ရှားစောင်းလက်ပပ်နှင့် ပျောက်ကင်းသည့်ရောဂါများ.... ၁.ရှားစောင်းဂျယ်လီအနှစ်ကို မျက်ခွံပေါ်တင်ပေးပါက မျက်စိနာ၊ကိုက်၊ပူစပ်၊ယားယံခြင်းကို သက်သာစေပါသည်။ ၂.နားထဲတွင်အနာပေါက်ခြင်း၊နားကိုက်ခြင်းနှင့် နားပိုးဝင်၍ ရောင်ကိုင်းခြင်း တို့တွင် ရှားစောင်းလက်ပပ် ၂ လက်မအရွယ်ကိုလှီးဖြတ်ကာ ထက်ခြမ်းခြမ်းပြီး နား၏အရှေ့ဘက်နှင့် အနောက်ဘက်တို့တွင် ကပ်၍ ဂျယ်လီအချွဲများဖြင့်နားအပြင်မှပွတ်ပေးခြင်း ဖြင့် ရောင်ကိုင်းမှုများလျော့ကျကာ နာကျင်ကိုက်ခဲခြင်းကို သက်သာစေပါသည်။ ၃. ရှားစောင်းလက်ပတ်ကိုဖျော်ရည်သောက်ခြင်း သို့ ပါးပါးလှီး၍ချက်စားခြင်းဖြင့် ဓမ္မတာမှန်စေကာ အမျိုးသမီးမျိုးပွါးအင်္ဂါကို ခွန်အားဖြစ်စေရုံသာမက သားအိမ်ကိုသန့်စင်စေသည်။သွေးဆုံးပြီးနောက် မီးယပ်ရောဂါတို့ကိုလည်းမဖြစ်စေပါ။ ၄.ကျားမ အင်္ဂါများရှိရေယုန်နာများကိုလည်း ဂျယ်လီအနှစ်လိမ်းပေးခြင်းဖြင့် သက်သာစေနိုင်သည်။ ၅.ရှားစောင်းလက်ပတ်၏အတွင်းပိုင်းရှိ ဂျယ်လီသည် အရေပြားတွင်အနီပိမ့်များ ထွက်ခြင်း၊အရေပြားတွင် အရည်အိတ်တည်ခြင်း၊အပူလောင်ခြင်း၊ ဘက်တီးရီးယားနှင့် ပိုးမွှားများကြောင့် အရေပြားတွင် ပွေး၊ဝဲ၊ညှင်း စသည့် အရေပြားရောဂါ အမျိုးမျိုးကို သက်သာ စေသည်။ ၆.ဓာတ်တိုးဆန့်ကျင်ပစ္စည်းများ ပါရှိသဖြင့် အစာချေစနစ်ကိုအားပေးကာ အစာအိမ်နာခြင်း၊အစာမကြေခြင်းတို့ကို သက်သာစေသည်။အထူးသဖြင့် အူမကြီး ကင်ဆာအပါအဝင် ကင်ဆာအကျိတ်များ ကြီးထွားလာမှုကို ရပ်တန့်စေသည်။ အစာအိမ်ပြည်တည်နာများ၊အသည်းရောင်ခြင်း၊အူရောင်ခြင်း ဝေဒနာတို့ကိုလျော့ကျစေသည်။ ၇.သွေးထဲရှိ oxygen ကိုကောင်းစွာလည်ပတ်စေပြီး cell များကိုခွန်အားဖြစ်စေသည်။ ၈.အပင်ထဲရှိ polysaccharides ,mannans,anthraquinones စသောဒြပ်များသည် နှလုံးစွမ်းရည်ကိုတိုးမြှင့်ပေးစေသည့်အပြင် သွေးတွင်းအဆီခဲ သွေးခဲများပိတ်ဆို့ခြင်း၊ နှလုံးသွေးပျစ်ခြင်းစသော နှလုံးသွေးကြော ဆိုင်ရပြဿနာများကို များစွာကောင်းကျိုးပြု သည်။ထို့ပြင် နှလုံးရောဂါနှင့်ဆက်စပ်သည့်လေဖြတ်ခြင်းကိုလည်း ဖြစ်မလာစေနိုင်ပါ။ ၉.သွေးဖိအားထိန်းညှိပေးခြင်းကြောင့် သွေးတိုးရောဂါမဖြစ်စေပါ။ ၁၀. အရေပြားရှိထိခိုက်ဒဏ်ရာများနှင့် ပိုးဝင်ခြင်းတို့ကိုသက်သာစေပါသည်။ ရှားစောင်းအနှစ်ကို လိမ်းပေးပါက မီးလောင်နာ ၊အရည်ကြည်ဖုနာ၊ထိခိုက်ရှနာ၊ နေလောင်နာ စသည်တို့ကို ရှားစောင်းလက်ပက်တွင်ပါဝင်သော အောက်စီဂျင်ဓာတ်တစ်မျိုးတည်းကြောင့် အရေပြားမှ cell များကို အလိုလို ပြုပြင်ပေး နိုင်စွမ်းရှိသည်။ (သို့သော်) ခွဲစိတ်အနာချုပ်ရိုးများကို အနာကောင်းစွာမကျက်ခင် မလိမ်းသင့်ပါ၊ အနာကျက်နှေးသွားစေပါတယ်။ ၁၁.သွေးစုနာ၊အကြိတ်ဖုနာ၊သွေးလုံး၊လေလုံး၊ အဆီဖုများကို အပင်၏ဂျယ်လီ လိမ်းကပ်ပေးခြင်းဖြင့် အကြိတ်မှပြည်ပေါက် ထွက်ကာ ငန်းမန်းကို ကြေစေနိုင်သည်။ ၁၂.ရှားစောင်းလက်ပပ်အပင်ကို မီးမြှိုက်၍ အနှစ်ကိုစားပေးပါက ရေဖျဉ်းရောဂါကို သက်သာစေပြီး မီးမြှိုက်ထားသောအနှစ်ကို သကြားနှင့်စားပါက အမျိုးသမီးများ အဖြူဆင်းခြင်းကိုသက်သာစေသည်။ ၁၃ ဂျယ်လီအနှစ်ကိုခြစ်ယူ၍ ဆန်ဆေးရည်တွင်စိမ်ပြီး သကြားထည့်သောက်ပါက ဆီးပူ၊ဆီးအောင့်ရောဂါကိုပျေါက်ကင်းစေပြီး ဆီးကျောက်တည်ခြင်းကို ကာကွယ်ပေးသည်။ ၁၄.အသားဝါရောဂါရှိသူများ ဂျယ်လီအနှစ်ကို စားပေးခြင်းဖြင့် ချမ်းသာရာရစေသည် ၁၅.ဖျော်ရည်လိုသောက်သုံးပေးခြင်းဖြင့် အအေးမိ၊တုပ်ကွေးဖျားနာ၊နှာခေါင်းပိတ် ခြင်း၊လေပြွန်ရောင်ခြင်း၊ရင်ပူခြင်း၊စသည့် အသက်ရှူလမ်းကြောင်းဆိုင်ရာ ပြဿနာများကို ကောင်းစွာကုသပေးနိုင်စွမ်း ရှိသည်။ ၁၆.သွေးထဲရှိ glucose ပမါဏကိုကျစေသဖြင့် ဆီးချိုရောဂါသည် များရှားစောင်းလက်ပက်ဖျော်ရည်ကို သောက်သုံးသင့်ပါသည်။ ၁၇.ခန္ဓာကိုယ်ရှိ ဘက်တီးရီးယားပိုးမွှားများကိုသေစေကာ သွားများကိုဖြူဖွေးသန့်စင်ခိုင်ခန့်စေပြီး၊ သွားဖုံးများကိုကျန်းမာစေသည်။ ၁၈.သဘာဝသကြားဓာတ် ပါရှိသဖြင့် ကိုယ်ခံစွမ်းအားကို တိုးတက်မြင့်မားစေသည်။ ၁၉.အပင် ၏ enzymes များတွင် ဝမ်းသက်စေသော အာနိသင်ပါရှိခြင်း ကြောင့် အူမကြီးနံရံရှိ အချွဲအကျိများကို တိုးပွါးစေကာ အူကိုသန့်စင်စေပြီး ဝမ်းမချုပ်စေပါ။ ၂၀.ခေါင်းမလျှော်ခင်ရှားစောင်း လက်ပက် ဂျယ်လီနှင့် ဦးခေါင်းကို နှိပ်နယ်ပေးခြင်းဖြင့် ဆံပင်ကျွတ်ခြင်း၊ ဆံပင်နှစ်ခွဖြစ်ခြင်း၊ ဆံပင်ကျိုးခြင်းတို့ကို သက်သာစေကာ သန်း နှင့် ဗောက်များကိုလည်ကင်းစင် စေသည်။ ၂၁.ရှားစောင်းလက်ပက်ထဲတွင် ယောင်ယမ်းနာများကို ပျေါက်ကင်းစေသော သဘာဝပစ္စည်း ၁၂ မျိုးပါရှိ၍ ဘေးထွက်ဆိုး ကျိုးလုံးဝမရှိပဲ အရိုးအဆစ်အမြစ် နာကျင် ကိုက်ခဲခြင်းတို့ကိုသက်သာစေသည်။ ထို့ပြင် ကြွက်သားများတောင့်တင်းခြင်းကိုလဲ ပြေလျော့စေသည်။ ၂၂. cholesterol ကိုကျစေပြီး အဆိပ်အတောက်ကင်းကာ ခန္ဓာကိုယ်ကို ပေါ့ပါးလန်းဆန်းစေသည်။ ၂၃.ခန္ဓာကိုယ်ထဲ oxygen ပြတ်လပ်မှုကို ကာကွယ်ပေးသည်။ ၂၄.ကော်ဖီနှင့် လက်ဖက်ရည်အလွန်အကျွံသောက်သုံး ခြင်းကြောင့် ခန္ဓာကိုယ်တွက် မလိုအပ်သော oxalates ဓာတ်မန္တရာယ်မှကာကွယ်ပေးသည်။ ၂၅.ညအိပ်ယာဝင်ခါနီး ရှားစောင်းလက်ပက် ဂျယ်လီကို မျက်နှာအနှံ့ပွတ်လိမ်းပြီး မိနစ်၂၀ အကြာတွင် ရေအေးနှင့် မျက်နှာ သစ်ပေးပါက မိတ်ကပ်ချေးများ ကင်းစင်စေပြီး ချွေးပေါက်ပွင့်ကာ ဝက်ခြံ လုံးဝမထွက်စေပါ။ရှားစောင်းအနှစ်ကို မျက်နှာပေါ်တွင်အုပ်ပြီးလိမ်းပေးပါက ရှားစောင်းတွင်ပါဝင်သော oxygen ကြောင့် အရေပြားcell များကိုပိုမိုသန့်စင်စေ ပြီးချေါမွတ်စေပါသည်။ဝက်ခြံသာမက တင်းတိပ်များကိုဖယ်ရှားပြီး နူးညံ့လှပစေ ပါသည်။ ၂၆.ရှားစောင်းလက်ပက်ကို အစိမ်းလိုက်ဝါးစားပါက အရက်နာကျရောဂါကိုသက်သာစေသည်။ လူကိုပုံမှန်တိုင်း လန်းဆန်းစေသည်။ (သို့သော်)တစ်နေ့ ၂၀ cc ထက်ပို၍ အစိမ်းစားပါက ကျောက်ကပ်ကို ပျက်စီးစေနိုင်သည်။ အစာအိမ်ရောဂါပါပျောက်ကင်းပါတယ်။ သုံးစွဲနည်း= ဓါးပါးပါးလေးနဲ့အခွံကိုလှီးထုတ်ပါ။မြိုချလို့ရတဲ့အရွယ်အတုံးလေးတွေရအောင် ဖြတ်ပါ။မတ်ခွက်ထဲအပြည့်ထည့်ပါ၊သကြားဟင်းစားတစ်ဇွန်းထည့်ပါ၊သံပုရာသီးတစ်လုံးအရည်ညှစ်ထည့်ပါ၊အဖုံးဖုံးထားပါ၊၂၄ နာရီနှပ်ထားပါ၊၂၄ နာရီပြည့်ရင် အစာအိမ်ထဲအစာမရှိမီ(အိပ်ယာထချိန်)မှာ ဇွန်းနဲ့ခပ်ပီး မြိုချပါ။ ရှားစောင်းလက်ပတ်ရဲ့အကျိအချွဲတွေက အစာအိမ်နံရံ၊အနာရှိတဲ့နေရာမှာသွားကပ်ရင် အနာကျက်မြန်ပီး တစ်လလောက်မှာ အစာအိမ်ရောဂါ သက်သပျောက်ကင်းပါတယ်🥰 အကျိုးကျေးဇူးများစွာဖြင့် လူတို့၏ ကျန်းမာရေးအတွက်လိုအပ်မှုများစွာကို ဖြည့်ဆည်းပေးနိုင်သည့် သဘာဝရှားစောင်းလက်ပက်ဖြင့်ဖော်စပ်ထားသောဆေးများ ၊အလှကုန်ပစ္စည်းများကို အသုံးပြုသင့်ပါတယ်🥰 🥬🥬🥬🥬🥬🥬🥬🥬🥬🥬🥬🥬🥬🥬 ဝမ်းချုပ်ခြင်းပြဿနာ နဲ့ ရှားစောင်းလက်ပပ် ဗိုက်ထဲမှာ လေးလံပြီး နာနေတာဟာ အူတွေထဲမှာ အစာဟောင်း ( မစင် ) တွေ စုပုံနေလို့ ဖြစ်ပါတယ်။ ဝမ်းမသွားဘဲ အစာဟောင်းတွေစုပုံနေတာ ( ဝမ်းချုပ်နေတာ ) ဟာ ရုတ်ချည်းအသက်အန္တရာယ်ပေးနိုင်တာမျိုး မဟုတ်ပေမယ့် တာရှည်မှာ ကျန်းမာရေးအတွက်တော့မကောင်းပါဘူး။ အူမကြီးဟာ အစာချေလုပ်ငန်းအတွက် အရေးပါတာမို့ အူတွေ သန့်ရှင်းပြီး ကျန်းမာနေဖို့ဟာ အရေးကြီးပါတယ်။ အူတွေဟာ အစာဟောင်းတွေနဲ့ ပြည့်ကျပ် ညစ်ပေနေလျှင် ဝမ်းချုပ်ခြင်း , ဝမ်းလျောခြင်း , ဗိုက်နာခြင်း , မအီမသာဖြစ်ခြင်း , မူးဝေခြင်း , ခေါင်းကိုက်ခြင်း , အစားပျက်ခြင်း , ပါးစပ်နံခြင်း , ကိုယ်ခံအား နည်းခြင်း , ပျို့အန်ခြင်း , ဗိုက်ရောင်ရမ်းခြင်း စတာတွေ ခံစားရပါတယ်။ ဝမ်းချုပ်စေတဲ့အကြောင်းတွေမှာ အဓိက ၂ချက်ကတော့ အစားအသောက် ဂရုမစိုက်ခြင်း နဲ့ ထိုင်ခုံမှာ စွဲစွဲမြဲမြဲ အလုပ်လုပ်ရခြင်း တို့ပဲ ဖြစ်ပါတယ်။ ဒါ့အပြင် ပြုပြင်ထားတဲ့ အလွယ်စားစရာတွေ အားထားစားသောက်ခြင်း နဲ့ ကိုယ်လက်လှုပ်ရှားမှုနည်းခြင်းဟာလည်း အစာချေခြင်းလုပ်ငန်းကို ထိခိုက်စေပါတယ်။ အဆီများတဲ့အစားအစာ , အချိုများတဲ့အစားအစာ စားသုံးမှုများခြင်း နို့နဲ့ နို့ထွက်အစားအစာတွေ စားသုံမှုများခြင်း ရေအသောက်နည်းခြင်း ဖိုင်ဘာကြွယ်ဝတဲ့ အစားအစာများ မစားခြင်း အရက်သေစာ နဲ့ ကော်ဖီ အသောက်များခြင်း ဝမ်းအချိန်မှန်မသွားဘဲ အောင့်အည်းချုပ်တည်းထားခြင်း စတာတွေကလည်း ဝမ်းချုပ်စေသည့်အကြောင်းတွေ ဖြစ်ပါတယ်။ သွေးတိုးခြင်း လေဖြတ်ထားခြင်း ခြေလက်တုန်ယင်သည့် ပါကင်ဆင်ရောဂါဖြစ်ခြင်း ဆီးချိုရောဂါရှိခြင်း ခါးအာရုံကြောထိခိုက်ထားခြင်း ကိုယ်ဝန်ဆောင်ခြင်း အသက်အရွယ်ကြီးခြင်း စတာတွေကြောင့်လည်း ဝမ်းချုပ်ခြင်း ဖြစ်ရပါသေးတယ်။ အူတွေလှုပ်ရှားမှုကို အားပေးပြီး အစာဟောင်းတွေ စွန့်ထုတ်ပစ်နိုင်အောင် ပြုလုပ်ပေးနိုင်တဲ့ သဘာဝဆေးဝါးများ ရှိပါတယ်။ အလွယ်ကူဆုံးဆေးနည်းအတွက် လိုအပ်ချက်ကတော့ ရှားစောင်လက်ပပ် ဂျဲလ် စားပွဲတင်ဇွန်း ၃ဇွန်းစာ ပျားရည် သံပုရိုသီး ၁လုံး ရေ ၃ခွက် တို့ဖြစ်ပါတယ် ရေ ၁ခွက်ထဲ သံပုရိုသီး ညှစ်ထည့်ဖျော် ရှားစောင်းလက်ပပ် စားပွဲတင် ၃ဇွန်းထည့်မွှေ ဖျော်စက်ထဲ ထည့် ရေ ၂ခွက် ထပ်ထည့် မွှေ ပျားရည် လိုသလိုထည့် မနက်အိပ်ရာထ မနက်စာမစားမီ ၃၀မိနစ်မှာ ၁ခွက်သောက်။ နေ့လည်စာနဲ့ ညစာ မစားမီ နာရီဝက်စောပြီး နောက်ထပ် ၁ခွက်စီ သောက်ပါ။ အလွယ်ကူဆုံး သဘာဝ ဝမ်းနုတ်ဆေးဖြစ်ပါတယ်။ ကျန်းမာချမ်းသာကြပါစေ ဒေါက်တာမြင့်သိန်း Crd original writer 🤍🤍 #ကျန်းမာရေးဗဟုသုတရကြပါစေ #sweswe #newyearevent #healthyliving

ရှေးလူကြီးများက ပြောလေ့ရှိသည်မှာ- "အရိုးအဆစ်တွေ အားနည်းရင်၊ ကိုက်ခဲရင်၊ အကြောတွေ တောင့်တင်းရင်... ရှားစောင်းလက်ဆက်ပင်ကို စမ်းကြည့်ပါ" ဒီဆေးဖက်ဝင်အပင်ကို လွန်ခဲ့တဲ့ နှစ်ပေါင်းများစွာကတည်းက အထူးသဖြင့် အင်အားသုံး အလုပ်လုပ်သူတွေ ဒါမှမဟုတ် သက်ကြီးရွယ်အိုတွေကြားမှာ အသုံးပြုခဲ့ကြပါတယ်။ 🦴 အရိုးနှင့် အဆစ်အမြစ်များအတွက် ထင်ရှားသော အစွမ်းသတ္တိများ အရိုးများကို သန်မာစေရန် ကူညီပေးသည်။ အရိုး၊ အဆစ်နှင့် အကြောများ နာကျင်ကိုက်ခဲခြင်းကို လျှော့ချပေးသည်။ ကျိုးပဲ့ခြင်း သို့မဟုတ် အက်ကွဲသော အရိုးများကို ပိုမိုမြန်ဆန်စွာ ပြန်လည်ကောင်းမွန်စေရန် ကူညီပေးသည်။ အဆစ်တောင့်တင်းခြင်း၊ အဆစ်အမြစ်များ လှုပ်ရှားရခက်ခဲခြင်းတို့ကို သက်သာစေသည်။ သက်ကြီးရွယ်အိုများ သို့မဟုတ် ခါးနာ၊ ဒူးနာ ပြဿနာရှိသူများအတွက် သင့်လျော်သည်။ ရိုးရာဓလေ့အရ အရိုးပြုပြင်ခြင်းကို အားဖြည့်ပေးသည်။ #yoyocooking

ဒန့်ဒလွန်ရွက်၏ ကျန်းမာရေး အကျိုးကျေးဇူး (၁၅) ချက် ၁။ မျက်လုံးအားကောင်းစေခြင်း ဗီတာမင် A ကြွယ်ဝစွာ ပါဝင်သောကြောင့် မျက်လုံးကျန်းမာရေးကို ထောက်ပံ့ပေးပြီး အသက်ကြီးလာသည့်အခါ ဖြစ်ပေါ်လေ့ရှိသော အမြင်အာရုံဆိုင်ရာ ပြဿနာများကို လျော့ပါးစေနိုင်သည်။ ၂။ ကိုယ်ခံအား မြှင့်တင်ပေးခြင်း ဓာတ်တိုးဆန့်ကျင်ပစ္စည်းများနှင့် ဗီတာမင် C များစွာပါဝင်၍ ခန္ဓာကိုယ်၏ ခုခံအားစနစ်ကို အားကောင်းစေသည်။ ၃။ သွေးတွင်းသကြားဓာတ်ကို ထိန်းချုပ်ခြင်း ရိုးရာဆေးနည်းများတွင် ဆီးချိုရောဂါရှိသူများ၏ သွေးတွင်းသကြားဓာတ်ကို ထိန်းညှိပေးရန်အတွက် အသုံးပြုလေ့ရှိသည်။ ၄။ ဦးနှောက်နှင့် အာရုံကြောများ အားဖြည့်ခြင်း ဗီတာမင် B အုပ်စုများ ပါဝင်သောကြောင့် ဦးနှောက်၏ လုပ်ငန်းဆောင်တာများကို ပိုမိုကောင်းမွန်စေသည်။ ၅။ အစာခြေစနစ်ကို ကူညီခြင်း အမျှင်ဓာတ် မြင့်မားစွာပါဝင်သည့်အတွက် အစာချေဖျက်မှုကို လွယ်ကူချောမွေ့စေသည်။ ၆။ အဆစ်အမြစ် ရောင်ရမ်းခြင်းကို လျော့ချခြင်း ရောင်ရမ်းခြင်း၊ ကိုက်ခဲခြင်းနှင့် နာကျင်ခြင်းတို့ကို သက်သာစေမည့် ဂုဏ်သတ္တိများ ပါဝင်သည်ဟု ယုံကြည်ရသည်။ ၇။ သွေးတွင်းအဆီဓာတ်ကို လျှော့ချခြင်း ခန္ဓာကိုယ်တွင် မကောင်းသော အဆီများ (Cholesterol) စုပုံခြင်းကို လျော့ပါးစေနိုင်သည်။ ၈။ အိပ်စက်ခြင်းကို ကောင်းမွန်စေခြင်း ရိုးရာအသုံးပြုမှုများအရ ညအိပ်ရာဝင်ခါနီးတွင် သောက်သုံးပါက စိတ်ကို ငြိမ်သက်စေပြီး ကောင်းစွာ အိပ်ပျော်စေသည်ဟု ဆိုသည်။ ၉။ အမျိုးသမီး ကျန်းမာရေးအတွက် အထောက်အကူပြုခြင်း ခန္ဓာကိုယ်တွင်း ဟော်မုန်းများကို ချိန်ညှိပေးနိုင်သည့် ဓာတ်ပစ္စည်းများ ပါဝင်သည်။ ၁၀။ သွေးအားကို ကောင်းစေခြင်း သံဓာတ် ပါဝင်သောကြောင့် သွေးနီဥဆဲလ်များ ထုတ်လုပ်မှုကို အားပေးပြီး သွေးအားနည်းခြင်းကို ကာကွယ်ပေးနိုင်သည်။ ၁၁။ အနာကျက်နှုန်းကို မြန်စေခြင်း ဓာတ်တိုးဆန့်ကျင်ပစ္စည်းများ၏ အစွမ်းကြောင့် ထိခိုက်ဒဏ်ရာများ သဘာဝအတိုင်း အမြန်ဆုံး ကျက်စေရန် ကူညီပေးသည်။ ၁၂။ သွေးတိုးကို လျှော့ချခြင်း သွေးကြောများကို ကျယ်ပြန့်စေပြီး သွေးလည်ပတ်စီးဆင်းမှုကို ကောင်းမွန်စေသဖြင့် သွေးတိုးကျစေနိုင်သည်။ ၁၃။ ဂေါက် (Gout) ရောဂါရှိသူများအတွက် အကျိုးရှိခြင်း ဂေါက်ရောဂါ ဖြစ်စေသော ယူရစ်အက်ဆစ် (Uric Acid) ပမာဏကို လျှော့ချရာတွင် အသုံးပြုလေ့ရှိသည်။ ၁၄။ ဘက်တီးရီးယားအချို့ကို တိုက်ဖျက်နိုင်ခြင်း ဒန့်ဒလွန်ရွက်စိမ်း သို့မဟုတ် ၎င်း၏ အရည်ညှစ်ထားသော ဖျော်ရည်သည် ဘက်တီးရီးယားပိုးမွှားအချို့ကို တားဆီးနိုင်သည့် ဂုဏ်သတ္တိရှိသည်ဟု ယုံကြည်ရသည်။ ၁၅။ ကိုယ်တွင်း အဆိပ်အတောက်များကို ဖယ်ရှားပေးခြင်း ရိုးရာဆေးကျမ်းများတွင် ခန္ဓာကိုယ်မှ အဆိပ်အတောက်များကို ဖယ်ရှားရှင်းလင်းပေးသော သဘာဝဆေးအဖြစ် အသုံးများသည်။ #လင်းသိဒ္ဓိအောင်အာရုံကြောအားတိုးဆေး

ကြက်မောက်ဆူးပြန်ပင် - လူအများ လျစ်လျူရှု့ခဲ့ကြသည့် ဆေးဖက်ဝင်အပင်... ကျွန်မရဲ့ အစ်မဖြစ်သူရဲ့အိမ်နားက အဘိုးအဘွားတွေကတော့ ဒီလိုပြောကြပါတယ်- “ဒီအပင်လေးပဲ၊ ခန္ဓာကိုယ်ကို ပေါ့ပါးစေတယ်၊ အဆစ်မတောင့်တင်းတော့ဘူး၊ ဆီးသွားတာ သက်သာလာတာကို တကယ်ခံစားရတယ်” အရင်တုန်းက ဥယျာဉ်ခြံထဲကနေ ပြန်လာတဲ့သူတွေ ခါးနာတာ၊ ခါးရိုးနာတာ၊ ကြွက်သားတွေ တင်းမာပြီး ထိုင်ရထရခက်နေတာမျိုးတွေဆိုရင် သူတို့မှာ ကြွက်သားပြေဆေးတွေ မရှိကြပါဘူး။ သူတို့က ကြက်မောက်ဆူးပြန်ပင် ရဲ့ အညွန့်နုလေးတွေကို ခူးပြီး ရေနွေးနွေးနဲ့ အဖျော်ရည်လုပ်ပြီး သောက်ကြပါတယ်။ ဒါက ကြွက်သားတွေကို ပြေလျော့စေတယ်၊ အဆစ်အမြစ်ရောင်ရမ်းတာကို လျှော့ချပေးပြီး ခန္ဓာကိုယ် အတွင်းထဲကနေ လန်းဆန်းပေါ့ပါးသွားသလို ခံစားရစေပါတယ်။ လူအများစုကလည်း- “မနက်အိပ်ယာက နိုးလာတဲ့အခါ မနေ့ကထက် ပိုပေါ့ပါးတယ်” လို့ တညီတညွတ်တည်း ပြောကြပါတယ်။ ဒါပေမဲ့ ဒီအပင်ရဲ့ နာမည်အကြီးဆုံး အာနိသင် ကတော့ ဆီးနဲ့ ဖောရောင်တာကိစ္စတွေပါ။ ဆီးနည်းတဲ့သူ၊ ဆီးချုပ်တဲ့သူ၊ တစ်နေကုန် လမ်းလျှောက်လို့ ခြေထောက်လေးလာပြီး ဖောရောင်နေတဲ့သူတွေကို အဘိုးအဘွားတွေက ချက်ချင်းပြုတ်ပြီး သောက်ခိုင်းပါတယ်။ ဒါက ဘာကို ကူညီပေးသလဲဆိုတော့- ဆီးသွားတာ ပိုကောင်းလာတယ်၊ အညစ်အကြေးတွေ စွန့်ထုတ်ရတာ ပိုလွယ်ကူလာပြီး ဖောရောင်တာလည်း မြန်မြန်ကျသွားစေပါတယ်။ တချို့အိမ်တွေမှာတော့ ဆီးကျောက်တ'ည်ခြင်းရဲ့ အစပိုင်းလက္ခဏာတွေကို သက်သာစေဖို့ ဒီအပင်ကို အသုံးပြုကြပါတယ်။ ဘာကြောင့်လဲဆိုတော့ သူက ဆီးလမ်းကြောင်းအတိုင်း ဆီးစီးဆင်းမှုကို လွယ်ကူစေပြီး ဆီးလမ်းကြောင်းထဲမှာ အနယ်ကျခြင်းကို လျှော့ချပေးလို့ပါ။ ဘေးခါးတစ်ဖက်တစ်ချက် နာကျင်တတ်တဲ့သူတွေ ဒီအရည်ကို သောက်ပြီးရင် အရင်ကထက် သက်သာသွားတယ်လို့ မကြာခဏ ပြောကြပါတယ်။ ပြီးတော့ သဘောကျတာတစ်ခုက... သူက ဗိုက်ကို လေပြေစေတယ်။ လေပွလွယ်တဲ့သူ၊ လေအောင့်တဲ့သူ၊ ဗိုက်ပြည့်နေတဲ့သူ၊ နည်းနည်းလေးစားရင်တောင် လေထိုးလေအောင့် ဖြစ်တဲ့သူတွေက အစားစားပြီးနောက် ကြက်မောက်ဆူးပြန်ရွက်ကို ပြုတ်ပြီး နည်းနည်းချင်း သောက်ပေးရင် လေထွက်တာ ကောင်းလာမယ်၊ ဗိုက်မတင်းတော့ဘူး၊ အရင်ကထက် လေပွတာ ပိုလွယ်လွယ်ကူကူ ပျောက်ကင်းစေတယ်လို့ ခံစားရပါလိမ့်မယ်။ 👵🏻 အဘိုးအဘွားများ၏ ပြုတ်နည်း • အပင်တစ်ပင်လုံး ဒါမှမဟုတ် အညွန့်နု ၁ ဆုပ်စာကို ယူပါ။ • ရေ ၁ လီတာနဲ့ ၁၀-၁၅ မိနစ်ခန့် ပြုတ်ပါ။ • တစ်နေ့လျှင် ၁ ဖန်ခွက် (မနက်စာ စားပြီးနောက်) သောက်ပါ။ 🍵 ဒီနည်းလမ်းက ဘယ်သူတွေနဲ့ သင့်တော်သလဲ? ဆီးချုပ်သူများ – ကိုယ်ဖောသူများ – ကြွက်သားနာကျင်သူများ – လေပွလွယ်သူများ သောက်လိုက်ရင် ခန္ဓာကိုယ်က “စွန့်ထုတ်မှု” ပိုကောင်းလာတာကို တကယ်တွေ့ရပါတယ်။ MON SOUNG #MONSOUNG

အဆစ်အမြစ်ကိုက်ခဲတာ၊ သွေးအားနည်းတာ၊ မျက်လုံးအားနည်းတာတွေ ခံစားနေရရင် ဒီအရွက်နဲ့ အသီးတွေကို လျစ်လျူမရှုလိုက်ပါနဲ့! ကြောင်လျှာရွက်ဟာ အံ့သြစရာကောင်းလောက်အောင် ကျန်းမာရေးအတွက် ကောင်းမွန်တဲ့ မြန်မာ့ရိုးရာ ဟင်းသီးဟင်းရွက်တစ်မျိုးပါ။ ✅ ကြောင်လျှာရွက်ရဲ့ မထင်မှတ်ထားတဲ့ အစွမ်းသတ္တိများ • အရွက်နုများ: • ဟင်းချိုချက်ခြင်း၊ သုပ်စားခြင်း သို့မဟုတ် တို့စရာအဖြစ် စားသုံးခြင်းဖြင့် အရသာရှိပြီး အာဟာရလည်း ဖြစ်စေပါတယ်။ • ကြောင်လျှာရွက်ကို ပြုတ်သောက်ခြင်း: • သွေးအားကို ပြည့်စေခြင်း • အဆစ်အမြစ် ကိုက်ခဲခြင်းကို သက်သာစေခြင်း • လေကို ထုတ်ပေးခြင်း၊ ဝမ်းဗိုက်နာကျင်မှုကို သက်သာစေခြင်း၊ အစာစားချင်စိတ်ကို တိုးတက်စေခြင်း။ • အခြားသော အကျိုးကျေးဇူးများ: • ကိုလက်စထရော ကို လျှော့ချပေးခြင်း။ • အိုမင်းရင့်ရော်မှုကို နှေးကွေးစေခြင်း၊ ဓာတ်တိုးဆန့်ကျင်အာနိသင် ရှိခြင်း။ • မျက်လုံးအားကို ကောင်းမွန်စေခြင်း။ • ရောင်ရမ်းမှုကို ဆန့်ကျင်ခြင်း၊ အနာကျက်လွယ်စေခြင်း၊ ဖျားနာခြင်းနှင့် အဖျားငွေ့ငွေ့ရှိခြင်းကို သက်သာစေခြင်း။ • အသီး (အသီးတောင့်): • အသီးတောင့်နုကို အစိမ်းလိုက် တို့စားခြင်း သို့မဟုတ် အချဉ်တည်၍ စားနိုင်သည်။ သင့်ရဲ့ ကျန်းမာရေးအတွက် အိမ်တိုင်းမှာ အလွယ်တကူရနိုင်တဲ့ ကြောင်လျှာပင်ကို စားသုံးပေးဖို့ တိုက်တွန်းချင်ပါတယ်။ #yoyocooking #health #ကျန်းမာရေး #သဘာဝဆေးနည်း #ကြောင်လျှာပင် #ကြောင်လျှာ #အဆစ်အမြစ် #သွေးအားနည်း #မျက်လုံးအား

ဟယ်.... ဟုတ်ပါ့မလား ငါ့မောင်ရယ် တဲ့။ အမကြီး ခင်မာ တစ်ယောက် လေ;ဘက်နာရောဂါ ဖြစ်နေတာ ကြာပြီလို့သိရပြီး.. ဆရာဝန်ကညွန်ကြားထားသော ဆေး (Pan-V) စွဲသောက်နေပေမဲ့ ရောဂါက ထူးခြားမှုမရှိပဲ... လေ;ဘက်နာပို;က ပိုပွားလာတယ်လို့ ဆိုပါတယ်။ သွေ;စစ်ကြည့်လိုက်တိုင်း ပို:က တိုးပွားလာသလို.. ကျနော့်ကို သူ့အမျိုးသားက လာကြည့်ပေးဖို့ ခေါ်တာကြောင့် အခြေနေ သိရအောင် သွားကြည့်တဲ့အခါမှာတော့ အဆစ်တွေရောင်နေတဲ့အထိ။ အမက အစားအသောက်မရှောင်ဘူးလား..? ဆေးရော မသောက်ဘူးလား ဆိုပြီး ကျနော်ကမေးတော့... ဆေးလည်းသောက်ပါတယ် ငါ့မောင်ရယ်.. အစားအသောက်ဆို ရှောင်ရလွန်းလို့ ငတ်တောင်နေပါပြီ။ ဟိုဟာဖြင့်မတည့်ဘူး ဒီဟာက မစားရဘူးနဲ့.. ငါတို့ရောဂါကလည ဝဋ်လိုက်နေသလိုပါပဲ ဆိုပြီး ပြန်ပြောတာကြောင့်... ကျနော့်မှာ သနားလည်းသနား ရယ်လည်းရယ်ချင်ပေါ့။ အမက ခု သောက်ဆေး သောက်လာတာ ဘယ်နှစ်လရှိပြီလဲ မေးကြည့်တော့... ၈ လကြာပြီလို့ ပြောတယ်။ ဒါဆို... ကျနော် ပြောတဲ့ဆေးကို တစ်လတိတိ အချိန်ယူ သောက်ရမယ်ဆိုရင် သောက်မှာလား လို့ မေးကြည့်တော့... ဟယ်.. အမရောဂါသာ သက်သာမယ်ဆို သောက်မှာပေါ့ ငါ့မောင်ရယ်... ဒါနဲ့ မင်းက ဘာဆေးတွေသောက်ခိုင်းမှာတုန်း.. အမတို့က အများကြီး မတတ်နိုင်ဘူးနော် ။ ခေတ်ကာလမကောင်းတော့ ဝင်ငွေက မရှိသလောက်မို့ပြောတာပါတဲ့။ အများကြီးမကုန်ပါဘူးဗျာ... ဒါပေမဲ့ အမယောက်ျား ကိုလှမင်းကတော့ ရှာပေးရမှာပေါ့လို့ ပြောလိုက်တော့.. ဘာရှာရမှာလဲ တဲ့။ အမသောက်ရမဲ့ ဆေးပင်လေ... အချိန်ယူပြီး သောက်ရမှာဆိုတော့... များများရှာထားမှ ရမှာလေ လို့ ရှင်းပြလိုက်တော့.. ဒါဆို အဲ့အပင်က ဝယ်စရာမလိုဘူး ပေါ့ ဟုတ်လား တဲ့။ ဝယ်စရာမလိုပါဘူး အမရယ်.. လမ်းဘေးတွေမှာ အလေ့ကျပေါက်တာရယ်... ကျနော် ခု ယူလာပြမယ်ဆိုပြီး.. သူတို့အိမ်ရှေ့က လမ်းဘေးမှာ တွေ့ခဲ့တဲ့ ဗောက်လောက်ညို (ဗောက်ပင်၊ သပိတ်ညိုသီးပင်) ပင်အား နှုတ်ယူလာပြီး ပြလိုက်တဲ့အခါ... ဟယ်... ဟုတ်ပါ့မလား ငါ့မောင်ရယ်.. ဒီအပင်နဲ့ ကုလို့ရတယ်ဆိုတာ ... ဟုတ်ပါတယ်ဆို အမရယ်... တကယ်လို့ ၁၅ ရက်တိတိ ကျနော်ပြောသလို သောက်လိုမှ အမရောဂါထူးမလာရင်... အမတို့လင်မယား ကျနော့်အိမ်ကနေ ကြိုက်တာလာယူ၊ ကြိုက်ရာလာတောင်း ဆိုပြီး ပြောလိုက်တာ... အာမခံရဲလှပါလား တဲ့။ အဲ့လို အာမခံရဲခဲ့လို့လည်း အံ့သွားတွေတချောင်းမှ မရှိတော့တာပေါ့ အမရေ လို့ စလိုက်တော့.. ဖောရောင်နေတဲ့ အမ ခင်မာ တစ်ယောက် တခွီးခွီးနဲ့ ရီရှာတယ်။ ဒီလိုနဲ့... ထမင်းစားတဲ့အခါ ဗောက်လောက်ညို အရွက်လေးတွေကို ရေနွေးနဲ့ဖျောပြီး တို့စားပေးဖို့နဲ့... အခက်အရွက်စုံတဲ့ ဗောက်လောက်ညိုပင် တစ်ပင်လုံးကို ရေဆေး ဓားနဲ့စင်းပြီး ရေတလီတာထည့် ရေကျတဲ့အထိ ကျိုပြီး.. နေ့စဉ် ဆေးပြုတ်ရေအား ကုန်အောင်သောက်ပေးဖို့.. ပြောဆို မှာကြားခဲ့လိုက်တယ် အမခင်မာရဲ့ အမျိုးသားကိုလည်း ဘယ်နားလေးတွေမှာ အပင်ပေါပေါများများပေါက်တတ်ကြောင်းနဲ့.. ၃ ရက်တခါလောက် ကြိုရှာထားဖို့ ပြောပြီး ပြန်ခဲ့လိုက်တယ်။ တပတ်သောက်ပြီးတာနဲ့ တကိုယ်လုံးရောင်နေတဲ့ အမခင်မာ ပုံမှန်အတိုင်းပြန်ဖြစ်လာသလို.. အရင်က ညဘက်တွေမှာ ညောင်းကိုက်ပြီး အိပ်မပျော်ဘူးဆိုတံ့ သူက... ဆေးသောက်ပြီး နောက်ပိုင်း တခေါခေါနဲ့ ဟောက်တောင်ဟောက်တယ်လို့ သူ့အမျိုးသားက ပြောပြတယ်။ ၁၅ ရက်ကြာပြီးနောက် သွေ;သွားစစ်တဲ့အခါ.. လေဘက်နာပို;က သိသိသာသာ ကျသွားတာကြောင့်.. ဆရာဝန်မကြီးကတောင် ဘာဆေးသောက်တာလဲလို့ မေးသတဲ့။ ဒီလိုနဲ့ ယုံကြည်သွားပြီး ပုံမှန် သောက်လိုက်တဲ့အခါ.. အမခင်မာတစ်ယောက် လုံးဝကျန်းမာလာခဲ့တယ်။ ရောဂါက အရှင်းသက်သာသွားတာမျိုးမဟုတ်ပေမဲ့ သိသိသာသာကို နေရထိုင်ရ သွားရလာရ စားရသောက်ရတာကအစ ကောင်းလာတယ်လို့ ပြောပြတယ်။ လေ;ဘက်နာရောဂါ အရှင်းပျောက်ချင်တယ်ဆိုရင်တော့ ဆက်သောက်ပေါ့ အမခင်မာရေ လို့ ကျနော်ကပြောတော့... အမလေး သောက်မှာပေါ့ ငါ့မောင်ရယ်... ငွေကုန်တာမှ မဟုတ်တာ... အမမှာ မင်းပေးတဲ့အသက်ပဲ ရှိတာမို့.. ကျေးဇူးလည်းမမေ့ပါဘူး တဲ့။ တကယ်ဗျ။ ယနေ့အထိ ကျနော့်အဝတ်မှန်သမျှ ခြုံတဲ့ဆောင်အပါဝင် အမခင်မာက အခကြေးငွေမယူပဲ လျော်ပေးခဲ့တာ ခုဆို ၃ နှစ်ကျော်လာခဲ့ပါပြီ။ မိတ်ဆွေတို့အနေဖြင့်လည်း.... လေ;ဘက်နာရောဂါ ခံစားနေရသူများရှိလျင်.. ဒီနည်းလမ်းလေးအတိုင်း အသုံးပြုကြည့်ဖို့အတွက် မျှဝေပေးကြပါရန်။ စာကြွင်း။ ။ (သွေ;လေ;ဘက်နာ အရေးပြာ;လေ;ဘက်နာသမားများကို ဒီနည်းလမ်းဖြင့် မကုဘူးသေးပါ) #MONSOUNG #crd_to_owner_with_respect ချစ်ခြင်းမေတ္တာဖြင့် 👤လယ်တွင်းသား (ပန်းလောင်မြေ)

ငြီးငွေ့နေပြီလား? မကြာခဏ ဖျားနာ၊ လွယ်လွယ်နဲ့ မောပန်း၊ ခန္ဓာကိုယ်စနစ်တွေ ယိုယွင်းနေပြီလား... သင့်ထမင်းပန်းကန်ထဲက "ခရမ်းကစော့သီး" လေးတွေကို ကြည့်လိုက်ပါ။ ဒီသေးငယ်တဲ့ အသီးလေးတွေက သင့်ကျန်းမာရေး စနစ်တစ်ခုလုံးကို ပြောင်းလဲပေးနိုင်ပါတယ်။ 👉 သွေးတွင်းအဆီဓာတ်များပြီး နှလုံးရောဂါဖြစ်မှာစိုးရိမ်ရလား ? ခရမ်းကစော့သီးကို ပုံမှန်ဝါးစားပါ။ အဆီဓာတ်တွေကို ပျော်ဝင်စေပြီး ဖြစ်နိုင်ခြေ အန္တရာယ်ကို လျှော့ချပေးနိုင်ပါတယ်။ 👉 သကြားဓာတ်များပြီး လွယ်လွယ်မောပန်းနေလား ? ခရမ်းကစော့သီးမှာ သကြားဓာတ်ကို ပုံမှန်ဖြစ်အောင် ထိန်းချုပ်ပေးတဲ့ အထူးဓာတ်တစ်မျိုး ပါဝင်ပါတယ်။ 👉 ဘာစားစား အစာမကျေ၊ ဗိုက်ပြည့်၊ ဝမ်းချုပ်တာ ခံစားနေရလား ? ခရမ်းကစော့သီးမှာ အမျှင်ဓာတ် မြင့်မားတာကြောင့် အူလမ်းကြောင်းကို လှုပ်ရှားလွယ်စေပါတယ်။ 👉 အစားအစာထဲက အဆိပ်အတောက်တွေ စိုးရိမ်ရလား ? ခရမ်းကစော့သီးက စွန့်ပစ်ပစ္စည်းတွေကို ဖမ်းယူပြီး အူတွေကို သဘာဝအတိုင်း ဆေးကြောပေးပါတယ်။ 👉 ဆေးဝါးတွေ အများကြီးသောက်လို့ အသည်းအားနည်းနေလား ? အသည်းရဲ့ လုပ်ငန်းဆောင်တာတွေကို ကူညီထောက်ပံ့ပေးပြီး ပြန်လည်ကောင်းမွန်လာအောင် ပြုစုပေးပါတယ်။ 👉 အစာအိမ်အက်ဆစ် အထက်ဆန်တာ ခဏခဏ ဖြစ်နေလား ? ခရမ်းကစော့သီးပြုတ်ရည် နွေးနွေးလေး သောက်ပါ။ အစာအိမ်ကို အလွှာလိုက် ကာကွယ်ပေးလို့ အပူလောင်တာ သက်သာစေပါတယ်။ 👉 မေ့တတ်လွယ်ပြီး အမှတ်မရှိဖြစ်နေလား ? ခရမ်းကစော့သီးက ဦးနှောက်ကို သွေးရောက်ရှိမှုကို လှုံ့ဆော်ပေးပြီး မှတ်ဉာဏ်ကို တိုးတက်စေပါတယ်။ 👉 သွေးပေါင်ချိန် တက်လိုက်ကျလိုက် ဖြစ်နေလား ? သွေးပေါင်ချိန်ကို မျှတအောင် ချိန်ညှိပေးနိုင်တဲ့ အာနိသင်ရှိပါတယ်။ 👉 ချောင်းခြောက်၊ သလိပ်ပါတဲ့ ချောင်းဆိုး မပျောက်နိုင်ဘူးလား ? ခရမ်းကစော့သီးက သလိပ်တွေကို ဖယ်ရှားပေးပြီး လည်ချောင်းထဲက အကျိအချွဲတွေကို ပျော်ဝင်စေပါတယ်။ 👉 အစာမျိုချရင် လည်ချောင်းနာနေလား ? ခရမ်းကစော့သီးပြုတ်ရည် နွေးနွေးက လည်ချောင်းကို စိုစွတ်စေပြီး ရောင်ရမ်းမှုကို သက်သာစေပါတယ်။ 👉 ဗိုက်ပွ၊ လေပွပြီး လေချဉ်တက်နေလား ? လေကောင်းကောင်း ထုတ်ပေးနိုင်ပါတယ်။ အစိမ်းလိုက် စားရုံနဲ့တင် အထောက်အကူပြုပါတယ်။ 👉 ညဘက် မှုန်ဝါးဝါးနဲ့ မျက်စိမကြည်ဘူးလား ? ခရမ်းကစော့သီးထဲက ဗီတာမင်အေက အမြင်အာရုံကို အားဖြည့်ပေးပါတယ်။ 👉 အအေးမိလွယ်ပြီး ရာသီဥတုပြောင်းတိုင်း မလွတ်ဘူးလား ? အာဟာရဖြည့်ဆေး သောက်စရာမလိုဘဲ သဘာဝအတိုင်း ကိုယ်ခံစွမ်းအားကို မြှင့်တင်ပေးပါတယ်။ 👉 အိပ်ရာကနိုးရင် အဆစ်နာ၊ အဆစ်ရောင်တာ ခံစားရလား ? ရောင်ရမ်းမှုကို ကောင်းစွာ ဆန့်ကျင်ပေးနိုင်ပြီး အဆစ်တွေကို ပျော့ပြောင်းစေပါတယ်။ 👉 အစားအစာ မသန့်လို့ ဝမ်းပျက်ဝမ်းလျှော ဖြစ်နေလား ? ခရမ်းကစော့သီးက အူလမ်းကြောင်းထဲက ပိုးမွှားတွေကို သ'တ်ပေးပြီး ဝမ်းလျှောတာကို လျှင်မြန်စွာ လျှော့ချပေးနိုင်ပါတယ်။ 👉 သွားပိုးစားလွယ်ပြီး ပါးစပ်နံ့ပြင်းနေလား ? ပါးစပ်ထဲက ပိုးမွှားတွေကို လျှော့ချပေးပြီး သွားတွေကို ခိုင်မာ၊ သွားဖုံးတွေကို ကျန်းမာစေပါတယ်။ 👉 ကလေးမွေးပြီး မိခင်တွေ မောပန်းလွယ်ပြီး ပြန်နာလန်ထူဖို့ ခက်နေလား ? သားအိမ်ကို အားဖြည့်ပေးပြီး အတွင်းကနေ ခွန်အားကို ပြန်လည်ဖြည့်တင်းပေးပါတယ်။ 👉 လက်တွေခြေတွေ အေးစက်ပြီး သွေးခုန်နှုန်း နှေးနေလား ? သွေးလည်ပတ်မှုစနစ်ကို ကောင်းမွန်စွာ ပြန်လည်လုပ်ဆောင်နိုင်ဖို့ လှုံ့ဆော်ပေးပါတယ်။ ဒီသေးငယ်တဲ့ အသီးလေးက ဒီလိုလေးနက်တဲ့ ကျန်းမာရေးအကျိုးကျေးဇူးတွေကြောင့် ခရမ်းကစော့သီးကို နေ့စဉ်စားသုံးဖို့ မမေ့ပါနဲ့နော် ! 💚 ကျန်းမာချမ်းသာပြီး ပျော်ရွှင်ကြရပါစေခင်ဗျာ 🙏🏻 MON SOUNG #MONSOUNG

ကြက်သွန်ဖြူ ၏ ကျန်းမာရေး အကျိုးပြုပုံ(၂၁)ချက် ကြက်သွန်ဖြူဟာ သဘာ၀အလျောက် ဆေးတစ်မျိုးဖြစ်ပီး ရှေးယခင် ကတည်းက တစ်ကမ္ဘာလုံးမှာ ကိုယ့်နည်း ကိုယ်ဟန်နဲ့ ဆေးဖော်စပ် အသုံးပြု ကြပါတယ်။ ချက်ပြုတ် စားသောက် ကြပါတယ်။ ကြက်သွန်ဖြူ ပုံမှန် စားသုံးနေသူ တစ်ဦးဟာ ကိုယ်ခံအားကောင်းပြီး အပြင်မှာ အလွယ် တကူ ကူးဆက်နိုင်တဲ့ ရောဂါများကို တားဆီး ကာ ကွယ်ပေးပါတယ်။ ဒါ့အပြင် သူ့မှာ အခြားသော ကျန်းမာရေး အကျိုးကျေးဇူးများလည်း ရှိနေသေးတဲ့ အတွက် အောက်ပါအတိုင်း ဖော်ပြလိုက် ရပါတယ်။ ၁။ သွေးကြော အဆီပင်မှုကို ကာကွယ်ခြင်း။ ၂။ ကိုလက်စ်ထရော လျော့ချပေးခြင်း။ ၃။ သွေးဖိအားလျော့ချပေးခြင်း (သွေးတိုး ဖြစ်နိုင်ချေကျဆင်း) ၄။ လေးဘက်နာ ဂေါက်ရောဂါကို ကုသနိုင်ခြင်း။ ၅။ အအေးမိ အဖျား ပျောက်ကင်းစေခြင်း။ ၆။ အသက်ရှုလမ်းကြောင်းနှင့်ဆိုင်သော ရောဂါများ ပျောက်ကင်းစေ ခြင်း။ ၇။ အဆုတ်နှင့် ဆက်စပ်ရောဂါကို ပျောက်ကင်းစေခြင်း။ ၈။ ပြည်တည်နာကို ကျက်စေခြင်း။ ၉။ ဆီးလမ်းကြောင်းမှ တစ်ဆင့် ကူးဆက်သော ရောဂါများ အား ပျောက် ကင်းစေခြင်း။ ၁၀။ ဝမ်းတွင်း အစာချေဖြတ်မှုလုပ်ငန်း အား မြန်ဆန်စေခြင်း။ ၁၁။ ကင်ဆာရောဂါအများစုကို မဖြစ်ရန် ကာကွယ်ပေးခြင်း။ ၁၂။ ဓာတုဆေးအဆိပ်တို့ကို ပြေစေခြင်း။ ၁၃။ သွေးမခဲစေရန် တားဆီးကာကွယ်ပေးခြင်း။ ၁၄။ အစားစားချင်စိတ် ဖြစ်ပေါ်စေခြင်း။ ၁၅။ အင်းဆက်နှင့် ပိုးကောင်ကိုက်ဒဏ်ရာများအား ကုသနိုင်ခြင်း။ ၁၆။ မျက်စိအတွင်းတိမ်ကို ကုသနိုင်ခြင်း။ ၁၇။ ဆီးချိုရောဂါ ကုသပေးခြင်း။ ၁၈။ အဆစ်ရောင် ရောါဂါမှားအား ကုသပေးခြင်း။ ၁၉။ သွားကိုက်ရောဂါအား ပျောက်ကင်းစေခြင်း။ ၂၀။ ဝက်ခြံ ပျောက်ကင်းစေခြင်း။ ၂၁။ ကိုယ်ခံအား တိုးစေခြင်း။ စသည့် အကျိုးကျေးဇူးများ ရ‌ရှိစေပါသည် အားလုံး ကျန်းမာကြပါစေ💜💜 #ကျန်းမာရေးဗဟုသုတရကြပါစေ #မေတ္တာဖြင့် #ခွန်အားဖြစ်စေသောစာများ #Arrmarn

ကမ္ဘာကြီးတစ်လုံးကို သယ်ထားရသလို ခါးနာနေတာလား...? မျိုးဆက် ၃ ဆက်လောက် လမ်းလျှောက်လာရသလို အဆစ်အမြစ်တွေ နာနေတာလား...? ဒါဆို ဒီကိုလာခဲ့ပါ....! "နတ်ပန်းညို" လို့ခေါ်တဲ့ အစွမ်းထက် ဆေးဖက်ဝင်အပင် ရှိပါတယ်။ ဘယ်နေရာနာကျ'င်နေပါစေ၊ အဲဒီနေရာကို လိမ်းလိုက်ရုံပါပဲ.....! အဆိပ်ဖြေတာရော၊ အရိုးတွေကို ပြန်လည်ကောင်းမွန်စေတာရော အစွမ်းထက်ပါတယ်။ လူတွေ မနာကျ'င်သေးခင်မှာတောင် ဒီဆေးပင်က ကုသဖို့ အသင့်ရှိနေပါပြီး...! သုံးစွဲနည်းကတော့ သင့်စိတ်ကူးထဲက အချစ်ရေးလိုပဲ လွယ်ကူ ရိုးရှင်းပါတယ်........! ခါးနာ၊ အဆစ်အမြစ်ကို'က်ခဲ၊ အရိုးနာကျ'င်ခြင်း များအတွက် 👉 အရွက်လက်လက်ဆက်ဆက်ကို ထောင်းပြီး နာတဲ့နေရာမှာ အုံပေးပါ။ နည်းနည်းပူပေမယ့် စိတ်ကို ကြည်လင်စေပါတယ်။ သွေးလေမမှန်ခြင်း၊ အတွင်းကြေဒ'ဏ်ရာ များအတွက် 👉 အရွက်လက်လက်ဆက်ဆက်ကနေ အရည်ကိုညှစ်ယူပြီး သောက်ပါ။ (အချိုရည်လို တစ်ရှိန်ထိုး မသောက်ဘဲ ဖြည်းဖြည်းချင်း သောက်ပါနော်) အဖုအပိမ့်ထွက်ခြင်း၊ အရေပြားယားယံခြင်း များအတွက် 👉 နတ်ပန်းညိုရွက်ကို ပြုတ်ပြီး ရေချိုးပါ။ ရိုးရှင်းတဲ့ အိမ်လုပ် Spa ပါပဲ၊ ဒါပေမယ့် အရမ်းကောင်းပါတယ်။ အင်းဆက်ပိုးမွှားကို'က်ခြင်း၊ ပျား၊ နကျယ်ကောင် အကို'က်ခံရခြင်း များအတွက် 👉 အရွက်ကို ထောင်းပြီး ကို'က်ခံရတဲ့နေရာကို အုံပါ။ အဆိ'ပ်ပြေပြီး လူကလည်း သက်သာရာရသွားပါလိမ့်မယ်။ သင့်အိမ်မှာ ဒီဆေးပင်မရှိသေးရင် အခုပဲစိုက်လိုက်ပါ...! နာမှသတိရရင် နောက်ကျနေပြီးနော် !😊 ကျန်းမာချမ်းသာလို့ ပျော်ရွှင်ကြရပါစေခင်ဗျာ 🙏🏻 MON SOUNG #MONSOUNG

အိမ်တိုင်းအိမ်တိုင်းမှာ မုရိုးပင် တပင်လောက်တော့ စိုက်ထားသင့်တဲ့ အကြောင်းအရင်း🌿🌿🌳 အရိုးတစ်ချောင်းမှာ အရွက်က တစ်ဖက်တစ်ချက် ထွက်ပြီး အကိုင်းဖျားအထိ အရွက်က အစိမ်းရောင်ရင့်ရင့်၊ အမွှေးနုပါတဲ့ဖက်က အဖြူရောင်ဖက်ကို နဲနဲယိမ်းပါတယ်။ အသီးက စိမ်တစ်လုံး သရက်လို ပုံသဏ္ဌာန်ရှိတယ်။ ဒါပေမဲ့ အထဲမှာက လေအပွသီး ဝတ်ဆံအနက်နဲ့၊ အမွှေးမျှင်မျှင်တွေ လေမှာပျံပြီး မျိုးပွားတယ်။ ACID ဓါတ်များပါတယ် ကျွဲမရိုးလည်း ခေါ်တယ် တောင်မရိုးပင်လည်း ခေါ်တယ်။ အညာဒေသမှာတော့ မရိုးပင်လို့ ခေါ်ပါတယ်။ ကျွဲပေါက်ပင်လို့လည်း ခေါ်ပါတယ်။ ရခိုင်ဒေသမှာ မုရိုးပင်ကို ဖြူကြီးပင်လို့ခေါ်တယ်။ ငဖြူ ကြီးပင်လို့လည်းခေါ်ပါတယ်။ပြည်ဘက်မှာတော့ နွားဖြူကြီးပင်(နွားနို့ခဲ) အပင်လို့ ခေါ်ပါသည်။ ဆေးနည်းများ (၁) ဒူးနာ ခါးနာဖြစ်ရင် အရွက်ကို ရေနဲ့ သေချာဆေးပါ။ ပြီးတော့ အရွက်ကို မီးကင်ပြီး ၂ည ၃ည ပတ်စီးပေးရင် ယူပစ်သလို ပျောက်ပါတယ်။ (၂) လေးဘက်နာပျောက်တယ် အပင်ရော အမြစ်ပါမကျန်နူတ်ပြီး အိုးထဲမှာထည့် အပေါ်ကနေ ဆေးရွက်ကြီးအုပ် ရေထည့်ပြုတ်ပါ။ အဲဒီရေကို ချိုးပေးပါ။ နောက်တနည်းကတော့ မရိုး အမြစ်နဲ့ ဆန်ဆေးရည် သွေးပြီး လိမ်းရင်လည်း အဆစ်အမြစ်ရောင် လေးဖက်နာ ပျောက်ပါတယ်။ (၃) ခြေထောက်ခေါက်လဲလို့ မျက်သွားပြီး ယောင်ကိုင်းနေရင် မုရိုးစေးကို အသာလေး ပွတ်လိမ်းပေးပြီး အရွက်ကို မီးကင် လက်လေးနဲ့ အသာလေးချေ အပြန့်လိုက် ကပ်ပြီး ပိတ်စနဲ့ စည်းထားလိုက်ပါ။ (၄) ကြွက်နို့ကိုဖြတ်ပြီး အစေးနဲ့ တို့ထားရင် အမြစ်ပါ စားပြီး ကျင်းခွက်လို ဖြစ်သွားတယ်။ ပြီးတော့ ပျောက်သွားတယ်။ ငါးမျက်စိ ပေါက်နေသူများ မုရိုးရွက်ကို ချိုးလိုက်တဲ့အခါ ထွက်လာသော အစေးနဲ့ ခဏခဏ တို့ပေးပါ။ အလိုလို ထွက်ကျလာမည်။ (၅) ခြေထောက်မှာ ဝတ်ဆံတည်တာကို ခြေပူနာလို့ ခေါ်ပါသည်။ ကြက်ဆူး ထည့်သွားပြီဆိုရင် ခဲနင်းမိပါက အမလေး တ ရတဲ့ အနာပါ။ အနာထိပ်ကို ဓားနှင့် လှီးပြီး အစေးကို သုတ်လိမ်းပေးပါက ပျောက်ပါသည်။ (၆) အမျိုးသမီးများ သားအိမ်အတွင်း သွေးလုံး လေလုံးဖြစ်ခဲ့ပါလျှင် မုရိုး၅ပွင့်ကို နှမ်းဆီနှင့်ကြော်စား၊ ဝမ်းဗိုက်ကို မုရိုးစေးနှင့် ဆနွင်းမှုန့် ဆတူရောစပ် လိမ်းပေးပါက တဖြည်းဖြည်း သေးငယ်ပြီး သက်သာပျောက်ကင်းစေပါတယ်။ ဓမ္မတာမမှန်တာ သွေးမပေါ်တာဆိုရင် အရည်ညှစ်ပြီး နှစ်ခေါင်းထဲကို တစ်စက်ဆီ ထဲ့ပေးပါ။ သွေးချက်ချင်း ဆင်းပါတယ်။ (၇)ပန်းနာ ရင်ကြပ် ရောဂါ ပျောက်ပါတယ် မရိုးပင်ကို ၃လက်မ လောက်ဖြတ်ပြီး နေလှမ်းပါ။ ခြောက်သွေ့တဲ့အခါ မီးရှို့ပြာချပါ။ ပြာကို ရေစိမ် မွှေပေးပြီး အနယ်ထိုင်ရင် အရေကြည်ကို ဆားချက်ပါ။ မုရိုးကြီးရုက္ခမူ ဆားရမယ်။ အဲဒီဆား တစ်ပဲသားကို ပျားရည် တစ်ဆယ်သားနဲ့ ရောသမမွှေ သုံးဆောင်ပါ။ (၈) ဆူး စူးပြီး ဆူးကိုထွင်လို့ မရတဲ့အခါ ဒီအပင်ရဲ့အစေးကို ထည့်လိုက်ပါ။ နာရီ အနည်းငယ်ကြာတဲ့အခါ ဆူးက သူ့အလိုလို အပြင်ကို ထွက်လာပါတယ်။ ဆူး စူးပြီး အနာဝ ပိတ်သွားလို့ ဆူးကျန်ပြီး အထဲက နာနေလျှင်လည်း အနာဝကို ဖွင့်ပြီး အစေးချ အရွက်မီးကင် ကပ်လိုက်တာ ညောင့်ထွက်လာပါတယ်။ ခြေထောက်မှာ ဆူးစူးလို့ ရှာမရဖြစ်နေရင် အစေးကို အနာဝပေါ် တို့ပြီး အရွက်ကို မီးကင်ကပ်ရင် ဆူးထွက်ပါတယ်။ ပတ်တီးဖွဖွလေး စည်းထားရင်လည်း အဆင်ပြေပါတယ်။ ကန္တာရဆူး စူးပြီး တော်တော်နာနေတာ အပ်နဲ့ကော်ထုတ်လဲ မရပါ။ အသိတစ်ယောက်ကပြောလို့ မုရိုးအစေးနဲ့ ကပ်လိုက်တာ နောက်နေ့ အနာကိုညှစ်လိုက်တော့ ဆူးပါသွားတယ်။ (၉) ချောင်းဆိုး တီဘီ အဆုတ်နာ မုရိုးရွက် တစ်ရွက်၊ ကွမ်းရွက်တစ်ရွက်၊ ဆားအနည်းငယ် ထည့်ပြီး ပြာချပါ။ အဲဒီပြာကို လျှက်ဆားလို တစ်နေ့ အနည်းငယ် လျှက်ပေး ပါ ပျောက်ပါတယ်။ (၁၀) အနာစိမ်း မွှေးကျွတ်နာ အနာလုံးများပေါက်ရင် အနာပေါ်မှာ အရွက်ကို မီးလေးပြပြီး ကပ်ထားပါက အလျှင်အမြန် ပျောက်ကင်းပါသည်။ (၁၀) ထိပ်ကပ်နာခေါ်တဲ့ နှာပိတ်ရောဂါကို မရိုးအစေးဖြူလေး နှာခေါင်းထိပ်ထဲ ထည့်ပေးပြီး ၁၀မိနစ်လောက်နေရင် နှာဆက်တိုက်ချေပြီး နှပ်ပုတ်များ ထွက်လာကာ သက်သာ-ပျောက်ကင်းပါသည်။ ထိတ်ခတ်နာကို အရွက်ကိုနေလှန်း ဆေးလိပ်လိုလိပ်၍ မီးရှို့ပြီး ရှူပါ။ ပြီးတော့ နှာခေါင်းမှ ပြန်ထုတ်ပါ။ ပျောက်ကင်းပါသည်။ ထိပ်ကပ်နာ နားခေါင်းယားလျှင် အရွက်ကို ချေပြီး ရှူပေးပါ။ မရိုးရွက်ကို အခြောက်လှမ်း ဆေးလိပ်တွင် ထည့်ကာ မီးခိုးကို ရှူပါက နှာရည်များကျကာ ပွင့်သွားပါသည်။ တစ်သက်လုံး မယားတော့ပါ။ နှာခေါင်းပိတ်(ထိပ်ကပ်နာ) အသက်ရှူကြပ်ရောဂါရှိသူများ မရိုးရွက်မီးကင်ကို နှာခေါင်းအတွင်းမော့၍ ညှစ်ထည့်ပါ။ ခဏအကြာတွင် နှာချေ၍ နှာခေါင်းအတွင်းမှ အဝါရောင် အညစ်ကြေးများ ထွက်လာပြီး လုံးဝကောင်းသွားပါမည်။ ဆေးလိပ် အသောက်များသူများ မရိုး အရိုးအခြောက်ကို ဆေးလိပ်သောက်သကဲ့သို့ တစ်ဖက်မှမီးရှို့၍ တစ်ဖက်မှရှူပေးလျှင် ဆေးလိပ်ချိုး ချေးများ ပြန်အန်ထွက်လာပါလိမ့်မည်။ နှာခေါင်း ခဏခဏ ပိတ်ရင် မုရိုးရွက် အခြောက်ကို မီးခဲပေါ်တင် ရှူပါက သက်သာတယ်။ မုရိုးခေါ် မရွေး တစ်နည်း ဖြူကြီးရွက် ၇ ရွက် ဖင်ပြန် ခေါင်းပြန် ထပ်ပါ။ ထပ်ပြီးရင် ကတော့ထိုးပါ။ ကတော့ထဲမှာ ဆားထည့်ပြီး မီးဖြင့်ဖုတ်ပါ။ ရလာသော ဆားမီးဖုတ်ကို တစ်နေ့ သုံးကြိမ် ရွေးစေ့ငယ်ခန့် လျှက်ပေးပါက ပန်းနာရင်ကြပ် လုံးဝ အမြစ်ပြတ် ပျောက်ပါတယ်။ တစ်လလောက် သီးခံလျှက်ပေးပါ။ (၁၁) အစာအိမ်ရောဂါ ဖြစ်ပါက မုရိုးရွက်တစ်ရွက်ကို အရင်းအဖျား စတိပယ်ပါ။ ရှောက်ရွက် ခုနစ်ရွက်၊ အိမ်သုံးဆား ခုနစ်ကျပ်သား ရောပြီး အိုးထဲထည့် အလုံပိတ် မီးဖုတ်။ ပြာကျ သွားပါက အစာစားပြီးတိုင်း လျှက်ပေးပါ။ ပျောက်ကင်း၏။ (၁၂) သွားကိုက်ရင် သွားအခေါင်းထဲကို ဂွမ်းစလေးနဲ့ သူ့အစေးကိုတို့ပြီး သိပ်ထားပါ။ ခဏနဲ့ ပျောက်ပါတယ်။ သွားအခြေကို အစေးတို့ပြီး ငါးမိနစ်ခန့်အကြာမှာ အဲဒီသွားကိုနှုတ်ရင် အလွယ်တကူ ကျွတ်ပါတယ်။ အသံမထွက်တဲ့လူများ အသံ ထွက်လာပါလိမ့်မယ်။ ဆေးနည်းကတော့ အရွက်ကို ခြောက်အောင်နေလှမ်းပါ။ ခြောက်တဲ့အရွက်ကို မီးကင်ပါ။ ပြာဖြစ်အောင် ကင်ရမှာပါ။ အဲဒီကင်ပြီးသား အရွက်ကို အမှုန့်ကြိတ်ပြီး ပျားရေနဲ့ နယ်ကာ လက်ဖက်စားဇွန်းနဲ့ တစ်နေ့ သုံးကြိမ် နံနက် နေ့ ညနေ စားပေးပါ။ ၃လကြာရင် အသံထွက်လာပါမယ်(မွေးရာပါ စကားမပြောနိုင်တဲ့ လူများ မပါပါ။) မြင်းစဂုံနီမြစ် မရိုးမြစ် မိုးနံမြစ်တို့ကို သွေးပြီး လိမ်းပါက အနာမျိုးစုံပျောက်ပါသည်။ သံနဲ့ ထိခိုက်မိရင် ချက်ချင်း သူရဲ့အစေး အဖြူရောင်ကို အနာမှာထည့်ပါ။ မူရင်းရေးသားသူများအားလေး စားစွာခရက်ဒစ်ပေးပါသည်။ #မြန်မာတိုင်းရင်းဆေး #ကျန်းမာရေးဗဟုသုတရကြပါစေ #sweswe #frypanシ゚viralシ

ရှေးလူကြီးသူမတို့‌၏ အမှာစကားများထဲ၌ ... အိမ်ရှေ့မှာ တမာ၊ အိမ်နောက်မှာ ကတက် မလုပ်ပဲလည်း စီးပွားတက် ဟု ဆိုခဲ့၏။ ယနေ့ခေတ်၌ ထိုသို့ ပြောမည်ဆိုလျင်... ရူးပကွာ မလုပ်ပဲနဲ့တော့ ဘယ်လိုလုပ်စီးပွား ကြီးပွားမှာလဲ ဟု အငြင်းပွားကြမည်မှာ အမှန်။ ။ အရိုးသားဆုံး ဝန်ခံရလျင်... ထိုစကား၏ အနက်အဓိပ္ပါယ်အား သိချင်လွန်း၍ လေ့လာကြည့်သော်လဲ.... အကျယ်တဝန်း ဖော်ပြထားခြင်းကို မတွေ့ရသောကြောင့်.... ဆိုလိုရင်းအမှန်ကို ကျနော်လည်းပဲ တိတိကျကျ မသိပါ။ သေခြာသည့်အချက်ကတော့... အိမ်ရှေ့တမာ အိမ်နောက်ကတက် ရှိသော မိသားစုနှင့် သာမာန်မိသားစု မည်သည့်အလုပ်ကိုဖြစ်စေ၊ မည်သည့်စီးပွားရေးကိုဖြစ်စေ ပြိုင်၍ ပြုလုပ်မည်ဆိုပါက ရှေးလူတို့ဆိုခဲ့သည့်အတိုင်း ... မည်သို့မှပြိုင်မရကြောင်း... အတွေ့အကြုံအရ ကျနော်ကောင်းကောင်း သိသည်။ ထို့အပြင်... တမာပင်သည် ဆေးဖက်ဝင်သော အပင်ဖြစ်ပြီး လူသားတို့အတွက် အလွန်အထောက်အကူ‌ပြုသလို ကတက်ပင်သည်လည်း ဆေးဖက်ဝင်အပင်ဖြစ်ပြီး လူသားတို့အတွက် အလွန်အကျိုးပြုသော အပင်များဖြစ်နေခြင်းကြောင့်... ထိုအပင်များ စိုက်ထားခြင်းက.... ကောင်းကျိုးများစွာ ရနိုငကြောင်း သေခြာသည်။ ကတက်ရွက်ကို ကျနော်တို့နိုင်ငံရှိ လူမျိုးတိုင်းက နှစ်သက်စွာ စားသုံးကြပြီး.. ကတက်ပင်၏ ပဉ္စငါးပါးလုံးက ဆေးဖက်ဝင်သည်။ ကတက်ရွက်ကို အချဉ်တည်ပြီး တို့စရာအဖြစ်စားကြသလို.. အခြားသော အသားငါးများဖြင့်လည်း ကြော်စား ချက်စားကြပါသည်။ ထိုသို့ စားပေးခြင်းက လေကို နိုင်စေပြီး... လေနာရောဂါရှင်များအတွက် ဆေးကုပြီးဖြစ်သလို သွေးအားနည်း သွေးပေါင်ကျတတ်သူများအတွက် အလွန်အထောက်အကူဖြစ်စေသည်။ မြန်မာ့တိုင်းရင်းဆေးကျမ်း၏ အဆိုအရ... ကတက်သည် ခါး သက် ၏ ပူ၏ ဝမ်းမီးကိုတောက်စေ၏။ အနည်းငယ် ဝမ်းကို သက်စေ၏။။ လေသလိပ်ကို ကြေစေ၏ ဆီးအောင့်ရောဂါ ဆီးပူ ဆီးကျင်ရောဂါ၊ ဆီးချို၊ ကျောက်တည်၊ အကိုက်အခဲ ဖျားနာခြင်းနှင့် ရောဂါပေါင်းများစွာကို ကုသရာ၌ အသုံးပြုနိုင်ကြောင်း ဖော်ပြထားပါသည်။ လေးဖက်နာ ကဲ့သို့သော ဝေဒနာ အဆစ်အမြစ်ရောင် ခြင်း စတဲ့ ခံစားနေရပါက... ကတက်ရွက်ကိုထောင်းပြီး သတ္တုရည်ယူ ကွမ်းရွက်ကိုထောင်းပြီး သတ္တုရည်ယူ ထိုအရည်၂မျိုးအား ဆတူရောပြီး ထောပက်သင့်ရုံထည့် သောက်ပါက ရောဂါသက်သာစေမည်။ လေနှင့်ဆိုသော ရောဂါဝေဒနာရှိသူများ ... အပေါ်လေ အောက်လေ ပိတ်တတ်သူများ လေခွေ့ လေထိုး လေအောက် ခဏခဏဖြစ်သူများ ကတက်ရွက် ကတက်ချဉ်ကို မကြာမကြာ စားပေးပါက ဝေဒနာ သက်သာစေမည်။ ဆီးလမ်းကြောင်းနှင့်ဆိုင်သော ရောဂါများ ဆီးချို ရောဂါ ဆီးအိမ်ရောင်ခြင်း နှင့် မည်သည့်နေရာ ကျောက်တည်နေသည်ဖြစ်စေ .. ကတက်မြစ်ကို အသုံးပြု၍ ကုသနိုင်ပါသည်။ ဖော်ပြပါ ရောဂါအတွက်... ကတက်မြစ် ၁၀သား ရေသန့်၄၀သား ကို တစ်ခွက်ကျန်တဲ့အထိ ပြုတ်သောက်ပေးရပါမည်။ ရောဂါအပေါ်မူတည်၍ နေ့စဉ် ပုံမှန် သောက်ပေးပါ ဝေဒနာ သက်သာစေပါမည်။ ကတက်ခေါက်ကို အနာပဆုပ် သွေးဆူးနာ ဂရင်ဂျီနာ သက်တန့်နာ စတဲ့ အနာများပေါက်ပါက ပရန္နဝါနှင့်ရောသွေးပြီး လိမ်းပေးပါက နုလျင်ပိန် ရင့်လျင်ပေါက်ပြီး အနာရောဂါ သက်သာစေမည်။ အပြင်းဖျားသော ဖျားနာရောဂါအတွက်.. ကတက်ခေါ်ကိုသော်၎င်း၊ ကတက်အမြစ်ကိုသော်၎င်း သုံးခွက်တစ်ခွက်တင် ကျိုပြီးပြုတ်ရေကို သောက်ပါက ဖျားနာရောဂါ သက်သာပါမည်။ ဗ‌ဟုသုတအဖြစ်မျှဝေပေးခြင်းဖြစ်ပြီး... လိုအပ်လာပါက ယုံကြည်စွာအသုံးပြုနိုင်ရန် ရည်ရွယ်၍.... #crd #သမားတော်တိုင်းရင်းဆေး ..

-----နနွင်းနက်----- မြန်မာ့ဆေးကျမ်း အလိုအရ နနွင်းနက် ဟာ - (က) မြွေဆိပ်သာမက၊ သတ္တဝါအမျိ်ုးမျိုးတို့၏ အဆိပ္ကို ပြီးစေပါတယ်တဲ့။ မြွေအပါအ၀င် အဆိပ်ရှိ သတ္တဝါတွေ အကိုက်ခံရပါက နနွင်းနက် ကို သွေး၍လိမ်းပေးခြင်းဖြင့် အဆိပ်တွေ သူ့အလိုလို ပြန်ထွက်လာစေပါတယ်။ (ခ) နနွင်းနက် ကို ဆန်ဖြင့် ရောချက်လိုက်တဲ့အခါ၊ ထမင်းဟာ အနက်ရောင်ပြောင်းသွားပါတယ်။ သို့သော် ထမင်း အနံ့ရော အရသာပါ စားလို့အရသာရှိပါတယ်။ ၄င်းထမင်းကို စားခြင်းဖြင့် အာဟာရ သိဒ္ဓိပြည့်၀ပါတယ် တဲ့။ (ဂ) တရုတ် လူမျိုးများနဲ့၊ အိန္ဒိလူမျိုးများဟာ ကျားခွန်အား (ကာမ) အားတိုးဆေးအဖြစ် နနွင်းနက်ကို ပါးပါးလွီး၍ ပျားရည်ဖြင့်စိမ်၍ သောက်ကြပါတယ်တဲ့။ #နနွင်းနက် ၁။ ကင်ဆာဆဲလ်များ ကြီးထွားခြင်းကို တားဆီးပါတယ် ။ ကင်ဆာဖြစ်မယ့်အနေအထားကို ပြောင်းပေးနိုင်ပါတယ် ။ ၂။ အဆုပ်ရောဂါများဖြစ်သည့် လေပြွန်ရောင်ခြင်း ၊ နမိုးနီးယား ၊ ပန်းနာရင်ကြပ် ဖြစ်ခြင်းတို့ကို သက်သာပျောက်ကင်းစေပါတယ် ။ ၃။ အင်တီအောက်ဆီဒင့်သတ္တိ ရှိတဲ့အတွက် အိုမင်း ယိုယွင်းခြင်း တို့ကို တားပေးနိုင်ပါတယ် ။ ၄။ ရောင်ရမ်းခြင်းတွေကို တားပေးပါတယ် ။ ရောဂါမှန်သမျှရဲ့ အစဦးဖြစ်စဉ်ဟာ ရောင်ရမ်းခြင်း ဖြစ်ပါတယ် ။ ၅။ နာကျင်မှုတွေ ပျောက်စေပါတယ် ။ သြားနာ သွားကိုက် ၊ အဆစ်အမြစ် ကိုက်ခဲခြင်း တွေကို ပျောက်စေပါတယ် ။ . ဆေးဝါးအဖြစ် ထုတ်လုပ်ထားတာတွေ ရှိပါတယ် ။ အညွှန်းကြည့်ပြီး သုံးနိုင်ပါတယ် ။ ကိုယ့်မှာ နနွင်းမှုန့် ရှိခဲ့ရင်တော့ ဟင်းထဲ ထည့်ချက်လို့ပဲ ဖြစ်ဖြစ် ၊ ဖျော်လို့ပဲ သောက်သောက် ၊ အလျှင်းသင့်သလို သုံးနိုင်ပါတယ် ။ ခါးတော့ တော်တော် ခါးပါတယ် တဲ့ ။ နနွင်းနက်ရဲ့ဆေးဖက်ဝင်ပုံကိုတော့ ရှေ့နေကြီး ကိုအောင်ဇော်ဦးနည်းလမ်းပေးလို့ ဖောက်သည်ချလိုက်ပါ့မယ် ကိုအောင်ဇော်ဦးကိုယ်တိုင် ရသာယနဆေးကျမ်းကနေကူးယူပြီးဖော်စပ်ထားတာပါ လက်တွေ့လည်း သူ့ရဲ့မိခင်ကြီးကိုလည်းသုံးစွဲစေပြီး အမောခံနိုင်ခြင်း၊ နှလုံးအားကောင်းခြင်း၊ ဆီးဝမ်းသွေးလေမှန်ကန်ခြင်း၊ အသားအရည်စိုစွတ်ဝင်းပခြင်း၊ ကိုယ်အလေးချိန်ပုံမှန်ခြင်း၊ အစာအာဟာရ နည်းနည်းစားရုံနဲ့ ခွန်အားပြည့်ခြင်း၊ မျက်စိကြည်လင်ခြင်းနဲ့ အခြားကောင်းကျိုးတွေကို သူကိုယ်တိုင်လည်းသုံးစွဲရင်း လက်တွေ့အကျိုးထူးရနေကြောင်းပြောပြပါတယ် ဆေးဖော်စပ်နည်းကတော့ နနွင်းခါးအမှုန့် ၂၅ ကျပ်သား (ပရဆေးဆိုင်မှာ မေးဝယ်ပါ အိမ်သုံးနနွင်းထက် အရောင်နည်းနည်းဖျော့ပြီး လိမ္မော်ရောင်ဆန်ပါတယ် ပိုလည်းခါးပါတယ်) နနွင်းနက်အမှုန့် ၅ ကျပ်သား မကျည်းမှည့်အနှစ် ၂ က်ပြ္ခဲသား ရိုးရိုးဆား ၁ ကျပ်သား (အိုင်အိုဒင်းဆားမဟုတ်) ဆင်တုံးမနွယ်အမှုန့် ၅ ကျပ်သား (ပရဆေးဆိုင်မှာဝယ်ပါ ဆင်တုံးမနွယ်ပေါရင် ကိုယ်တိုင်အခြောက်ခံ ထောင်းပါ) အဲဒီအမှုန့်အချိန်အဆအားလုံးကို ပျားရည်စစ်စစ်နဲ့ သမပါ ပျားရည်က အများကြီးမလိုပါ နှံ့နှံ့စပ်စပ်မွှေပြီး ဆေးလုံးလို့ရရုံသာထည့်ပါ ဒီလိုတေထားတဲ့ဆေးကို ညအိပ်ယာဝင်တိုင်း မန်ကျည်းစေ့တစ်စေ့စာလောက်ပဲ ရေအေးနဲ့သောက်ပေးရပါတယ် အိုမင်းမစွမ်းရှိသော် အားအင်တို့ကိုပြည့်ဖြိုးစေပြီး အသက်ကိုလည်းရှည်စေပါတယ် က်ားက်ားမမ အသက်ငယ်သော် အကုန်လန်းတယ်လို့ အဆိုရှိပါတယ် အဲ အမောခံနိုင်ခြင်း၊ နှလုံးအားကောင်းခြင်း၊ ဆီးဝမ်းသွေးလေမှန်ကန်ခြင်း၊ အသားအရည်စိုစွတ်ဝင်းပခြင်း၊ ကိုယ်အလေးချိန်ပုံမှန်ခြင်း၊ အစာအာဟာရ နည်းနည်းစားရုံနဲ့ ခွန်အားပြည့်ခြင်း၊ မျက်စိကြည်လင်ခြင်းနဲ့ အခြားကောင်းကျိုးတွေကို ဆိုလိုခြင်းဖြစ်ပါတယ် အားလုံးကျန်းမာချမ်းသာကြပါစေ ။ CRD....ဆရာတောင်တွင်းကြီးမဟာတံခွန်[ မြန်မာ့တိုင်းရင်းဆေးပညာ ]