြီးပွားမှာလဲ ဟု အငြင်းပွားကြမည်မှာ အမှန်။ ။ အရိုးသားဆုံး ဝန်ခံရလျင်... ထိုစကား၏ အနက်အဓိပ္ပါယ်အား သိချင်လွန်း၍ လေ့လာကြည့်သော်လဲ.... အကျယ်တဝန်း ဖော်ပြထားခြင်းကို မတွေ့ရသောကြောင့်.... ဆိုလိုရင်းအမှန်ကို ကျနော်လည်းပဲ တိတိကျကျ မသိပါ။ သေခြာသည့်အချက်ကတော့... အိမ်ရှေ့တမာ အိမ်နောက်ကတက် ရှိသော မိသားစုနှင့် သာမာန်မိသားစု မည်သည့်အလုပ်ကိုဖြစ်စေ၊ မည်သည့်စီးပွားရေးကိုဖြစ်စေ ပြိုင်၍ ပြုလုပ်မည်ဆိုပါက ရှေးလူတို့ဆိုခဲ့သည့်အတိုင်း ... မည်သို့မှပြိုင်မရကြောင်း... အတွေ့အကြုံအရ ကျနော်ကောင်းကောင်း သိသည်။ ထို့အပြင်... တမာပင်သည် ဆေးဖက်ဝင်သော အပင်ဖြစ်ပြီး လူသားတို့အတွက် အလွန်အထောက်အကူ‌ပြုသလို ကတက်ပင်သည်လည်း ဆေးဖက်ဝင်အပင်ဖြစ်ပြီး လူသားတို့အတွက် အလွန်အကျိုးပြုသော အပင်များဖြစ်နေခြင်းကြောင့်... ထိုအပင်များ စိုက်ထားခြင်းက.... ကောင်းကျိုးများစွာ ရနိုငကြောင်း သေခြာသည်။ ကတက်ရွက်ကို ကျနော်တို့နိုင်ငံရှိ လူမျိုးတိုင်းက နှစ်သက်စွာ စားသုံးကြပြီး.. ကတက်ပင်၏ ပဉ္စငါးပါးလုံးက ဆေးဖက်ဝင်သည်။ ကတက်ရွက်ကို အချဉ်တည်ပြီး တို့စရာအဖြစ်စားကြသလို.. အခြားသော အသားငါးများဖြင့်လည်း ကြော်စား ချက်စားကြပါသည်။ ထိုသို့ စားပေးခြင်းက လေကို နိုင်စေပြီး... လေနာရောဂါရှင်များအတွက် ဆေးကုပြီးဖြစ်သလို သွေးအားနည်း သွေးပေါင်ကျတတ်သူများအတွက် အလွန်အထောက်အကူဖြစ်စေသည်။ မြန်မာ့တိုင်းရင်းဆေးကျမ်း၏ အဆိုအရ... ကတက်သည် ခါး သက် ၏ ပူ၏ ဝမ်းမီးကိုတောက်စေ၏။ အနည်းငယ် ဝမ်းကို သက်စေ၏။။ လေသလိပ်ကို ကြေစေ၏ ဆီးအောင့်ရောဂါ ဆီးပူ ဆီးကျင်ရောဂါ၊ ဆီးချို၊ ကျောက်တည်၊ အကိုက်အခဲ ဖျားနာခြင်းနှင့် ရောဂါပေါင်းများစွာကို ကုသရာ၌ အသုံးပြုနိုင်ကြောင်း ဖော်ပြထားပါသည်။ လေးဖက်နာ ကဲ့သို့သော ဝေဒနာ အဆစ်အမြစ်ရောင် ခြင်း စတဲ့ ခံစားနေရပါက... ကတက်ရွက်ကိုထောင်းပြီး သတ္တုရည်ယူ ကွမ်းရွက်ကိုထောင်းပြီး သတ္တုရည်ယူ ထိုအရည်၂မျိုးအား ဆတူရောပြီး ထောပက်သင့်ရုံထည့် သောက်ပါက ရောဂါသက်သာစေမည်။ လေနှင့်ဆိုသော ရောဂါဝေဒနာရှိသူများ ... အပေါ်လေ အောက်လေ ပိတ်တတ်သူများ လေခွေ့ လေထိုး လေအောက် ခဏခဏဖြစ်သူများ ကတက်ရွက် ကတက်ချဉ်ကို မကြာမကြာ စားပေးပါက ဝေဒနာ သက်သာစေမည်။ ဆီးလမ်းကြောင်းနှင့်ဆိုင်သော ရောဂါများ ဆီးချို ရောဂါ ဆီးအိမ်ရောင်ခြင်း နှင့် မည်သည့်နေရာ ကျောက်တည်နေသည်ဖြစ်စေ .. ကတက်မြစ်ကို အသုံးပြု၍ ကုသနိုင်ပါသည်။ ဖော်ပြပါ ရောဂါအတွက်... ကတက်မြစ် ၁၀သား ရေသန့်၄၀သား ကို တစ်ခွက်ကျန်တဲ့အထိ ပြုတ်သောက်ပေးရပါမည်။ ရောဂါအပေါ်မူတည်၍ နေ့စဉ် ပုံမှန် သောက်ပေးပါ ဝေဒနာ သက်သာစေပါမည်။ ကတက်ခေါက်ကို အနာပဆုပ် သွေးဆူးနာ ဂရင်ဂျီနာ သက်တန့်နာ စတဲ့ အနာများပေါက်ပါက ပရန္နဝါနှင့်ရောသွေးပြီး လိမ်းပေးပါက နုလျင်ပိန် ရင့်လျင်ပေါက်ပြီး အနာရောဂါ သက်သာစေမည်။ အပြင်းဖျားသော ဖျားနာရောဂါအတွက်.. ကတက်ခေါ်ကိုသော်၎င်း၊ ကတက်အမြစ်ကိုသော်၎င်း သုံးခွက်တစ်ခွက်တင် ကျိုပြီးပြုတ်ရေကို သောက်ပါက ဖျားနာရောဂါ သက်သာပါမည်။ ဗ‌ဟုသုတအဖြစ်မျှဝေပေးခြင်းဖြစ်ပြီး... လိုအပ်လာပါက ယုံကြည်စွာအသုံးပြုနိုင်ရန် ရည်ရွယ်၍.... #crd #သမားတော်တိုင်းရင်းဆေး ..

အရင်က ဦးလေးဟာ မကြာခဏဆိုသလို ပင်ပန်းလွယ်တယ်၊ ခြေကုန်လက်ပန်းကျပြီး နုံးချိနေတာ ကို ခံစားနေရတယ်လို့ ဆိုပါတယ်။ ဆရာဝန်နဲ့ စစ်ဆေးကြည့်တော့ အသည်းက ကောင်းကောင်း အလုပ်မလုပ်တာ၊ အသည်းအဆီဖုံးနေတာ ကို တွေ့ရတယ်တဲ့။ ဒါနဲ့ ဦးလေးက မန်ကျည်းရွက်စိမ်း ရေနွေး ကို ပြုတ်သောက်ဖို့ ပြောင်းလိုက်ရတယ်လို့ ပြောပါတယ်။ ဦးလေးက ပြုတ်သောက်တာ ရက်ပိုင်းပဲ ရှိသေးတယ်၊ ကိုယ်လုံးကိုယ်ပေါက် ပေါ့ပါးသွားပြီး၊ လေပြေ၊ ဗိုက်ချောင်သွားတယ် လို့ ပြောပါတယ်။ အခုထိလည်း ရံဖန်ရံခါ ပြန်ပြုတ်သောက်နေတုန်းပဲတဲ့။ 🌱 "မန်ကျည်းရွက်စိမ်း" ရဲ့ အစွမ်းသတ္တိများ • သွေးသန့်တယ်: သွေးလည်ပတ်မှု ကောင်းစေတယ်။ • လေခိုတာ ထုတ်တယ်: ဗိုက်ပွတာ၊ လေထိုးလေအောင့်တာကို သက်သာစေတယ်။ • အဆိပ်အတောက်တွေ ဖယ်ရှားတယ်: အစာချေစနစ်ကို သန့်စင် ဆေးကြောပေးတယ်။ • အအေးမိ၊ ချောင်းဆိုးတာပါ သက်သာစေနိုင်တယ်။ 🍵 ပြုလုပ်နည်း (အရမ်းလွယ်ကူပါတယ်) 1. ပါဝင်ပစ္စည်း: မန်ကျည်းရွက်စိမ်း လက်တစ်ဆုပ်စာ ယူပါ။ 2. ပြုတ်ခြင်း: ရေ ၁ လီတာ (တစ်ပုလင်း) ထည့်ပြီး ၁၅ မိနစ်ခန့် ဆူအောင် ပြုတ်ပါ။ 3. သောက်သုံးပုံ: မနက်စာနဲ့ ညစာ စားပြီးတဲ့အခါ တစ်နေ့ ၂ ကြိမ်၊ နွေးနွေးလေး သောက်ပါ။ 4. ပုံမှန်သောက်သုံးမှု: ၃ ရက်မှ ၅ ရက် ဆက်တိုက် သောက်ပြီးရင် ၅ ရက် နား ပါ။ ပြီးမှ ပြန်လုပ်ပါ။ ကိုယ့်ကိုယ်ကိုယ် လေးလံနေတယ်၊ မောပန်းနွမ်းနယ်နေတယ်၊ အားမရှိဘူး၊ ဒါမှမဟုတ် အသည်းနဲ့ဆိုင်တဲ့ လက္ခဏာတွေ (မျက်လုံးဝါတာ၊ အသားဝါတာ) ရှိတယ်ဆိုရင်တော့ ဒီသဘာဝနည်းလမ်းကို စမ်းကြည့်သင့်ပါတယ်နော်! #alinthitmedia

"လူမထွက်ပါနဲ့ သားရယ်" အ မေ သား ပစ္စည်းလေးပါးမပြည့်စုံဘူးအမေ သာသနာ့ဝန်ထမ်းရတာ ပင်ပမ်းလို့ လူထွက်ပါရစေနော် အမေ - - - - - - - သား အခု သားတို့ ငယ်လတ်ကြီး စာပေတွေသင်နေတာ မဟာဂန္ဓာရုံဆရာတော်ဘုရားကြီး ရေးသားပြုစုခဲ့တဲ့ စာတွေမဟုတ်လား အဲဒီဆရာတော်ဘုရားကြီးဟာ ဒုတိယကမ္ဘာစစ်အတွင်းက စစ်ဖြစ် ကပ်ဆိုက်နေတဲ့အချိန်မှာ တနိ ုင်ငံလုံးကိုယ်တော်တွေ အကုန်လူထွက်ကြတယ် ဒါပေမဲ့ သူဟာ အသက်သာသေရင်သေပါစေ ယုတ်ညံ့တဲ့အဝတ်နဲ့မလဲဘူးဆိုတဲ့ သံဓိဋ္ဌာန်ချုပီး လူမထွက်ခဲ့ဘူးသား သင်္ကန်းလှူမဲ့လူမရှိလို့ နှစ်ထပ်သင်္ကန်းကြီးကို တခြမ်းခွဲပြီး ဆွမ်းနဲ့လဲစားခဲ့ရတယ် ဖိနပ်လှူမဲ့သူမရှိလို့ ပေါက်နေတဲ့ဖိနပ်ကိုဖာပြီးစီးရတယ် အချိုပွဲဆိုတာ ဘာမှန်းမသိခဲ့ဘူး လက်ဘက်ခြောက်ပြုတ်ဖတ်တွေကို သုတ်စားခဲ့ရသတဲ့ လယ်သမားတယောက်လှူတဲ့ ဘဲဥဆွမ်းဟာ အကောင်းဆွမ်းဆိုပြီး မှတ်တမ်း တင်ထားခဲ့တယ်သားရဲ့ သား ဆွမ်းကွမ်းပစ္စည်းလေးပါး မပြည့်စုံဘူးဆိုတာ အဲဒီဆရာတော်ကြီးလောက် ဆိုးနေလို့လား ဗုံးကြဲလေယာဉ်တွေလာလို့ စာမူတွေပွေ့ပိုက်ပြီး လှိုဏ်ခေါင်းတွေထဲ ဝင်ပြေးရတာ အကြိမ်ပေါင်းမနည်းဘူးသားရဲ့ အဲဒီလိုအသက်ဘေးကြားထဲကနေ သားတို့့အခုလို ပညာတွေသင်နိ ုင်အောင် ကျမ်းပေါင်းမြောက်များစွာကို ရေးသားပေးခဲ့တာပါသားရယ် ဆရာတော်ကြီး အသက်နဲ့ရင်းပြီး ရေးခဲ့ရတဲ့ကျမ်းတွေကို သားတို့က လွယ်လင့်တကူ သင်ယူကြရတာပါ အဲဒါကို သားတို့က ပစ္စည်းလေးပါးမပြည်စုံယုံနဲ့ လူထွက်မယ်ဆိုတော့ မရှက်ဘူးလားသားရယ် မိုးကုတ်ဆရာတော်ဘုရားကြီးဟာလည်း စစ်ဘေးစစ်ဒဏ်တွေကြားထဲကပဲ စာတွေချ ကျမ်းတွေပြုစုပြီး အရဟတ္တဖိုလ်ကို အရယူသွားခဲ့တာပါ လယ်တီဆရာတော်ဘုရားကြီးတို့ဆိုရင် စာဖတ်စရာလျှပ်စစ်မီး မရှိခဲ့ပါဘူး အဲဒီလောက် မပြည့်စုံတဲ့ကြားထဲကနေ စာတွေချ ကျမ်းတွေပြုစု ပြီး အရိယာစခန်းကို တက်လှမ်းခဲ့တာပါသားရယ် သား အခု မပြည့်စုံဘူးဆိုတာ အဲဒီဆရာတော်ကြီးတွေလောက် ဆိုးနေလို့လား သာသနာပြုနေလျှက်တဲ့လူတွေကဲ့ရဲ့ ဝေဖန်ခံနေရတာကို ခံစားနေရလို့ ဝမ်းနည်းနေတာလား သားရယ် ဘုရားရှင်ဟာ အဆဲခံရဘူးတယ် တံတွေးနဲ့အထွေးခံရဘူးတယ် တဝါတွင်းလုံးဆွမ်းမရလို့ မုယောဆွမ်းဆိုတဲ့ ဂျုံဆွမ်းနဲ့ပဲ ဘုန်းပေးခဲ့ရဘူးတယ် အလောင်ကအဝတ်ကိုခွါပြီး သင်္ကန်းရုံခဲ့ရဘူးတယ် အသက်ကို ရန်ရှာခံရဘူးတယ် ကဲ ဘုရားရှင်တောင်မလွတ်တဲ့ အဆိုးလောကဓံကို သားက ကြောက်နေလို့လား သား ရဟန်းဝတ်နဲ့နေသမျှကာလပတ်လုံး အမေ ဂုဏ်ရှိနေပါတယ်သားရယ် သားကို အမေရှိခိုးနေရတာကိုပဲ အမေ ကျေနပ်နေတာပါ ဘုရားရှင်တောင် ပါရမီဖြည့်ရာကာလတွေမှာ ရဟန်းဘဝကို ကိုးကြိမ်ပဲရခဲ့တာပါ သားအခု ရဟန်းဘဝကို ရ နေတာဟာ ဘယ်လောက်ထိကံကောင်းလည်း တွေးကြည့်ပေါ့ သားရယ် ငါ့သားရဟန်းရှိတယ်ဆိုတဲ့ ဂုဏ်ကျေးဇူးနဲ့ အမေရပ်တည်နေတာပါ အမေဘယ်လောက်ပဲ ပင်ပမ်းပါစေ ကြမ်းတမ်းပါစေ သားကိုရဟန်းဝတ်နဲ့တွေ့နေသမျှ အမေ ကျေနပ်နေမှာပါ သားလူထွက်သွားရင် အမေ ဘယ်လိုမျက်နှာနဲ့ လူတွေကို ပြရမလဲသားရယ် အမေ့မှာ ရှိသမျှ သားကို လှူတန်းနေမှာပါ အမေမစားရချင်နေပါစေ သားကို လှူမှာပါ အမေ ရှာသမျှ သားအတွက်ပါ တခုပဲ တောင်းဆိုချင်တာပါ ဆရာတော်ဘုရားကြီးတွေရဲ့ ဇွဲ သတ္တိမျိုးနဲ့ သာသနာပြုပါသားရယ် အမေ့ကို ရှိခိုးတာ မကြည်ပါရစေနဲ့ အမေကပဲ ရှိခိုးပါရစေနော် လူ မထွက်ပါနဲ့ သားရယ် သာသနာတော်ကြီးဟာ အသက်ငင်နေလို့ ဘုရားရှင်သာသနာတော်ကို အသက်နဲ့လဲပြီး စောင့်ထိမ်းနေတဲ့ သားရဟန်းရဲ့ မယ်တော်ဖြစ်ပါရစေ သားရယ် Credit ဦးမြင့်ခိုင်

-----နနွင်းနက်----- မြန်မာ့ဆေးကျမ်း အလိုအရ နနွင်းနက် ဟာ - (က) မြွေဆိပ်သာမက၊ သတ္တဝါအမျိ်ုးမျိုးတို့၏ အဆိပ္ကို ပြီးစေပါတယ်တဲ့။ မြွေအပါအ၀င် အဆိပ်ရှိ သတ္တဝါတွေ အကိုက်ခံရပါက နနွင်းနက် ကို သွေး၍လိမ်းပေးခြင်းဖြင့် အဆိပ်တွေ သူ့အလိုလို ပြန်ထွက်လာစေပါတယ်။ (ခ) နနွင်းနက် ကို ဆန်ဖြင့် ရောချက်လိုက်တဲ့အခါ၊ ထမင်းဟာ အနက်ရောင်ပြောင်းသွားပါတယ်။ သို့သော် ထမင်း အနံ့ရော အရသာပါ စားလို့အရသာရှိပါတယ်။ ၄င်းထမင်းကို စားခြင်းဖြင့် အာဟာရ သိဒ္ဓိပြည့်၀ပါတယ် တဲ့။ (ဂ) တရုတ် လူမျိုးများနဲ့၊ အိန္ဒိလူမျိုးများဟာ ကျားခွန်အား (ကာမ) အားတိုးဆေးအဖြစ် နနွင်းနက်ကို ပါးပါးလွီး၍ ပျားရည်ဖြင့်စိမ်၍ သောက်ကြပါတယ်တဲ့။ #နနွင်းနက် ၁။ ကင်ဆာဆဲလ်များ ကြီးထွားခြင်းကို တားဆီးပါတယ် ။ ကင်ဆာဖြစ်မယ့်အနေအထားကို ပြောင်းပေးနိုင်ပါတယ် ။ ၂။ အဆုပ်ရောဂါများဖြစ်သည့် လေပြွန်ရောင်ခြင်း ၊ နမိုးနီးယား ၊ ပန်းနာရင်ကြပ် ဖြစ်ခြင်းတို့ကို သက်သာပျောက်ကင်းစေပါတယ် ။ ၃။ အင်တီအောက်ဆီဒင့်သတ္တိ ရှိတဲ့အတွက် အိုမင်း ယိုယွင်းခြင်း တို့ကို တားပေးနိုင်ပါတယ် ။ ၄။ ရောင်ရမ်းခြင်းတွေကို တားပေးပါတယ် ။ ရောဂါမှန်သမျှရဲ့ အစဦးဖြစ်စဉ်ဟာ ရောင်ရမ်းခြင်း ဖြစ်ပါတယ် ။ ၅။ နာကျင်မှုတွေ ပျောက်စေပါတယ် ။ သြားနာ သွားကိုက် ၊ အဆစ်အမြစ် ကိုက်ခဲခြင်း တွေကို ပျောက်စေပါတယ် ။ . ဆေးဝါးအဖြစ် ထုတ်လုပ်ထားတာတွေ ရှိပါတယ် ။ အညွှန်းကြည့်ပြီး သုံးနိုင်ပါတယ် ။ ကိုယ့်မှာ နနွင်းမှုန့် ရှိခဲ့ရင်တော့ ဟင်းထဲ ထည့်ချက်လို့ပဲ ဖြစ်ဖြစ် ၊ ဖျော်လို့ပဲ သောက်သောက် ၊ အလျှင်းသင့်သလို သုံးနိုင်ပါတယ် ။ ခါးတော့ တော်တော် ခါးပါတယ် တဲ့ ။ နနွင်းနက်ရဲ့ဆေးဖက်ဝင်ပုံကိုတော့ ရှေ့နေကြီး ကိုအောင်ဇော်ဦးနည်းလမ်းပေးလို့ ဖောက်သည်ချလိုက်ပါ့မယ် ကိုအောင်ဇော်ဦးကိုယ်တိုင် ရသာယနဆေးကျမ်းကနေကူးယူပြီးဖော်စပ်ထားတာပါ လက်တွေ့လည်း သူ့ရဲ့မိခင်ကြီးကိုလည်းသုံးစွဲစေပြီး အမောခံနိုင်ခြင်း၊ နှလုံးအားကောင်းခြင်း၊ ဆီးဝမ်းသွေးလေမှန်ကန်ခြင်း၊ အသားအရည်စိုစွတ်ဝင်းပခြင်း၊ ကိုယ်အလေးချိန်ပုံမှန်ခြင်း၊ အစာအာဟာရ နည်းနည်းစားရုံနဲ့ ခွန်အားပြည့်ခြင်း၊ မျက်စိကြည်လင်ခြင်းနဲ့ အခြားကောင်းကျိုးတွေကို သူကိုယ်တိုင်လည်းသုံးစွဲရင်း လက်တွေ့အကျိုးထူးရနေကြောင်းပြောပြပါတယ် ဆေးဖော်စပ်နည်းကတော့ နနွင်းခါးအမှုန့် ၂၅ ကျပ်သား (ပရဆေးဆိုင်မှာ မေးဝယ်ပါ အိမ်သုံးနနွင်းထက် အရောင်နည်းနည်းဖျော့ပြီး လိမ္မော်ရောင်ဆန်ပါတယ် ပိုလည်းခါးပါတယ်) နနွင်းနက်အမှုန့် ၅ ကျပ်သား မကျည်းမှည့်အနှစ် ၂ က်ပြ္ခဲသား ရိုးရိုးဆား ၁ ကျပ်သား (အိုင်အိုဒင်းဆားမဟုတ်) ဆင်တုံးမနွယ်အမှုန့် ၅ ကျပ်သား (ပရဆေးဆိုင်မှာဝယ်ပါ ဆင်တုံးမနွယ်ပေါရင် ကိုယ်တိုင်အခြောက်ခံ ထောင်းပါ) အဲဒီအမှုန့်အချိန်အဆအားလုံးကို ပျားရည်စစ်စစ်နဲ့ သမပါ ပျားရည်က အများကြီးမလိုပါ နှံ့နှံ့စပ်စပ်မွှေပြီး ဆေးလုံးလို့ရရုံသာထည့်ပါ ဒီလိုတေထားတဲ့ဆေးကို ညအိပ်ယာဝင်တိုင်း မန်ကျည်းစေ့တစ်စေ့စာလောက်ပဲ ရေအေးနဲ့သောက်ပေးရပါတယ် အိုမင်းမစွမ်းရှိသော် အားအင်တို့ကိုပြည့်ဖြိုးစေပြီး အသက်ကိုလည်းရှည်စေပါတယ် က်ားက်ားမမ အသက်ငယ်သော် အကုန်လန်းတယ်လို့ အဆိုရှိပါတယ် အဲ အမောခံနိုင်ခြင်း၊ နှလုံးအားကောင်းခြင်း၊ ဆီးဝမ်းသွေးလေမှန်ကန်ခြင်း၊ အသားအရည်စိုစွတ်ဝင်းပခြင်း၊ ကိုယ်အလေးချိန်ပုံမှန်ခြင်း၊ အစာအာဟာရ နည်းနည်းစားရုံနဲ့ ခွန်အားပြည့်ခြင်း၊ မျက်စိကြည်လင်ခြင်းနဲ့ အခြားကောင်းကျိုးတွေကို ဆိုလိုခြင်းဖြစ်ပါတယ် အားလုံးကျန်းမာချမ်းသာကြပါစေ ။ CRD....ဆရာတောင်တွင်းကြီးမဟာတံခွန်[ မြန်မာ့တိုင်းရင်းဆေးပညာ ]

ကလေးဘဝကတည်းက လူကြီးတွေ ပြောတာကို အမြဲကြားဖူးခဲ့ရတယ်... " သားရေ ခါးတဲ့အရာတွေက၊ တကယ်ကောင်းတဲ့ ဆေးတွေပဲ... လျစ်လျူမရှုသင့်ဘူး" တဲ့။ ကျွန်တော်တို့ အဘွားနဲ့ နေတုန်းက အဘွားက ခြံစည်းရိုးဘေးမှာ ကြက်ဟင်းခါးသီးပင် တစ်ပင်နှစ်ပင်လောက် အမြဲတမ်း စိုက်ထားတတ်တယ်။ အသီးတွေကလည်း သေးသေးလေးတွေပဲ၊ ဒါပေမယ့် ရာသီဥတုမရွေး ခူးလို့ရနေတယ်။ အဘွားက ရယ်ပြီး ပြောတတ်တယ်... "လျှာခဏလေး ခါးတာ၊ ဒါပေမယ့် အတွင်းထဲထိ ကောင်းတယ်" တဲ့။ ကိုယ်မအီမသာ ဖြစ်တဲ့အခါ၊ ဗိုက်တင်းပြီး မအီမသာ ခံစားရတဲ့အခါ ဒါမှမဟုတ် ပင်ပန်းနွမ်းနယ်နေတဲ့အခါမျိုးဆိုရင်... အဘွားက ခြံနောက်ဖေးကို ထွက်သွားပြီး ကြက်ဟင်းခါးသီး တစ်ဆုပ်လောက် ခူးလာတယ်။ ရေနဲ့ ပြုတ်ပြီး နွေးနွေးလေး သောက်လိုက်တယ်။ မကြာခင်မှာပဲ အဘွားက ပြုံးပြီး ဗိုက်ထဲမှာ သိပ်ကို လေဟာသွားတယ်၊ ပေါ့ပါးသွားတယ်လို့ ပြောပြတယ်။ တကယ်လို့ ညဘက် အိပ်မပျော်ဘူး၊ စိတ်ထဲ လွင့်မျောနေသလို ဖြစ်နေရင်လည်း အလားတူ လုပ်တယ်။ ညအိပ်ရာမဝင်ခင် ပြုတ်ပြီး သောက်လိုက်တာ... နာရီဝက်တောင် မကြာဘဲ မနက်ထိ အိပ်ပျော်သွားတတ်တယ် 😳။ ဒီအပင်လေးရဲ့ အားသာချက်တွေကတော့... နွယ်တက်တာ အရမ်းကောင်းပြီး စိုက်ပျိုးရ လွယ်ကူတယ်။ ဘယ်အစိတ်အပိုင်းကိုမဆို ဟင်းချက်ဖို့ သုံးလို့ရတယ်။ ရိုးရိုးလေး ကြော်စားနိုင်တယ်။ ငါးခြောက်နဲ့ ရောပြီး မွှေးမွှေးလေး ဟင်းချိုချက်စားလို့ရတယ်။ နွေးနွေးလေး ပြုတ်ပြီး သောက်လို့လည်း ရတယ်။ ကိုယ်တိုင် စိုက်ပျိုးတာဆိုတော့ ဓာတုပစ္စည်းတွေ ပတ်သက်မှာ စိတ်ပူစရာ မလိုဘူး။ စားလိုက်ရင် ခန္ဓာကိုယ်ထဲမှာ လေဟာသွားပြီး ကြည်လင်ပေါ့ပါးသွားသလို ခံစားရတယ်။ ရှေးလူကြီးတွေက ဒီအပင်ရဲ့ တန်ဖိုးကို သိထားတာ ကြာပြီ။ ဒါကြောင့် အိမ်တိုင်းလိုလိုမှာ စိုက်ထားလေ့ ရှိတယ်။ ခြံစည်းရိုးဘေးမှာ တွယ်ကပ်နေတဲ့ ဒီအပင်လေးကို မြင်ရုံနဲ့တင် ကိုယ့်ကို အနီးကပ် ဂရုစိုက်ပေးနေတဲ့ ရတနာတစ်ပါး ရှိနေသလိုမျိုး ခံစားရပါတယ်နော် 💛။ #yoyocooking #health #ကျန်းမာရေး #သဘာဝဆေးနည်း #ကြက်ဟင်းခါးသီး #အိပ်မပျော် #လေပွသက်သာ

ဆေးဆရာကြီးတစ်ဦးက ပြောသတဲ့။ ကမ္ဘာပေါ်မှာရှိတဲ့ ဆေးဖက်ဝင် အပင်ပေါင်းများစွာထဲက သင်ဟာ တစ်ပင်ပဲရွေးပြီး စိုက်ခွင့်ရမယ်ဆိုရင်ရဲယိုပင်ကိုသာ ရွေးချယ်လိုက်ပါတဲ့။ မိမိအိမ်ရဲ့ မြေမှာ အနည်းဆုံး ရဲယိုပင် တစ်ပင် စိုက်လိုက်ပါ။ တိုက်ခန်း, ကွန်ဒိုနဲ့ နေတဲ့သူများကတော့ ပန်းအိုးတစ်အိုး နဲ့ စိုက်လိုက်ပါ။ ဒါမှသာ ရဲယိုရွက်လေးတွေ ထွက်လာတာ မြင်နေရမှ ရဲယိုရွက်ကို စားဖို့ မမေ့မှာပါ။ တစ်ကယ်လို့ အကြောင်း အမျိုးမျိုးကြောင့် မစိုက်ဖြစ်ကြဘူး ဆိုရင်လည်း ရဲယိုရွက်ကို ချက်စားကြဖို့ စေတနာ အရင်းခံနဲ့ တိုက်တွန်းပါတယ်။ ရဲယိုရွက် ငါးဖယ်ပြောက်ကျားဟင်း ရဲယိုရွက် ဘဲဥ အချပ်လိုက်ကြော် ရဲယိုရွက် ငါးဘတ်မွှေ ရဲယိုရွက် ငါးခူဟင်း ရဲယိုရွက် ကြက်ဥမွှေကြော် ရဲယိုရွက်ကြော် ရဲယိုရွက် ကြက်ကြော်သုပ် ရဲယိုရွက် ငါးခူစင်းကော ရဲယိုရွက် ကြက်သားဟင်း ကျန်းမာရေးအတွက် ကောင်းလွန်းလို့ ထပ်ချက်စားတဲ့ ရဲယိုရွက် အသစ် ဟင်းလျှာတွေကို ထပ်ထပ်ပြီး ဖြည့်ပေးသွားပါမယ်။ အားလုံးပဲ သက်ရှည် ကျန်းမာကြပါစေ။ Bago Daw Htwe Yee ပဲခူး ဒေါ်ထွေးရီ ရဲယို နဲ့ ကျန်းမာရေး ********** အစားအစာတိုင်းက အာဟာရဖြစ်ရုံသက်သက် မဟုတ်ပါဘူး။ ခန္ဓာကိုယ်အတွက် ကျန်းမာရေး အကျိုးကျေးဇူးတွေ အများကြီးရစေတာပါ။ ရဲယိုရွက်ကို ဟင်းထုတ်လုပ်စားတာ၊ ငါးနဲ့ရောပြီး စင်းကောချက်တာမျိုး စားလို့ရသလို ရဲယိုသီးကိုလည်း ဖျော်ရည်လုပ်သောက်လို့ ရပါတယ်။ ရဲယိုပင်က တစ်ပင်လုံးနီးပါး ဆေးဖက်ဝင်တာပါ။ ရဲယို က ဘယ်လိုများဆေးဖက်ဝင်တာလဲ ရဲယိုသီးရော ရဲယိုရွက်ကပါ ကျန်းမာရေးအကျိုးကျေးဇူး တော်တော်လေးများပါတယ်။ သက်ကြီးရွယ်အိုတွေအတွက်ရော လူငယ်တွေအတွက်ပါ အထူးသင့်တော်တဲ့ ဓာတ်စာတစ်ခုပေါ့။ ရဲယိုပင်က ဆေးဖက်ဝင်အပင်တစ်မျိုးဖြစ်ပြီး အမြဲစိမ်း အပင်ငယ်တစ်မျိုးပါ။ ရှေးယခင်ကာလတွေကတည်းက အရေပြားအတွက်ဆေးအဖြစ် အသုံးပြုခဲ့ကြပါတယ်။ အသီးနဲ့ အရွက်တင် မကပါဘူး။ အပွင့်၊ အခေါက်၊ ပင်စည်နဲ့ အမြစ်တွေကလည်း ဆေးဖက်ဝင်ပါသေးတယ်။ ရဲယို မှာ ပါဝင်တဲ့ အာဟာရဓာတ်တွေ ရဲယိုရွက်၊ ရဲယိုသီးတို့မှာ ပရိုတင်း၊ အမျှင်ဓာတ်၊ အဆီဓါတ်၊ ဗီတာမင် A၊ ဗီတာမင် C နဲ့ သွေးတိုးကျစေနိုင်တဲ့ ပိုတက်ဆီယမ်တို့ပါဝင်ပါတယ်။ ဒါတွေအပြင် ကင်ဆာ နဲ့ နှလုံးရောဂါတွေကို ကာကွယ်ပေးနိုင်တဲ့ ဖလေဗာနွိုက် ဓာတ်တိုးဆန့်ကျင်ပစ္စည်းတွေလည်း ပါဝင်နေပါသေးတယ်။ အစာလည်းဆေး၊ ဆေးလည်း အစာလို့ ပြောလို့ရအောင်ကို အာဟာရဓာတ်တွေ ကြွယ်ဝတဲ့ စားစရာတစ်မျိုးပါ။ မကြိုက်တဲ့သူတွေအတွက်တော့ အဝင်တော့ နည်းနည်းလေးဆိုးပါတယ်။ ကြိုက်တဲ့သူတွေအတွက်က အရမ်းစားကောင်းပါတယ်။ ရဲယိုရဲ့ ကျန်းမာရေးအတွက် အသုံးဝင်ပုံများကတော့ အကိုက်အခဲပျောက်စေတယ် ရဲယို ပင်ကို ခေါင်းကိုက်ပျောက်ပင် အကိုက်အခဲပျောက်ပင်လို့တောင် ခေါ်ကြတာမျိုးရှိပါတယ်။ လေ့လာမှုတွေအရ ရဲယိုပင်က အကိုက်အခဲပျောက်စေနိုင်ပြီး လေးဖက်နာ ဝေဒနာနဲ့ အခြားအဆစ်အမြစ်တွေ နာကျင်ကိုက်ခဲတာကို သက်သာစေနိုင်ပါတယ်။ ကိုယ်ခံအားကောင်းစေတယ်။ ကိုယ်ခံအားကောင်းစေဖို့ အထောက်အကူပြုပေးပါတယ်။ ဘက်တီးရီးယားတွေ အန္တရာယ်ကနေ ကာကွယ်ပေးသလို တုပ်ကွေးလိုမျိုး ကူးစက်တတ်တဲ့ ရောဂါတွေကနေ ကာကွယ်ပေးနိုင်ပါတယ်။ အိပ်ပျော်စေတယ်။ ရဲယိုသီး နဲ့ ရဲယိုရွက်က ဆီရိုတိုနင်ဟော်မုန်းနဲ့ မယ်လ်လာတိုနင်ဟော်မုန်းတွေကို လှုံ့ဆော်ပေးပါတယ်။ စိတ်ခံစားမှု ကောင်းမွန်စေပြီး စိတ်ဓာတ်မကျစေဖို့နဲ့ အိပ်ပျော်စေဖို့အတွက် အရေးပါတဲ့ဟော်မုန်းတွေကို လှုံ့ဆော်ပေးမှတော့ စိတ်ဓာတ်ကျမှာ အိပ်မပျော်မှာကို ပူစရာမလိုတော့ပါဘူး။ အရေပြားနဲ့ ဆံသားကို ကျန်းမာစေနိုင်တယ်။ ရဲယိုရွက်နဲ့ ရဲယို သီးမှာပါတဲ့ ဂုဏ်သတ္တိတွေက အသားအရေကို နုပျိုစေပြီး ဆံသားကို သန်စွမ်းစေနိုင်သလို ခြေသည်းလက်သည်းတွေကိုပါ ကျန်းမာစေနိုင်တာပါ။ ကင်ဆာကာကွယ်ပေးနိုင်တယ် ရဲယို ရွက် နဲ့ ရဲယိုသီးတွေက နိုက်ထရစ်အောက်ဆိုဒ် ထွက်ရှိအောင် လှုံ့ဆော်ပေးနိုင်စွမ်းရှိပါတယ်။ ခန္ဓာကိုယ်က ကင်ဆာဆဲလ်တွေကို တုံ့ပြန်တိုက်ခိုက်နိုင်အောင်လုပ်ဆောင်ပေးသလို ကင်ဆာကျိတ်တွေ ကြီးမလာအောင်လည်း ဟန့်တားပေးနိုင်ပါတယ်။ သွေးတိုးကျစေနိုင်တယ် phytonutrients ပါဝင်နေသလို ဗီတာမင် C နဲ့ ဆီလီနီယမ်တို့ ပါဝင်နေတာကြောင့် သွေးကြောနံရံတွေကို Free Radical တွေကြောင့် ထိခိုက်ပျက်စီးမှုကနေ ကာကွယ်ပေးပါတယ်။ ပိုတက်ဆီယမ်ပါဝင်မှုကြောင့် သွေးတိုးကျစေနိုင်ပါတယ်။ နောက်ထပ်အာနိသင်တစ်ခုက သွေးကြောတွေကို ပြေလျော့စေတာပါ။ သွေတွင်းကိုလက်စထရော ကျဆင်းစေနိုင်စေတယ်။ သွေးတွင်းက အကျိုးမပြုတဲ့ ကိုလက်စထရောတွေကို ကျဆင်းစေပြီး သွေးကြောထဲမှာ အဆီတွေစုပုံတာမျိုးမဖြစ်အောင် ကာကွယ်ပေးနိုင်ပါတယ်။ မှတ်ဉာဏ်ကောင်းစေနိုင်တယ် သွေးတွင်းကိုလက်စထရောကို ကျဆင်းစေနိုင်ပြီး သွေးကြောတွေထဲမှာ သွေးစီးဆင်းမှုကောင်းစေနိုင်တာကြောင့် ဦးနှောက်ထဲကို သွေးစီးဆင်းရောက်ရှိမှုကောင်းမွန်စေပြီး ဦးနှောက်ကို ကျန်းမာစေနိုင်သလို မှတ်ဉာဏ်လည်း ပိုကောင်းစေနိုင်ပါတယ်။ ဝမ်းမှန်စေနိုင်တယ် ပျော်ဝင်လွယ်တဲ့ အမျှင်ဓာတ်များစွာ ပါဝင်နေတာကြောင့် အူတွေအတွင်းမှာ စီးဆင်းမှုကို ကောင်းမွန်စေနိုင်ပြီး ဝမ်းမှန်စေနိုင်ပါတယ်။ အူလမ်းကြောင်းကျန်းမာဖို့အတွက် လိုအပ်တဲ့ ဗီတာမင်နဲ့ သတ္တုဓာတ်တွေကို ထောက်ပံ့ပေးပါတယ်။ ဒါတွေအပြင် ရဲယို ပင်ရဲ့ အစိတ်အပိုင်းတွေမှာပါတဲ့ ဓာတ်တွေက ကျန်းမာရေးကို တော်တော်လေး အထောက်အကူပြုပေးတာပါ။ လေနာရောဂါ၊ အတက်ရောဂါတွေကို သက်သာစေနိုင်သလို ချောင်းဆိုးပျောက်စေပါတယ်။ ဆီးချိုအတွက် အသုံးတည့်သလို ဆီးသွားရင် နာကျင်တာ၊ အတွင်းတိမ်မဖြစ်အာင် ကာကွယ်ဖို့ ကင်ဆာကာကွယ်ဖို့နဲ့ လေမဖြတ်အောင် ကာကွယ်ဖို့အတွက်လည်း အထူးသင့်တော်တဲ့ ဓာတ်စာတစ်ခုပါ။ ခေါင်းတစ်ခြမ်းကိုက်တာအတွက်လည်း စားသုံးပေးလို့ရပါတယ်။ ဆေးပညာပိုင်းဆိုင်ရာတည်းဖြတ်သူ Crd original writer 🤍🤍 #ကျန်းမာရေးဗဟုသုတအနေဖြင့်ပြန်လည်မျှဝေတာဖြစ်ပါတယ် #sweswe #ကျန်းမာရေးဗဟုသုတရကြပါစေ #fblifestyle