Respect ဆိုတာ လူတစ်ယောက်ရဲ့ စိတ်ဓာတ်၊ အရည်အသွေးနဲ့ လူဖြစ်မှုကို ဖော်ပြပေးတဲ့ အရေးကြီးဆုံး အရာတစ်ခုပါ။ လေးစားမှုရှိတဲ့ လူဟာ ဘယ်နေရာမှာမဆို ယုံကြည်မှု၊ လက်ခံမှုနဲ့ တန်ဖိုးကို ရရှိတတ်ပါတယ်။ Respect ကို အောက်ပါ ၁၀ မျိုးအဖြစ် နားလည်နိုင်ပါတယ်။ ၁။ Respect for Others (တစ်ဖက်သားကို လေးစားခြင်း) သူတစ်ပါးရဲ့ အမြင်၊ ခံစားချက်၊ အခွင့်အရေးတွေကို တန်ဖိုးထားနိုင်ခြင်းပါ။ မထိခိုက်စေဘဲ ပြောဆိုဆက်ဆံနိုင်တာက လေးစားမှုပါ။ ၂။ Self-Respect (ကိုယ့်ကိုယ်ကိုယ် လေးစားခြင်း) ကိုယ့်တန်ဖိုးကို ကိုယ်တိုင် သိပြီး မတန်တဲ့အရာတွေကို ငြင်းပယ်နိုင်ခြင်းပါ။ ကိုယ့်ကိုယ်ကိုယ် လေးစားနိုင်မှ သူတစ်ပါးကိုလည်း လေးစားနိုင်ပါတယ်။ ၃။ Mutual Respect (အပြန်အလှန် လေးစားခြင်း) အနိုင်အရှုံးမထားဘဲ တန်းတူညီမျှ ဆက်ဆံနိုင်ခြင်းပါ။ နားလည်မှုနဲ့ ယုံကြည်မှုအပေါ် အခြေခံထားတဲ့ လေးစားမှုပါ။ ၄။ Cultural and Social Respect (ယဉ်ကျေးမှုနှင့် လူမှုဘဝကို လေးစားခြင်း) ကိုယ့်ယဉ်ကျေးမှုသာမက သူတစ်ပါးရဲ့ ယဉ်ကျေးမှု၊ အလေ့အကျင့်တွေကိုပါ လက်ခံလေးစားနိုင်ခြင်းပါ။ ၅။ Respect for Nature and Environment (သဘာဝနှင့် ပတ်ဝန်းကျင်ကို လေးစားခြင်း) သဘာဝကို မဖျက်ဆီးဘဲ ထိန်းသိမ်းစောင့်ရှောက်နိုင်ခြင်းပါ။ အနာဂတ်မျိုးဆက်အတွက် အရေးကြီးပါတယ်။ ၆။ Respect for Time (အချိန်ကို လေးစားခြင်း) ကိုယ့်အချိန်၊ သူတစ်ပါးရဲ့ အချိန်ကို တန်ဖိုးထားနိုင်ခြင်းပါ။ အချိန်ကို လေးစားတတ်သူဟာ ယုံကြည်ရတဲ့ လူဖြစ်ပါတယ်။ ၇။ Respect for Knowledge and Learning (ပညာနှင့် သင်ယူမှုကို လေးစားခြင်း) မသိတာကို လက်ခံနိုင်ပြီး ဆက်လက်လေ့လာချင်စိတ်ရှိခြင်းပါ။ သိတတ်နားလည်မှုကို တန်ဖိုးထားခြင်းပါ။ ၈။ Respect for Responsibility (တာဝန်ယူမှုကို လေးစားခြင်း) ကိုယ့်လုပ်ရပ်အတွက် တာဝန်ယူနိုင်ခြင်း၊ အမှားရှိရင် ဝန်ခံပြင်ဆင်နိုင်ခြင်းပါ။ ၉။ Respect for Elders and Authority (အကြီးအကဲများနှင့် တာဝန်ရှိသူများကို လေးစားခြင်း) အတွေ့အကြုံရှိသူများ၊ တာဝန်ယူထားသူများကို နားထောင်လေးစားနိုင်ခြင်းပါ။ ၁၀။ Respect for Partners (ချစ်သူ၊ အိမ်ထောင်ဖက်ကို လေးစားခြင်း) အမြင်မတူတဲ့အချိန်မှာတောင် မလျှော့ချဘဲ နားလည်မှုနဲ့ ဆက်ဆံနိုင်ခြင်းပါ။ စကား၊ အပြုအမူ၊ ဆုံးဖြတ်ချက်တွေမှာ တန်းတူတန်ဖိုးထားနိုင်ခြင်းက အမှန်တကယ် လေးစားခြင်းပါ။ နိဂုံးချုပ် Respect ဆိုတာ စကားနဲ့မဟုတ်ဘဲ နေထိုင်ပုံအမူအကျင့်နဲ့ ပြသရတဲ့ အရာပါ။ လေးစားမှု ၁၀ မျိုးကို နေ့စဉ်ဘဝမှာ လက်တွေ့အသုံးချနိုင်ရင် ကိုယ့်တန်ဖိုးလည်း မြင့်လာပြီး လူမှုအသိုင်းအဝိုင်းထဲမှာ ယုံကြည်မှုနဲ့ လက်ခံမှုကိုပါ ရရှိလာပါလိမ့်မယ်။ Kh,John(Hantharwaddy)

#စာနာတတ်သော နှလုံးသားတစ်စုံ လောကမှာ လူတွေသင့်ကို ဘယ်လိုမြင်တယ်၊ ဘယ်လိုထင်တယ် ဆိုတာက အရေးမကြီးပါဘူး..။ အရေးကြီးတာက သင့်ကိုယ်သင် လူပီသတဲ့လူကောင်း တစ်ယောက် ဖြစ်အောင်ရှင်သန် ရပ်တည်နိုင်ဖို့ပါ...။ ဘဝမှာ လူတစ်ချို့က သင့်ရဲ့ဘွဲ့ထူး၊ဂုဏ်ထူး တွေနဲ့သင့်ရဲ့ ပိုင်ဆိုင်မှုတွေအပေါ် အကဲခတ်ပြီး သင့်ရဲ့ အဆင့်အတန်းကို ဆုံးဖြတ်ကြပါလိမ့်မယ်။ တကယ်လို့သင့်ဆီမှာ သူတို့သတ်မှတ်ထားတဲ့ အရည်အချင်းတွေ မရှိခဲ့ဘူး ဆိုရင် သူတို့ကသင့်ကို လူတစ်ယောက်အဖြစ် အသိမှတ်ပြုပေးကြမှာ မဟုတ်ပါဘူး...။ ဒါပေမယ့်.. စိတ်မပျက်ပါနဲ့..။ အဲဒီလူတွေထဲမှာ လူပီသပြီးလူသားဆန်တဲ့ လူကောင်းတစ်ယောက်မှ မပါခဲ့ဘူးဆိုတာကို သိထားပါ...။ ဉာဏ်ပညာအမြော်မြင် နဲ့ပြည့်စုံပြီးထက်မြက်တဲ့ လူတော်လူကောင်းတွေက လူတစ်ယောက်ရဲ့အဆင့် အတန်းကိုဘယ်တော့မှ သူ့ရဲ့ဘွဲ့ထူး၊ရာထူးနဲ့ သူ့ရဲ့ကြွယ်ဝချမ်းသာမှု တွေနဲ့ မတိုင်းတာကြပါဘူး....။ လူတစ်ယောက်ရဲ့ အဆင့်အတန်းဆိုတာ သူ့ရဲ့အပြုအမူ... သူ့ရဲ့အပြောအဆို.... သူ့ရဲ့စကားလုံးတွေနဲ့ သူ့ရဲ့ လုပ်ဆောင်ချက်တွေကို ကြည့်ပြီးမှပဲအကဲခတ် ဝေဖန်ဆုံးဖြတ်ကြတာပါ....။ ဘယ်လောက်ပင် ပညာတတ်နေပါစေ ဘယ်လောက်ပင် ချမ်းသာနေပါစေ လူလူချင်းအတူတူ ဒီလိုအဆင့်အတန်း ခွဲခြားပြီးဆက်ဆံတတ်တဲ့ လူတွေကို လောကကြီးကလည်း လူပိုတွေအဖြစ် သတ်မှတ်ပေးထားပါတယ်။ အဲဒီလူတွေက သင်အောင်မြင်နေရင် သင့်ကိုချီးမွမ်းပြီးဝန်းရံ ပေးကြပါလိမ့်မယ်...။ ဒါပေမယ့်... သင်ကျရှုံးနေတဲ့ အချိန်မွာတော့သင့်ကို ဆွဲထူပြီးတွဲခေါ်ပေး ကြမှာတော့ မဟုတ်ပါဘူး......။ ကမ္ဘာကြီးမှာ အဲဒီလိုလူမျိုးတွေ နေရာတိုင်းလိုလိုမွာ ရှိနေတတ်ကြပါတယ်...။ သူတို့ကအရာရာကို ငွေနဲ့တိုင်းတာပြီး ကြည့်နေတဲ့အတွက် သူတို့ရဲ့ကမ္ဘာဟာလည်း အမှောင်ကျ နေတတ်ပါတယ်....။ ဒါကြောင့် သူတို့ရဲ့နှလုံးသားနဲ့ အသိစိတ်တွေထဲမှာ ကိုယ်ချင်းစာတရား တွေလည်းပျောက်ကွယ် ပျက်သုဉ်းခဲ့ကြပါတယ်...။ သူတို့က ဆင်းရဲချို့တဲ့ပြီး အားနည်းနေတဲ့သူတွေကို ထပ်ပြီးနင်းချေကာ ကဲ့ရဲ့ တတ်ကြပါတယ်..။ ဘဝမှာ အဲဒီလိုလူတွေနဲ့ ကြုံဆုံလာခဲ့တယ်ဆိုရင် ထိုသူတို့ကို သင့်ဘဝထဲက ဖယ်ထုတ်လိုက်ပါ....။ အတွေးအခေါ်၊ အယူအဆနဲ့ခံယူချက် မတူညီတဲ့လူတွေနဲ့ အမြင်ချင်းဖလှယ်ရတာ ငြင်းခုန်မှုသက်သက် ဖြစ်နေတတ်ပါတယ်။ ဒါကြောင့်သင့်ဘက်က အလျှော့ပေးပြီး လှည့်ပြန်ထွက်ခဲ့လိုက်ပါ...။ လောကကြီးမှာ လူဆင်းရဲပေမယ့် လေးစားဂုဏ်ပြုထိုက်တဲ့ စိတ်ကောင်း၊ စေတနာကောင်းရှိတဲ့ နှလုံးသားပိုင်ရှင်တွေ အများကြီးရှိနေတာကို လည်းငြင်းလို့မရနိုင် ပါဘူး....။ သင့်ဘက်ကကောင်းတာ ဘယ်လောက်ပဲလုပ်လုပ် သင့်ကိုမနာလိုသူ အတွက်တော့ သင့်ရဲ့လုပ်ဆောင်ချက် တွေအားလုံးဟာအမှား တွေချည်းဖြစ်နေမှာပါ...။ လူတွေအပေါ် သင်ဘယ်လောက်ပင် ကောင်းနေပါစေ သင့်ကိုကြည့်မရတဲ့ လူတစ်ယောက်အတွက် တော့ သင့်ရဲ့စိတ် စေတနာတွေဟာ ဝေဒနာတွေ ဖြစ်နေနိုင်ပါတယ်....။ ဘဝမှာ သင်ဘယ်လောက်ပင် အစွမ်းကုန် ကြိုးစားနေပါစေ သင်မအောင်မြင် သေးသရွေ့တော့ လူတွေကသင့်ရဲ့ ကြိုးစားအား ထုတ်မှုတွေကို အသိအမှတ်ပြုပေး ကြမှာမဟုတ်ပါဘူး....။ (သူတို့ရဲ့အသိမှတ်ပြုခံရဖို့ လည်းမလိုအပ်ပါဘူး) ဒါကြောင့်... လောကကြီးမှာ လူတွေရဲ့အထင်ကြီး လေးစားမှုနဲ့အသိမှတ် ပြုမှုတွေကို ရရှိဖို့ထက် လူပီသတဲ့ လူကောင်း တစ်ယောက်ဖြစ်အောင် အသက်ရှင်နေ ထိုင်တတ်ဖို့ကအဓိကပါ...။ ဒါဆိုရင်လောကမှာ လူပီသတဲ့လူကောင်း တစ်ယောက်ဖြစ်ဖို့ အတွက် ဘယ်လိုအရည်အချင်းမျိုး တွေလိုအပ်ပါသလဲ....? လူပီသပြီး လူသားဆန်တဲ့လူကောင်း တစ်ယောက်ဖြစ်ဖို့အတွက် ဘာအရည်အချင်းမှ မလိုအပ်ပါဘူး...။ သင့်ရဲ့ရင်ဘတ်ကြီးထဲမှာ ကိုယ်ချင်းစာတရား" ဆိုတဲ့ လူလူချင်းအပေါ် စာနာတတ်တဲ့ နှလုံးသားတစ်စုံရှိနေဖို့ပဲ လိုအပ်တာပါ....။ လောကကြီးမှာ ငွေကြေးချမ်းသာ ပြည့်စုံသော်လည်း လောကကြီးနဲ့လူတွေ အတွက် ဘာအကျိုးမှမပြုဘဲ လောဘစိတ်တွေပိပြီး သောကမီးတွေကြားမှာ အရှင်လတ်လတ်နဲ့ ငရဲကျနေတဲ့သူတွေလည်း အများကြီးပါ...။ သင်မအောင်မြင်နိုင် သေးသရွေ့တော့ အောင်မြင်ကျော်ကြား နေသူတွေရဲ့ကြားမှာ လူရာဝင်ဆန့်နိုင်မှာ မဟုတ်ပါဘူး...။ သင်မချမ်းသာသေး သရွေ့တော့ ချမ်းသာနေတဲ့သူတွေ ကြားမှာ ရင်ကော့ခေါင်းမော့နိုင် မှာမဟုတ်ပါဘူး......။ ဒါပေမယ့် စိတ်ဓာတ်ကျပြီး သိမ်ငယ်နေဖို့မလိုပါဘူး....။ လောကကြီးက သင်နဲ့ထိုက်တန်တဲ့ အရာကို သင့်အတွက်ကြိုတင် ပြင်ဆင်ပြီး သင့်ကိုလက်ဆောင် အဖြစ်နဲ့ပေးအပ်ပြီး သားပါ...။ ဒါကိုသင့်ဘက်က စိတ်သဘောထားကြီးကြီးနဲ့ လက်ခံရယူတတ်ဖို့ပဲ လိုအပ်တာပာ...။ ဘဝမှာ သင့်ကိုချီးမွမ်းသူပဲ ဖြစ်ဖြစ် သင့်ကိုရှုတ်ချကဲ့ရဲ့ သူပဲဖြစ်ဖြစ် သင်ဒုက္ခရောက်နေတဲ့ အချိန်မှာတော့ သင့်ကိုလာကူညီ ပေးကြမှာမဟုတ်ဘူး။ ဒါကြောင့် သင့်ရဲ့ဘဝမှာ ချီးမွမ်းသံကြားရတဲ့ အချိန်မှာလည်း သာယာနေဖို့မလိုအပ် သလို ကဲ့ရဲ့သံကြားရရင်လည်း ဝမ်းနည်းနေဖို့မလိုပါဘူး....။ လောကမှာ သင်သည်သာလျင် သင့်ဘဝရဲ့ပဲ့ကိုင်ရှင် ဆိုတာ သိထားပါ....။ ဘဝမှာ အလှပဆုံးနဲ့ရှင်သန်ပါ။ အတောက်ပဆုံး ဖြစ်အောင် လင်းလက်ပါ.....။ အရိုးသားဆုံးနဲ့ ကြိုးစားပါ။ လူတွေသင့်ကို ဘယ်လိုကြည့်နေတယ် ဆိုတာက အရေးမကြီပါဘူးး။ သင့်ကိုယ်သင် ယုံကြည်မှုတိုးတက် အောင်တည်ဆောက်ပြီး သင့်ဘဝကိုပုံဖော် ထုဆစ်တတ်ဖို့ပဲလိုအပ် တာပါ...။ လဲနေသူကိုထူပေးပါ အားငယ်သူကို အားပေးပါ။ ဆာလောင်နေသူကို သင့်အထဲက ဝေမျှပါ...။ ဒီလိုလုပ်ဆောင်မှုဟာ လူတွေရဲ့ အသိအမှတ်ပြုခြင်းကို ခံရဖို့မဟုတ်ပါဘူး။ လူပီသပြီး လူသားဆန်တဲ့လူကောင်း တစ်ယောက်ရဲ့ အရည်အချင်းတွေ သင့်ဆီမွာရှိနေလို့ သင်လုပ်နိုင်တာပါ...။ ဒါဆိုရင် လူတွေကသင့်ကို အသိမှတ်မပြုပေး ကြပေမယ့် လောကကြီးကတော့ သင့်ကို လူပီသတဲ့လူကောင်း တစ်ယောက်အဖြစ်နဲ့ အသိမှတ်ပြုပေးနေပါ တယ်...။ ကမ္ဘာကြီးမှာ ငွေရှိသူ၊ဂုဏ်ရှိသူ အောင်မြင် ကျော်ကြားနေသူ တွေအများကြီးပါ.....။ ဒါပေမယ့်... လူတိုင်း ဆီမှာတော့ စာနာတတ်တဲ့နှလုံးသား ဆိုတာမရှိပါဘူး...။ အောင်မြင်ကျော်ကြားပြီး ကြွယ်ဝချမ်းသာတဲ့ လူတွေ ဆီမှာတောင် မရှိတဲ့ ကိုယ်ချင်းစာတရား သင့်ဆီမှာရှိနေခြင်းဟာ ထိုသူတို့ထက် အဆပေါင်းများစွာ ပိုပြီးသာလွန်နေတယ် ဆိုတာသိထားပါ...။ ကမ္ဘာကြီးက လိုအပ်နေတဲ့အရာ တွေက ဂုဏ်ထူး၊ဘွဲ့ထူးနဲ့စည်းစ်ိမ် ချမ်းသာမှုတွေ မဟုတ်ပါဘူး...။ ကမ္ဘာကြီးကအမှန် တကယ် လိုအပ်နေတာက မေတ္တာတရားတွေ... အကြင်နာတရားတွေ.. စာနာဖေးမမှုတွေနဲ့ ကိုယ်ချင်းစာ တရားတွေကိုဘဲ လိုအပ်နေတာပါ။ #HelloEveryone #fbreelsfypシ゚viralfbreelsfypシ゚viral #GeminiAI #fypviralシ

ကိုယ်ပိုင်စိတ် ========= လူတိုင်းလူတိုင်း သင့်ကိုမနှစ်သက်နိုင်ပါဘူး အချို့ သင့်ကို အားကျပါလိမ့်မည်။ အချို့ သင့်ကိုကြည့်မရ ဖြစ်ပါလိမ့်မည်။ အချုို့သင့်ကိုမနာလို ဖြစ်ပါလိမ့်မည်။ အချို့ကျတော့ သင့်ကိုအထင်သေးပါလိမ့်မည်။ လူ့ဘ၀ဟာ ဒီအတိုင်းတိုင်းပါပဲ၊ သင်ပြုလုပ်သမျ လူတိုင်းကို မကျေနှပ်စေနိုင်ပါဘူး သူများကိုကျေနှပ်စေဖို့ မိမိကိုယ်ပိုင်စိတ် ကိုယ်ပိုင်မူ မပျောက်ဆုံးစေဖို့ အရေးကြီးပါတယ်။ လူတိုင်းလူတိုင်းဟာ ကိုယ်ပိုင်စိတ် ကိုယ်ပိုင်မူ ကိုယ်ပိုင်တန်ဖိုး နှဲ့ အသက်ရှင်ရပ်တည်သင့်ပါတယ်။ မျက်စိချင်းတူပေမဲ့ အမြင်ချင်းမတူကြပါဘူး ပါးစပ်ချင်းတူပေမဲ့ ပြောပုံချင်း မတူကြပါဘူး ဦးနောက်ချင်းတူပေမဲ့ စဉ်းစားပုံချင်းမတူကြပါဘူး လူချင်းတူပေမဲ့ အသက်ရှင်ပုံချင်း မတူကြပါဘူး သူများပါးစပ်ဖျားမှာ ပြောနေတဲ့သင့်ဟာ သင်အစစ်မဟုတ်ပါဘူး သင်သာမှန်ပါစေ၊ သင့်စိတ်သာအမြဲလုံအောင် ကျင့်ကြံနိုင်ပါစေ သင့်ကိုယ်ပိုင်စိတ်အပြည့်အ၀နဲ့ အသက်ရှင်ဖို့ တိုက်တွန်းလိုက်ပါကြောင်း။ #credit

ကောင်းမွန်စွာ အိပ်စက်ခြင်းက ကျန်းမာရေးအတွက် အရေးကြီးဆုံးပါ။ ဒီလေ့ကျင့်ခန်းက သင့်ရဲ့စိတ်ဖိစီးမှုတွေကို ချက်ချင်းပိတ်ပြီး အနားယူမှု အပြည့်အဝရစေဖို့ ကူညီပေးပါလိမ့်မယ်။ ✨ ဒီလေ့ကျင့်ခန်းက ဘာကြောင့် အကောင်းဆုံးလဲ? 1️⃣ ဖိစီးမှုကို ပိတ်၊ အိပ်စက်မှုကို ဖွင့် • စိတ်ဖိစီးမှုတွေကို ထိန်းချုပ်တဲ့ Parasympathetic Nervous System (အနားယူခြင်းနဲ့ အစာချေဖျက်ခြင်း စနစ်) ကို လှုံ့ဆော်ပေးပါတယ်။ • နှလုံးခုန်နှုန်းကို နှေးစေပြီး ဦးနှောက်ကို ငြိမ်သက်စေတာကြောင့် အိပ်ပျော်ဖို့ လွယ်ကူစေပါတယ်။ 2️⃣ တင်းမာနေတဲ့ တင်ပါးဆုံကို ဖြေလျော့ပေး • စိတ်ဖိစီးမှုတွေ စုနေတတ်တဲ့ တင်ပါးဆုံနဲ့ ပေါင်ခြံတွေကို ပြေလျော့စေတာဟာ ခန္ဓာကိုယ်က "ငါ လုံခြုံပြီ" လို့ မှတ်ယူပြီး အနားယူမှု အပြည့်အဝကို လက်ခံနိုင်စေပါတယ်။ 3️⃣ သွေးလှည့်ပတ်မှု ကောင်းစေခြင်း • ခန္ဓာကိုယ် အောက်ပိုင်းက သွေးနဲ့ အချွဲရည် (Lymph) လည်ပတ်မှုကို ကောင်းမွန်စေလို့ ခြေထောက်လေးတာ၊ ဖောယောင်တာနဲ့ ညဘက် ခြေထောက်မငြိမ်တာတွေကို သက်သာစေပါတယ်။ 4️⃣ အူလမ်းကြောင်းကို အထောက်အကူပြု • ဗိုက်သားကို ဖြေလျော့ပေးပြီး ညဘက် အူလမ်းကြောင်း ကောင်းကောင်း အလုပ်လုပ်နိုင်အောင် ကူညီပါတယ်။ ဗိုက်တင်းတာ၊ လေပွတာ လျော့စေပြီး မနက်လင်းတဲ့အထိ အိပ်ပျော်စေပါတယ်။ ✨ ဘယ်လိုလုပ်ရမလဲ (၅-၁၅ မိနစ်) 1. ပက်လက်လှန်ပြီး ဒူးနှစ်ဖက်ကို ကွေးလိုက်ပါ။ 2. ခြေဖဝါးနှစ်ခုကို ပူးကပ်လိုက်ပြီး ဒူးတွေကို လိပ်ပြာတောင်ပံလို ဘေးဘက်သို့ ဖွင့်ထားပါ။ 3. 👉 အရေးကြီး: စတင်လေ့ကျင့်သူများအနေနဲ့ ဒူးနှစ်ဖက်အောက်မှာ ခေါင်းအုံး (သို့) ခံပစ္စည်း ခံထားပေးပါ။ (ဒါမှ တင်းအားမရှိဘဲ အနားယူနိုင်မှာပါ) 4. လက်တွေကို ဗိုက်ပေါ် ဒါမှမဟုတ် ဘေးနားမှာ ချထားပါ။ 5. မျက်လုံးကို မှိတ်၊ ဖြည်းဖြည်းချင်း အသက်ရှူပါ။ (ဥပမာ- ၄ စက္ကန့် ရှူသွင်း၊ ၆ စက္ကန့် ရှူထုတ်) 6. မိနစ် ၂၀ အထိ သက်တောင့်သက်သာ နေနိုင်ပါတယ်။ ဒီလေ့ကျင့်ခန်းလေးကို ညတိုင်း အိပ်ရာမဝင်ခင် လုပ်သွားမယ်ဆိုရင် အိပ်စက်မှု အရည်အသွေးကို သိသိသာသာ မြှင့်တင်ပေးမှာ သေချာပါတယ်။ စမ်းကြည့်လိုက်ပါနော်! #yoyocooking #health #fblifestyle #ကျန်းမာရေး #သဘာဝဆေးနည်း #အိပ်ရေးဝဝအိပ်စက်ခြင်း

အိမ်တိုင်းအိမ်တိုင်းမှာ စိုက်ထားသင့်တဲ့ ရှားစောင်းလက်ပတ် အစွမ်း အံ့မခန်း 🌵🌵 ရှားစောင်းလက်ပတ်ပင်ဟာ ဘယ်လောက်တောင်ဆေးအစွမ်းထက်သလဲဆိုတာ လက်တွေ့ သုံးစွဲဖူးသူများရဲ့တုန့်ပြန်ပြောဆိုရေသားထားသည့် ကွန့်(comments)များကိုစုစည်းဖော်ပြပေးလိုက်ပါတယ် အစ_အဆုံးကို_ဖတ်ဖြစ်အောင်_ဖတ်ပါ။ – တကယ်ကောင်းတဲ့ ဆေးစွမ်းကောင်းတစ်လက်ပါ ။ ကျွန်တော်လိပ်ခေါင်းဖြစ်နေတာ ကြာပါပြီ။ဝမ်းသွားရင် သွေးပါတာ။ ညောင်းတာ။ မအီမလယ်နဲ့နေရတာ အရမ်းခက်ခဲ့တာ …အခုဆို အရမ်းကောင်းသွားပါပြီ ။ရှားစောင်းလက်ပက် အစိမ်းကိုမီးဖုတ်ပြီး အတိုင်းဝါးစားလိုက်ပါ ။တကြိမ်ပဲစားလိုက် သိသာပါတယ် ၂ ခါဘဲစားလိုက်တာလုံးဝပျောက်ကင်းသွားပါပြီ ။အားလုံးကျမ်းမာကြပါစေ…လိပ်ခေါင်းရောဂါ အတွက် ကိုယ်တွေ့ ဆေးနည်းပါတဲ့ဗျား… – ကျွန်တော့်မေမေ သွေးတိုးတုန်းကဆိုရင် ရှားစောင်းလက်ပတ်ကို အထဲက အသားကို ခြစ်ယူပီးတော့ သကြားနည်းနည်းထည့် ပြီးတော့သံပုရာသီး တခြမ်း ညှစ်ထည့်လိုက် ပြီးတော့မွှေလိုက် ရေခဲထည့်ပြီးစားလိုက်တာ ၅ မိနစ်တောင်မကြာဘူး ။ သွေးချိန်လိုက်တော့ Nomel ပြန်ဖြစ်သွားတာ လက်တွေ့ပါဗျ သွေးတိုးသမားတွေအတွက်တော့ ဆေးကောင်းတလက်ပါဗျာ…။ – ဒို့ကတော့ထက်ခြမ်းခွဲပြီး ဇွန်းနဲ့ခြစ် အနှစ်ယူကာ ပျားရည်နဲ့ ခေါက်သောက်ပါတယ်။ အဆုတ်နာတွေလဲ ကောင်းပါတယ်ဘေးမဖြစ်ပါ…။ – ရှားစောင်းလက်ပတ် ဆေးနည်းများစွာ ရှိပါတယ်။ အမျိုးသမီးများအတွက် ဆေးနည်းတစ်နည်းဖေါ်ပြ ပေးလိုက်ပါတယ်..။ရှားစောင်းလက်ပတ် ၂၅ ကျပ်သား၊ မုန့်လုပ်ထန်းလျှက် ၂၅ ကျပ်သား၊ မကျည်းသီးအစေ့မပါ ၁၂ကျပ်ခွဲသားကြက်သွန်နီ ၅ ကျပ်သားဆား ၁ ကျပ်သား။ အထက်ဖေါ်ပြပါ ငါးမျိုးထဲမှရှေးဦးစွာ ထန်းလျှက်ကို ဒန်အိုးနှင့်အရင် ကျိုပါ။ ထန်းလျှက်ရည်ကိုစစ်ထားပါ ။ ကျန်တာတွေကိုနုတ်နုတ်စဉ်းထားပါ..။ ဆေးကျိုသည့်အခါ ငပိကျိုသော မြေအိုးတစ်လုံးလိုပါတယ် ။မြေအိုးထဲကို ထန်းလျှက်ရည်ထည့်ပြီး ကျိုပါ ။ ကြွက်မြီးတန်လို ပျစ်လာလျှင် ကျန်တာတွေထည့်ပြီး မီးမျှင်းမျှင်းဖြင့်ကျိုပါ ။မွှေပေးပါ။ ပျစ်ခဲတဲ့အနေရောက်ရင် မီးဖိုပေါ်မှ ချထားလိုက်ပါ။ အအေးခံပြီး ဖန်ပုလင်းထဲထည့်ထားပြီး မနက်တစ်ကြိမ် ညတစ်ကြိမ် ကွမ်းသီးလုံးခန့်စားပါ ။ အမျိုးသမီးများအတွက် သွေးသားနှင့်ပတ်သက်သောရောဂါများနှင့် သွေးသားဖေါက်ပြန်ပြီး သွက်ချာပါဒ ရောဂါများ ပျောက်ကင်းစေပြီးအသားအရည်ဝင်းပစေပါသည်။ – ရှားစောင်းလက်ပက်က အပင်ပါ။ လူတော်တော်များများ သိပါတယ်။ ခေါင်းလျှော်ရည်ဘူးတွေမှာ ပါပါတယ်။ အသားအရေအတွက် ကောင်းလို့အလှကုန် တော်တော်များများမှ ာပါပါတယ်။သူကိုသုံးမယ်ဆိုဘေးကစောင်းလေးတွေကို လှီးလိုက်ပါ။ အစေးဝါဝါလေးတွေ တွေ့ရမယ် ရေဆေးလိုက်ပါ။ အလွန်ခါးပါတယ် ။ ကျန်တာအတွင်းကဂျယ်ရော အပြင်ကအခွန်ရောစားလို့ရပါတယ် ။ ကောင်းတာကတော့အားလုံးပါဘဲ .. လူတစ်ကိုယ်လုံးကို အာဟာရပေးပါတယ်။ အညာမှာ လူကြီးတွေအသက်ရှည် ကျန်းမာတာဒါတွေစားလို့ပါ။ တို့အမျိုးအားလုံး သုံးပါတယ် ။ အလွန်ကောင်းလို့ ပြောမကုန်ပါဘူး။ ဆီးဝမ်းသွေးလေ အရိုး အရေပြား မျက်စိ ဝမ်းတွင်းကလီစာ အားလုံးကိုအကျိုးပြုပါတယ်။ ကြိုက်သလိုသုံးပါ။ စားချင်သလိုစားပါ ။အားလုံးအထောက်အကူဖြစ်ပါတယ် ။သက်ရှည် ကျန်းမာလှပ အပူငြိမ်းအားရှိ မျက်စိကြည် ဘာမဆိုသုံးလို့ရပါတယ်။ – ရှားစောင်းလက်ပတ်ကိုသုံးပြီးလို့ ကျန်တဲ့အခွံကိုလဲ ထက်ခြမ်းခြမ်းပြီး မျက်နှာတွေ လက်တွေမှာ ပွတ်ရင် အသားအရေ နုချောပြီး ဖြူဖွေးတာတကယ်ပါ ။ ကာလသားရောဂါကြီးတွေတောင် ပျောက်တယ်တဲ့ ..။သူ့အစေးကိုဖြစ်စေ အသားကိုဖြစ်စေ စားပါ ။သူ့ကြီးပဲစားလဲရတယ် တကယ်စွမ်း…။ အတွင်းသားလေးကိုခြစ်ပြီး သံပုရာရည်လေးညှစ် ကြက်သွန်နီ ပုဇွန်ခြောက်မှူန့်လေးနဲ့သုပ်စားလည်းကောင်းတယ်..။ – ရှားစောင်းလက်ပတ်ကို ရှမ်းပျိုမယ်နဲ့စားရင် အသားအရေ စိုပြေပြီးပိန်သူကိုဝ စေပါတယ်။ရှားစောင်းလက်ပတ်က မြန်မာပြည်မှာရော ဒီယိုးဒယားမှာလဲ ဟင်းချက်စားတယ်ဗျ .. တကယ်ပါ။ – ရှားစောင်းလက်ပတ်ဆိုလို့ပြောရအုံးမယ် ။ရှားစောင်းအနှစ်ရယ် , မြန်မာကြက်ဥတလုံး , နှမ်းဆီကြက်ဥတလုံးစာ၃မျိုးဆတူကြော်စား သွေးထွက်နေတဲ့လိပ်ခေါင်းတကယ်ပျောက်တယ်။ လက်တွေ့ပါ…။ – နားကိုက်လဲ..ကောင်းတယ်..မီးဖုတ်ပြီး..အတွင်းသားကို..နားထဲဝင်လောက်တဲ့..အချောင်းလေးလုပ်ပြီးကြပ်ပေးရင်…( တစ်ကယ်ပြောတာပါ ) – ရှားစောင်း လက်ပတ် အစွမ်းကပြောမကုန်။ တစ်ခုပြောပါရစေ ။ရှားစောင်လက်ပတ် လက်နှစ်လုံးလောက်အရွယ် အလက်တစ်လက်ကိုရေစင်အောင်စေးပြီး ဘေးက အဖုလေးတွေဖယ်ပြီး ကြိတ်စက်နဲ့ကြိတ်ပါ ။ပြီးပျားရည်စစ်စစ် ဟင်းချိုသောက် ဇွန်း တစ်ဇွန်း တို့ကို ပေါင်းစပ်မွှေပြီး ဗူးအသန့်တစ်ခုအတွင်းထည့်ထားပြီး သာမန်ဇွန်းတစ်ဇွန်ခန့်သောက်ပေးပါ ။ဆေးသောက်ပြီး ၅ မိနစ်မကြာ လေသက်ပါလိမ့်မည်။ ဘူး တစ်လုံးဆောင် အိုလို့တောင် စိတ်မဆင်းရဲရတော့ပါ ။မှတ်ချက် ။..။ နှစ်ရက်စာပဲဖျော်သောက်ပါ လက်ဆတ်လေကောင်းလေပါ..။ – မီးယပ်သွေးဆုံးကိုင်မှာကြောက်နေကြလားညီမတို့အခုရှားစောင်းကိုလက်လေးလုံးလောက်ကိုဖြတ်ရေစင်အောင်ဆေပါအတွင်းဂျယ်ကိုဇွန်းနဲ့ချစ်ယူသောက်မဲ့ခွက်ထဲထည့်ပျားရည်တဇွန်းထည့်ခေါက်ပြိးရေနွေးလေးနဲ့မနက်ညနှစ်ကြိမ်သောက်ပါအသက်35 လောက်ကစပြိးသောက်အေးဆေးဘဲသွေးဆုံးမှာပါကျမလက်တွေ့ပါတိုင်းရင်းသူအမကြိးပြောပြလို့မှီဝဲခဲ့တာပါ🥰 - ရှားစောင်းလက်ပတ်အနှစ်နဲ့သ ြကားဖျော်သောက် အ ြဖူမိန်းကလေးတွေဆင်းတာ‌ပျောက်တယ် လက်တွေ့ပါရှင့် -- အစာအိမ်ရောဂါပါပျောက်ကင်းပါတယ်။ သုံးစွဲနည်း= ဓါးပါးပါးလေးနဲ့အခွံကိုလှီးထုတ်ပါ။မြိုချလို့ရတဲ့အရွယ်အတုံးလေးတွေရအောင် ဖြတ်ပါ။မတ်ခွက်ထဲအပြည့်ထည့်ပါ၊သကြားဟင်းစားတစ်ဇွန်းထည့်ပါ၊သံပုရာသီးတစ်လုံးအရည်ညှစ်ထည့်ပါ၊အဖုံးဖုံးထားပါ၊၂၄ နာရီနှပ်ထားပါ၊၂၄ နာရီပြည့်ရင် အစာအိမ်ထဲအစာမရှိမီ(အိပ်ယာထချိန်)မှာ ဇွန်းနဲ့ခပ်ပီး မြိုချပါ။ ရှားစောင်းလက်ပတ်ရဲ့အကျိအချွဲတွေက အစာအိမ်နံရံ၊အနာရှိတဲ့နေရာမှာသွားကပ်ရင် အနာကျက်မြန်ပီး တစ်လလောက်မှာ အစာအိမ်ရောဂါ သက်သာပျောက်ကင်းပီ။ကိုယ်တွေ့ပါ။ စားပုံစားနည်း ကျနော်ကတော့ ထွက်တစ်လုတ်၊ဝင်တစ်လုတ်မြိုချလိုက်တယ်။နောက်ထပ်မတ်ခွက်တစ်လုံးကို အရံသင့်ထပ်လုပ်ထားတယ်။ဆက်တိုက်ပေါ့ တစ်လုံးပီးတစ်လုံး။ တစ်လလောက်ကြာတော့ပျောက်ကင်းသွားတာ။ ၁၉၉၆ ခုနှစ်မှ ယနေ့ထိ အစာအိမ်ရောဂါ မဖြစ်တော့ပါ။ နောက်တစ်နည်း= သစ်ပင်တွေကိုင်းဆက်ရင် ရှားစောင်းလက်ပတ်ကိုပွတ်လိမ်း၊အောင်မြင်တယ်❤❤ --ဒူးနာရင်လည်း သုံးလို့ရတယ်ရှင့် အလယ်ကအနှစ်နဲ့နာတဲ့ဒူးကိုတိုက်ပေးရင်သက်သာပါတယ် အပူကြောင့်ခါးနာရင်လည်းအာ့အနှစ်လေးနဲ့တိုက်ပေးရင် ပျောက်တယ် ❤❤ ဒူးနာရင် ရှားစောင်းလက်ပတ်ခူးပြီးနွမ်းအောင်မီးကင်နှစ်ခြမ်းခွဲဒူးခေါင်းရဲ့အပေါ်နားလေးမှာအဝတ်နဲ့ပတ်ပြီးအိပ်မနက်ဆိုသိသိသာသာပျောက်လာပါလိမ့်မယ်သုံးရက်လောက်ဆက်တိုက်လုပ်ပေးပါ ကိုယ်တွေ့ပျောက်ဖူးလို့ပါ🥰🥰 -- တို့ကတော့လင်ရောမယားရောနေ့တိုင်တခကိစီကိုအပင်ကနေခူးရေဆေးပြီးဘေးကအဆူးတွေဖယ်အပေါခွံတထပ်ကိုဓားကလေးနဲ့ခွာအတွင်းဂျယ်လီလေးကိုဇွန်းနဲ့ဆွဲခြစ်ပြီးစားတာအရမ်းလည်းကြိုက်တယ်အရမ်းလည်းကောင်းတယ်ထန်းသီးနုုနုအရသာနဲ့တူတယ့်အမျိုးသားကဝမ်းချုပ်တယ်လို့နေ့တိုင်းအော်နေတာအခုမကြားရတော့ဘူးကျွန်မကကြိုက်လို့စားတာခန္တာကိုယ်အတွက်ကောင်းတယ်လို့ခံစားရတယ်လူတိုင်းကိုအဆင်ပြေမယ်ဆိုရင်စားစေချင်ပါတယ်ဝယ်စားရတာစိတ်မရှည်လို့အိမ်မှာအများကြီးစိုက်ထားပြီးနေ့တိုင်းစားနေတာပါ🥰🥰🥰 -- အဲ့ဒါတွေတင်မကပါဘူးရှင် ဆီပူလောင်တာတွေ မီးပူလောင်တာတွေ ဝက်ခြံထွက်တာ ထိခိုက်ရှနာပီးသွေးထွက်တာတွေအားလုံးလဲ ရှားစောင်းပင်ရဲ့အနှစ်တွေခြစ်ထုပ်ပီးလိမ်းပေးလိုက်ရင် အချိန်ခဏလေးအတွင်းသိသာပျောက်ကင်းစေပါတယ်🥰🥰 -- ကျွန်မကရှားစောင်းအတွင်းသားဂျယ်ရီကိုမျက်နှာအနှံပွတ်ပေးတယ်။ ‌ေချွးပေါက်ကျယ်တာတွေကျဉ်းစေပြီးအသားအရေကိုချောမွေ့စေပါတယ်။ ခေါင်းမလျော်ခင်တစ်ခေါင်းလူံ ရှားစောင်းအနှစ်နဲ့နာရီဝက်လောက်ပွတ်ထားပြီူမှခေါင်းလျော်ပါတယ်။ ဦးရေပြားအေးစေပြီးဆံပင်ပြန်ပေါက်ပါတယ်🥰🥰 ~~လက်စွယ်ခြေစွတ်ငုတ်ရင် ရှားစောင်းလက်ပတ်ကို ထိပ်ပိုင်းလေးဖြတ် မီးနွေးနွေးကင် ဖြစ်တဲ့လက်ချောင်း ခြေချောင်းကို ရှားစောင်းလက်ပတ်ထဲထိုးထည့်ပြီး အဝတ်စလေးပတ် သရေပင်နဲ့စည်း။ နောက်ရက်ဆို လုံးဝသက်သာပါတယ်ရှင့်။🥰🥰 -- လည်ချောင်းနာတာ အပူကန်တာတွေ ရေယုံဖြစ်တညတွေဆိုလဲအထဲကအနှစ်ကိုခြစ်ယူပီး စားလို့လိမ်းလို့ရပါတယ်ရှင် အားလုံးကလက်တွေ့တွေမို့ပါရှင့်🥰 ---ကော်လဂျင်ဝယ်မသောက်နိုင်တဲ့ မိန်းကလေးတေအတွက် ရှားစောင်းလက်ပတ်က ကော်လဂျင်ပါ အကုန်ကျသက်သာသလောက် အရမ်းအကျိုးရှိပါတယ်🥰 -- ဆီးကိုက်ရင်သူအနှစ်1ဇွန်းသကြား1ဇွန်းခေါက်သောက်စကန့်အတွင်းပြောက်ကင်းပါတယ်❤❤ -- ဖုန်းအကြည့်များလို့မျက်ရိုးတွေကိုက်မျက်ရေပူတွေကျနေတာကိုရှားစောင်းလက်ပတ်ခူးပြီးလက်၃လုံးလုံးလောက်ဖြတ်ဘေးဆူးလေးဖယ်ထွက်လာတဲ့အဝါရောင်အစေးကိုရေပြောင်အောင်ဆေးပြီးရှားစောင်းကိုအလယ်ကချမ်းပြီးမျက်စေ့ကိုကပ်ထားပါတနေ့ကိုတနာရီလောက်လုပ်ကြည့်ပါမျက်ရိုးလဲမကိုက်တော့ဘူးမျက်မှန်ပါဝါလဲရော့သွားပြီလက်တွေ့မို့မျှဝေတာပါ🥰 အခြားသူများလည်းသိစေရန်ပြန်လည်မျှဝေခြင်းဖြင့်ကျန်းမာရေး ကုသိုလ်ယူပေးကြပါရန် မေတ္တာရပ်ခံအပ်ပါသည်။ Note -- ရှားစောင်းဖြတ်ယူတဲ့အခါထွက်လာတဲ့အစေးအဝါလေးကအဆိပ်ရှိပါတယ်သေချာရေစင်စင်ဆေးပြီးမှသုံးရပါတယ်🥰🥰🥰 #ကျန်းမာရေးဗဟုသုတ #highlightseveryone #health #ကျန်းမာရေးဗဟုသုတရကြပါစေ #sweswe #frypanシ゚viralシfypシ゚ #fblifestyle #ကျန်းမာရေးဗဟုသုတရကြပါစေ

✅ခွေးရူးပဲကိုက်ကိုက် ခွေးကောင်းပဲကိုက်ကိုက်🙏သပြုသီးရဲ့ အသုံးဝင်ပုံကိုပြန်လည်မျှဝေပေးလိုက်ပါတယ်ရှင်🙏🙏🙏🙏 #သပြုသီး_အသုံးဝင်ပုံများ ✅ခွေးရူး (သို့)ခွေးကောင်းဘဲကိုက်ကိုက် သဗြုသီးအလုံးကိုထပ်ချမ်းခွဲပြီး အထဲက အရိအချွဲနဲ့ခွေးကိုက်သည့်အပေါက်ကိုလက်နဲ့ဖိကပ်ထားပေးပါ ၃မိနစ်လောက်ဆိုသူ့အလိုကပ်နေပါလိမ့်မည် ✅အဆိပ်ကုန်မှခွါလို့ရပါမည် သဗြုမြစ်ကိုလည်းသွေးတိုက်ပါ အသုံးလိုရင်တော့ သုံကြည့်လိုက်ပါ လက်တွေ့အသုံးပြုဘူး၍အကြံပေးတာပါ ✅မသုံးလိုရင်မဝေဖန်ပါနဲ့ လူ၏ကံတရားဟာ ဘယ်ဖန်ဆင်းရှင်မမကယ်တင်နိုင်ပါ နွယ်မြက်သစ်ပင် ဂတိသစ္စာတည်သောအခါ နွယ်မြက်သစ်ပင် ဆေးဖက်ဝင်၏ _______________________________________ #သပြုသီး "#လေးဘက်နာ လက်တွေ့သက်သာတဲ့ရွှေထက်တန်ဖိုး ကြီးတဲ့...ဆေးနည်းလေးများ". #သပြုသီးနဲ့ဆားကို အချိုးတူပြုတ်ပြီးအငွေ့ခံ ချွေးအောင်းပေးလိုက်ပါ ။ #တစ်ကိုယ်လုံးမှာရှိတဲ့ အပူအပုပ် ချွေးတွေထွက်လာပြီးရင် ရေချိုးပေးပါ ။ အစားရှောင်စရာမလိုအောင် သက်သာတယ် ။ ခြေစစ် လက်စစ် တွေလည်းမကိုက်တော့ပါဘူး။ Caredit : Aye Chan Pont Pont မေတ္တာဖြင့် စိုင်း မင်း သန့် မြန်မာ့ဆေးစွမ်းနှင့်အိမ်တွင်းဆေးမြီးတိုများ [ သပြုသီး အပင် အရွက် အပွင့် အသီးများနှင့် ချွေးထုတ်နေသည့်ပုံများအား Google မှကူးယူ၍ ဖေါ်ပြပေးထားပါသည် ] ~~~~~~~~~~~~~~~~ သပြုသီး ကိုဟင်းချက်စားလျှင်ဆေးဘက်ဝင်ပုံ ငါးခူနဲ့သပြုသီးချက်စားပါ။ ကျောက်ကပ်နှလုံးကောင်းလာပါမည်။ ငါးရံ့ကင်ပြီး သပြုသီးကိုဟင်းချို ချက်စားပါ။ ဆီးချိုသက်သာပျောက်ကင်ပါသည်။ သပြုတ်သီးကိုပြုတ်ပြီး ငပိရည်နဲ့တိုးစားပါ။ နှလုံးအားကောင်လာပြီးဆီးရွင်လာပါမည်။ ဆီကျောက်တည်သူများအတွက်ဆေးနည်းကောင်းတစ်လက် သပြုသီးအရွက်ကိုပြုတ်ပြီးသုံးခွက်တစ်ခွက်တင်ပြုတ်သောက်ပ့ါ။ ဆီးကျောက်တည်သူများအတွက် ကျောက်တစ်ဖြည်းဖြည်းကြွေကျပြီး သက်သာပျောက်ကင်ပါသည်။ သပြုသီးအခေါက်ကို ဝမ်ကိုက်သူများအတွက်ကျောက်ပျဉ်နဲ့သွေးပြီးဆားနဲ့ရောပြီးသောက်ပါ။ Credit to SayarMyo #crd #thanks #followers #ကျန်းမာရေးဗဟုသုတရကြပါစေ

အိမ်မွေးကြက်ဥတို့ တောကြက်ဥတို့က ရှားတယ်အကိုရေ.. တောရွာတွေမှာ ဝယ်ရလွယ်ပေမဲ့ ကျမတို့မြို့မှာက ရှာရခက်တယ် တဲ့။ ဒါနဲ့ ရိုးရိုး ကြက်ဥ မရဘူးလား ဆိုပြီး... မေးလာတာကြောင့်.... ရိုးရိုးကြက်ဥ မရဘူးဗျ။ အိမ်မွေးကြက်ဥနဲ့မှ အဆင်ပြေမှာ။ ဓာတ်ဥတွေနဲ့က ဆေးမဖြစ်ဘူး.... ၅ ရက် တဈေးနေ့တွေမှာ တောကလာတဲ့ဈေးသည်တွေဆီကနေ ဝယ်လို့ရပါတယ် လို့ ကျနော်ကပြောလိုက်တော့.... အလုပ်ရှုတ်လို့ပါ တဲ့... အဒီ ညီမပြောလိုက်တာကိုကြားပြီး.... အမှန်တိုင်းဝန်ခံရရင် ကျနော် အတော်ကြီးကို တင်းသွားတယ် ဗျ။ စဉ်းစားကြည့်ဗျာ.. ကိုယ့် မိဘရဲ့ရောဂါအတွက် ဈေးနေ့လိုရက်မှာ အိမ်ကြက်ဥဝယ်ရမှာကိုတောင် အလုပ်ရှုတ်လို့ပါ ဘာညာဆိုတော့.... မသိရင် ကျုပ်ကပဲ အားယားနေလို့ သူတို့ဆီလာပြီး ပြောပြနေတဲ့ပုံစံ။ ဒါနဲ့ပဲ စိတ်ထဲမှာ နည်းနည်းခုသွားတာနဲ့.... လုပ်နိုင်ရင်လုပ်ပါ အလုပ်ရှုတ်လို့ မလုပ်ချင်ရင်လည်း မလုပ်ပါနဲ့လို့ ပြောပြီး... ထပြန်မယ်လုပ်တော့... သူငယ်ချင်းဖြစ်သူ ကိုအောင်က ... ဟျောင့် အဲ့လိုမလုပ်ပါနဲ့ဟာဆိုပြီး ပြန်ထိုင်ခိုင်းတယ်။ သူ့ကောင်မလေး အပြောကို ကျနော်မကြိုက်လို့ဆိုတာ သူ့သဘောပေါက်ပုံပဲ။ ကျနော်ပြောလိုက်တဲ့လေသံက ဘုကျကျ ဖြစ် သွားတာကြောင့်ထင်တယ်... ကိုအောင် ကောင်မလေးက အနားထိလာပြီး... ညီမက ဘယ်လိုသဘောမျိုးနဲ့မှ ပြောလိုက်တာမဟုတ်ပါဘူး အကိုရယ်... အိမ်မှာက လူခွဲမရှိတော့ တခုတကကြီးရှာဝယ်ရမှာမို့ ပြီးတော့ ဓာတ်ဥနဲ့ရတာ မရတာလည်း သိထားချင်လို့ပါဆိုပြီး ရှင်းပြတယ်။ အဲ့တော့လည်း Sorry ပါပေါ့ဗျာ... အရင်တုန်းကတော့ အဖေက ကျော'က်က'ပ်ဆေးရတယ်။ ခုနောက်ပိုင်း မဆေးဖြစ်တော့ဘူး... သွားရေးလာရေးရော ငွေရေးကြေးရေးရောကြောင့်ဆိုပါတော့ အကို... အဲ့ဒါ ကိုအောင်က အကို့ဆီမှာနည်းလမ်းတောင်းကြည့်ဆိုလို့ လေ...တဲ့။ အေးလေ... အကိုပြောတာကလည်း ကျော'က်က'ပ်ဆေးခဲ့ရတဲ့အဆင့်ထိ ဖြစ်ထားတာဆိုလည်း နည်းလမ်းကရှိတယ်... အိမ်‌မွေးကြက်ဥ ရနိုင်လား မေးတာ... ရအောင်ရှာမှာပေါ့ အကို တဲ့... အဲ့လိုဖြစ်ရမှာလေ...ညီမ။ ကိုယ့်မိဘခံစားနေရတဲ့ဝေဒနာကို ကုသဖို့အတွက် ဘာလိုတယ်ဆိုတာနဲ့ လုပ်ပေးရမှာက သားသမီးတစ်ယောက်အတွက် တာဝန်တို့ ဝတ္တရားတို့ထက်ပိုတဲ့... အသိတရားရှိရမယ်။ သက်သာခြင်း ပျောက်ကင်းခြင်းက နောက်မှ... သက်သာဖြစ်စေ မသက်သာသည်ဖြစ်စေ လုပ်ပေးရမှာက သားသမီးရဲ့ အသိတရားပဲ။ ဒီတော့ ... ညီမအဖေရဲ့ရောဂါအတွက် အိမ်ကြက်ဥ များများ ဝယ်ထားပါ။ တစ်နေ့ကို အိမ်ကြက်ဥ ၂ လုံး နဲ့ ရှားစောင်းလက်ပက် တစ်ထွာ ကုန်မယ်။ ပြုလုပ်ရမဲ့နည်းလမ်းက... အိမ်ကြက်ဥကိုဖောက် အကာအရည်ကိုယူ (အနှစ်လုံးဝ မပါရ) ရှားစောင်းလက်ပက် အတွင်းဂျက်လီသားကို ခြစ်ယူပြီး... ကြက်ဥအကာရည်နဲ့ ဂျက်လီကို ရောပြီး မွှေပေး။ စီးပိုင်ပြီး အနှစ်ကျအရောင်ကျတဲ့အထိ မွေပြီး လူနာကိုတိုက်ပေးပါ။ နေ့စဉ်ပုံမှန် တစ်လတိတိ တိုက်ပေးပါ။ ရောဂါဝေဒနာ သိသာလာပြီး သက်သာလာတဲ့အခါ ရက်ခြားပြီး သောက်ပေးပေါ့။ လုံးဝ ပြန်ကောင်းလာဖို့ဆိုတာကတော့ အချိန်ပေးမယ် ဆိုပြီး ပြောပြလိုက်တော့... ဟုတ်ကဲ့အကို .. ညီမ သေခြာလုပ်ပြီး အဖေ့ကို ကုပါမယ်တဲ့။ ဒါနဲ့ အဖေ့မှာက ဆီ;ချိုရော သွေ;တိုးပါရှိနေတယ်... အဲ့ဒါ အဆင်ပြေရဲ့လားဆိုပြီး မေးလာတာကြောင့်.. ဒီနည်းလမ်းက သေ;ချိုသွေ;တိုး ရှိသူတွေအတွက်လည်း အကောင်းဆုံးနဲ့ အလွယ်ကူဆုံးနည်းလမ်းဖြစ်လို့ စိတ်ချလက်ချသာ ပြုလုပ်အသုံးပြုကြည့်ပါလို့ ရှင်းပြပြီး ပြန်ခဲ့ကြတယ်။ လက်တွေ့မှ လက်တွေ့ပါ။ ခုဆို ကိုအောင်ရဲ့ယောက္ခမ ဦးလေးဦးထွန်းကြည်တစ်ယောက် အတော်ကို ကျန်းမာနေပါပြီဗျ။ ကျနော့်မိတ်ဆွေများအနေဖြင့်လည်း ကိုယ်တိုင်လိုအပ်လို့ပဲဖြစ်ဖြစ် အသိမိတ်ဆွေထဲက ကျော'က်က'ပ်ရောဂါရှိနေသူများကိုပဲဖြစ်ဖြစ် အကြံပြုပေးကြပါ.. ဒီနည်းလမ်းက အများကြီးထိရောက်ပြီး အလွန်ကောင်းတဲ့နည်းလမ်းဖြစ်သလို... ဘေးထွက်ဆိုးကျိုးလည်း မရှိတဲ့အကြောင်း... ကျန်းမာချမ်းသာလို့ ပျော်ရွှင်ကြရပါစေခင်ဗျာ 🙏🏻 စာရေးသားသူ..... ချစ်ခြင်းမေတ္တာဖြင့်... 👤လယ်တွင်းသား (ပန်းလောင်မြေ)

ရှေးလူကြီးများက ပြောလေ့ရှိသည်မှာ- "အရိုးအဆစ်တွေ အားနည်းရင်၊ ကိုက်ခဲရင်၊ အကြောတွေ တောင့်တင်းရင်... ရှားစောင်းလက်ဆက်ပင်ကို စမ်းကြည့်ပါ" ဒီဆေးဖက်ဝင်အပင်ကို လွန်ခဲ့တဲ့ နှစ်ပေါင်းများစွာကတည်းက အထူးသဖြင့် အင်အားသုံး အလုပ်လုပ်သူတွေ ဒါမှမဟုတ် သက်ကြီးရွယ်အိုတွေကြားမှာ အသုံးပြုခဲ့ကြပါတယ်။ 🦴 အရိုးနှင့် အဆစ်အမြစ်များအတွက် ထင်ရှားသော အစွမ်းသတ္တိများ အရိုးများကို သန်မာစေရန် ကူညီပေးသည်။ အရိုး၊ အဆစ်နှင့် အကြောများ နာကျင်ကိုက်ခဲခြင်းကို လျှော့ချပေးသည်။ ကျိုးပဲ့ခြင်း သို့မဟုတ် အက်ကွဲသော အရိုးများကို ပိုမိုမြန်ဆန်စွာ ပြန်လည်ကောင်းမွန်စေရန် ကူညီပေးသည်။ အဆစ်တောင့်တင်းခြင်း၊ အဆစ်အမြစ်များ လှုပ်ရှားရခက်ခဲခြင်းတို့ကို သက်သာစေသည်။ သက်ကြီးရွယ်အိုများ သို့မဟုတ် ခါးနာ၊ ဒူးနာ ပြဿနာရှိသူများအတွက် သင့်လျော်သည်။ ရိုးရာဓလေ့အရ အရိုးပြုပြင်ခြင်းကို အားဖြည့်ပေးသည်။ #yoyocooking

***ကျန်းမာသော လူတစ်ယောက် ဖြစ်ချင်ရင် ဖတ်ချိန်တစ်မိနစ်*** ဆိုပြီး ဆရာကြီးဦးရန်အောင် မှာကြားခဲ့တဲ့ အဖိုးတန် ကျန်းမာရေး အသိပညာလေးကို ပြန်လည်မျှဝေပေးလိုက်ပါတယ်။ ကျန်းမာဖို့အတွက် အခြေခံအကျဆုံး လိုအပ်ချက်ကတော့ ခန္ဓာကိုယ်တွင်းက လေ၊ သွေး၊ ဆီး၊ ဝမ်း ညီညွတ်မျှတပြီး သန့်ရှင်းနေဖို့ပါပဲ။ ဝမ်းနှုတ်ဆေးမလိုဘဲ ဝမ်းမှန်မယ်၊ ဆီးရွှင်မယ်၊ သွေးသန့်မယ်ဆိုရင် ရောဂါတွေ ဝေးပြီပေါ့။ ဒီတော့ "သန့်လေးသန့်" ဖြစ်အောင် ဘယ်လိုလုပ်ကြမလဲ။ 🌬️ (၁) လေသန့်အောင် စွမ်းဆောင်မယ် ^^^^^^^^^^^^^^^^^ ညှော်နံ့၊ အနံ့ဆိုးတွေကို ရှောင်ပါ။ အသက်ရှူလေ့ကျင့်ခန်းကို တစ်နေ့ နှစ်ကြိမ် ပုံမှန်လုပ်ပေးပါ။ ညအိပ်ရာဝင်တိုင်း ကရမက်ရည် ကျဲကျဲလေး လိမ်းအိပ်ပါ။ 🩸 (၂) သွေးသန့်အောင် ပြုပြင်မယ် (အဆိပ်နိုင်သော ကန်စွန်းရိုးနီ) ^^^^^^^^^^^^^^^^^^^^ သွေးသန့်ဖို့အတွက် အဆိပ်အတောက်တွေကို နိုင်တဲ့ "ကန်စွန်းရိုးနီ" ကို စားသုံးပေးရပါမယ်။ ပြုလုပ်နည်း - ကန်စွန်းရိုးနီ (၁၅-၂၀) ပင်လောက်ကို သန့်စင်၊ တောက်တောက်စင်းပြီး ရေမြုပ်ရုံထည့် ပြုတ်ပါ။ ပွက်ပွက်ဆူလာလို့ အရွက်တွေနွမ်းပြီး အရောင်ဖြူသွားရင် အရည်က ကော်ဖီရောင် ပြောင်းသွားပါလိမ့်မယ်။ အရွက်ဖတ်တွေကို စစ်ယူလိုက်ပါ (သုပ်စားနိုင်ပါတယ်)။ ကျန်တဲ့ အရည်ထဲကို ထန်းလျက်တစ်ခဲ၊ ဆားလှော်အနည်းငယ်ထည့်ပြီး မီးမျှဉ်းမျှဉ်းနဲ့ တစ်ပွက်နှစ်ပွက်လောက် ထပ်ဆူအောင် တည်ပါ။ ရလာတဲ့ ပြုတ်ရည်ကို မနက်တစ်ခွက်၊ ညတစ်ခွက် သောက်သုံးပေးပါ။ 💧 (၃) ဆီးသန့်အောင် ဆောင်ရွက်မယ် ^^^^^^^^^^^^^^^^^^ ဆီး လုံးဝ (လုံးဝ) အောင့်မထားပါနဲ့။ (အထူးသဖြင့် မနက် ၄ နာရီဝန်းကျင်)။ ဆီးအောင့်ထားခြင်းက ဆီးပုပ်ပြီး အဆိပ်ပြန်ဖြစ်စေပါတယ်။ ကျောက်ဖရုံသီးအစိမ်းကို ဟင်းချို၊ အသားဟင်းなどで ချက်စားပါ။ ဆေးကုလားမ (ရှားစောင်းလက်ပပ်) ဖျော်ရည် သောက်ပါ။ အုန်းနုရည်ကို အသားပါ ခြစ်ထည့်ပြီး ရက်ခြား သောက်ပေးပါ။ 💩 (၄) ဝမ်းသန့်အောင် စားသောက်မယ် ^^^^^^^^^^^^^^^^^^ အောက်ပါ သဘာဝအစားအစာ တစ်ခုခုကို မှီဝဲပါ။ မန်ကျည်းမှည့် ဖျော်ရည် (ချဉ်ချိုအရသာလေးကို ထန်းလျက်နဲ့ ဖျော်သောက်ပါ)။ ဒိန်ချဉ် စစ်စစ် (ရေခဲမပါ၊ ထန်းလျက် အနည်းငယ်သာ ထည့်ပါ)။ ဖီးကြမ်းငှက်ပျောသီးမှည့် (သို့) ငှက်ပျောချဉ်မှည့် စားပါ။ ⏳ (၂၁) ရက် စိန်ခေါ်မှု ^^^^^^^^^^^^^^^ ဒီအချက်တွေကို (၂၁) ရက်တိတိ လုပ်ဆောင်ကြည့်ပါ။ ဖောရောင်တာတွေ ကျသွားပြီး လေ၊ သွေး၊ ဆီး၊ ဝမ်း လေးမျိုးလုံး သန့်စင်သွားတဲ့အတွက် ကျောက်တည်ခြင်းကအစ ကာကွယ်ပြီးသား ဖြစ်သွားပါလိမ့်မယ်။ 🌟 ဆရာကြီး၏ ထပ်ဆောင်းမှာကြားချက် ^^^^^^^^^^^^^^^^^^^^^^^^ ရေချိုးတိုင်း အခါးရွက်ပြုတ်ရည်လေးနဲ့ ချိုးပါ။ ရေချိုးပြီးတိုင်း ကရမက်ကို တစ်ကိုယ်လုံး လိမ်းပါ။ ဒီနည်းလမ်းကောင်းလေးကို မိမိမိတ်ဆွေတွေလည်း ကျန်းမာစေဖို့ လက်ဆင့်ကမ်း မျှဝေပေးလိုက်ပါဦးနော်။ မူရင်းရေးသားသူအား လေးစားစွာဖြင့် Credit ပေးပါသည်။ ( ပြန်လည်မျှဝေပေးခြင်းဖြစ်ပါတယ်။ ) #ကျန်းမာရေး

ဒီ ဟင်းနုနွယ်ဆူးပေါက်ပင်ကို မြင်ရင် လျစ်လျူမရှုဘဲ ခူးသင့်ပါတယ်။ အခုခေတ်မှာ လူတွေက ဒီအပင်ရဲ့ တန်ဖိုးကို သတိမထားမိကြပေမဲ့ ရှေးလူကြီးတွေ (အဘွားတို့လို) ကတော့ မြင်တာနဲ့ ချက်ချင်း ခူးယူအသုံးပြုကြပါတယ်။ ဘာလို့လဲဆိုတော့ သူဟာ ခန္ဓာကိုယ်အတွက် အကျိုးကျေးဇူး များစွာ ပေးနိုင်လို့ပဲ … • သွေးလည်ပတ်မှု ကောင်းမွန်စေခြင်း (မူးဝေခြင်း သက်သာ) • မတ်တတ်ထရပ်လိုက်တာနဲ့ မျက်စိပြာဝေပြီး ခေါင်းထဲ မူးခနဲ ဖြစ်တတ်သူတွေအတွက် အထူးသင့်လျော်ပါတယ်။ • ဟင်းနုနွယ်ဆူးပေါက်ရဲ့ အရွက်နုနဲ့ အပွင့်တွေကို အနည်းငယ် ရေနွေးဖျောပြီး စားသုံးလိုက်ရုံနဲ့ သွေးလည်ပတ်မှု သိသိသာသာ ကောင်းမွန်လာတာကို ခံစားရပါလိမ့်မယ်။ • အစာခြေစနစ်ကို ပံ့ပိုးခြင်း (လေပွ/လေပိတ် သက်သာ) • ဗိုက်တင်း၊ လေပွ၊ လေပိတ်တာတွေ ကို လျင်မြန်စွာ သက်သာစေပါတယ်။ • အဘွားကိုယ်တိုင် ဗိုက်တင်းလွန်းလို့ လမ်းမလျှောက်နိုင်တုန်းက ရေနွေးဖျောထားတဲ့ ဒီအရွက်ကို တစ်လုပ်၊ နှစ်လုပ် စားလိုက်တာနဲ့ လေတွေ လည်ပတ်ပြီး ဗိုက်တင်းတာ ချက်ချင်း ပြေသွားခဲ့ဖူးပါတယ်။ • ပင်ပန်းနွမ်းနယ်မှု ပြေပျောက်စေခြင်း • တစ်နေကုန် အလုပ်လုပ်လို့ မောပန်းနွမ်းနယ်နေရင် ဒီအရွက်ကို နွေးနွေးလေး စားလိုက်တဲ့အခါ မမျှော်လင့်ဘဲ အားအင်တွေ ပြန်လည်ပြည့်ဝ လာစေပါတယ်။ • မျက်လုံးအားဖြည့် အစွမ်း • ရှေးခေတ်က မီးမှိန်မှိန်အောက်မှာ အလုပ်လုပ်ရလို့ မျက်လုံး ပင်ပန်းလွယ်တဲ့သူတွေအတွက် ဒီအပင်ဟာ အမြင်အာရုံကို ကြည်လင်စေပြီး မျက်လုံးအားမလျော့အောင် ကူညီပေးခဲ့ပါတယ်။ 🥣 စားသုံးနည်း (အလွယ်ကူဆုံးနှင့် အကောင်းဆုံး) ဒီအပင်ကို စားသုံးဖို့ အလွယ်ကူဆုံးနည်းလမ်းတွေကတော့- 1. အတို့အမြှုပ်အနေနဲ့ စားသုံးခြင်း (အအရသာဆုံးနည်း) • အပွင့်နဲ့ အရွက်နုကို ရေစင်အောင် ဆေးပါ။ • ၁၀-၁၅ စက္ကန့်ခန့် သာ ရေနွေးဖျောပါ။ • ထို့နောက် ငရုတ်သီးထောင်း (သို့မဟုတ်) ကြိုက်နှစ်သက်ရာ တို့စရာ နဲ့ တို့စားပါ။ 2. ပြုတ်ရည်အဖြစ် သောက်သုံးခြင်း • ဟင်းနုနွယ်ဆူးပေါက်ပင် တစ်ဆုပ် ကို ၇-၁၀ မိနစ် ခန့် ပြုတ်ပါ။ • ဒီပြုတ်ရည်ကို နွေးနွေးလေး သောက်ပေးရင် ဗိုက်တင်းတာ၊ လေပွတာတွေကို သက်သာစေပါတယ်။ 3. ဟင်းချိုချက်စားခြင်း • ငါးကင် ဒါမှမဟုတ် ဝက်သားကြိတ်သား နဲ့ ရောပြီး ဟင်းချိုချက်စားရင်လည်း အစာစားချင်စိတ်ကို ကောင်းမွန်စေပြီး ဗိုက်ကို ရှင်းလင်းပေါ့ပါးစေပါတယ်။ အဘွားက အမြဲပြောလေ့ရှိပါတယ်- "ကောင်းတဲ့ အရာက ဘယ်သူ့ကိုမှ မစောင့်ဘူး သား/သ္မီးတို့" တဲ့။ #yoyocooking

လူအများစုက ငှက်ပျောသီးမှည့်ကိုသာ စားသုံးနေကြသော်လည်း တကယ်တမ်းက ငှက်ပျောသီးစိမ်းကသာ ကျန်းမာရေးအတွက် အစွမ်းထက်တဲ့ဆေးဖက်ဝင်အသီးတစ်မျိုးဖြစ်ပါသည်။ငှက်ပျောသီးစိမ်းက အစာအိမ်ရောဂါ၊ အစာခြေစနစ်နှင့် အသက်ရှူလမ်းကြောင်းဆိုင်ရာ ပြဿနာများအတွက် အိမ်တွင်းဆေးဝါးတစ်လက်ဖြစ်ပြီး ဗိုက်အောင့်ခြင်း၊ နာတာရှည်ချောင်းဆိုးခြင်း သို့မဟုတ် ဝမ်းချုပ်ခြင်းတို့အတွက် အထူးကောင်းပါတယ်။ 💚 ငှက်ပျောသီးစိမ်း၏ အဓိက အကျိုးကျေးဇူးများ ၁။ အစာအိမ်ကို ကာကွယ်ပေးခြင်း • အစာအိမ်နံရံကို ဖုံးအုပ်ကာကွယ် ပေးသည်။ • အက်ဆစ်ဓာတ်များခြင်း၊ ရင်ပူခြင်းနှင့် အက်ဆစ်အထက်ဆန်တက်ခြင်း လက္ခဏာများ ကို လျှော့ချပေးသည်။ • Tannin နှင့် Pectin များပါဝင်မှုကြောင့် အစာအိမ်အနာများကို ကျက်စေရန် ကူညီပေးသည်။ • အစားစားပြီးနောက် ဗိုက်ကယ်၊ တင်း၊ နာကျင်ခြင်း များကို သက်သာစေသည်။ ၂။ အူလမ်းကြောင်းနှင့် အစာခြေစနစ်ကို ကောင်းမွန်စေခြင်း • Pectin ပါဝင်မှုကြောင့် ဝမ်းပျော့စေပြီး ဝမ်းမှန်မှန်သွားစေသည်။ • အူလမ်းကြောင်း ရောင်ရမ်းမှုကို လျှော့ချပေးသည်။ • အစာခြေစနစ်ကို ပိုမိုကောင်းမွန်စေပြီး ဗိုက်ကို ပေါ့ပါးစေသည်။ ၃။ ချောင်းဆိုးနှင့် သလိပ်ကို သက်သာစေခြင်း • ၎င်း၏ ဖန်သောအရသာက ချောင်းဆိုးခြင်းကို ထိန်းချုပ်ပေးနိုင်သည်။ • ဆားနှင့် တွဲစားပါက သလိပ်များကို ပျော်စေသည်။ • လည်ချောင်းကို ကာကွယ်ပေးသဖြင့် ချောင်းခြောက်နှင့် နာတာရှည်ချောင်းဆိုးသူများ အတွက် သင့်တော်သည်။ ၄။ သွေးတွင်းသကြားဓာတ်နှင့် အဆီကို ထိန်းချုပ်ပေးခြင်း • ငှက်ပျောသီးမှည့်ထက် သကြားဓာတ် အများကြီး နည်းသည်။ • အစာမကြေသည့် ကစီဓာတ် (Resistant Starch) ကြောင့် သကြားစုပ်ယူမှုကို နှေးစေသည်။ • သွေးတွင်းအဆီကို လျှော့ချပေးသည်၊ အစားစားချင်စိတ်ကို ထိန်းချုပ်ပေးသည်။ • ကိုယ်အလေးချိန် ထိန်းသူများနှင့် ဆီးချိုသမားများ အတွက် သင့်လျော်သည်။ 🍽️ ငှက်ပျောသီးစိမ်း စားသုံးနည်းများ ၁။ ငှက်ပျောသီးစိမ်းမှုန့်ကို ရေနွေးနှင့် ဖျော်သောက်ခြင်း • (ပါးပါးလှီး၊ နေလှန်း၊ အမှုန့်ကြိတ်ပြီး) မနက်/ည အစာမစားမီ ရေနွေးနှင့် ဖျော်သောက်ပါ။ အက်ဆစ်လျှော့ချပေးပြီး အစာအိမ်အနာကို သက်သာစေသည်။ ၂။ ငှက်ပျောသီးစိမ်းကို ပြုတ်ရည်သောက်ခြင်း • အခွံမခွာဘဲ တုံး၍ ရေဆူအောင် ပြုတ်ပါ။ တစ်နေ့ တစ်ခွက်သောက်ခြင်းဖြင့် အစာအိမ်ကို ကာကွယ်ပေးနိုင်သည်။ ၃။ ချောင်းဆိုးသက်သာရန် ဆားနှင့်တို့ စားခြင်း • ငှက်ပျောသီးစိမ်းကို လှီးပြီး ဆားအနည်းငယ်နှင့် တို့၍ ဖြည်းဖြည်းချင်း ဝါးစားပါ။ ၎င်းမှထွက်သော အစေးက လည်ချောင်းကို ကာကွယ်ပေးပြီး ချောင်းဆိုးနှင့် သလိပ်ကို လျှော့ချပေးသည်။ ငှက်ပျောသီးစိမ်းသည် အစာအိမ်၊ အူလမ်းကြောင်း၊ အသက်ရှူလမ်းကြောင်း၊ သွေးတွင်းသကြားဓာတ် ထိန်းချုပ်မှု စသည်တို့အတွက် အလွယ်တကူရနိုင်ပြီး ဆေးပြင်းများထက် ပိုမို ဘေးကင်းလုံခြုံသည့် ဆေးဖက်ဝင်အသီးဖြစ်သည်။ #မူရင်းရေးသားသူအား လေးစားစွာဖြင့် Credit ပေးပါသည်။ ( ပြန်လည်မျှဝေပေးခြင်းဖြစ်ပါတယ်။ ) #ကျန်းမာရေး

#မသုံးတတ်ရင် ဘေးဖြစ်စေမယ့် ဆေးဖက်ဝင်အပင်များ (မချစ်ဥ၊ ဆီမီးတောက်၊ ဆင်တုံးမနွယ်) Save ထားပါ🥰 "တန်ဆေး လွန်ဘေး" ဆိုတာ လူတိုင်းသိပေမယ့် "ဆေးမတိုးဘဲ အဆိပ်သင့်" သွားတတ်တဲ့ အပင်တွေကိုတော့ လူတိုင်း သတိမထားမိတတ်ကြပါဘူး။ 🌿💀 သဘာဝဆေးဘက်ဝင်အပင်မို့ ဘေးကင်းမယ်လို့ ယူဆပြီး ကိုယ့်သဘောနဲ့ကိုယ် သုံးစွဲနေကြသူတွေ ရှိပါသလား? ဒါဆိုရင်တော့ ဒီစာလေးကို အဆုံးထိ ဖတ်ကြည့်ဖို့ မေတ္တာရပ်ခံပါရစေ။ တချို့အပင်တွေက အမြစ်ကနေ အပင်အထိ ဆေးဖက်ဝင်ပေမယ့် တချို့အပင်တွေကတော့ အစွမ်းထက်လွန်းသလို အထိန်းအကွပ်မပါရင် အသက်အန္တရာယ်ပေးနိုင်တဲ့အထိ "အဆိပ်" ပြင်းတတ်ပါတယ်။ ဥပမာအားဖြင့် - 🔥 ဆီမီးတောက် (Queen of Poisons): ^^^^^^^^^^^^^^^^ အလှစိုက်ကြတဲ့ ဂလောနွယ် (Flame Lily) နဲ့ ကုလားဆီမီးတောက်ပင်တွေဟာ အဆိပ်ပြင်းလွန်းလို့ သူ့ချည်းသက်သက် စားမိရင် သေစေနိုင်ပါတယ်။ ဆေးအဖြစ်သုံးမယ်ဆိုရင်တောင် ကျွမ်းကျင်သူတွေက အဆင့်ဆင့် အဆိပ်ဖြေ (အခိုးသတ်) ပြီးမှ ပမာဏ အနည်းငယ်သာ သုံးစွဲရတာပါ။ 🥔 မချစ်ဥ နဲ့ နနွင်းခါး: ^^^^^^^^^^^^^^^^^^ တချိန်က "မချစ်ဥ" ကို အသက်ရှည်ဆေးမှတ်ပြီး သုံးစွဲရာကနေ ကင်ဆာဖြစ်၊ အသက်ဆုံးရှုံးခဲ့ရတဲ့ သာဓကတွေ ရှိခဲ့ဖူးပါတယ်။ ပျားရည်နဲ့ စိမ်ထားတဲ့ "နနွင်းခါး" ဆေးလုံးတွေဆိုရင်တောင် ပျားရည်ခန်းသွားရင် နနွင်းခါးက သေဆေးပမာ ဖြစ်သွားတတ်ပါတယ်။ 🌱 ဆင်တုံးမနွယ်: ^^^^^^^^^^^^^^^^ မသုံးတတ်ရင် ပါးစပ်ကနေ စအိုအထိ အစေးလောင်ကျွမ်းစေနိုင်ပါတယ်။ အသက်ရှည်ချင်လို့ ဆင်စီးကာမှ ဆင်နင်းခံရသလို မဖြစ်ရလေအောင် သတိပြုသင့်ပါတယ်။ အနှစ်ချုပ်အားဖြင့် - ^^^^^^^^^^ ဒီအပင်တွေက အဆိပ်ရှိသလို၊ အစွမ်းလည်း ထက်ပါတယ်။ ဒါပေမဲ့ "အခိုးသတ်" တတ်ဖို့၊ စနစ်တကျ ဖော်စပ်တတ်ဖို့က အရေးကြီးဆုံးပါ။ ✅ မိမိကိုယ်တိုင် ဆရာလုပ်ပြီး စမ်းသပ်မသောက်သုံးပါနဲ့။ ✅ နားလည်တတ်ကျွမ်းတဲ့ ဆရာသမားတွေရဲ့ ညွှန်ကြားချက်မပါဘဲ မမှီဝဲပါနဲ့။ အပင်တိုင်း ဆေးဖက်ဝင်ပေမယ့်... ဘေးမဖြစ်ဘဲ ဆေးဖြစ်အောင် သုံးတတ်ဖို့က မိမိရဲ့ သတိနဲ့ ဉာဏ်ပညာအပေါ်မှာ မူတည်ပါတယ်ရှင်။ ကျန်းမာပြီး ဘေးကင်းကြပါစေ။ မသိသေးတဲ့ မိတ်ဆွေတွေအတွက်လည်း ပြန်လည်မျှဝေပေးခဲ့ပါဦးနော်။ 👇 မူရင်းရေးသားသူအား လေးစားစွာဖြင့် Credit ပေးပါသည်။ ( ပြန်လည်မျှဝေပေးခြင်းဖြစ်ပါတယ်။ ) #ကျန်းမာရေး