အင်္ဂါလေးချက်နှင့်ညီလျှင် ဒုတိယဘဝမှာ ကိစ္စပြီးတယ်။ ⚜🔹⚜🔹⚜🔹⚜🔹⚜ တရားနာတဲ့ပုဂ္ဂိုလ်၊ တရားကြည်ညိုတဲ့ပုဂ္ဂိုလ်၊ တရားနှလုံးသွင်းတဲ့ပုဂ္ဂိုလ်ဟာ #ငါ_ငါ့ဥစ္စာမရှိဘူးဆိုတာ_သိတာနဲ့တင် ဒီဘဝမှာ အလုပ်လုပ်တဲ့ကိစ္စမပြီးခင် ဒုက္ခအဆုံးကိုမရောက်ဘဲ ဒုက္ခလေးတွေမြင်ရုံနဲ့သာ ကွယ်လွန်သွားပေမယ့် ဒုတိယဘဝမှာ အသေအချာပြီးတယ်ဆိုတာကို ဘုရားသခင်ကိုယ်တော်မြတ်ကြီးက သဗ္ဗေညုတဉာဏ်နဲ့ကြည့်ပြီး ဆုံးဖြတ်ချက်ချထားတာ စတုက္ကနိပါတ် အင်္ဂုတ္တိုရ်မှာပါ ပါတယ်။ ဒီအင်္ဂါလေးရပ်နဲ့သာညီပါစေတဲ့။ (တစ်) တရားနာပါ။ (နှစ် ) လေ့လာမှတ်သားနှုတ်ဆောင်ပါ။ (သုံး) စိတ်ထဲနှလုံးသွင်းကြပါ။ (လေး)အနိစ္စတွေပဲ ပုဂ္ဂိုလ်သတ္တဝါမဟုတ်ဘူး၊ ငါသူတပါးယောင်္ကျား၊ မိန်းမ မရှိပါလားဆိုတဲ့ ဒိဋ္ဌိခွာပေးပါ။ ဖြစ်ပျက်အဆုံးမရောက်သေးဘဲ၊ မဂ်နဲ့ကွာတာ မဟုတ်သေးပဲ၊ သေပင်သေသွားသော်ငြားလည်းနတ်ပြည်ခြောက်ထပ်တစ်ခုခုကို ရောက်ပါသတဲ့။ နတ်ပြည်ကို နတ်အနေနဲ့ရောက်မှန်းမသိသေးဘဲ စိတ်ဆိုတဲ့တရားကြီးဟာ အနိစ္စပါလား၊ ဒုက္ခပါလား၊ အနတ္တပါလား။ ဝေဒနာဟာလည်း အနိစ္စပါလား၊ ဒုက္ခပါလား၊ အနတ္တပါလား လို့ ရှုဉာဏ်က အရင်ပေါ်လာတယ်တဲ့။ နတ်ခန္ဓာဟာ လူ့ခန္ဓာလိုမဟုတ်ဘဲ အညစ်အကြေးကင်းစင်တာကြောင့် နတ်အနေနဲ့ ခန္ဓာဉာဏ်ရောက်တရားကချက်ခြင်း တပြိုင်နက်ပေါ်ပါတယ်။ အဲဒီမှာ သောတာပန်၊ သကဒါဂါမ်၊ အနာဂါမ်၊ ရဟန္တာကျအောင်ဖြစ်သွားပါတယ်။ ပထမပုဂ္ဂိုလ်။ အထက်ပါအင်္ဂါလေးရပ်နဲ့ပြည့်စုံကာ ဝိပဿနာဉာဏ်တော့ပါပြီး လောကုတ္တရာမဂ်မပါဘဲ သေလွန်သွားရင်လည်း နတ်ပြည်ရောက်ပါတယ်။ နတ်ပြည်ရောက်တဲ့အခါ သူ့ဟာသူပေါ်လာပြီး လေးလေးစားစားနဲ့ရှုမှတ်လိုက်တာ သူ့ဟာသူပဲ မဂ်လေးတန်၊ သူ့ဟာသူပဲ နှစ်မဂ်၊ သုံးမဂ်ရတဲ့ ပုဂ္ဂိုလ်တွေရှိပါသတဲ့။ တရားဟောဆရာမပါဘဲ ကိစ္စပြီးသွားတယ်။ #ဒုတိယပုဂ္ဂိုလ်။ အင်္ဂါလေးရပ်နဲ့ပြည့်စုံခဲ့သူဟာ သေခါနီးမှာတွေတွေဝေဝေနဲ့ သေသွားခဲ့ရင်လည်း နတ်ပြည်ရောက်တာပါပဲ။ ပဋိစ္စသမုပ္ပဒ်နားလည်ရင် ဒိဋ္ဌိကွာနေတာပဲ။ သူ့စိတ်သိတဲ့ မိတ်ဆွေနတ်ကလာပြီး ဖြစ်ပျက်ရှုမှတ်ဖို့ ပြန်အောက်မေ့ဖို့ကို သတိပေးတဲ့အခါ ခန္ဓာလှည့်နှလုံးသွင်းတဲ့အခါ သူလည်း သောတာပန်၊ သကဒါဂါမ်၊ အနာဂါမ်၊ ရဟန္တာဖြစ်တာပါပဲ။ #တတိယပုဂ္ဂိုလ်။ မိန်းမောသေတာတောင် မကြောက်ပါနဲ့တဲ့။ အင်္ဂါလေးပါးနဲ့သာပြည့်စုံရင် နတ်ပြည်ရောက်တာပါပဲ။ ခုနှစ်ရက်တစ်ပါတ်တရားနာကြရတဲ့ နတ်ပြည်တရားပွဲမှာ ကိုယ်နာထားတဲ့တရားတွေ အကုန်ပြန်ပေါ်လာပါတယ်။ အဲဒီတရားပွဲထဲမှာပဲ သောတာပန်၊ သကဒါဂါမ်၊ အနာဂါမ်၊ ရဟန္တာဖြစ်တာပါပဲ။ #စတုတ္ထပုဂ္ဂိုလ်။ လူ့ပြည်မှာတရားနာဘက် မိတ်ဆွေတွေထဲက အလျှင်နတ်ပြည်ရောက်နှင့်တဲ့သူတွေရှိတယ်။ လူ့ပြည်နှစ်ငါးဆယ်မှ စတုမဟာရာဇ်က တစ်ရက်ပဲရှိတယ်။ လူ့ပြည်နှစ်တစ်ရာမှ တာဝတိံသာကတစ်ရက်ရှိတယ်။ အရင်ရောက်နှင့်သူက နတ်ပြည်အနေနဲ့အချိန်ပိုင်းပဲရှိဦးမယ်။ အဲသလို အချိန်ပိုင်းဦးစွာရောက်နေတဲ့နတ်က တရားနှလုံးသွင်းဖို့ကို လာသတိပေးတာနဲ့ ဉာဏ်လှည့်လိုက်တဲ့အခါ သောတာပန်၊ သကဒါဂါမ်၊ အနာဂါမ်၊ ရဟန္တာဖြစ်တာပါပဲ။ သူတို့မှာ သလိပ်တွေ၊ ပြည်တွေ၊ သွေးတွေမရှိတဲ့အတွက် ဉာဏ်တွေဝင်လာပြီး ဖြစ်ပျက်မုန်း၊ ဖြစ်ပျက်ဆုံးပြီး မဂ်ဉာဏ်ဖိုလ်ဉာဏ် ဆိုက်ပါတယ်။ အင်္ဂါလေးပါးနဲ့ပြည့်စုံတဲ့သူဟာ သေခါနီးမှာ ဘာမှနှလုံးမသွင်းနိုင်ဘဲ ဘယ်လိုသေသေ သေမှာကြောက်စရာမရှိပါဘူးတဲ့။ အကြွေးနဲ့လက်ငင်း ဘယ်ဟာပိုကြိုက်သလဲ။ သုခဆိုတာ နောက်ထပ်မဖြစ်တာ။ ဒုက္ခဆိုတာ နောက်ထပ်ပဋိသန္ဓေနေရတာပါ။ ဒါကြောင့် လက်ငင်းရတဲ့မဂ်အလုပ်လုပ်လိုက်တော့ အခုပြီးသွားတာဟာဖြင့် အကောင်းဆုံးပဲတဲ့။ အကယ်၍ အကြွေးဖြစ်ခဲ့ဦး ဒုတိယဘဝမှာကိစ္စပြီးတယ်။ #ဝိပဿနာအကျိုးသွား လက်ရှိခန္ဓာ မတွယ်တာနှင့် နောင်လာဘဝ မတောင့်တဘဲ ကြောင့်ကြဇွဲဖြင့် အမြဲမပြတ် ဝိပဿနာ လေ့လာကြိမ်ကြိမ် အာစိဏ္ဏကံ ဖြစ်ကြောင်းဖန်မူ ထိုသည့်သူကား အယူမလွဲ ဂတိ မြဲ ၏။ မီးစွဲလောင်မှ ရေကိုတသော် မရဖြစ်အင် ပုံနှိုင်းယှဉ်၍ မဂ္ဂင်သန္ဓေ တည်မြဲနေအောင် မသေခင်က ပြင်ဆင်တောက်လျှောက် မေ့မပျောက်နှင့် ။ ချွေးပေါက်ယိုစီး သေခါနီးဝယ် အပြီးမုချ မဂ်ကိုရလိမ့်။ ကိစ္စမလျော် အကြောင်းပေါ်၍ မတော်တဆ မဂ်မရဦး ဘဝအစွန် တမလွန်တွင် ထူးချွန်အံ့လောက် နတ်ပြည်ရောက်၍ မဖောက်မပြန် သောတာပန်အစစ် ဧကန်ဖြစ်သည် မလစ်ဝိပဿနာအကျိုးတည်း။ ။ ကျေးဇူးတော်ရှင် မိုးကုတ်ဆရာတော်ဘုရားကြီး 🙏🙏🙏 Credit@ ကျန်းမာ ပျော်မွေ့ တရားတွေ့ကြပါစေ..🤎 #yla•🙏

ခန္ဓာကိုယ်တစ်ခုလုံး ညောင်းညာတာတွေ ပြေပျောက်ပြီး အကြောအခြင်တွေ အမှန်တကယ် ပွင့်သွားစေဖို့ဆိုရင် "အကြောလျှော့တဲ့ လေ့ကျင့်ခန်း" က အရမ်းအရေးကြီးပါတယ်ရှင်။ စနစ်တကျ မဟုတ်ဘဲ ရမ်းသမ်းလျှော့မယ်ဆိုရင် ထိရောက်မှု နည်းနိုင်ပါတယ်။ ဒါကြောင့် ခန္ဓာကိုယ်ကို အကောင်းဆုံး Relax ဖြစ်စေမယ့် အကြောလျှော့နည်း လေ့ကျင့်ခန်းလေးကို ဝေမျှပေးလိုက်ပါတယ် - ၁။ ခြေထောက်ကနေ စပါ (Legs) ခြေသလုံး၊ ပေါင်ရှေ့နဲ့ ပေါင်နောက် ကြွက်သားတွေဟာ ခန္ဓာကိုယ်မှာ အကြီးဆုံး ကြွက်သားတွေပါ။ ဒီအပိုင်းကို အရင်မလျှော့ရင် ကျန်တဲ့ အစိတ်အပိုင်းတွေပါ ဆက်ပြီး တင်းမာနေတတ်ပါတယ်။ ၂။ တင်ပါးဆုံကို ဆက်လျှော့ပါ (Hips) တင်ပါးဆုံဟာ ခန္ဓာကိုယ် လှုပ်ရှားမှုရဲ့ ဗဟိုချက်ပါ။ တင်ပါးဆုံ ကြွက်သားတွေ တင်းနေရင် ခါးနာတာ၊ ဒူးနာတာနဲ့ ခြေထောက် နာတာတွေ ဆက်တိုက် ဖြစ်လာနိုင်ပါတယ်။ ၃။ ခါးနဲ့ ကျောပြင်ကို လျှော့ပါ (Back) ခါးအောက်ပိုင်းကနေ ကျောအပေါ်ပိုင်းအထိ အစီအစဉ်အတိုင်း လျှော့ပေးပါ။ ဒါဟာ ခန္ဓာကိုယ်ရဲ့ အဓိကဝင်ရိုး (Core) ကို လန်းဆန်းသွားစေပြီး တင်းကျပ်မှုတွေကို မြန်မြန် သက်သာစေပါတယ်။ ၄။ လည်ပင်းကို လျှော့ပါ (Neck) လည်ပင်းဟာ ကျောကုန်းနဲ့ ပခုံးတွေနဲ့ ဆက်စပ်နေပါတယ်။ အောက်ပိုင်းက အကြောတွေ တင်းနေတုန်း လည်ပင်းကိုပဲ သီးသန့်လျှော့ရင် ထိရောက်မှု နည်းတတ်တာကြောင့် အောက်ပိုင်းတွေ လျှော့ပြီးမှ လည်ပင်းကို လျှော့တာ အကောင်းဆုံးပါ။ ၅။ ပခုံးနဲ့ လက်ပြင် (Shoulders) နောက်ဆုံးအဆင့်အနေနဲ့ ပခုံးနဲ့ လက်ပြင်ကို လျှော့ပေးပါ။ ဒါက လည်ပင်းနဲ့ ပခုံးတစ်ဝိုက်ကို ပေါ့ပါးသွားစေပြီး ဇက်ကြောတက်တာတွေကို အမြန်ဆုံး သက်သာစေမှာ ဖြစ်ပါတယ်ရှင်။ ဒီအစီအစဉ်အတိုင်း တစ်နေ့ကို ၁၀ မိနစ်လောက် အကြောလျှော့ပေးရုံနဲ့တင် သိသိသာသာ ထူးခြားလာမှာမို့ အားလုံးပဲ လိုက်လုပ်ကြည့်ကြဖို့ တိုက်တွန်းလိုက်ပါရစေနော်။ #yoyocooking #health #ကျန်းမာရေး #သဘာဝဆေးနည်း #အကြောလျှော့နည်း #Stretching #ညောင်းညာကိုက်ခဲခြင်း #ခန္ဓာကိုယ်စောင့်ရှောက်မှု #ကျန်းမာရေးဗဟုသုတ

သေခါနီး ဘာကို နှလုံးသွင်းမလဲ ********************* ထွက်လေ ဝင်လေကိုလည်း အားမကိုးပါနဲ့။ သေဝေဒနာကို အာနာပါနအဆင့်နဲ့ မဖြိုနိုင်ပါဘူး။ အဖေ အမေ ချစ်သူ ခင်သူ ဘယ်သူ့ကိုမှ အားကိုးဖို့ မမျှော်လင့်ပါနဲ့။ ဝိပဿနာကိုသာ အားကိုးပါ။ မနေခင် အမြဲနှလုံးသွင်းနေတာက လောဘ - ဒေါသ - မောဟ။ လောဘနှင့်သေ ပြိတ္တာ၊ ဒေါသနှင့်သေ ငရဲ၊ မောဟနှင့်သေ တိရစ္ဆာန်။ ကြိုက်ရာလမ်းကိုရွေး။ဒီလမ်းတွေကို မကြိုက်မှန်းသိရင် ဒီစိတ်နဲ့ မသေနဲ့ပေါ့ရှင်းရှင်းလေးပါ။ လောဘ၊ ဒေါသ၊ မောဟနဲ့ရောပြီး အာသန္နကံအဖြတ်ကောင်းလို့ လူဖြစ်သော်လည်း အဟိတ်ပုဂ္ဂိုလ်ပဲ ဖြစ်လိမ့်မယ်။ တိရစ္ဆာန်အသိစိတ်နဲ့ လူဖြစ်လေတော့ မဂ်ရဖို့ အတော်ဝေးဝေးပဲ။ အလောဘ၊ အဒေါသ ဒီနှစ်ပါးနဲ့သေရင် ဒွိဟိတ်ပုဂ္ဂိုလ်၊ ကလျာဏပုထုဇဉ်၊ သူတော်ကောင်းဖြစ်လိမ့်မယ်။ အလောဘ၊ အဒေါသ၊ အမောဟနဲ့ သေရင်(ဝိပဿနာ နှလုံးသွင်း၍ သေသောသူ) တိဟိတ်ပုဂ္ဂိုလ် ဖြစ်လိမ့်မယ်။ ရောက်ရာ သုဂတိဘဝ၌ အပါယ်ပိတ်တရားနှင့် တွေ့ရပါမည်။ ယခုဘဝမှာ သစ္စာတရားကို အလွန်ကြိုက်လျှင်၊ သံသရာမှလွတ်မြောက်လိုသော စိတ်အလျဉ်အားကောင်းလျှင် တိဟိတ်ပုဂ္ဂိုလ်။ ယခုဘဝမှာပင် အပါယ်တံခါးပိတ်၍ သုဂတိမှ နိဗ္ဗာန်ထိအောင်ပါပဲ။ တရားလည်းနာ နာတဲ့အတိုင်းလည်း ကျင့်ကြံနေသူတွေပါ။ ယခုဘဝမှာ ဒါနတရား၊ သီလတရားနှင့်သာ ပျော်မွေ့နေရင် ဒွိဟိတ်ပုဂ္ဂိုလ်။ သူတော်ကောင်းပါပဲ။ သို့သော် အပါယ်တံခါး မပိတ်သေးပါဘူး။ ဝေဒနာနဲ့ ငါနဲ့ မရောတဲ့ ဘုရားတရားကိုနာရ၍သော်လည်းကောင်း၊ သက္ကာယဒိဋ္ဌိပြုတ်အောင်ဟောနိုင်တဲ့ ဘုရားသားတော် တပည့်သားများနဲ့ဆရာသမားများနဲ့တွေ့လို့ အဲ့ဒီတရားမျိုးကိုနာရ၍သော် လည်းကောင်းဒီလိုမှ ပုဂ္ဂိုလ်နှစ်မျိုးကို မတွေ့တော့ဘူးဆိုရင် အရင်နာဖူးတဲ့တရားကို ကိုယ့်ဟာကိုယ်ရှုပွားပြီး၊ ဒါကလည်း နာဖူးတဲ့တရားရှိမှနော်၊ သက္ကာယဒိဋ္ဌိဖြုတ်တဲ့ တရားကိုနားဖူးမှသာ ရပါမယ်။ ပန်းကလေးလှူတာ အောက်မေ့ပါတယ်၊ ညောင်ရေအိုးကလေး အောက်မေ့ပါတယ်၊ ဒီလောက်ပြောနေတာမဟုတ်ဘူး။ ပန်း ညောင်ရေအိုးဆိုတာက ဒါနကုသိုလ်မို့ နတ်ပြည် သုဂတိကိုတော့ မုချကျေးဇူးများမယ်။ ဒီမှာက ဒီလိုမဟုတ်ဘူး....... ဝေဒနာနိရောဓာ ဖြစ်တဲ့အတွက် တဏှာနိရောဓော ဒိဋ္ဌိနိရောဓော အဝိဇ္ဇာနိရောဓော သွားပြီးဖြစ်ပါတယ်။ ကိုယ်ကိုယ်တိုင် ဖြစ်ပျက်ရှုပြီး၊ ဝေဒနာနဲ့ ငါနဲ့ မရောတဲ့အလုပ်ကိုလုပ်ပြီး သေမယ်ဆိုရင် မသေခင်စပ်ကြား သောတာပန်၊ သကဒါဂါမ်၊ အနာဂါမ်တည်နိုင်ပါတယ်။ သို့တည်းမဟုတ် အရိယာမဖြစ်ဘဲ သေခဲ့သည်ရှိသော်လည်း နောင်ဘဝမှာ အရိယာဖြစ်နိုင်ပါတယ်။ မိုးကုတ်ဆရာတော်ဘုရားကြီး 🌿🌺🙏🙏🙏🙏🙏🙏🙏🙏🙏🙏🌺🌿

🌻စိတ်ကို ကြည်လင်အောင်ထားပါ🌻 🍀🍀🍀🍀🍀🍀🍀🍀 မိမိရဲ့စိတ်ကို အတတ်နိုင်ဆုံး ကြည်လင်အောင်ထားပါ။ စိတ်ကြည်လင်နေရင် ကိုယ်ရဲ့အတွေးတွေ မှန်ကန်လာမယ် ။ကိုယ့်ရဲ့လုပ်ဆောင်ချက်တွေ ကောင်းလာမယ် ။ အခက်အခဲတွေကို နည်းလမ်းမှန်မှန်နဲ့ ဖြေရှင်းလာနိုင်မယ် ။ ဒါတွေဟာ စိတ်ကြည်လင်နေခြင်းရဲ့ အကျိုးတွေပဲ ဖြစ်ပါတယ် ။ လူတစ်ယောက် စိတ်တွေရှုပ်ထွေးနေမယ် ။ စိတ်တွေမွန်းကျပ်နေတဲ့အခါ ကြုံတွေ့ရတဲ့အခက်အခဲတွေ ဒုက္ခတွေကို ဖြေးရှင်းဖို့အတွက် မှန်ကန်တဲ့နည်းလမ်းတွေ ရရှိလာမှာ မဟုတ်ပါဘူး ။ ဒါကြောင့် မိမိကြုံတွေ့နေရတဲ့အရာတွေကို ခဏလေးမေ့ထားပြီးတော့ မိမိရဲ့စိတ်ကို ကြည်လင်နေအောင် အရင်ကြိုးစားလိုက်ပါ ။ ဘယ်အရာကိုမှ စိတ်ထဲနှစ်ပြီးတော့ အရမ်းကြီးခံစားမနေလိုက်ပါနဲ့ ။ ဘယ်အရာပဲဖြစ်ဖြစ် ဖြစ်ပြီးရင် ပျက်တတ်တဲ့သဘောတွေရှိနေတဲ့အတွက်ကြောင့် မိမိရဲ့စိတ်ကို အပင်ပန်းခံပြီးတော့ ရင်ထဲမှာ ခံစားမနေလိုက်ပါနဲ့နော် ။ မိမိရဲ့စိတ်တွေ အေးချမ်းပျော်ရွှင်စေဖို့ ။ မိမိရဲ့လုပ်ဆောင်ချက်တွေ မှန်ကန်ဖို့ဆိုရင် မိမိရဲ့စိတ်ကို အတတ်နိုင်ဆုံး ကြည်လင်နေအောင် ထားရပါမယ် ။ မိမိရဲ့စိတ်ကို ကြည်လင်နေအောင် မထားနိုင်ရင်တော့ လုပ်ဆောင်မှုတွေဟာ အလွဲလွဲအချော်ချော်တွေပဲ ဖြစ်လာပါလိမ့်မယ် ။မိမိရဲ့ဘဝမှာ အရာအားလုံး အကောင်းဆုံးတွေကို ပိုင်ဆိုင်ချင်တယ်ဆိုရင် မိမိရဲ့စိတ်ကို အရင်ဆုံးကြည်လင်အောင်ထားပါ ။ 📖တန်ဖိုးထားတဲ့ ရပ်ဝန်းမှာ ရှင်သန်ပါ 📖 ✍️အရှင်ဇဝန (ရွှေကုန်းမြေ)✍️ #မေတ္တာဖြင့် #စာပေ #ဗဟုသုတ #ဘဝစာပေ #စာပေချစ်သူ #စာပေကြိုက်သူများ #လူငယ်များအတွက့်စာကြည့်တိုက့် #မေတ္တာဖြင့်ပြန်လည်မျှဝေပါသည် #လေးစားစွာဖြင့် #မူရင်းရေးသားသူအားလေးစားလျှက်

• တစ်နေကုန် ငိုက်မြည်းနေတာ၊ အားအင်ကုန်ခမ်းပြီး ပင်ပန်းနွမ်းနယ်နေတာတွေ ခံစားနေရပြီဆိုရင် သင့်ခန္ဓာကိုယ်က အားဖြည့်မှုကို လိုအပ်နေတာ ဖြစ်နိုင်ပါတယ်။ • ရိုးရှင်းတဲ့ ခရမ်းကစော့လက်ဖက်ရည် ဟာ သင့်ကို ပြန်လည်လန်းဆန်းစေပြီး အားအင်ဖြည့်ပေးနိုင်ပါတယ်။ > ခရမ်းကစော့သီးရဲ့ အဓိက အစွမ်းသတ္တိများ < • အားနည်းခြင်းကို ပြေစေပြီး သွေးအားကောင်းစေခြင်း။ • အသည်းနှင့် ကျောက်ကပ်ကို အားဖြည့်ပေးခြင်း။ • တစ်ချိန်လုံး ငိုက်မြည်းနေခြင်းကို သက်သာစေခြင်း။ • အစာခြေစနစ်ကို ကောင်းမွန်စေခြင်း။ • ခွန်အားကို မြှင့်တင်ပေးပြီး သွေးလည်ပတ်မှုကို ကောင်းမွန်စေခြင်း။ • နာကျင်ကိုက်ခဲခြင်း၊ ပွန်းပဲ့ဒဏ်ရာများအတွက် သက်သာစေခြင်း။ (ပင်ပန်းစွာ အလုပ်လုပ်ခြင်းကြောင့် ခါးတစ်ဝိုက် ကြွက်သားများ ပွန်းပဲ့ခြင်းအတွက် သောက်နိုင်) > ခရမ်းကစော့လက်ဖက်ရည် ဖျော်စပ်နည်း < 1. ခရမ်းကစော့သီး ၇ လုံးမှ ၁၀ လုံး ယူပါ။ 2. အသီးများကို အသာအယာ ထုပေးပါ။ 3. ထုထားသော အသီးများကို ခွက်တစ်ခုထဲထည့်ပြီး ရေနွေးပူပူ လောင်းထည့်ပါ။ 4. မနက်ပိုင်းတွင် သောက်သုံးပေးခြင်းဖြင့် အကောင်းဆုံး အာနိသင်ကို ရရှိစေမှာ ဖြစ်ပါတယ်။ • ပင်ပန်းနွမ်းနယ်မှု လွန်ကဲတဲ့အခါ ဒီလက်ဖက်ရည်ကို ဖျော်သောက်ခြင်းဖြင့် ခန္ဓာကိုယ် နာကျင်ကိုက်ခဲမှုတွေ သိသိသာသာ သက်သာသွားစေနိုင်ပါတယ်။ ကျန်းမာချမ်းသာလို့ပျော်ရွှင်ကြပါစေခင်ဗျာ🙏 သင့်မိတ်ဆွေတွေလည်းသိစေရန်ပြန်လည်မျှဝေခြင်းဖြင့်ကျန်းမာရေး ကုသိုလ်ယူပေးပါ။ ကျန်းမာရေးဗဟုသုတများကိုနေ့စဉ်နှင့်အမျှတင်ဆက်ပေးနေတာကြောင့် page ကိုfollowလုပ်ထားပါ။ #ကျန်းမာရေး #ဗဟုသုတ #စာပေ #နွယ်မြက်သစ်ပင်ဆေးဖက်ဝင် #မေတ္တာဖြင့်ပြန်လည်မျှဝေပါသည် #လေးစားစွာဖြင့်မူရင်းရေးသားသူကို #creditပေးပါတယ် #P_Chan #hashtag #fbviralpost2025シ #fblifestyles

ကိုယ့်အိမ်ခြံဝန်းထဲမှာ စိုက်ထားတဲ့ သင်္ဘောသီးပင်ကနေ အသီးတွေ အများကြီးနဲ့ အလုံးကြီးကြီး ဆွတ်ခူးစားချင်ကြတယ်မလား? တကယ်တော့ သင်္ဘောသီးစိုက်ရတာ မခက်ပါဘူး။ မြေဆီလွှာ၊ ရေ၊ နေရောင်ခြည်နဲ့ မြေသြဇာကို စနစ်တကျ ဂရုစိုက်ပေးရုံနဲ့ အပင်ကနေ ပြန်လည်ပေးဆပ်မယ့် ရလဒ်က အံ့မခန်းပါပဲ။ သင်္ဘောသီးပင် အသီးထွက်နှုန်းကောင်းစေမယ့် နည်းလမ်းကောင်းလေးတွေကို ကြည့်လိုက်ရအောင် 👇 ၁။ နေရောင်ခြည် အပြည့်အဝရပါစေ ☀️ သင်္ဘောသီးက နေကြိုက်တဲ့အပင်ပါ။ တစ်နေ့ကို အနည်းဆုံး ၆ နာရီကနေ ၈ နာရီအထိ နေရောင်ရတဲ့နေရာမျိုးမှာ စိုက်ပေးပါ။ ဒါပေမဲ့ လေပြင်းတိုက်ရင် အပင်ကျိုးလွယ်တတ်လို့ လေကွယ်တဲ့နေရာမျိုး ဖြစ်ရင်တော့ ပိုကောင်းပါတယ်။ ၂။ ရေဝပ်တာကို သတိထားပါ 💧 မြေဆီလွှာက သဲနုန်းမြေ ဒါမှမဟုတ် မြေဆွေးရောထားတဲ့ မြေမျိုး ဖြစ်ရပါမယ်။ သင်္ဘောသီးက ရေကြိုက်ပေမဲ့ ရေဝပ်တာကိုတော့ လုံးဝမကြိုက်ပါဘူး။ ရေဝပ်ရင် အမြစ်ပုပ်တတ်လို့ ရေကို ချင့်ချိန်လောင်းပေးပါ။ ၃။ မြေသြဇာ ပုံမှန်ကျွေးပါ ✨ သင်္ဘောသီးပင်က အာဟာရကို အများကြီး စားသုံးတဲ့ အပင်မျိုးပါ။ ဒါကြောင့် ၂ ပတ် ဒါမှမဟုတ် ၃ ပတ်တစ်ကြိမ် မြေသြဇာ ပုံမှန်ကျွေးပေးဖို့ လိုပါတယ်။ အထူးသဖြင့် နိုက်ထရိုဂျင်နဲ့ ပိုတက်စီယမ် ပါဝင်တဲ့ သဘာဝမြေဆွေး ဒါမှမဟုတ် နွားချေးမြေသြဇာတွေက အပင်ကို မြန်မြန်ထွားစေပြီး အသီးထွက်နှုန်းကို သိသိသာသာ တိုးတက်စေပါတယ်။ ၄။ မလိုအပ်တဲ့ အရွက်တွေကို ဖယ်ရှားပါ ✂️ အောက်ခြေက အရွက်အဟောင်းတွေ၊ ဝါနေတဲ့ အရွက်တွေ ဒါမှမဟုတ် ရောဂါရနေတဲ့ အရွက်တွေကို နှမြောမနေဘဲ ဖြတ်ထုတ်ပစ်ပါ။ ဒါမှ အာဟာရကို အသီးဆီ ပိုရောက်စေပြီး လေဝင်လေထွက်ကောင်းကာ ပိုးမွှားဒဏ်ကနေ ကာကွယ်နိုင်မှာပါ။ ၅။ ပိုးမွှားရန်ကို ကာကွယ်ပါ 🐛 အပင်ကို အမြဲစစ်ဆေးပေးပါ။ ပိုးကောင်လေးတွေ ဒါမှမဟုတ် မှိုတက်တာမျိုးရှိရင် သဘာဝပိုးသတ်ဆေး (ဥပမာ- တမာပိုးသတ်ဆေး) ကို အသုံးပြုပြီး နှိမ်နင်းပေးပါ။ စောစောစီးစီး သိလေလေ၊ ကုသရတာ ပိုလွယ်လေပါပဲ။ ၆။ ဆွတ်ခူးချိန်ကို မှတ်ထားပါ 🍈 သင်္ဘောသီးက အခွံလေး စပြီး ဝါလာပြီဆိုရင် ဆွတ်ခူးလို့ ရပါပြီ။ ဒီနည်းလမ်းအတိုင်းသာ ဂရုစိုက်မယ်ဆိုရင် ၁ နှစ်အတွင်းမှာတင် အသီးတွေ အများကြီးနဲ့ စိတ်ကျေနပ်စရာကောင်းတဲ့ ရလဒ်ကို ရရှိမှာ အသေအချာပါပဲ။ စိုက်ပျိုးရတာ ဝါသနာပါတဲ့ မိတ်ဆွေတို့လည်း ဒီနည်းလမ်းလေးတွေကို အသုံးပြုပြီး ကိုယ်တိုင်စိုက် သင်္ဘောသီးချိုချိုလေးတွေကို ဆွတ်ခူးစားသုံးနိုင်ကြပါစေရှင်။ 🥰 #forevermmmedia #စိုက်ပျိုးရေး #အပင် #သင်္ဘောသီးစိုက်ပျိုးနည်း #အိမ်တွင်းစိုက်ပျိုးရေး #စိုက်ပျိုးရေးဗဟုသုတ #သဘာဝမြေသြဇာ

ဒီရက်ပိုင်း ကျွန်မ ရှောက်နုရွက် (ရှောက်ရွက်)ကို ပုံမှန်ပြုတ်သောက်ဖြစ်နေပါတယ်။ အသက်ကြီးလာတဲ့အခါ သွေးဖိအားက ကြိုတင်အကြောင်းမကြားဘဲ တက်လိုက်ကျလိုက် ဖြစ်တတ်တယ်မဟုတ်လား 😅 ဒါကြောင့် အိမ်မှာအမြဲရှိတဲ့ ဆေးဖက်ဝင်အပင်ကို အသုံးချဖြစ်တာပါ။ 🍃 နွေးထွေးတဲ့ ရှောက်ရွက်ပြုတ်ရည်က အကျိုးကျေးဇူးများစွာ ပေးပါတယ်: • သောက်လိုက်ရင် သွေးလေစီးဆင်းမှု ပိုကောင်းလာသလို ခံစားရတယ်။ • ခေါင်းလေးတာတွေ ပျောက်ကွယ်သွားပြီး ခန္ဓာကိုယ်ကို ပေါ့ပါးစေတယ်။ • အရင်ကလို သွေးတိုးက အရမ်းတက်လိုက်ကျလိုက် မဖြစ်တော့ဘဲ တည်ငြိမ်လာတာကို သိသိသာသာ သတိထားမိတယ်။ • သူ့ရဲ့ သင်းပျံ့တဲ့ရနံ့က စိတ်ကို အပန်းပြေစေပြီး ညအိပ်ရာမဝင်ခင် သောက်ရင် ပိုပြီးတော့ အဆင်ပြေပါတယ်။ ✨ အိမ်မှာ ကိုယ်တိုင်လုပ်ရတာ အရမ်းလွယ်ကူပါတယ်: 1. ရှောက်ရွက်ရင့်ရင့် ၄-၅ ရွက်ခန့်ကို ခူးပြီး သန့်စင်အောင် ဆေးကြောပါ။ 2. ရေအိုးအသေးတစ်လုံးနဲ့ ၁၀ မိနစ်ခန့် ပြုတ်ပါ။ 3. အပူချိန် အနည်းငယ်ကျသွားတဲ့အထိ ထားပြီးမှ တစ်နေ့တာလုံး အေးအေးဆေးဆေး တစ်ငုံချင်းစီ သောက်သုံးနိုင်ပါတယ်။ ဒီလိုမျိုး အနီးနားမှာရှိတဲ့ အရာလေးတွေက ခန္ဓာကိုယ်ကို တကယ်ပဲ ကောင်းကောင်းဂရုစိုက်ပေးနိုင်ပါတယ်။ သွေးတိုးတက်လွယ်တဲ့သူတွေရှိရင် စမ်းသပ်သောက်ကြည့်ဖို့ တိုက်တွန်းချင်ပါတယ် ❤️🌿 #alinthitmedia

ဟင်းနုနွယ်မြစ်ကို ပေါင်းပင်ဆိုပြီး အလွယ်တကူ ပစ်မထားပါနဲ့ဦး။ ဟင်းနုနွယ်ရွက်ကိုပဲ စားလေ့ရှိကြပေမယ့် တကယ်တော့ ဟင်းနုနွယ်မြစ်ဟာ လူအများသတိမထားမိတဲ့ အစွမ်းထက် ဆေးဖက်ဝင်ပစ္စည်းတစ်ခု ဖြစ်ပါတယ်။ ခန္ဓာကိုယ်ကို အားဖြည့်ပေးရာမှာ ကိုရီးယားဂျင်ဆင်းနဲ့တောင် တူတယ်လို့ ဆိုကြပါတယ်။သူ့ရဲ့ ဆေးဖက်ဝင်ပုံက တကယ်ကို အံ့ဩဖို့ကောင်းပါတယ် - • ခန္ဓာကိုယ်ကို အားအင်ပြည့်ဝစေခြင်း: ပင်ပန်းနွမ်းနယ်မှုကို ပြေပျောက်စေပြီး လူကို လန်းဆန်းတက်ကြွစေပါတယ်။ • သွေးလေလည်ပတ်မှု ကောင်းမွန်စေခြင်း: သွေးလေလည်ပတ်မှု မှန်ကန်စေလို့ မျက်နှာကို သွေးရောင်လွှမ်းပြီး ကြည်လင်ဝင်းပစေပါတယ်။ • နာကျင်ကိုက်ခဲမှု ပျောက်ကင်းစေခြင်း: ခါးနာ၊ ခါးကိုက်တာတွေကို သက်သာစေသလို ကိုယ်တွင်းအပူဒဏ်ကိုလည်း လျော့ကျစေပါတယ်။ • အအေးမိ/နှာစေး သက်သာစေခြင်း: ဖျားနာတာကို လျော့ကျစေပြီး သလိပ်ကိုလည်း စင်ကြယ်စေပါတယ်။ 📌 အသုံးပြုနည်း (အရမ်းလွယ်ကူပါတယ်) ၁။ ဟင်းရည်ချက်သောက်ခြင်း: ဟင်းနုနွယ်မြစ်ကို သန့်စင်ပြီး ဟင်းချို (သို့) စွပ်ပြုတ်ထဲ ထည့်ချက်သောက်နိုင်ပါတယ်။ ဟင်းရည်ကို သဘာဝအတိုင်း ချိုမြိန်စေပါတယ်။ ၂။ ဆေးဖက်ဝင် လက်ဖက်ရည်ကြမ်း: • ဟင်းနုနွယ်မြစ် ၁ ခုကို ရေ ၁ လီတာနဲ့ ရောပါ။ • ၁၅ မိနစ်ခန့် ဆူအောင် တည်ပေးပါ။ • တစ်နေ့ကို ၂ ခွက်ကနေ ၃ ခွက်ထိ သောက်ပေးခြင်းဖြင့် ခန္ဓာကိုယ်ကို အားအင်ပြန်လည် ပြည့်ဝစေပါတယ်။ 🍶 အထူးဖော်စပ်နည်း (အားတိုးဆေးအဖြစ်): ဟင်းနုနွယ်မြစ်ကို အရက်ဖြူ (ပုလင်းကြီး) ထဲမှာ ၁၅ ရက်ခန့် စိမ်ထားပါ။ ညအိပ်ခါနီးတိုင်း တစ်ခွက် (အသေး) စပ်သောက်ပေးရင် ကိုရီးယားဂျင်ဆင်းထက်တောင် အစွမ်းထက်ပြီး အားအင်တွေ ပြည့်ဖြိုးလာပါလိမ့်မယ်။ ဒီလို သဘာဝဆေးနည်းလေးတွေက ငွေကုန်ကြေးကျလည်း သက်သာသလို ဘေးထွက်ဆိုးကျိုးလည်း ကင်းစင်စေပါတယ်။ အားလုံးပဲ ကျန်းမာပျော်ရွှင်တဲ့ လူနေမှုဘဝကို ပိုင်ဆိုင်နိုင်ကြပါစေခင်ဗျာ! #alinthitmedia #health #ကျန်းမာရေး #သဘာဝဆေးနည်း #ဟင်းနုနွယ်မြစ် #အားတိုးဆေး #မြန်မာ့ဆေးဖက်ဝင်အပင်များ #သဘာဝအားဆေး #သွေးလေကောင်းစေရန် #ပင်ပန်းနွမ်းနယ်မှုပျောက်ကင်းစေရန်

ရှားစောင်းလက်ပပ်နှင့် ပျောက်ကင်းသည့်ရောဂါများ.... ၁.ရှားစောင်းဂျယ်လီအနှစ်ကို မျက်ခွံပေါ်တင်ပေးပါက မျက်စိနာ၊ကိုက်၊ပူစပ်၊ယားယံခြင်းကို သက်သာစေပါသည်။ ၂.နားထဲတွင်အနာပေါက်ခြင်း၊နားကိုက်ခြင်းနှင့် နားပိုးဝင်၍ ရောင်ကိုင်းခြင်း တို့တွင် ရှားစောင်းလက်ပပ် ၂ လက်မအရွယ်ကိုလှီးဖြတ်ကာ ထက်ခြမ်းခြမ်းပြီး နား၏အရှေ့ဘက်နှင့် အနောက်ဘက်တို့တွင် ကပ်၍ ဂျယ်လီအချွဲများဖြင့်နားအပြင်မှပွတ်ပေးခြင်း ဖြင့် ရောင်ကိုင်းမှုများလျော့ကျကာ နာကျင်ကိုက်ခဲခြင်းကို သက်သာစေပါသည်။ ၃. ရှားစောင်းလက်ပတ်ကိုဖျော်ရည်သောက်ခြင်း သို့ ပါးပါးလှီး၍ချက်စားခြင်းဖြင့် ဓမ္မတာမှန်စေကာ အမျိုးသမီးမျိုးပွါးအင်္ဂါကို ခွန်အားဖြစ်စေရုံသာမက သားအိမ်ကိုသန့်စင်စေသည်။သွေးဆုံးပြီးနောက် မီးယပ်ရောဂါတို့ကိုလည်းမဖြစ်စေပါ။ ၄.ကျားမ အင်္ဂါများရှိရေယုန်နာများကိုလည်း ဂျယ်လီအနှစ်လိမ်းပေးခြင်းဖြင့် သက်သာစေနိုင်သည်။ ၅.ရှားစောင်းလက်ပတ်၏အတွင်းပိုင်းရှိ ဂျယ်လီသည် အရေပြားတွင်အနီပိမ့်များ ထွက်ခြင်း၊အရေပြားတွင် အရည်အိတ်တည်ခြင်း၊အပူလောင်ခြင်း၊ ဘက်တီးရီးယားနှင့် ပိုးမွှားများကြောင့် အရေပြားတွင် ပွေး၊ဝဲ၊ညှင်း စသည့် အရေပြားရောဂါ အမျိုးမျိုးကို သက်သာ စေသည်။ ၆.ဓာတ်တိုးဆန့်ကျင်ပစ္စည်းများ ပါရှိသဖြင့် အစာချေစနစ်ကိုအားပေးကာ အစာအိမ်နာခြင်း၊အစာမကြေခြင်းတို့ကို သက်သာစေသည်။အထူးသဖြင့် အူမကြီး ကင်ဆာအပါအဝင် ကင်ဆာအကျိတ်များ ကြီးထွားလာမှုကို ရပ်တန့်စေသည်။ အစာအိမ်ပြည်တည်နာများ၊အသည်းရောင်ခြင်း၊အူရောင်ခြင်း ဝေဒနာတို့ကိုလျော့ကျစေသည်။ ၇.သွေးထဲရှိ oxygen ကိုကောင်းစွာလည်ပတ်စေပြီး cell များကိုခွန်အားဖြစ်စေသည်။ ၈.အပင်ထဲရှိ polysaccharides ,mannans,anthraquinones စသောဒြပ်များသည် နှလုံးစွမ်းရည်ကိုတိုးမြှင့်ပေးစေသည့်အပြင် သွေးတွင်းအဆီခဲ သွေးခဲများပိတ်ဆို့ခြင်း၊ နှလုံးသွေးပျစ်ခြင်းစသော နှလုံးသွေးကြော ဆိုင်ရပြဿနာများကို များစွာကောင်းကျိုးပြု သည်။ထို့ပြင် နှလုံးရောဂါနှင့်ဆက်စပ်သည့်လေဖြတ်ခြင်းကိုလည်း ဖြစ်မလာစေနိုင်ပါ။ ၉.သွေးဖိအားထိန်းညှိပေးခြင်းကြောင့် သွေးတိုးရောဂါမဖြစ်စေပါ။ ၁၀. အရေပြားရှိထိခိုက်ဒဏ်ရာများနှင့် ပိုးဝင်ခြင်းတို့ကိုသက်သာစေပါသည်။ ရှားစောင်းအနှစ်ကို လိမ်းပေးပါက မီးလောင်နာ ၊အရည်ကြည်ဖုနာ၊ထိခိုက်ရှနာ၊ နေလောင်နာ စသည်တို့ကို ရှားစောင်းလက်ပက်တွင်ပါဝင်သော အောက်စီဂျင်ဓာတ်တစ်မျိုးတည်းကြောင့် အရေပြားမှ cell များကို အလိုလို ပြုပြင်ပေး နိုင်စွမ်းရှိသည်။ (သို့သော်) ခွဲစိတ်အနာချုပ်ရိုးများကို အနာကောင်းစွာမကျက်ခင် မလိမ်းသင့်ပါ၊ အနာကျက်နှေးသွားစေပါတယ်။ ၁၁.သွေးစုနာ၊အကြိတ်ဖုနာ၊သွေးလုံး၊လေလုံး၊ အဆီဖုများကို အပင်၏ဂျယ်လီ လိမ်းကပ်ပေးခြင်းဖြင့် အကြိတ်မှပြည်ပေါက် ထွက်ကာ ငန်းမန်းကို ကြေစေနိုင်သည်။ ၁၂.ရှားစောင်းလက်ပပ်အပင်ကို မီးမြှိုက်၍ အနှစ်ကိုစားပေးပါက ရေဖျဉ်းရောဂါကို သက်သာစေပြီး မီးမြှိုက်ထားသောအနှစ်ကို သကြားနှင့်စားပါက အမျိုးသမီးများ အဖြူဆင်းခြင်းကိုသက်သာစေသည်။ ၁၃ ဂျယ်လီအနှစ်ကိုခြစ်ယူ၍ ဆန်ဆေးရည်တွင်စိမ်ပြီး သကြားထည့်သောက်ပါက ဆီးပူ၊ဆီးအောင့်ရောဂါကိုပျေါက်ကင်းစေပြီး ဆီးကျောက်တည်ခြင်းကို ကာကွယ်ပေးသည်။ ၁၄.အသားဝါရောဂါရှိသူများ ဂျယ်လီအနှစ်ကို စားပေးခြင်းဖြင့် ချမ်းသာရာရစေသည် ၁၅.ဖျော်ရည်လိုသောက်သုံးပေးခြင်းဖြင့် အအေးမိ၊တုပ်ကွေးဖျားနာ၊နှာခေါင်းပိတ် ခြင်း၊လေပြွန်ရောင်ခြင်း၊ရင်ပူခြင်း၊စသည့် အသက်ရှူလမ်းကြောင်းဆိုင်ရာ ပြဿနာများကို ကောင်းစွာကုသပေးနိုင်စွမ်း ရှိသည်။ ၁၆.သွေးထဲရှိ glucose ပမါဏကိုကျစေသဖြင့် ဆီးချိုရောဂါသည် များရှားစောင်းလက်ပက်ဖျော်ရည်ကို သောက်သုံးသင့်ပါသည်။ ၁၇.ခန္ဓာကိုယ်ရှိ ဘက်တီးရီးယားပိုးမွှားများကိုသေစေကာ သွားများကိုဖြူဖွေးသန့်စင်ခိုင်ခန့်စေပြီး၊ သွားဖုံးများကိုကျန်းမာစေသည်။ ၁၈.သဘာဝသကြားဓာတ် ပါရှိသဖြင့် ကိုယ်ခံစွမ်းအားကို တိုးတက်မြင့်မားစေသည်။ ၁၉.အပင် ၏ enzymes များတွင် ဝမ်းသက်စေသော အာနိသင်ပါရှိခြင်း ကြောင့် အူမကြီးနံရံရှိ အချွဲအကျိများကို တိုးပွါးစေကာ အူကိုသန့်စင်စေပြီး ဝမ်းမချုပ်စေပါ။ ၂၀.ခေါင်းမလျှော်ခင်ရှားစောင်း လက်ပက် ဂျယ်လီနှင့် ဦးခေါင်းကို နှိပ်နယ်ပေးခြင်းဖြင့် ဆံပင်ကျွတ်ခြင်း၊ ဆံပင်နှစ်ခွဖြစ်ခြင်း၊ ဆံပင်ကျိုးခြင်းတို့ကို သက်သာစေကာ သန်း နှင့် ဗောက်များကိုလည်ကင်းစင် စေသည်။ ၂၁.ရှားစောင်းလက်ပက်ထဲတွင် ယောင်ယမ်းနာများကို ပျေါက်ကင်းစေသော သဘာဝပစ္စည်း ၁၂ မျိုးပါရှိ၍ ဘေးထွက်ဆိုး ကျိုးလုံးဝမရှိပဲ အရိုးအဆစ်အမြစ် နာကျင် ကိုက်ခဲခြင်းတို့ကိုသက်သာစေသည်။ ထို့ပြင် ကြွက်သားများတောင့်တင်းခြင်းကိုလဲ ပြေလျော့စေသည်။ ၂၂. cholesterol ကိုကျစေပြီး အဆိပ်အတောက်ကင်းကာ ခန္ဓာကိုယ်ကို ပေါ့ပါးလန်းဆန်းစေသည်။ ၂၃.ခန္ဓာကိုယ်ထဲ oxygen ပြတ်လပ်မှုကို ကာကွယ်ပေးသည်။ ၂၄.ကော်ဖီနှင့် လက်ဖက်ရည်အလွန်အကျွံသောက်သုံး ခြင်းကြောင့် ခန္ဓာကိုယ်တွက် မလိုအပ်သော oxalates ဓာတ်မန္တရာယ်မှကာကွယ်ပေးသည်။ ၂၅.ညအိပ်ယာဝင်ခါနီး ရှားစောင်းလက်ပက် ဂျယ်လီကို မျက်နှာအနှံ့ပွတ်လိမ်းပြီး မိနစ်၂၀ အကြာတွင် ရေအေးနှင့် မျက်နှာ သစ်ပေးပါက မိတ်ကပ်ချေးများ ကင်းစင်စေပြီး ချွေးပေါက်ပွင့်ကာ ဝက်ခြံ လုံးဝမထွက်စေပါ။ရှားစောင်းအနှစ်ကို မျက်နှာပေါ်တွင်အုပ်ပြီးလိမ်းပေးပါက ရှားစောင်းတွင်ပါဝင်သော oxygen ကြောင့် အရေပြားcell များကိုပိုမိုသန့်စင်စေ ပြီးချေါမွတ်စေပါသည်။ဝက်ခြံသာမက တင်းတိပ်များကိုဖယ်ရှားပြီး နူးညံ့လှပစေ ပါသည်။ ၂၆.ရှားစောင်းလက်ပက်ကို အစိမ်းလိုက်ဝါးစားပါက အရက်နာကျရောဂါကိုသက်သာစေသည်။ လူကိုပုံမှန်တိုင်း လန်းဆန်းစေသည်။ (သို့သော်)တစ်နေ့ ၂၀ cc ထက်ပို၍ အစိမ်းစားပါက ကျောက်ကပ်ကို ပျက်စီးစေနိုင်သည်။ အစာအိမ်ရောဂါပါပျောက်ကင်းပါတယ်။ သုံးစွဲနည်း= ဓါးပါးပါးလေးနဲ့အခွံကိုလှီးထုတ်ပါ။မြိုချလို့ရတဲ့အရွယ်အတုံးလေးတွေရအောင် ဖြတ်ပါ။မတ်ခွက်ထဲအပြည့်ထည့်ပါ၊သကြားဟင်းစားတစ်ဇွန်းထည့်ပါ၊သံပုရာသီးတစ်လုံးအရည်ညှစ်ထည့်ပါ၊အဖုံးဖုံးထားပါ၊၂၄ နာရီနှပ်ထားပါ၊၂၄ နာရီပြည့်ရင် အစာအိမ်ထဲအစာမရှိမီ(အိပ်ယာထချိန်)မှာ ဇွန်းနဲ့ခပ်ပီး မြိုချပါ။ ရှားစောင်းလက်ပတ်ရဲ့အကျိအချွဲတွေက အစာအိမ်နံရံ၊အနာရှိတဲ့နေရာမှာသွားကပ်ရင် အနာကျက်မြန်ပီး တစ်လလောက်မှာ အစာအိမ်ရောဂါ သက်သပျောက်ကင်းပါတယ်🥰 အကျိုးကျေးဇူးများစွာဖြင့် လူတို့၏ ကျန်းမာရေးအတွက်လိုအပ်မှုများစွာကို ဖြည့်ဆည်းပေးနိုင်သည့် သဘာဝရှားစောင်းလက်ပက်ဖြင့်ဖော်စပ်ထားသောဆေးများ ၊အလှကုန်ပစ္စည်းများကို အသုံးပြုသင့်ပါတယ်🥰 🥬🥬🥬🥬🥬🥬🥬🥬🥬🥬🥬🥬🥬🥬 ဝမ်းချုပ်ခြင်းပြဿနာ နဲ့ ရှားစောင်းလက်ပပ် ဗိုက်ထဲမှာ လေးလံပြီး နာနေတာဟာ အူတွေထဲမှာ အစာဟောင်း ( မစင် ) တွေ စုပုံနေလို့ ဖြစ်ပါတယ်။ ဝမ်းမသွားဘဲ အစာဟောင်းတွေစုပုံနေတာ ( ဝမ်းချုပ်နေတာ ) ဟာ ရုတ်ချည်းအသက်အန္တရာယ်ပေးနိုင်တာမျိုး မဟုတ်ပေမယ့် တာရှည်မှာ ကျန်းမာရေးအတွက်တော့မကောင်းပါဘူး။ အူမကြီးဟာ အစာချေလုပ်ငန်းအတွက် အရေးပါတာမို့ အူတွေ သန့်ရှင်းပြီး ကျန်းမာနေဖို့ဟာ အရေးကြီးပါတယ်။ အူတွေဟာ အစာဟောင်းတွေနဲ့ ပြည့်ကျပ် ညစ်ပေနေလျှင် ဝမ်းချုပ်ခြင်း , ဝမ်းလျောခြင်း , ဗိုက်နာခြင်း , မအီမသာဖြစ်ခြင်း , မူးဝေခြင်း , ခေါင်းကိုက်ခြင်း , အစားပျက်ခြင်း , ပါးစပ်နံခြင်း , ကိုယ်ခံအား နည်းခြင်း , ပျို့အန်ခြင်း , ဗိုက်ရောင်ရမ်းခြင်း စတာတွေ ခံစားရပါတယ်။ ဝမ်းချုပ်စေတဲ့အကြောင်းတွေမှာ အဓိက ၂ချက်ကတော့ အစားအသောက် ဂရုမစိုက်ခြင်း နဲ့ ထိုင်ခုံမှာ စွဲစွဲမြဲမြဲ အလုပ်လုပ်ရခြင်း တို့ပဲ ဖြစ်ပါတယ်။ ဒါ့အပြင် ပြုပြင်ထားတဲ့ အလွယ်စားစရာတွေ အားထားစားသောက်ခြင်း နဲ့ ကိုယ်လက်လှုပ်ရှားမှုနည်းခြင်းဟာလည်း အစာချေခြင်းလုပ်ငန်းကို ထိခိုက်စေပါတယ်။ အဆီများတဲ့အစားအစာ , အချိုများတဲ့အစားအစာ စားသုံးမှုများခြင်း နို့နဲ့ နို့ထွက်အစားအစာတွေ စားသုံမှုများခြင်း ရေအသောက်နည်းခြင်း ဖိုင်ဘာကြွယ်ဝတဲ့ အစားအစာများ မစားခြင်း အရက်သေစာ နဲ့ ကော်ဖီ အသောက်များခြင်း ဝမ်းအချိန်မှန်မသွားဘဲ အောင့်အည်းချုပ်တည်းထားခြင်း စတာတွေကလည်း ဝမ်းချုပ်စေသည့်အကြောင်းတွေ ဖြစ်ပါတယ်။ သွေးတိုးခြင်း လေဖြတ်ထားခြင်း ခြေလက်တုန်ယင်သည့် ပါကင်ဆင်ရောဂါဖြစ်ခြင်း ဆီးချိုရောဂါရှိခြင်း ခါးအာရုံကြောထိခိုက်ထားခြင်း ကိုယ်ဝန်ဆောင်ခြင်း အသက်အရွယ်ကြီးခြင်း စတာတွေကြောင့်လည်း ဝမ်းချုပ်ခြင်း ဖြစ်ရပါသေးတယ်။ အူတွေလှုပ်ရှားမှုကို အားပေးပြီး အစာဟောင်းတွေ စွန့်ထုတ်ပစ်နိုင်အောင် ပြုလုပ်ပေးနိုင်တဲ့ သဘာဝဆေးဝါးများ ရှိပါတယ်။ အလွယ်ကူဆုံးဆေးနည်းအတွက် လိုအပ်ချက်ကတော့ ရှားစောင်လက်ပပ် ဂျဲလ် စားပွဲတင်ဇွန်း ၃ဇွန်းစာ ပျားရည် သံပုရိုသီး ၁လုံး ရေ ၃ခွက် တို့ဖြစ်ပါတယ် ရေ ၁ခွက်ထဲ သံပုရိုသီး ညှစ်ထည့်ဖျော် ရှားစောင်းလက်ပပ် စားပွဲတင် ၃ဇွန်းထည့်မွှေ ဖျော်စက်ထဲ ထည့် ရေ ၂ခွက် ထပ်ထည့် မွှေ ပျားရည် လိုသလိုထည့် မနက်အိပ်ရာထ မနက်စာမစားမီ ၃၀မိနစ်မှာ ၁ခွက်သောက်။ နေ့လည်စာနဲ့ ညစာ မစားမီ နာရီဝက်စောပြီး နောက်ထပ် ၁ခွက်စီ သောက်ပါ။ အလွယ်ကူဆုံး သဘာဝ ဝမ်းနုတ်ဆေးဖြစ်ပါတယ်။ ကျန်းမာချမ်းသာကြပါစေ ဒေါက်တာမြင့်သိန်း Crd original writer 🤍🤍 #ကျန်းမာရေးဗဟုသုတရကြပါစေ #sweswe #newyearevent #healthyliving

ဘယ်ဘက်စောင်း အိပ်ခြင်းဟာ ကျန်းမာရေးစနစ်များစွာကို အကျိုးပြုတဲ့အတွက် ဆရာဝန်များနဲ့ ကျန်းမာရေးပညာရှင်များက မကြာခဏ အကြံပြုလေ့ရှိပါတယ်။ အထူးသဖြင့် အူလမ်းကြောင်း၊ နှလုံးနဲ့ အညစ်အကြေးအရည် (Lymph) လည်ပတ်မှုကို အထူးကောင်းမွန်စေပါတယ်။ 🌿 ဘယ်ဘက်စောင်း အိပ်ခြင်း၏ အကျိုးကျေးဇူးများ 1. အစာချေဖျက်ခြင်းနှင့် ဝမ်းသွားခြင်းကို ကောင်းမွန်စေ • အူမကြီးရဲ့ ဖွဲ့စည်းပုံက ညာဘက်ကနေ ဘယ်ဘက်ကို စီးဆင်းပါတယ်။ • ဘယ်ဘက်စောင်းအိပ်ခြင်းက အညစ်အကြေးတွေကို ဆွဲအားအရ စီးဆင်းစေပါတယ်။ • ဝမ်းချုပ်တာ၊ ဗိုက်ပြည့်တာ၊ အူလှုပ်ရှားမှုနှေးသူများ အတွက် သင့်တော်ပါတယ်။ 2. အက်ဆစ်ပြန်ဆန်တက်ခြင်းနှင့် ရင်ပူခြင်းကို လျှော့ချ • အစာအိမ်က ဘယ်ဘက်မှာ ရှိပါတယ်။ • ဘယ်ဘက်စောင်းအိပ်ခြင်းက အစာအိမ်အက်ဆစ်တွေကို အစာပြွန်ဆီ ပြန်မဆန်တက်အောင် ကာကွယ်ပေးပါတယ်။ • အက်ဆစ်ပြန်ဆန်တက်သူများ (GERD) / ညဘက် ရင်ပြည့်ရင်ကယ်ဖြစ်သူများ အတွက် သင့်တော်ပါတယ်။ 3. နှလုံးကို ဝန်ပိမှု လျှော့ချ • နှလုံးပေါ် ဖိအားသက်ရောက်မှုကို လျှော့ချပေးပါတယ်။ • သွေးတွေ နှလုံးဆီ ပြန်လည်စီးဆင်းမှုကို ကောင်းမွန်စေပါတယ်။ • ပင်ပန်းလွယ်သူများ၊ သွေးတိုးရှိသူများ၊ သွေးလည်ပတ်မှု မကောင်းသူများ အတွက် သင့်တော်ပါတယ်။ 4. အညစ်အကြေးအရည် (Lymph) စနစ် ကောင်းမွန်စွာ စီးဆင်း • အဓိက အညစ်အကြေးအရည်ပြွန် (Thoracic duct) က ဘယ်ဘက်မှာ ရှိပါတယ်။ • အဆိပ်အတောက်များကို ဖယ်ရှားပေးပြီး ကိုယ်ခန္ဓာ ဖောရောင်ခြင်းကို လျှော့ချပေးပါတယ်။ • ခြေထောက်/ကိုယ်ခန္ဓာဖောရောင်သူများ၊ မနက်ခင်း မျက်နှာဖောရောင်သူများ အတွက် ကောင်းမွန်ပါတယ်။ 5. ကိုယ်ဝန်ဆောင်မိခင်များအတွက် အသင့်တော်ဆုံး • သားအိမ်က သွေးကြောမကြီးပေါ် ဖိအားသက်ရောက်မှုကို လျှော့ချပေးပါတယ်။ • ကလေးဆီ သွေးစီးဆင်းမှု ပိုမိုတိုးစေပါတယ်။ • မူးဝေခြင်း၊ မျက်စိစုံမှိတ်သွားခြင်းကို လျှော့ချပေးပါတယ်။ 6. နှစ်နှစ်ခြိုက်ခြိုက် အိပ်ပျော်စေ • အာရုံကြောစနစ်ကို ဖြေလျော့ပေးပါတယ်။ • ညဘက် အလန့်တကြား နိုးခြင်းကို လျှော့ချပေးပါတယ်။ • အိပ်မပျော်သူများ၊ ညဘက် နှလုံးတုန်သူများ အတွက် သင့်တော်ပါတယ်။ ⚠️ သတိပြုရမည့်သူများ • ဘယ်ဘက်ပခုံး သို့မဟုတ် တင်ပါး နာကျင်သူများ → နာကျင်မှု လျှော့ချရန် ခေါင်းအုံးခံသင့်ပါတယ်။ • အိပ်တဲ့အခါ လက်ထုံကျင်တတ်သူများ → လည်ပင်းခေါင်းအုံး အမြင့်ကို ချိန်ညှိသင့်ပါတယ်။ ဘယ်ဘက်စောင်းအိပ်ရတာကို ကြိုက်နှစ်သက်သူများ လက်မလေး ထောင်ပြလိုက်ပါဦး! 👋 #ShweKhitMedia #crd

ဒဏ်ရာအဟောင်းကို ဒီနေ့ ... မျက်ရည်တွေနဲ့ ၀ယ်မိပြန်ပြီ ။ မင်းမသိတဲ့ အကောင့်လေးနဲ့ မင်း ရှိရာအရပ်ကို ပြန်လှမ်းငေးမိတော့ ... ကိုယ်သဘောကျတဲ့ ဆံပင်ရှည်ရှည်လေးတွေ မရှိတော့တာကို သိရတယ် .. ပြုံးနေတဲ့ နှုတ်ခမ်းလေးကို ပြန်မြင်ရတော့ မင်းရီသံလေး ပြန်ကြားယောင်မိတယ် .. စကားတွေ သွားပြောချင်စိတ်ကို ထိန်းနိုင်ခဲ့ပေမယ့် သတိရစိတ်နဲ့ မျက်ရည်တွေကိုတော့ ကိုယ် မနိုင်ခဲ့ဘူး ... အချစ် ခရီးအဝေးကြီးကို လျှောက်နေပြီး အိပ်မက်အသစ်တွေ မက်နေတာကို တွေ့ရတော့ ... အိပ်မက်အဟောင်းတွေနဲ့ ချန်ခဲ့ဖူးတဲ့ နေရာ လေးမှာပဲ ရပ်နေမိတဲ့ ကိုယ်က ပျော်ရပါတယ် ... မင်းကို မေ့ဖို့ ကြိုးစားရင်း ပြန်သတိရမိတဲ့ ရက်လေးတစ်ရက်ဖြစ်သလို မင်းနဲ့ ဝေးအောင်နေဖို့ကြိုးစားရင်း မင်းကို ပြန်ငေးမိတဲ့ နေ့လေးတစ်နေ့ပါပဲ ... ဒဏ်ရာအဟောင်းတွေကို မျက်ရည်နဲ့ ပြန်၀ယ်နေမိပြန်ပြီ ထင်ပါတယ် ။ #ကျေးကို

ခရမ်းသီးပင် စိုက်ပျိုးရာတွင် အပွင့်ကြွေခြင်း၊ အသီးပွင့်မခိုင်ဘဲ ကြွေကျခြင်း ပြဿနာများ ကြုံရပါက အပင်ကို သန်မာစေပြီး အသီးများများ သီးလာစေမည့် ရိုးရာနည်းလမ်းကောင်းကို မျှဝေပေးလိုက်ပါတယ်။ 🥚 လိုအပ်သော ပစ္စည်းများ (မီးဖိုချောင်သုံးပစ္စည်းများ) • ကြက်ဥ အစိမ်း - ၁ လုံး • နို့သန့် - စားပွဲတင်ဇွန်း ၂ ဇွန်း • ငါးပိရည် - ၂၅၀ မီလီလီတာ • ရေသန့် 🪴 ပြုလုပ်နည်း အဆင့်ဆင့် 1. ကြက်ဥပြင်ဆင်ခြင်း: ပန်းကန်လုံးထဲတွင် ကြက်ဥကို ခေါက်ထည့်ပြီး ကြက်ဥအခွံများကို ညက်အောင် ချေမွှား၍ ရောထည့်ပါ။ 2. နို့ထည့်ခြင်း: နို့သန့်ကို ထည့်ပြီး သမအောင် မွှေပါ။ 3. ငါးပိရည် ထည့်ခြင်း: ငါးပိရည်ကို ထည့်ပြီး ပါဝင်ပစ္စည်းအားလုံး နှံ့စပ်အောင် ရောမွှေပါ။ 4. ရေရောခြင်း: ရေသန့် ၅ လီတာခန့် ထပ်ထည့်ပြီး ထပ်မံမွှေပါ။ 5. အသုံးပြုပုံ: ဤအရောအနှောကို ပန်းမပွင့်မီ အချိန် တွင် ခရမ်းချဉ်ပင်၏ ပင်ခြေရင်းသို့ လောင်းပေးပါ။ 🌸 6. ရေလိုက်လောင်းခြင်း: ထို့နောက် ရေကို ရွှဲရွှဲစိုအောင် ထပ်မံ လောင်းပေးပါ။ 💡 အပိုဆောင်း အကြံပြုချက်များ • အာဟာရဓါတ်: ဤဖျော်ရည်တွင် ကြက်ဥအခွံမှရသော ကယ်လ်စီယမ်နှင့် နို့မှရသော အာဟာရဓါတ်များ ပါဝင်ခြင်းကြောင့် အပင်ကို သန်မာစေပြီး အသီးကိုင်းများကို ခိုင်ခံ့စေသည်။ 🌱 • မြေဆီလွှာ: ငါးပိရည်သည် မြေဆီလွှာကို ပွစေပြီး အပင်အတွက် ကောင်းမွန်သော အဏုဇီဝပိုးမွှားများ ဖွံ့ဖြိုးတိုးတက်စေသည်။ • တခြားအပင်များ: ဤနည်းလမ်းကို ခရမ်းပင်အပြင် ငရုတ်၊ သရက်၊ မာလကာ၊ သံပရာ စသော အခြား ဟင်းသီးဟင်းရွက်များနှင့် သစ်သီးပင်များတွင်လည်း အသုံးပြုနိုင်သည်။ 🍋 ကျွန်တော်ကိုယ်တိုင် စမ်းကြည့်ရာတွင် အပွင့်များ ပိုမိုခိုင်မာလာပြီး အသီးများလည်း မရင့်မီ ကြွေကျခြင်း မရှိတော့ကြောင်း တွေ့ရပါသည်။ မီးဖိုချောင်သုံးပစ္စည်းများဖြင့် ကုန်ကျစရိတ်သက်သာသော နည်းလမ်းဖြစ်၍ စမ်းကြည့်သင့်ပါသည်။ ✨ #forevermmmedia #စိုက်ပျိုးရေး #ခရမ်းပင် #အိမ်တွင်းဥယျာဉ် #သဘာဝမြေသြဇာ