"စည်းကမ်းဟာ အိမ်ကစတယ်" စည်းကမ်းဟာ အမေဆီကစတယ်။ "မှန်ပါတယ်" ရာနှုန်းပြည့်ကိုမှန်တယ်။ ကိုယ်ငယ်ငယ်က အိမ်ကအသေးအမွှားလေးကအစ သိပ်လိုက်ပြောတာပဲ။ တစ်ချို့အရာတွေက ငယ်သေးလို့မသိတာနေမှာပေါ့ ကြီးလာတော့လဲ သူ့ဟာသူစည်းကမ်းရှိသွားမှာပဲလို့ တွေးခဲ့ဖူးတာ။ ခုအသက်တွေကြီးလာ ပတ်ဝန်းကျင်ကလူတွေကိုတွေ့မှ ကိုယ့်ကိုလူယဉ်ကျေးတစ်ယောက် အဆင့်အတန်းရှိရှိ နေတတ်တဲ့သူတစ်ယောက်အဖြစ် သွန်သင်ပေးလိုက်တဲ့ အိမ်ကိုကျေးဇူးတင်မိတယ်။ အိမ်သာမီးကို ပြန်ပိတ်တာမျိုး ရေချိုးခန်းမီးကို ပြန်ပိတ်တတ်တဲ့အလေ့အထတွေ သူများဖိနပ်ကို တိုက်မိသွားတာကအစ နေရာတကျပြန်ထားပေးတာ မျိုးတွေ ကိုယ့်ရဲ့အရောင်စွန်းတတ်တဲ့ အင်္ကျီကို သူများအင်္ကျီနား ကပ်မလှန်းတာကအစ စတဲ့ အသေးအဖွဲ့လေးတွေဆိုပေမယ့် ယဉ်ကျေးတဲ့အပြုအမူလေးတွေ ကိုယ့်မှာရှိနေတာကို ဂုဏ်ယူတယ်။ ပတ်ဝန်းကျင်မှာတော့ ကိုယ့်ဟာမဟုတ်ဖူး။ ကိုယ်အဆင်ပြေပီးတာပဲဆိုတာ လူမှုရေးနားမလည်မှုတစ်ချို့ကို မြင်ရတာတော်တော်စိတ်ဆင်းရဲမိတယ်။ ထမင်းစားပွဲယဉ်ကျေးမှု သိပ်ကိုအရေးကြီးတာ ပြတ်ပြတ်နဲ့မမြည်နဲ့ ထမင်းလုံးတွေမဖိတ်စေနဲ့ ဟင်းချိုသောက်ရင် ရှူးခနဲမမြည်စေနဲ့ ငယ်ငယ်က ခေါင်းခေါက်ပြီး သင်ပြခံထားရတော့ ကိုယ်ထမင်းစားပြီးသားနေရာဟာ အမြဲသန့်ရှင်းပြီးပဲကျန်ခဲ့သလို ကိုယ့်အပြုအမူကြောင့် ထမင်းစားနေတဲ့တစ်ဖက်လူ စိတ်အနှောက်အယှက်မဖြစ်ဖူးပေါ့။ ကိုယ်ကတော့ရှင်းရှင်းပဲ ဆိုင်တစ်ခုမှာ စားပွဲက ညစ်ပတ်ပြီးကျန်ခဲ့ရင် အဲ့လူကို မမြင်တောင်သိပ်အထင်သေးတာ။ စကားအပြောအဆိုဟာလဲ လူတစ်ယောက်ကို roll သိပ်ခွဲတာ အပြောအဆိုဟာလူတစ်ယောက်ရဲ့ အရည်အချင်းပဲ။ ဒီစကားကို ပြောသင့်လားမပြောသင့်လားမသိ။ ပေါက်ပန်းလေးဆယ်လျောက်ပြောနေတာက ကိုယ့်ကို လူသိပ်အထင်သေးခံစေရတယ်။ စကားဆိုတာ တန်ဖိုးသိပ်ကြီးတဲ့အရာတစ်ခုပဲ။ ကိုယ့်အခန်းရှေ့မှာချွတ်ထားတဲ့ ဖိနပ်ဟာ အခန်းရဲ့ ၂ ပြန်လောက်ကို မှောက်ခုံအနေအထားရောက်နေတာဟာ စည်းကမ်းမရှိတဲ့သူရဲ့လက်ချက်ပဲမဟုတ်ဖူးလား။ ကိုယ့်ပစ္စည်းမဟုတ်ရင်လည်း လွယ်လွယ်ယူမကိုင်နဲ့။ လူကြီးတွေနဲ့စကားပြောရင်ဘယ်လိုပြော လူကြီးရှေ့ဆို ခေါင်းငုံ့သွား"ဟုတ်ကဲ့ ခင်ဗျ"ဆိုတာကိုထည့်ပြော စတဲ့ ငယ်ငယ်ကဆုံးမခဲ့တာလေးတွေက သိပ်အသုံးဝင်တယ် ။ စည်းကမ်းနဲ့ယဉ်ကျေးမှုဟာ ဆက်စပ်နေတယ်။ စည်းကမ်းမရှိလို့ ယဉ်ကျေးမှုမရှိလို့ လူမှုရေးနားမလည် လို့ဆိုတဲ့ အဲ့ဒီလူတွေဘာဖြစ်လဲ ဘာမှထိခိုက်တာတော့မရှိဘူးပေါ့။ သူကပဲသူများကို ထိခိုက်နေတာကိုး။ ဒါပေမယ့် Image သူရဲ့ပုံရိပ်ကတော့ သိသိသာသာကျဆင်းသွားပြီ။ "no standard " အဲ့စကားက ရိုင်းတယ်ထင်ရပေမယ့် အဲ့လိုလူတွေအတွက် သိပ်မှန်တာ ပြီးတော့ ကိုယ့်ပုံစံဟာ ကိုယ့်မိဘပုံရိပ်ပဲ။ ဒီလူဟာ ဒီလိုအမူအကျင့်ဆိုရင် လူစိတ်ရှိတဲ့မိသားစုက ပေါက်ဖွားလာတာလား။ ပေါက်လွတ်ပဲစား မိသားစုကမွေးဖွားလာတာလား အရမ်းသိသာစေတယ်။ Credit #စာအုပ်စာပေလူ့မိတ်ဆွေ #knowledgesharing #bookstore #followerseveryonehighlights

တစ်ပိုင်တစ်နိုင်ရေသန့်စင်နည်း ငလျင်ကြောင့် ပျက်စီးဆုံးရှုံးရတဲ့ ဒေသတွေမှာ သန့်ရှင်းတဲ့ သောက်သုံးရရှိမှုနဲ့ ပတ်သက်ပြီး အခက်အခဲကြုံနေရတယ်လို့ သိရတဲ့အတွက် အထူးပင် စိတ်မကောင်းဖြစ်ရပါတယ်။ ဒီအခက်အခဲကနေ အထိုက်အလျောက် ပြေလည်နိုင်မဲ့ နည်းလမ်းလေးတစ်ခကို ကျနော့်ကိုယ်တွေ့လေးမို့ မျှဝေပေးလိုပါတယ်။ ၂၀၂၂ ခုနှစ် ကျနော် လူငယ်လယ်သမား အစီအစဉ်သင်တန်းကျောင်းမှာ တက်ရောက်စဉ် သင်ကြားအသုံးချခဲ့ရတဲ့ ရေသန့်စင်ပုံလေးပါ။ ကျောင်းမှာရှိတဲ့ ရေတွင်းတွေက ချောင်းနားဘေးကပ်နေပြီး သန့်စင်မှု နိမ့်ကျတာကြောင့် ကျနော်တို့ကိုယ်တိုင် ဒီနည်းအတိုင်း သန့်စင်ပြီး သောက်ခဲ့ပါတယ်။ ကျနော်တို့လုပ်ခဲ့တုန်းကတော့ ပုံးနှစ်ပုံးကို သုံးပြီး မီးသွေး၊ ကျောက်ခဲစ၊ ကျောက်စရစ်၊ သဲ၊ ပိတ်စနဲ့ PVC ပိုက်တွေကို သုံးပြီးလုပ်ခဲ့တာပါ။ ကျနော်တို့ လုပ်ခဲ့တဲ့ ပုံစံအတိုင်းကို လုပ်ဖို့က ပစ္စည်းလိုအပ်ချက်များပြီး လုပ်ရတာ နည်းနည်း လက်ဝင်တာမို့လို့ ကျနော်တို့ လုပ်ခဲ့တဲ့ နည်းလမ်းရယ် ပိုပြီး လွယ်လွယ်ကူကူ လုပ်လို့ရမဲ့ နည်းလမ်းရယ် နှစ်မျိုး ဖော်ပြပေးလိုက်ပါတယ်။ ပထမနည်း (ရေပမာဏ များများသန့်စင်နိုင်) လိုအပ်သော ပစ္စည်းများ ကော်ရေပုံးကြီးကြီး (၄၀ လီတာဝင်နှင့်အထက်) PVC ပိုက်နှင့် ပိုက်ဆက်ခေါင်းများ ကျောက်ခဲစ ( ကြက်ဥအရွယ်ခန့်) ကျောက်စရစ်ခဲ (လောက်စာလုံးအရွယ်ခန့်) သဲနု၊ သဲကြမ်း ပိတ်စ ပြုလုပ်ပုံအဆင့်ဆင့် ၁။ ပထမဆုံးအနေနဲ့ ပုံးရဲ့ အောက်ခြေကို အပေါက်ဖောက်လိုက်ပါ။ ပြီးရင် PVC ပိုက်မှာ လက်ညှိုးလောက်ရှိတဲ့ အပေါက်တွေ ဖောက်ပြီး အပေါက်မှတဆင့် ပုံးထဲ ထည့်လိုက်ပါ။ ရေစိမ့်မထွက်အောင် ပိုက်ဆက်များခံ၍ အပေါက်မှတဆင့် ရေပိုက်ခေါင်းကို ထုတ်ပါ။ ၂။ ပထမဆုံးအလွှာမှာ ကျောက်အပိုင်းအစလေးတွေကို ဆေးကြောပြီးပြီးထည့်ပါ။ ဒုတိယအလွှာမှာ ကျောက်စရစ်ခဲများထည့်ပါ။ ထို့နောက် ပိတ်စ ခံ ပါ။သဲကြမ်းများထည့်ပါ။ ပိတ်စထပ်ခံပါ။ မီးသွေးခဲများကို ထုခြေ၍ ထည့်ပါ။ အပိုင်းအစလေးများ ဖြစ်သွားလျှင် အဆင်ပြေပါပြီ။ အမှုန့်ဖြစ်ရန် မလိုပါ။ ပိတ်စခံပါ။ သဲနုများထည့်ပါ။ ပိတ်စခံပါ။ အပေါ်ဆုံး အလွှာတွင် ကျောက်စများ ပြန်ထည့်တဲ့ နည်းအတိုင်းပြုလုပ်ပြီး စစ်လိုသော ရေထည့်ရန် အပေါ်ဆုံးအလွှာထက်တွင် အနည်းဆုံး ၆လက်မခန့် နေရာကျန်ပါစေ။ အလွှာ တလွှာချင်းစီကို ၃-၄ လက်မ ဝန်းကျင်ခန့် ထည့်ပေးပါ။ ပိတ်စမရှိလျှင် ရေစိမ့်နိုင်တဲ့ အဝတ်သန့်သန့် သုံးပေးလို့ ရပါတယ်။ ကနဦး ထွက်လာသော ရေများသည် ကြည်လင်အုံးမည်မဟုတ်ပါ။ ရေများကြည်လင်ရန် ၅နာရီနဲ့ အထက် စောင့်ရန် လိုပါတယ်။ ရေများ ကြည်လင်သွားလျှင် စတင်အသုံးပြုနိုင်ပါပြီ။ ဒုတိယနည်း (လိုအပ်သော ပစ္စည်းများ) ၂၀ လီတာဆန့် ရေသန့်ဘူးအကြီး ကျောက်စရစ်ခဲ ကျောက်စများ (လက်မအရွယ်ခန့်) သဲနု မီးသွေး ပြုလုပ်ပုံအဆင့်ဆင့် ရေသန့်ဘူး အောက်ခြေကို ပိုင်းဖြတ်လိုက်ပါ။ အပေါ်ဖုံးကို ဖွင့်၍ ပိတ်စ သို့မဟုတ် ရေစိမ့်နိုင်သော အဝတ်သန့်သန့်နှင့် ပိတ်လိုက်ပါ။ ပထမဆုံးအလွှာတွင် ရေစိမ့်နိုင်သော အဝတ်သန့်သန့်ကို ခေါက်ထည့်ပါ။ ကျောက်စများ ထည့်ပါ။ သဲနုထည့်ပါ။ ကျောက်စရစ်ခဲများ ထည့်ပါ။ သဲကြမ်းထည့်ပါ။ မီးသွေးများ ကြိတ်ချေ၍ ထည့်ပါ။ ကျောက်စရစ်ခဲထည့်ပါ။ တစ်လွှာလျှင် ၂ လက်မခန့် ထူပါစေ။ ရေထည့်ရန် အနည်းဆုံး ၄လက်မခန့်ချန်ထားပါ။ အောက်တွင် ထည့်စရာပုံးခံ၍ စစ်နိုင်ပါပြီ။ ယခင်နည်းအတိုင်း ကနဦး ထွက်လာသော ရေများသည် ကြည်လင်အုံးမည်မဟုတ်ပါ။ ရေများကြည်လင်ရန် ၅နာရီနှင့် အထက် စောင့်ရန် လိုပါတယ်။ ရေများ ကြည်လင်သွားလျှင် စတင်အသုံးပြုနိုင်ပါပြီ။ အကျိုးကျေးဇူးများ မီးသွေးဟာ မသန့်စင်တဲ့ ရေမှာ ပါဝင်နေတဲ့ အဆိပ်အတောက်တွေ၊ ဓာတုပစ္စည်းတွေ၊ ခဲလိုမျိုး အဆိပ်သင့်စေတဲ့ သတ္တုဓာတ်တွေ၊ မကောင်းတဲ့ အနံ့အသက်တွေကို စုပ်ယူပြီး ဖယ်ရှားပေးပါတယ်။ ဒါ့အပြင် သဲ၊ ကျောက်စရစ်ခဲ စတဲ့ အရာတွေကလဲ ရေထဲမှာပါလာတဲ့ အညစ်အကြေးတွေကို စစ်ထုတ်ပေးမှာမို့လို့ ကြည်လင်သန့်စင်တဲ့ ရေကို ရရှိနိုင်မှာ ဖြစ်ပါတယ်။ တခုသတိပြုဖို့က ဒီနည်းလမ်းကို ရေကို အထိုက်အလျောက် သန့်စင်ပေးနိုင်တယ်ဆိုပေမဲ့ ၁၀၀ ရာခိုင်နှုန်း သန့်စင်ပေးနိုင်တာမျိုးတော့ မဟုတ်ပါဘူး။ ရေထဲမှာ ပါလာတဲ့ ဘက်တီးရီးတွေ ဗိုင်းရပ်စ်တွေကို ဖယ်ရှားနိုင်ဖို့အတွက် စစ်ထုတ်ပြီး ရလာတဲ့ ရေတွေကို ကျိုချက်ပြီး သောက်သုံးနိုင်ရင်တော့ ပိုပြီး အန္တရာယ်ကင်းနိုင်ပါတယ်။ ဒီနည်းလမ်းလေးက လက်တလော သန့်ရှင်းတဲ့ သောက်သုံးရေ ရဖို့ခက်ခဲနေတဲ့ ဒေသတွေမှာ အသုံးဝင်နိုင်ဖို့ မျှော်လင့်ပါတယ်။ အားလုံးပဲ ဒီအခက်ခဲကြီးကနေ အောင်အောင်မြင်မြင် ဖြတ်ကျော်နိုင်ပါစေ ခင်ဗျာ။ greenway #agriculture#WaterSafetyရေသန့်#စိုက်ပျိုးရေး#drinkingwater #follower

အစ်ကို့ကို မင်္ဂလာဆောင်မလာစေချင်လို့ ကန်တော့တာတဲ့ 😥 မြေစာဇာတ်ဝင်ခန်း #မြင့်မြတ် #မြေစာ #မြန်မာဇာတ်ကားကောင်းများ #myanmarmovie #followers #highlights

အမှောင်ထုသာမရှိရင် ကြယ်လေးတွေရဲ့ အလင်း မတောက်ပနိုင်ဘူး။ ဟောင်နေတဲ့ခွေးတွေသာမရှိရင် ပန်းတိုင်ဆီ ပြေးနေသူကို လူတွေ အာရုံစိုက်မိမှာမဟုတ်ဘူး။ ထိုးနေတဲ့ လက်ညှိုးတွေသာမရှိရင် အမြင့်ရောက်နေသူကို လူတွေ သတိထားမိမှာမဟုတ်ဘူး။ ကဲ့ရဲ့နေတဲ့ ပါးစပ်တွေသာမရှိရင် အရည်အချင်းရှိသူကို လူတွေ အကဲဖြတ် အမှတ်ပေးမိမှာမဟုတ်ဘူး။ နောက်ဆုံးမှာတော့.... အမှောင်ထုမို့ မှောင်နေတယ်ဆိုတာရယ် ခွေးမို့လို့ ဟောင်တတ်တယ်ဆိုတာရယ် တန်ဖိုးမဲ့သူမို့လို့ လက်ညှိုးထိုးတတ်တယ်ဆိုတာရယ် အရည်အချင်းညံ့ဖျင်းသူမို့ ကဲ့ရဲ့တတ်တယ်ဆိုတာရယ် ဒါတွေကို ဘေးလူတွေကပဲ ဆုံးဖြတ်သတ်မှတ်ပေးသွားပါတယ်။ အသိဥာဏ် ရင့်သန်ပြီး အရည်အချင်း ရှိသူတွေကတော့ ဘဝမှာကြုံလာသမျှ လောကဓံကို ဇွဲရှိရှိ ခံနိုင်ရည်အပြည့်နဲ့ ရင်ဆိုင်ကျော်ဖြတ်ရင်း အမြင့်တစ်နေရာမှာ ဆက်လက် တောက်ပနေမှာပါ။ ဘဝကို ဖြတ်သန်းတဲ့အခါ ဒုက္ခပေး ခလောက်ဆန်သူတွေနဲ့လည်း ကြုံရမှာပဲ။ အတိုက်အခိုက်မျိုးစုံနဲ့လည်း တွေ့ရမှာပဲ။ လူယုတ်လူညံ့တွေနဲ့လည်း ဆုံရမှာပဲ။ ထိုက်သင့်တဲ့ အောင်မြင်မှုတွေဆွတ်ခူးပြီး အဓိပ္ပါယ်ရှိတဲ့ဘဝမှာ အဆင့်အတန်းရှိရှိနဲ့ ရှင်သန်နေထိုင်သူဖြစ်ဖို့ ဆိုတာကတော့….. 👉 ကြုံလာသမျှ အခက်အခဲ ပြဿနာတွေကို ဘယ်လို ကိုင်တွယ်ရင်ဆိုင်ရမယ် ဆိုတာကိုသိတဲ့ အသိဥာဏ်ပညာ အားကောင်းဖို့ရယ်.... 👉 သူတစ်ပါးဘဝကို မဖျက်ဆီးဘဲ မိမိဘဝကို ဖန်တီးတည်ဆောက် တတ်ဖို့ရယ်.... 👉 အမှားအမှန်ကို ဝေဖန်ပိုင်းခြားနိုင်စွမ်းရှိပြီး ဖြတ်ထိုးဥာဏ်ကို ပါးပါးနပ်နပ် အသုံးချတတ်ဖို့ရယ်.... 👉 ဘုရား တရား သံဃာ မိဘ ဆရာများတို့၏ အဆုံးအမကို သိနားလည်ပြီး ကိုယ်ချင်းစာစိတ်နဲ့ မေတ္တာ ထားတတ်ဖို့ရယ်..... 👉 မကောင်းသူဟာ သူတစ်ပါး ကောင်းသူက မိမိဖြစ်နေဖို့ရယ်ပါပဲ။ #everyoneシ゚ #everyoneシ゚viralシviralシfypシ゚viralシalシ #ဘဝအတွတ်စာဖတ်ပါ #followerseveryone #highlightsシ゚ #ဘဝစာပေနှင့်ဗဟုသုတများ #အရှင်သုမန #crd_to_owner_with_respect #photocrd

မ နက် ဖြန် တွေ ဟာ ကျွန်တော်တို့ အတွက် မသေချာပါဘူး ရှိ နေ တုန်း မှာ တန် ဖိုး ထား ပေး ကြ ပါ ကျွန်တော် တို့မှာ ကျွန်တော်တို့ပဲ ရှိတယ် ဗျ 🌻 #crown ^-^ #follower 🌼