#စားတမာ တမာပင်၏ သိပ္ပံအမည်က #Azadirachta indica A. Juss. ဖြစ်တယ်၊ ဆရာကြီး ဦးခင်မောင်တင်ကတော့ ဟေ့ မောင် "အဇာဒီရစ်ချ်ဒါး" တွေ ဘာတွေလုပ်မနေ့နဲ့ အဇာတသတ် လို့သာမှတ်ကွာတဲ့၊ အေးရော၊ တမာပန်းတွေ ပွင့်တိုင်း ဆရာကြီးအသံကို ကြားယောင်နေမိဆဲ၊ အခုတော့ ဆရာကြီးလည်း မရှိတော့ပြီ၊ တမာရဲ့ English အမည်က Margosa tree, Neem မာဂိုးစား အပင် ၊ နင်းမ် လို့ခေါ်တယ်၊ မှတ်ရတာလွယ်တယ်။ တမာ မျိုးရင်း အမည်က Meliaceae မယ်လီအေးစီး ဖြစ်တယ်။ ယင်းမာပင် က လည်း တမာမျိုးရင်းထဲကပါဘဲ။ တမာခါးလည်း ခေါ်သလို အညာတမာလည်းခေါ်ကြတယ်။ ဒါပေမည့် ကျနော့် အတွေးမှားခဲ့တယ်။ တမာ အမျိုးမျိုး ရှိတယိ ၊ ရေတမာ၊ ပန်းတမာ၊ တမာခါး၊ တောင်တမာ စသည်ဖြင့် အမျိုးမျိုးပေါ့၊ သင်္ဘောပန်းတမာတောင်ရှိသေးရော့၊ အမည်ကွဲသလို scientific name လည်းမတူဖူး၊ "အညာကို တမာလွှမ်းရမည် ဆိုတဲ့တမာက တမာခါး" Margosa tree, Neem ဖြစ်တယ်။ ဒါပေမည့် ခါးတမာတွေကြားထဲမှာ ထူးထူးခြားခြား စားတမာ ဆိုတာလည်းရှိတယ်။ တာဝန်ကျဖူးသော Monywa University ထဲက တက္ကသိုလ်ဝင်တန်းအဖြေလွှာတွေ ရိုက်နှိပ်သော Camp ရှေ့မှာ အပင် ၂ ပင်ရှိတယ်။ မုံရွာမြို့ထဲမှာလည်း ၄ ပင်လောက်ရှိတယ်၊ အငြိမ်မနေတတ်သူမို့ ဘယ်နေရာလည်း ဆိုတာ တန်းပြောနိုင်တယ်။ စစ်ကိုင်း ကောင်းမှုတော် ဘုရားကြီး ဝင်းထဲမှာလည်း သက်ရင့် စားတမာပင်ကြီး တပင်ရှိတယ်။ တမာဖူးချိန်ဆို တက္ကသိုလ် ဝင်းထဲက ဝန်ထမ်းတွေ စားတမာဖူး ခူးကြတယ်၊ စားတမာပင်လေးခမြာ အညွန့်မလူနိုင်ရှာ၊ သူတို့ကို စပ်စုတော့ ဒါက ခါးတမာ ၊ ဒါက စားတမာ ခွဲခြားပြပေးတယ်၊ မတူဖူးလားဆိုတော့ မတူဘူးတဲ့၊ ဘယ်နေရာမှာ ကွဲသလည်း ပန်းခိုင်ထွက်ပုံပါ ၊ စားတမာပန်းက အဖြူရောင် ၊ အစုလိုက် ထွေးထွေးလေးထွက်တယ်၊ ပုံမှာကြည့်ပါ။ သူက အဆုပ် အဆုပ်လိုက်လေး နဲ့ ပွင့်တာ သိသာတယ်၊ ခါးတမာကတော့ ပန်းခိုင်က ထိပ်ကနေထွက်ပြီး ကိုင်းဖြာတယ်၊ ပွင့်အားကောင်းတယ် ၊ အဖြူရောင် ကနေ အဝါဖြော့သော ပန်းတွေပွင့်တယ်။ ရနံသင်းတာကတော့ အတူတူပါ ၊ ပင်စည်မှာ ကြီးမားပြီး နက်သော အပွေးအခေါက်ပါရင် စားတမာဖြစ်တယ်။ အရွက်ပုံစံ အဖူးထွက်ပုံတွေက ခါးတမာနဲ့မတူပါဘူး။ သူ့အရသာက ခါးတမာလိုအရမ်းမခါးပါဘူး စားလား ခါးလားကို တမာရွက်ပြုတ်မှာ ခွဲလို့ရလား? မရပါဘူး၊ ပြုတ်ပြီးသား တမာရွက်နု ထဲကို မန်ကျည်း မှည့်လေးခတ်လိုက်ရင် ခွဲလို့တောင်မရပါဘူး၊ အချို့က ခါးတဲ့အရသာရယ် ပြုတ်ထားတဲ့ အနံ့လေးရယ် ကိုမှ နှစ်သက်တာ။ တကယ်တမာ ကြိုက်သူကတော့ ၂ မျိုးစလုံးကို အားပေးကြတာပါဘဲ၊ တမာရွက်ပေါ်ချိန်မှာ ဗမာခရမ်းချဥ်သီး (ကိုင်းသီး) လည်း ပေါ်ချိန်မို့ ငရုတ်သီးစပ်စပ် လေးနဲ့ ချက်ထားတဲ့ ငပိချက် (ငပိရည်) လေးနဲ့များ တွဲစားလိုက်ရရင် ဆွေမျိုးမေ့လောက်တယ်။ ငယ်ငယ်က တမာရိုးနဲ့ သွားတိုက်ဖူးတာကို ခုခေတ်ကလေးတွေ ပြောပြရင် ရယ်နေမှာ သေခြာလောက်တယ်၊ တမာရနံ့လေး သင်းသင်းမွှေးတဲ့ အညာမြေကိုပြန်သတိရနေသည် မေ့မရနိုင်ပါသည် အခွင့်ရယ်သာသော တစ်နေ့မှာ အပြေးလေးလာခဲ့ဦးမည် ရွှေညာသူရေ ကိုယ်လာရင်ကြိုမှာလားလို့အတည်" ဆိုတဲ့ အောင်သူရဲ့ သီချင်းသံကြားရတိုင်း တမာမြေ မုံရွာကို သတိရမိတယ်။ တမာပန်းပွင့်ချိန်မှာ လုပ်ဖော်ကိုင်ဖက်တွေနဲ့ တက္ကသိုလ် ဝင်တန်းအဖြေလွှာ စစ်ခဲ့ရတာတွေ၊ လှို့ဝှက် Camp ကို နေ့စဥ် ထမင်းပို့ခဲ့ရတာတွေ၊ အဖြေလွှာ သိမ်းရ ထုတ်ခဲ့ရတဲ့ အချိန်တွေ၊ ဒီလို အချိန်မှာကျင်းပလေ့ရှိသော ကျောင်းသားများရဲ့ပျော်စရာ သင်္ကြန် ပွဲတော် တွေက တရေးရေးပြန်ပေါ်လာတယ်၊ မဝေးသော ကာလတခုမှာ ကွယ်လွန်သွားသော Dr သူရဦးကိုလည်း သတိတရရှိမိပြန်တယ်၊ ခေတ်တွေ စံနစ်တွေပြောင်းသွားပေမည့် တမာပန်းတွေကတော့ ရာသီချိန်ရောက်တိုင်း ဝတ္တရား မပျက် ပွင့်နေကြတယ်၊ နောင်လည်းပွင့်နေကြမှာပါ။ Collected by Kothet Naing Oo မူရင်းရေးသူဆရာသက်နိုင်ဦး အားလေးစားစွာ crd ပေးပါတယ်

ရန်မဖြစ်တတ်လို့ မဟုတ်ဘူး ရန်ဖြစ်ဖို့စကားလုံး တွေးတာနဲ့တင် ပူလောင်လို့ပါ။ ဒေါသမရှိတာမဟုတ်ဘူး တစ်ဖက်လူက ဒုတိယ ကိုယ်ကပထမ ပူလောင်လို့ပါ။ မာနမရှိတာမဟုတ်ပါဘူး ရေပွက်ပမာ ဘဝခဏတာမှာ လူမုန်းမများချင်လို့ပါ။ အမုန်းမရှိတာ မဟုတ်ပါဘူး သူတစ်ပါးအတွက်နဲ့ မိမိစိတ် အညစ်အကြေးမစွန်းချင်လို့ပါ။ လောဘမရှိတာမဟုတ်ပါဘူး အသောမသတ်တဲ့ သဘောတရားကပူလောင်လို့ပါ။ အညှိုးအတေးမရှိတာမဟုတ်ပါဘူး ပြန်တွေးမိတိုင်း ပူလောင်လွန်းလို့ ဥပေက္ခာနဲ့ လဲလိုက်တာပါ။ တကယ်တော့...... ပူထုဇဉ်လူသားတစ်ယောက်ပဲလေ အကုန်ရှိတာပေါ့။ ဒါပေမယ့် အသိကို သတိလေးနဲ့ ထိန်းသိမ်းရင်း သူတစ်ပါးအတွက်နဲ့ မိမိစိတ်ကို အရောင်မစွန်းထင်းဖို့ မိမိစိတ်ချမ်းသာဖို့ လုပ်နေတာ ကိုယ့်ကိုကိုယ်ချစ်လွန်းလို့ပါ။ #credit နှင်းဆီ စာပေ #Ingyinnaing 🕊💙 #foryoupageシ

လူတစ်ယောက်ကို ချစ်ရတာဟာ ... ပင်ပန်းသလား တဲ့ ။ ကိုယ့်ကို မချစ်တဲ့ လူတစ်ယောက်ကို နှစ်နှစ်ကာကာ ချစ်မိခြင်းကတော့ သိပ် ပင်ပန်းရပါတယ် ။ ကိုယ့်ဖက်ကမှ ပြောစရာ စကားတွေ ရှိမနေတော့ရင် ဖုန်းချသွားမှာစိုးလို့ ရေပက်မ၀င်အောင် စကားပြောခဲ့ရတဲ့ ရက်တွေ အများကြီး ကြုံလာရတတ်တယ် ။ တစ်ခါတစ်လေ ... သူ နားထောင်နေမှာပဲဆိုတဲ့အထင်နဲ့ အလေးအနက် ပြောပြီးမှ တစ်ဖက်က ခဏ ဘာပြောလိုက်တာလဲဆိုတဲ့ မေးခွန်းတွေအောက်မှာလဲ ပြိုလဲချင်မိလိမ့်မယ် ။ A4 တစ်ရွက်စာလောက် စာတွေ ပို့ခဲ့ပြီးမှ တစ်ဖက်က အင်း ဆိုတာလေး တစ်လုံးပြန်ရလာတဲ့ နေ့ရက်တွေမှာ ရင်တွေ နာရလိမ့်မယ် ။ ခဏနော် ... မအားသေးလို့နော် ... ခဏနေကျရင် ဖုန်းပြန်ခေါ်လိုက်မယ်နော် ဆိုတဲ့ ခဏတွေ နောက်မှာ ကိုယ်က ...စောင့်ဆိုင်းရင်း ပေါ်လာတတ်တဲ့ နေ့တွေမှ အများကြီးပေါ့ ။ ကိုယ့် ...စိတ်ပူမိခြင်းတွေဟာ အပို လုပ်လွန်းတယ်လို့ အထင်ခံရတတ်ပြီး ... ကိုယ် ကျတဲ့ မျက်ရည်တွေဟာ မျက်ရည်ပေါလို့ ကျတယ်လို့ပဲ အထင်ခံရတတ်ပါတယ် ။ ပိုဆိုးတာက ... ကိုယ် ဘယ်လောက်ချစ်ပေး ချစ်ပေး ကိုယ် တစ်ယောက်တည်းနဲ့ မလုံလောက်တတ်တာပါပဲ ။ လူတစ်ယောက်ကို ချစ်ရတာက အမြဲတမ်း ပင်ပန်းမယ်လို့တော့ မထင်ပါဘူး ... ဒါပေမယ့် ကိုယ့်ကို မချစ်တဲ့ သူကိုမှ တစ်ဘ၀စာအတွက် ရည်ရွယ်မိရင် နေ့ရက်တိုင်းကို ပင်ပင်ပန်းပန်းဖြတ်သန်းရတတ်ပါတယ် ။ #Naing

လိဂ်ပွဲကောင်းတွေ ပြန်လည်ပါဝင်လာတဲ့ 𝐔𝐏𝐆ရဲ့ ယနေ့အတွက် မနက်ခင်း စတင်ကြေးလေး ရပါပြီဗျ😍 လာလာ ကစားချင်လည်းကစား မကစားချင်လည်း ကစား😛 💎ငွေကြေး𝟏𝟎𝟎% ယုံကြည်စိတ်ချစွာ ဆော့ကစားလို့ရပါတယ် နိုင်မင်းထက်လေး လေ😋🥰 ⚽𝟓𝟓𝟓𝐌𝐢𝐱 𝟏𝐔𝐧𝐢𝐭~𝟏𝐊𝐬[𝐍𝐞𝐰 𝐀𝐜𝐜 5% 𝐁𝐨𝐧𝐮𝐬] ⚽𝐈𝐛𝐞𝐭𝟕𝟖𝟗 𝟏𝐔𝐧𝐢𝐭~𝟏𝟎𝟎𝟎𝐊𝐬 [𝐍𝐞𝐰 𝐀𝐜𝐜 𝟏𝟎% 𝐁𝐨𝐧𝐮𝐬] ⚽𝐌𝐒 777 𝟏𝐔𝐧𝐢𝐭~𝟏𝟎𝟎𝟎𝐊𝐬 [𝐍𝐞𝐰 𝐀𝐜𝐜 5% 𝐁𝐨𝐧𝐮𝐬] ယုံကြည်စိတ်ချစွာနဲ့လာရောက်လက်တွဲကြည့်ကျပါ အသေစိတ်ရှင်းပြပေးပါမယ်ခမျ🥰 𝐔𝐏𝐆 𝐆𝐫𝐨𝐮𝐩 𝐒𝐮𝐩𝐞𝐫 𝐒𝐞𝐧𝐢𝐨𝐫-𝐔 𝐏𝐡𝐲𝐨 𝐒𝐞𝐧𝐢𝐨𝐫_𝐒𝐡𝐢𝐧𝐞 𝐊𝐨 𝐀𝐠𝐞𝐧𝐭-NaingMinHtet 𝐕𝐛_09775705388