အသည်းဟာ... ခန္ဓာကိုယ်ထဲမှာ အလုပ်အများဆုံး လုပ်ရတဲ့ အင်္ဂါဖြစ်ပါတယ်။ အညစ်အကြေးစစ်ထုတ်တာ၊ သည်းခြေရည်ထုတ်တာ၊ စွမ်းအင်ထုတ်လုပ်တာနဲ့ သွေးတွင်းအဆီကို ထိန်းချုပ်တာ စတဲ့ အလုပ်တွေကို လုပ်ဆောင်ပါတယ်။ ဒါပေမယ့် ကျွန်မတို့က ညဉ့်နက်တဲ့အထိ မအိပ်သေးဘူး၊ အာလူး၊ ကစီဓာတ်တွေ၊ အချိုတွေ စားမယ်၊ ရေနည်းနည်းပဲ သောက်မယ်ဆိုရင်... အသည်းက အဆီတွေကို တိတ်တိတ်လေး စုဆောင်းလာပြီး သတိမထားမိဘဲ "အသည်းအဆီဖုံးခြင်း" ဖြစ်လာနိုင်ပါတယ်။ အသည်းက သတိပေးတဲ့ လက္ခဏာများ အကြောင်းရင်းမရှိဘဲ မောပန်းလွယ်ခြင်း ညစာ စားပြီးနောက် ဝမ်းဗိုက်တင်းခြင်း၊ လေပွခြင်း၊ အောင့်ခြင်း အသားအရေ ညိုမည်းခြင်း၊ ချွေးနံ့နံခြင်း ညာဘက်နံရိုးအောက်နား တင်းပြီး နာကျင်ခြင်း ညဘက် ခဏခဏ နိုးခြင်း သို့မဟုတ် အိပ်မပျော်ခြင်း ဒီလို လက္ခဏာတွေ ရှိနေရင်... "အသည်းစွမ်းအင်" ကို ဒီနေ့ကစပြီး အမြန်ဆုံး ပြန်လည်အားဖြည့်ပါတော့။ သဘာဝနည်းလမ်းဖြင့် အသည်းကို ပြန်လည်အားဖြည့်နည်းများ ၁။ ည ၁၀ နာရီ မတိုင်ခင် အိပ်ရာဝင်ပါ ဘာကြောင့်လဲဆိုတော့ "အသည်းရဲ့ မီးဓာတ် (စွမ်းအား)" ဟာ ည ၁၀ နာရီကနေ မနက် ၂ နာရီအတွင်းမှာ အကောင်းဆုံး ပြန်လည်ပြုပြင်ခြင်း အလုပ်ကို လုပ်ဆောင်လို့ပါပဲ။ အဲဒီအချိန်နောက်ပိုင်းမှ အိပ်ရင် အသည်းက ဆဲလ်တွေကို ပြင်ဆင်ဖို့ အချိန်မရတော့ဘဲ၊ အဆီနဲ့ အညစ်အကြေးတွေ စွန့်ထုတ်မယ့်အစား ပိုပြီး စုမိလာပါလိမ့်မယ်။ ၂။ မနက်အိပ်ရာထပြီး ရေနွေး ၂ ဖန်ခွက် သောက်ပါ ဒါက အသည်းထဲက သည်းခြေရေစနစ် လည်ပတ်မှုကို ကောင်းမွန်စေပါတယ်။ အသည်းရှိ သွေးကြောမျှင်လေးတွေထဲက အညစ်အကြေးတွေကို ဆေးကြောပေးပြီး သည်းခြေအိတ်က အဆိပ်အတောက်တွေကို ဝမ်းကနေတဆင့် စွန့်ထုတ်ဖို့ကိုလည်း လှုံ့ဆော်ပေးပါတယ်။ ၃။ ကစီဓာတ်နှင့် သကြားဓာတ်ကို တစ်ဝက် လျှော့ချပါ အသည်းက ပိုလျှံနေတဲ့ သကြားဓာတ်ကို အဆီအဖြစ် ပြောင်းလဲပစ်ပါတယ်။ အချိုများများ စားလေ၊ အသည်းက ပိုပင်ပန်းလေပါပဲ။ သကြားဓာတ် လျှော့ချတာဟာ "အသည်းကို အနားပေးခြင်း" အစစ်အမှန်ပါပဲ။ ၄။ တစ်နေ့ကို ရေ ၃ လီတာ ရအောင် သောက်ပါ ရေဟာ အညစ်အကြေးတွေကို ခန္ဓာကိုယ်ကနေ သယ်ယူထုတ်ပစ်ပေးတဲ့ ယာဉ်ပါပဲ။ ရေလုံလောက်စွာ သောက်သုံးခြင်းက သွေးပျစ်တာကို သက်သာစေပြီး အသည်းကိုလည်း စစ်ထုတ်တဲ့နေရာမှာ လုပ်အားပိုမပေးရအောင် ကူညီပေးပါတယ်။ ၅။ နေ့စဉ် ကိုယ်လက်လှုပ်ရှားမှု ပေါ့ပေါ့ပါးပါး လုပ်ပါ မိနစ် ၃၀ လမ်းလျှောက်တာ ဒါမှမဟုတ် လက်ဝှေ့ယမ်းတာကို ၁၀ မိနစ် လုပ်တာနဲ့တင် လုံလောက်ပါတယ်။ ဒီလိုလုပ်ခြင်းက သွေးကို အသည်းဆီ ပိုမိုကောင်းမွန်စွာ ရောက်ရှိစေပြီး ကိုယ်တွင်းမီးဓာတ်ကိုပါ မျှတစေပါတယ်။ သမားတော်များထံမှ မှာကြားချက် "သန့်ရှင်းတဲ့အသည်းဟာ ခိုင်မာတဲ့ဘဝရဲ့ အခြေခံအုတ်မြစ်ပဲ။ ကျန်းမာရေးဟာ ဆေးဝါးအစွမ်းနဲ့ စတာမဟုတ်ဘူး... ည ၁၀ နာရီမတိုင်ခင် သင်အိပ်ရာဝင်တဲ့ ညကစပြီး စတင်တာပါ" ဒီညကစပြီး မီးကို မိနစ် ၃၀ လောက် စောပိတ်ပြီး အိပ်ကြည့်ပါ။ ပြီးတော့ မနက်အိပ်ရာထရင် ရေနွေး ၂ ဖန်ခွက် သောက်ကြည့်ပါ အသည်း ပြန်လည်အားကောင်းလာတဲ့အခါ ခန္ဓာကိုယ် ဘယ်လောက် ပေါ့ပါးသွားတယ်၊ စိတ်ဘယ်လောက် ကြည်လင်လန်းဆန်းလာတယ်ဆိုတာ သင်ကိုယ်တိုင် သိလာပါလိမ့်မယ် ။ Crd #fblifestyle

ဘာမှ မပြောတဲ့သူတွေကို သတိထားပါ ---------------------------------- ကျွန်တော်တို့ကျောင်းသား ဘဝတုန်းက စာမေးပွဲဖြေတဲ့အခါ စာခိုးချတဲ့လူကို တွေ့ရင် အခန်းစောင့်ဆရာမက micro စာရွက်တွေကို လာသိမ်းတယ် သတိပေးပြီး ဆက်ဖြေခွင့်ပြုတယ် … နောက် ဆရာမ အမျိုးအစားက လာလည်း မပြောဘူး ၊ ဖမ်းလည်း မဖမ်းဘူး ။ သတိလည်းမပေးဘူး ။ လွှတ်ပေးထားတယ် ။ ခိုးစမ်း … ကြိုက်သလောက်ခိုး ။ လုံးဝ မနှောင့်ယှက်ဘူး ။ မှတ်ချက်မှာတော့ မှင်နီ တို့ ပြီးသွားပြီ ။ အမှတ် 100 ဖိုးဖြေထားလည်း ကျပြီပဲ မှတ် ။ ကျွန်တော်တို့ ဘဝတွေမှာလည်း ဒီလိုပါပဲ ။ warning တွေ ပေးခံနေရတယ်ဆိုတာ ပြင်ဆင်ခွင့်ရှိနေသေးတယ် ။ ဘာမှ မပြောတော့ဘူး ဆိုရင် သိပ်ကြောက်ဖို့ကောင်းတယ် ပြင်ဆင်ခွင့်မပေးတော့တဲ့ သဘော ။ သိပ်စိတ်နာသွားတဲ့လူတွေဟာ စကားတွေ အများကြီး မပြောတော့ဘူး ။ တိတ်ဆိတ်ခြင်းဟာ ပြင်းထန်တဲ့ ပေါက်ကွဲအားပဲ ။ ဥပက္ခာဟာ ဥပဒေဘောင်အတွင်းက အကောင်းဆုံး လူသတ် လက်နက် ဖြစ်တယ် ။ သူ ဘာမှ မှ မပြောတာ မသိလောက်ပါဘူး ဆိုပြီး လိမ်မနေပါနဲ့ မှင်နီတို့ထားတာ မျိုးလည်း ဖြစ်နိုင်ပါတယ် ။ #crd_to_owner_with_respect

* မေ့ဆေးလေးများ ပေးခဲ့ပါ *3⃣0⃣1⃣0⃣2⃣0⃣2⃣5⃣ 🌸🧚✨🌿🌺⭐🌼🌹☘️🍁❄🌷🌟🍀 မင့်အနားမှာ ထာဝစဥ် နေချင်ပေမယ့် အလွှာခြား ဘဝသမားက ကိုယ်ရယ်ပါ..... မင့်မျက်နှာ ထာဝစဥ် မြင်ချင်ပေမယ့် ဟိုအဝေးက ခိုးငေးရ သူရယ်ပါ..... ရက်လနာရီ ရာသီရယ် ရွေ့ပြောင်း တစ်ဆောင်းသစ်တော့မှာ..... ချစ်မေတ္တာ အကြင်နာစကား ပြောကြားဖို့ ခွင့်မသာ တစ်နေ့ဝေးမှာ သိပါရဲ့ မေ့ဆေးလေးများ ပေးခဲ့ပါ..... Shwe Sin Win Hlaing Crd

#အိမ်မှာရှိတဲ့ဩဇာရွက်က ရောဂါအတွက် ဒီလောက်အသုံးဝင်မှန်း တကယ်မသိဘူးရယ်... မင်း ပြောပုံအရဆို ရင်တော့ အတော်အသုံးဝင်တာပဲမောင်လင်းရ လို့ ဖိုးလေးသာထူးက ပြောတယ်... ကျနော် ပြောတာတင်မဟုတ်ပါဘူး ဖိုးလေးရယ်... အရှင်နဂသိန်(ပုံပြ)ဆေးကျမ်းမှာလည်း ဩဇာနဲ့ပတ်သက်ပြီး ဆေးဖက်ဝင်ပုံတွေကို ဖော်ပြထားတာရှိပါတယ်။ ✅✅ အေးကွ ... ငါတို့တွေက ကိုယ့်ဘဝနဲ့ကိုယ်ဆိုတော့... ငယ်စဉ်ထဲက လယ်ထဲယာထဲမှာပဲ အချိန်ကုန်ခဲ့ရတော့.. စာအုပ်စာပေတွေလည်း မဖတ်ဖြစ်ခဲ့ဘူးလေ... ခေတ်ကလည်း မတူဘူးမို့လား..? ဒို့ခေတ် ဒို့အခါတုန်းက ခု မင်းတို့ခေတ်လို ဘယ်အရာမှ မလွယ်ကူဘူးရယ်..?လေ့လာသင်ယူချင်စိတ် ရှိရင်တောင်... သင်ပြ ပိုချပေးမဲ့ဆရာကရှားသလို... တနယ်တကျေးကို ထွက်ပြီး သင်ယူဖို့ဆိုတာကလည်း မလွယ်ကူဘူးလေ...✅ ဒါကြောင့်လဲ အသက် ၇၀ ကျော်လာပြီးမှ ကိုယ့်အိမ်နောက်မှာပဲရှိတဲ့ ဩဇာပင်က ဆေးဖက်ဝင်မှန်း ခုမှ သိတာပေါ့ကွာ... ငယ်ငယ်တုန်းကတော့ နှာခေါင်းသွေးယို(လျံ)တဲ့အခါ ဩဇာရွက်ကို ချေပြီး ရှူဘူးတယ်ကွ... ခု ငါ့တူကြီးပြောမှပဲ... အကြောတက် အကြောက်ကပ်ရင် ဩဇာရွက်ထောင်းပြီး အုံပေးက အကြောပ်ြေတယ် သက်သာတယ်ဆိုတာသိရတာ....✅✅ သွေးစူးနာ မွေးကြွတ်နာတွေကို ဩဇာရွက်အုံပေးမယ်ဆိုရင်လည်း နုလျင်ပိန် ရင့်လျင်မည့်ပြီး အမြန်ပျောက်ကင်းတယ်ဆိုတော့... အတော်စွမ်းပါလား မောင်ရေ...✅ အမှန်ပဲ ဖိုးလေးရေ... ကျနော်တို့ မြန်မာ့မြေပေါ်က အပင်တွေက သူ့အာနိသင်နဲ့သူ အစွမ်းထွက်ကြပါတယ်။ အဓိက က အသုံးပြုပုံနဲ့ အသုံးဝင်ပုံကိုသိဖို့ရယ်.. စနစ်တကျ အသုံးပြုတတ်ဖို့ရယ်ပဲ လိုတာပါ။ (ဒါကတော့ လေ့လာနိုင်ရင် သိပါတယ်)✅✅ အရှင်နာဂသိန်ပုံပြဆေးကျမ်းမှာတော့.... ဩဇာပင်နဲ့ပတ်သက်ပြီး ... ခလေးသူငယ်နာနဲ့ခလေးစအိုနာအတွက် အသုံးပြုနိုင်ကြောင်း...✅ အပူကြီးသူများ အပူငြိမ်းဆေးအဖြစ် ဩဇာသီးအမှည့်အား ညမှာခွဲထားပြီး လေတိုက်တဲ့နေရာထား မနက်မှာစားပေးပါက အပူငြိမ်စေကြောင်း...✅✅ ဆီးချုပ် ဓာတ်ချုပ် ခံစားနေရသူများ... ဩဇာပင်ရဲ့အမြစ်ကို ဆန်ဆေးရေနဲ့သွေးပြီး အနည်းငယ်မျှ သောက်ပေးရုံဖြင့် ဆီးချုပ်ခြင်းဝေဒနာ သက်သာစေကြောင်း...✅✅ ဝက်ရူးပြန်ရောဂါ ရှိသူများ ဩဇာသီးအစေ့အစံအား အမှုန့်လုပ်ပြီး ၎င်းအမှုန့်အားမီးရှို့၍ အငွေ့ခံပေးပါက ဝက်ရူးပြန်ဝေဒနာ သက်သာပျောက်ကင်းနိုင်ကြောင်းနဲ့ ... ဩဇာသီးအခြောက်ရဲ့ အသုံးဝင်ပုံတွေနဲ့ ရောဂါအလိုက် အသုံးပြုပုံတွေကိုလည်း... ဖော်ပြထားတယ် ဖိုးလေးရေ...✅✅ တယ်ဟုတ်ပါလား ကွ... ငါ့အသက် ၇၀ကျော်မှ ငါစိုက်ထားတဲ့အပင်က အသီးပဲ စားလို့ရတာမဟုတ်ပဲ ဆေးအတွက်ပါ အသုံးပြုလို့ရတယ်ဆိုတာသိရတော့ တကယ်ပီတိဖြစ်ရတယ်ဟေ့..✅ မင်းပြောတဲ့အကြောင်းလေးတွေ ဖိုးလေးကို စာရွက်နဲ့ ရေးပေးခဲ့စမ်းကွာ... တိုက်ဆိုင်တဲ့သူရှိတဲ့အခါ ကူညီလို့ရအောင်! ဒါနဲ့ ဩဇာသီးအမှည့်တွေပေးတော့ မယူပဲနဲ့... ဩဇာသီး အခြောက်လာခူးတာဆိုတော့... မဟုတ်မှလွဲ ... ဆေးအတွက် သုံးဖို့ပေါ့ ဟုတ်လား လူလေး ဆိုပြီး ဖိုးလေးက မေးလာတာကြောင့်...✅✅ အမှန်ပဲပေါ့ဖိုးလေးရေ.... မရိုသေစကားပြောတာမဟုတ်ပါဘူးဗျာ... ကျနော့် အသိမိတ်ဆွေထဲက အမျိုးသမီးတစ်ယောက် မီးယပ်ငုတ်နေတာ ၃လလောက်ရှိပြီ ကူညီပါအုန်းဆိုလို့... ဩဇာသီးခြောက်ကို ရေအေးနဲ့သွေးပြီးတိုက်မလို့ဗျ! ✅✅ ဟ... အဲ့လို ရောဂါလည်း ကုလို့ရသလားဆိုပြီး ဖိုးလေးက မေးပြန်တာကြောင့်... အဲ့ဒါမျိုးတင်ဘယ်ကမလဲ ဖိုးလေးရာ... အ‌ဆီအကြိတ်အဖု မှန်ရင် ဘယ်လောက်ကြီးတဲ့ အကြိတ်အဖုဖြစ်နေပါစေ... ဩဇာသီးခြောက်နဲ့ဆန်ဆေးရေ ရောသွေးပြီး ပုံမှန်လိမ်းပေးရင် လုံးဝသက်သာစေတယ် ဗျ!!!✅ အလားလား တယ်စွမ်းပါလား ဟ... ဒီအပင် ဒီလောက်စွမ်းမှန်း ဖိုးလေးမသိခဲ့တာ အမှန်ပါ အမောင်ရေ တဲ့!✅ #crd #ကျန်းမာရေးဗဟုသုတ

နားလည်မှုဆိုတာ နားလည်မှုဆိုတာ တော်ရုံနှလုံးသားနဲ့ မပေးနိုင်ဘူး နားလည်မှုဆိုတာ တကယ်ကြီးမြတ်တဲ့သူတွေဘဲပေးနိုင်တာ တစ်ခါတလေ ကိုယ့်ဘက်ကမမှားလံ တောင်းပန်ပေးလိုက်တာတွေ ကိုယ့်ဘက်က မလွန်လဲ စခေါ်ပေးခဲ့ရတာတွေ တုန့်ပြန်ချင်ပါလျှက် မျိုသိပ်လိုက်ရတဲ့ ဝေဒနာတွေ ကိုယ့်စိတ်နဲ့ကိုယ် ပြ-တ်သားလိုက်ချင်ပေမယ့် ကိုယ့်အတ္တထက် တဖတ်သူဘက်ကို ဖြည့်တွေးပြီး လိုတာထက် စိတ်ကိုပိုရှည်ပေးထားရတဲ့ ကိုယ်မှ အလျှော့မပေးရင် ပြ-တ်တောက်သွားတော့မယ် ဆက်ဆံရေးတွေဒါကြောင့်နားလည်မှုဆိုတာ တော်ရုံလူ မပေးနိုင်ဘူးလို့ ပြောတာ ဒါပေမယ့်ကိုယ့်ပေါ်နားလည်မှု ပေးနိုင်တဲ့သူဆို လူတွေက သိပ်တန်ဖိုး မထားတတ်ကြဘူး အနိုင်ကျင့်ချင်ကြတယ်အထက်စီးက ဆက်ဆံချင်ကြတယ် ငါ့သဘော ငါ့ဆန္ဒ နေရာတကာ ငါအမှန်ပဲလုပ်ချင်ကြတယ် ဒါ ကအတိုင်းအတာတစ်ခုထိဘဲကောင်းတယ် အတိုင်းအတာတစ်ခုကို ကျော်သွားတဲ့အခါ ကိုယ့်ပေါ် တကယ်နားလည်ပေးနိုင်တဲ့သူတွေ အလျှော့ပေးဆက်ဆံတဲ့သူတွေအနားက ထွက်သွားတဲ့အခါဆုံးရှူံးသွားတဲ့အခါ ကိုယ့်နားမှာ အထီးကျန်မှုနဲ့အပေါ်ယံလူတွေဘဲ ကျန်ခဲ့လိမ့်မယ်အဆင်ပြေနေချိန်အနားမှာ အဖော်ရှိနေချိန် တွဲထားတဲ့ လက်တွေ မြဲနေချိန် ခဏမှာတော့ ဘယ်သူမှ ဂရုစိုက်စရာမလိုဘူး အရေးလုပ်စရာမလိုဘူးဆိုတဲ့ ပုံစံမျိုးနဲ့ပေါ့ ဒါပေမယ့်ဘဝမှာ ဘယ်အရာမှာ အကြာကြီး အမြဲတမ်း ရှိမနေနိုင်ဘူး ပြောင်းလဲခြင်းတရားတွေဆိုတာ ကြုံ လာ ရ ဦး မှာ ဘဲ အဲ့အခါကျမှ အတောင်ကျိုးတဲ့ ငှက်လိုမျိုး ဘယ်ကောင်းကင် ပျံရမှန်းမသိဖြစ်မယ် ကိုယ်ဘယ်လိုစိတ်မျိုးထားလဲ ကိုယ် ဘယ်လို တုန့်ပြန်မှုတွေပြုတတ်သလဲ ဘဝမှာ ဒါအရေးကြီးတယ် ကိုယ့်အလှည့်ကျမှ လူတွေက လုပ်ရက်လေခြင်းလို့ အပြစ်မတင်နဲ့လေ ပြန်စဉ်းစားကြည့်ပေါ့ ကိုယ့်အလှည့်တုန်းကရော ငါ လူတွေပေါ် ဘယ်လိုလုပ်ခဲ့လဲလို့ ဝဋ်တွေက တကယ်လည်တတ်ပါတယ် တစ်ခါတလေ ဘဝတောင် မကူးလိုက်ဘူး နားလည်ပေးတတ်စေချင်တယ် ဒါထက် ကိုယ့်ပေါ်နားလည်ပေးတဲ့သူကို ပို တန် ဖိုး ထား ပါ လူတိုင်းကို နားလည်မပေးနိုင်ရင်တောင် ကိုယ့်အပေါ်ကိုတကယ် စိတ်ရင်းအမှန်နဲ့ ပေါင်းတဲ့သူမျိုးကိုတော့ ပြန်တန်ဖိုးထား နားလည်ပေးစေချင်တယ် တကယ်တော့ နား လည် မှု ဆို တာ နားလည်ခံရတဲ့သူက ပျော် ဖို့ ကောင်း သ လောက် နားလည်ပေးလိုက်ရတဲ့သူက တစ်ခါတလေမှာ နာကျင်နေရတတ်တယ် ဒါကြောင့် အနာကျင်ခံပြီး နားလည်ပေးတဲ့သူကို ပိုတန်ဖိုးထားပါ ဘယ်အရာကိုပဲဖြစ်ဖြစ် မရှိတော့မှ တန်ဖိုးနားလည်လာမယ့်အစား ရှိနေချိန်မှာ တန်ဖိုးထားပါ တစ်ချို့အရာတွေက မင်းဘဝထဲကို အကြိမ်ကြိမ် ပြန်လာမှာ မဟုတ်ဘူး နားလည်မှုဆိုတဲ့ စကားရဲ့ အဓိပ္ပာယ်ကို အမြဲ နားလည်ပေးနေရတဲ့သူတွေပဲ သိတယ် အမြဲအနိုင်ယူနေတဲ့သူတွေ မသိဘူး။ #ဗန်းမော် သိန်းဖေ Page မှ ပြန်လည်မျှဝေခြင်းသာဖြစ်သည်။ #Facebook

တစ်ဘက်ထဲ လှရုံနဲ့ မရဘူး ဖိနပ်ဆိုလဲ နှစ်ဖက်ရှိမှ ခရီးရောက်တာ ယုံကြည်မှုဆိုတာလဲ အဲ့လိုပဲ တစ်ယောက်တည်း ရှိရုံနဲ့မရဘူး။ သူ့ဘက် ကိုယ့်ဘက်ရှိမှ အဲ့ဒီဆက်ဆံရေးတစ်ခုက ရေရှည်မြဲတာ ယုံကြည်မှုဆိုတာ ပျက်စီးသွားပြီဆိုတဲ့အခါ ဘယ်လိုပြန်တည်ဆောက် တည်ဆောက် ဘယ်တော့မှ အရင်လို ပြန်မဖြစ်ဘူး။ ဒါကြောင့် ယုံကြည်လို့ ရင်ဖွင့်တဲ့စကားကို ကွယ်ရာမှာ အတင်းပြန်မပြောရဘူး။ ယုံကြည်လို့ ချေးငှားလိုက်တဲ့ ပိုက်ဆံကို မတောင်းခင်ကတည်းက အလိုက်တသိ ပြန်ပေးရတယ်။ ယုံကြည်လို့ ကူညီပေးလိုက်တာကို ဘယ်တော့မှ ကျေးဇူးမကန်းရဘူး။ ယုံကြည်လို့ ပေးထားတဲ့ မေတ္တာကို တန်ဖိုးမထား မလေးမစားမလုပ်ရဘူး။ ယုံကြည်လို့ တွဲထားတဲ့ လက်တွေကို နာကျင်ဒဏ်ရာတွေ မပေးရဘူး။ ယုံကြည်လို့ပေးထားတဲ့ အခွင့်အရေးကို ဘယ်တော့မှ အလွဲသုံးစားမလုပ်ရဘူး။ အဲ့ဒီယုံကြည်မှုထဲမှာ ချစ်ခြင်းမေတ္တာတွေပါတယ် ကိုယ်ချင်းစာတရားတွေပါတယ် သံယောဇဉ်တွေပါတယ်။ ဒါကြောင့် ယုံကြည်မှုကို လွယ်လွယ်နဲ့ မဖျက်စီးသင့်ဘူး တကယ်လို့ ယုံကြည်မှုကို ဖျက်စီးလိုက်တဲ့အခါ တကယ်နစ်နာဆုံးရှုံးသွားတာက ကိုယ်ဖြစ်နေတတ်တယ်။ ဒီလိုပဲ ဘဝမှာ ကိုယ့်ရဲ့ယုံကြည်မူ့ကို အလွဲသုံးစား လုပ်သွားတဲ့သူတွေ ရှိတယ်။ ဒါပေမယ့် တကယ် ဝမ်းမနည်းပါဘူး စိတ်မကောင်းတာ တစ်ခုတော့ရှိတယ်။ အဲ့ဒါက ဘာလဲဆိုတော့ အရင်လို စေတနာတွေ အကူအညီတွေ ချစ်ခြင်းမေတ္တာတွေ ယုံကြည်မှုတွေကိုတော့ ကိုယ့်ဆီက သူတို့မရနိုင်တော့ဘူးလေ ။ ယုံကြည်မှုကို တန်ဖိုးထားပါ။ တချို့အရာတွေက ပြန်လိုချင်ရင်တောင်မှ ပြန်ရနိုင်တဲ့ထိ စျေးမပေါဘူးလေ။ #followereveryonehighlights #ဦးအောင်သင်း #စာပေဗဟုသုတ #ဦးအောင်သင်း #စာပေ

(1)စိတ်ညစ်ပြီး ဘာမှမလုပ်ချင်တော့တဲ့အခါ ငါ ဒီလိုနေလို့မဖြစ်ဘူးဆိုပြီး ကိုယ့်ကိုယ်ကို ပြန်ထိန်းချုပ်ပါ။ (2)အခက်အခဲတွေနဲ့ကြုံတွေ့ရတဲ့အခါ အားမလျှော့လိုက်ပါနဲ့ အခက်အခဲတိုင်းဟာ သင့်ကို ကြံ့ခိုင်သန်မာစေပါတယ်။ (3)ကိုယ့်အားကိုယ်ကိုးပြီး အရောက်လှမ်းသွားမယ့် ပန်းတိုင်လေးတစ်ခု အိပ်မက်လမ်းလေးတစ်ခု ဖန်တီးရယူပါ။ (4)တစ်ခါတလေ ငိုစရာရှိရင် လူမရှိတဲ့ တစ်နေရာသွားပြီး အော်ငိုပစ်လိုက်ပါ ငိုသင့်ရင်လည်း ငိုလိုက်ပါ မငိုတာကြာရင် မငိုတတ်တဲ့သူ ဖြစ်သွားနိုင်တယ်။ (5)တစ်ခါတလေ ဝမ်းနည်းနေရင်လည်း အားရပါးရ ငိုချပစ်လိုက်ပါ ပြီးရင် တည်ငြိမ်လာပါလိမ့်မယ်။ (6)အဆင်မပြေရင်လည်း အဆင်ပြေသလိုနေပါ.. တချို့ကျတော့ ကြိုးစားပေမဲ့ အဆင်မပြေပြန်ဘူး... မကြိုးစားဘဲ ထိုင်နေရင် ပိုအဆင်မပြေဖြစ်သွားကြတယ်။ (7)ထပ်ပြီး ကြိုးစားပါ လူဆိုတာ ကြိုးစားချင်စိတ်ရှိရင် ဘယ်လောက်ပဲအသက်တွေရရ ဖြစ်လာနိုင်ပါတယ်။ (8)ဆုံးရှုံးမှုတွေရှိရင်လည်း စိတ်ကိုဖြေပြီး နောက်တစ်ကြိမ် မမှားအောင်သတိထားပါ။ (9)ဇွဲကောင်းတဲ့ဆုံးရှုံးခြင်းဆိုတာ ဘယ်တော့မှမရှိနိုင်သလို လမ်းတစ်ဝက်တင် လက်လျှော့လိုက်တဲ့ အောင်မြင်ခြင်းဆိုတာလည်း မရှိနိုင်ပါဘူး။ (10)လောကမှာ နားမလည်တဲ့ အရာတွေ ရှိနိုင်ပါတယ် အရေးကြီးတာက နားမလည်တာကို နားလည်အောင် ကြိုးစားဖို့ပါ။ (11)အကောင်းစား ရေမွှေးနံ့တွေ မလိုဘူး ... ကိုယ်ကျင့်တရားကောင်းအောင်နေပါ ကိုယ်ကျင့်တရားကောင်းရင် စိတ်ထားကောင်းရင် … ကိုယ်သင်းနံ့မွှေးနေမှာပါ။ (12)ဘယ်သူ့ကိုမှလည်း မလိမ်ညာပါနဲ့... အမှန်တရားဆိုတာ တစ်နေ့နေ့ တစ်ချိန်ချိန် ပေါ်ပေါက်လာရစမြဲပါ။ (13)အမှားရှိခဲ့တိုင်းလည်း အပြစ်မဟုတ်ပါဘူး... တချို့အမှားတွေက သန့်ရှင်းပါတယ် လူသားတိုင်း အမှားနဲ့မကင်းနိုင်သလို အမှားရှိမှ အမှန်ဆိုတာ ဖြစ်လာခဲ့ရတာပါ။ အဓိကက အမှားတွေကို သင်ခန်းစာအဖြစ်ရယူပြီး နောက်ထပ်တစ်ခါ ထပ်မမှားဖို့ အမှားထဲမှာ တဝဲဝဲလည် မနေတတ်ဖို့ဘဲလိုတယ်။ (14)လူလူချင်း စာနာတတ်သူ.. စိတ်ရှည်သူ ပညာဉာဏ်ကြီးမားသူ.. နားလည်ခွင့်လွှတ်ပေးနိုင်သူ တစ်ဦးဖြစ်အောင် ကြိုးစားပါ။ (15)ဘဝမှာ တန်ဖိုးအရှိဆုံးအရာဟာ အခြားမဟုတ်ဘူး အသက်ရှင်သန်နေတာပါ အားလုံးမှာ တန်ဖိုးအရှိဆုံးအရာကို ပိုင်ဆိုင်နေတယ်ဆိုတာ မမေ့ပါနဲ့....။ (16)ချစ်ခင်သူတွေ ဝိုင်းဝိုင်းလည်နေဖို့ မလိုပါဘူး ... ပင်ပန်းအားငယ်လာတိုင်း မှီခိုအနားယူနိုင်မယ့် ရင်ခွင်လေးတစ်စုံ ရှိနေဖို့တော့ လိုတယ်။ (17)"ချစ်တယ်" ဆိုတဲ့စကားလုံးကို ဘယ်အချိန်ပဲပြောပြော တကယ့်စိတ်ရင်းနဲ့ပြောပါ။ (18)"ဆောရီး"ဆိုတဲ့စကားလုံးကို ဘယ်အချိန်ပဲပြောပြော တစ်ဘက်လူရဲ့မျက်လုံးကို ကြည့်ပြီးပြောပါ။ (19)ချမ်းသာတဲ့ သူငယ်ချင်း၊ အပေါင်းအသင်း ရှိဖို့မလိုဘူး ... နေပူမိုးရွာ လက်ချင်းတွဲလို့ ကြုံလာသမျှရင်ဆိုင်ဖြေရှင်းမယ့် သူငယ်ချင်းကောင်းတစ်ယောက် ရှိဖို့လိုတယ်။ (20)သူငယ်ချင်းကောင်း၊ မိတ်ဆွေကောင်းလိုချင်ရင်... သူကောင်းကောင်း မကောင်းကောင်း ကိုယ်ကောင်းဖို့ကတော့ အဓိကပဲ သူတပါးအပေါ်ကို ကောင်းမှသာ သူ့တပါးက ကိုယ်အပေါ်ကို ပြန်ကောင်းပါလိမ့်မယ်။ (21)ဘယ်နေရာ ဘယ်ဒေသကိုပဲရောက်ရောက် သူများအပေါ်ကိုလည်း ကောင်းလိုက်ပါ တစ်ခါတရံ မကောင်းတဲ့သူမျိုးတွေ ကြုံတွေ့ရနိုင်ပါတယ် စိတ်မပျက်ပါနဲ့ ...။ ကိုယ့်ရဲ့ကောင်းခြင်းတွေနဲ့ မထိုက်တန်ရင်... မိတ်ဆွေကောင်းတွေပဲ သင့်အနားမှာ ရှိနေမှာဖြစ်ပြီး မိတ်ဆွေကောင်း မဟုတ်သူတွေကတော့ သင့်အနားကနေ အလိုလို ဖယ်ခွာသွားပါလိမ့်မယ်။ (22)အားနည်းချက်ရှိလို့လည်း စိတ်ညစ်ပြီး စိတ်အားမငယ်ပါနဲ့... လူတိုင်းမှာ အားနည်းချက် ကိုယ်စီရှိကြသလို ပြီးပြည့်စုံတဲ့ လူရယ်လို့ လောကမှာ မရှိပါဘူး... ဒါကြောင့် အားငယ်ပြီး စိတ်မပျက်ပါနဲ့... မွေးရာပါစိတ်ထားလေးလှဖို့က အဓိကပါ။ စိတ်ထားလှရင် ဘဝက လှပပါတယ်.....။ <><><><><><><><><><><><><><><><><><><> #crd_to_owner_with_respectcrd

ခွင့်လွှတ်ပေး၍ မေ့ပစ်လိုက်ပါ အရင်းနှီးဆုံးတွေက အနာကျင်ရဆုံးတွေ ပေးတဲ့အခါ ရင်ထဲကဒဏ်ရာတွေ မပိုပါစေနဲ့တော့ ခွင့်လွှတ်ပေး၍ မေ့ပစ်လိုက်ပါ....... အယုံကြည်ရဆုံးတွေက ရင်နာစရာတွေ လုပ်သွားတဲ့အခါ ပူလောင်စွာ နာကြည်းမှုတွေ မခံယူပါနဲ့တော့ ခွင့်လွှတ်ပေး၍ မေ့ပစ်လိုက်ပါ....... အချစ်ရဆုံးတွေက ရက်ရက်စက်စက် လုပ်ရက်ခဲ့တဲ့အခါ မျက်ရည်စတွေနဲ့ မုန်းတီးလို့ မနေပါနဲ့တော့ ခွင့်လွှတ်ပေး၍ မေ့ပစ်လိုက်ပါ....... နောက်ထပ် ပြန်ဆုံနိုင်စရာ အကြောင်းလည်းမရှိတဲ့ ရင်ဘတ်ချင်း မနီးစပ်တဲ့သူတွေအတွက် နောက်ထပ်တစ်ခါ ရင်ဘတ်ကြီးနဲ့ရင်းပြီး ရှုံးနိမ့်ခြင်းတွေနဲ့ ဘဝမှာ နစ်မွန်းမနေပါနဲ့တော့ ခွင့်လွှတ်ပေး၍ မေ့ပစ်လိုက်ပါ....... ဆုံးရှုံးခဲ့တာတွေ နစ်နာခဲ့တာတွေအတွက် လွယ်လွယ်လေးနဲ့တော့ ခွင့်လွှတ်ပေးနိုင်မှာ မဟုတ်ဘူး လွယ်လွယ်လေးနဲ့တော့ မေ့ပစ်လိုက်နိုင်မှာ မဟုတ်ပါဘူး....... စိတ်တိုစရာတွေ စိတ်နာစရာတွေ စိတ်ဒဏ်ရာတွေဆိုတာ ခံစားရသူသာ အသိဆုံးဖြစ်သော်လည်း လောကမှာ ခွင့်မလွှတ်နိုင်စရာကို ခွင့်လွှတ်ပေးနိုင်ခြင်းကသာ စိတ်ချမ်းသာရမှာပါ မေ့မပစ်နိုင်စရာတွေကို မေ့ပစ်လိုက်နိုင်ခြင်းကသာ စိတ်ငြိမ်းအေးချမ်းရမှာပါ....... ဘဝမှာ သာယာလှပပြီး စိတ်ငြိမ်အေးချမ်းသော ဘဝကို ပိုင်ဆိုင်ချင်တယ်ဆိုလျှင် ရိုးရှင်းစွာနဲ့ စိတ်ပင်ပန်း ပူလောင်ဆင်းရဲစရာတွေကို ခွင့်လွှတ်ပေး၍ မေ့ပစ်လိုက်ပါ....... သိထားဖို့က.......လောကဓံကို ရင်ဆိုင်တဲ့အခါမှာ လက်ထဲမှာ ဓား ရှိဖို့မလိုဘူး ရင်ထဲမှာ တရား ရှိဖို့ပဲ လိုတာပါ....... ဒါကြောင့်.......ကိုယ့်အပေါ်မကောင်းလို့ဆိုပြီး ဒေါသမဖြစ်နဲ့ ရန်မလိုမိပါစေနဲ့ ကိုယ်လုပ်ခဲ့တဲ့ အတိတ်က အကြွေးဆပ်ရတယ်လို့ သဘောထားလိုက်ပါ....... သူကသာ ကြွေးသစ်ယူနေတာ သူပြုသည့်ကံက သူ့ဆီ ပြန်လာလိမ့်မည် ဒါကြောင့်.......ခွင့်လွှတ်ပေး၍ မေ့ပစ်လိုက်ပါ....... #everyone #highlights #အရှင်သုမန #followers #ခွင့်လွှတ်ပေး၍ မေ့ပစ်လိုက်ပါ။ #Credit

ရှိရင်မလွယ်နဲ့ မရှိရင်မလွယ်ဘူး ငွေကိုမချွေတာနိုင်ရင် ပိုရှာပါ ပိုမရှာနိုင်ရင် ချွေတာပါ မရှိခင်မှာ ချွေတာပါ ရှိလာတဲ့အခါ စည်းကမ်းရှိပါ ငွေရှာပြီး မချွေတာရင် ေ-သအောင်ရှာ မကြီးပွားပါဘူး သုံးလို့ ပိုတဲ့ ပိုက်ဆံကို မစုနဲ့ စုလို့ ပိုတဲ့ပိုက်ဆံကိုသာ သုံးပါ ငွေရှာတတ်ဖို့ထက် ငွေသုံးတတ်ဖို့ လိုပါတယ် မလိုအပ်တာတွေ လျှောက်ဝယ်နေမယ်ဆိုရင် မကြာခင်မှာပဲ လိုအပ်တာတွေကို ပြန်ရောင်းရလိမ့်မယ် သင်ဟာ လူချမ်းသာတစ်ယောက် မဟုတ်သေးရင် ဈေးကြီးတာတွေ ရှောင်ပါ ငွေရှာပါ၊ ငွေစုပါ ၊ လူအထင်ကြီးဖို့ မလိုဘူး၊ ဘဝအထိုင်ကျဖို့ပဲ လိုအပ်ပါတယ် သူဌေးက ဆင်းရဲသားလိုနေတတ်ရင် လွယ်လွယ်နဲ့ မဆင်းရဲတတ်သလို ဆင်းရဲသားက သူဌေးလိုနေရင်တော့ ဘယ်တော့မှ မချမ်းသာတတ်တော့ပါဘူး... - မေတ္တာဖြင့်မျှဝေပါသည်။ - မူရင်းရေးသားသူအား လေးစားစွာ ခရက်ဒစ်ပေးပါသည်။ #itsuptoyou #crd #စာပေ #ဘဝ #ငွေ

အိုးနဲ့တူတဲ့လူသုံးမျိုး (၁)မပြည့်တဲ့အိုး။🍯 "မပြည့်တဲ့အိုး ဘောင်ဘင်ခတ်" ဆိုသလို နည်းနည်းသိပြီး စကားကို ဟောင်ဖွာ ဟောင်ဖွာနဲ့ အများကြီးပြောချင်တဲ့သူမျိုးပါ။ အခြေအနေမှန်ကိုလည်း ကောင်းစွာမသုံးသပ်၊ အရိပ်အကဲကိုလည်း နားမလည်၊ ကိုယ်ပြောချင်တာကိုပဲ ဇွတ်အတင်း ပြောတတ်ပါသေးတယ်။ ဒီအိုးလို သူမျိုးဟာ- ပတ်ဝန်းကျင်နဲ့ဖီလာ ကန့်လန့် အမြဲဖြစ်နေ တတ်ပြီး အရူး ၊အပေါ ၊စိတ်မမှန်သူလို့ ကဲ့ရဲ့ ရှုတ်ချ အပြစ်တင်ခြင်း ခံရတတ်ပါတယ်။ (၂)ပြည့်နေပြီလို့_ထင်နေတဲ့အိုး။🧉 အရာရာ ငါသိ၊ ငါတတ်၊ ငါသာလျှင် အမြတ်ဆုံးလို့ သွေးနားထင်ရောက်ကာ မိမိကိုယ်ကို အထင်ကြီး ဘဝင် လေဟပ် နေသူမျိုးပါ။ ဘာမဆို သိပြီးသား၊ တတ်ပြီးသား အချိုး မျိုးနဲ့ အခြားတစ်ပါးသူကို နှိမ့်ချ ဆက်ဆံ တတ်ပါသေးတယ်။ စကားပြော မောက်မာ ခက်ထန်တတ်ပြီး အမြဲလိုလို ဆရာကြီး ဂိုက်ဖမ်းနေတတ်ကာ ကိုယ့်ကိုယ်ကို ဖြည့်စရာ မလိုလောက်အောင် ပြည့်နေပြီ ထင်နေတတ်တဲ့ အိုးမျိုးလိုပါ။ ဒီအိုးလို သူမျိုးဟာ- ပတ်ဝန်းကျင်ရဲ့ ရှောင်ကွင်းမှုကို ခံရတတ်ပြီး တဖြေးဖြေး အရေးမပါ အရာမရောက်တော့တဲ့ ဘဝအခြေအနေမျိုး ကြုံရတတ်ပါတယ်။ (၃) ဘာဆို_ဘာမှမရှိသေးတဲ့အိုး။🏺 အရာရာကို နားလည်ခွင့်လွှတ်နိုင်စွမ်း အပြည့်ရှိနေပြီး ငါသိစရာ၊ ငါတတ်စရာတွေ အများကြီး ရှိနေပါသေးလားဆိုတာ သိနေ တဲ့ လူမျိုးပါ။ သူများကို အထင်မသေးတတ်သလို ကိုယ့်ကိုယ်လည်း အထင်ကြီး ဘဝင်မြင့် မနေတတ်ပါဘူး။ ဒီအိုးလို သူမျိုးကသာ... ပညာပြည့်ဝ နှလုံးလှပြီး လောကအလယ် ဂုဏ်မငယ်ရဘဲ လူချစ် လူခင် များသထက် များနေကာ ပတ်ဝန်းကျင်ရဲ့ အထင်ကြီး လေးစားမြတ်နိုးမှုကို အထူး ခံစားရပါလိမ့်မယ်။ crd# #crd_to_owner_with_respect

ပိုက်ဆံကို ဘယ်လိုစုဆောင်းမလဲ။ လူတိုင်းက ပိုက်ဆံပိုချင်ကြပါတယ်။ ဒါပေမဲ့ အများစုက ပိုက်ဆံကို ဘယ်လိုစုရမလဲ၊ ဘယ်လိုထိန်းသိမ်းရမလဲဆိုတာ မသိကြပါဘူး။ တကယ်တော့ ပိုက်ဆံစုဆောင်းဖို့ဆိုတာ ခက်ခဲတဲ့အရာမဟုတ်ပါဘူး။ ကိုယ့်ရဲ့အသုံးစရိတ်ကို သေချာစနစ်တကျစီမံနိုင်ရင် အဆင်ပြေပါတယ်။ ဒီလိုလုပ်ဆောင်နိုင်ဖို့အတွက် အချက်အချို့ကို ဖော်ပြပေးလိုက်ပါတယ်။ ၁။ ကိုယ်သုံးမယ့်ပိုက်ဆံကို ခြေရာခံပါ။ ပိုက်ဆံစုဆောင်းဖို့ ပထမဆုံးအဆင့်က ကိုယ်ဘယ်လောက်သုံးလဲဆိုတာ သိဖို့ပါ။ အဲဒီအတွက် ကိုယ့်ရဲ့အသုံးစရိတ်တွေကို မှတ်စုစာအုပ်ထဲမှာဖြစ်ဖြစ်၊ ဖုန်းထဲက App တစ်ခုခုနဲ့ဖြစ်ဖြစ် မှတ်ထားပါ။ တစ်ရက်ကို ဘယ်လောက်ကုန်လဲ၊ ဘယ်နေရာတွေမှာ ဘယ်လောက်ကုန်လဲဆိုတာ သေချာရေးမှတ်ထားပါ။ ဒီလိုလုပ်ခြင်းအားဖြင့် ကိုယ့်ရဲ့မလိုအပ်တဲ့ အသုံးစရိတ်တွေကို သိလာပြီး လျှော့ချနိုင်မှာ ဖြစ်ပါတယ်။ ၂။ ဘတ်ဂျက်ကိုရေးဆွဲပါ။ ကိုယ်သုံးနေတဲ့အသုံးစရိတ်တွေကို သိပြီဆိုရင် ဘတ်ဂျက်တစ်ခုကို ရေးဆွဲပါ။ ဥပမာ- စားသောက်စရိတ်အတွက် ဘယ်လောက်၊ သွားလာရေးအတွက် ဘယ်လောက်၊ ဖျော်ဖြေရေးအတွက် ဘယ်လောက်ဆိုပြီး သတ်မှတ်ပါ။ ဒီလိုသတ်မှတ်ရာမှာ နာမည်ကျော် 50/30/20 နည်းလမ်းကို အသုံးပြုနိုင်ပါတယ်။ 💰50% ကို အိမ်လခ၊ ကားစရိတ်၊ မီးဖိုး၊ ရေဖိုး စတဲ့ မရှိမဖြစ်အသုံးစရိတ်တွေအတွက် သုံးပါ။ 💰 30% ကို အားလပ်ရက် ခရီးသွားခြင်း၊ အပြင်မှာထွက်စားခြင်း၊ ရုပ်ရှင်ကြည့်ခြင်း စတဲ့ ကိုယ်လိုချင်တဲ့အရာတွေအတွက် သုံးပါ။ 💰20% ကို စုဆောင်းငွေနဲ့ ရင်းနှီးမြှုပ်နှံမှုတွေအတွက် သုံးပါ။ ဒီနည်းလမ်းကို အသုံးပြုပြီး ကိုယ့်ဝင်ငွေအပေါ်မူတည်ပြီး ဘတ်ဂျက်ကို စနစ်တကျရေးဆွဲနိုင်ပါတယ်။ ၃။ ပိုက်ဆံစုဆောင်းတာကို အလေ့အထတစ်ခုအဖြစ် ပြောင်းလဲလိုက်ပါ။ ကိုယ့်ဘတ်ဂျက်ကို စနစ်တကျ ရေးဆွဲပြီးပြီဆိုရင် လခထုတ်တိုင်း ပိုက်ဆံကို အရင်စုပါ။ ဥပမာ- လခရတာနဲ့ ၂၀% ကို စုလိုက်ပြီးမှ ကျန်တဲ့ ၈၀% နဲ့ သုံးပါ။ ဒီလိုလုပ်ခြင်းအားဖြင့် ပိုက်ဆံစုတာကို အလေ့အထတစ်ခုဖြစ်သွားစေပြီး ရေရှည်မှာ ငွေကြေးအတွက် ပူစရာမလိုတော့ပါဘူး။ ဒီအချက်တွေကို လိုက်နာမယ်ဆိုရင် ကိုယ့်ဘဝအတွက် ငွေကြေးတည်ငြိမ်မှုနဲ့ လုံခြုံမှုတွေကို တည်ဆောက်နိုင်မှာပါ။ ငွေကြေးစီမံမှုဆိုတာ ကိုယ့်ရဲ့ဝင်ငွေကို သုံးပုံသုံးနည်း ကောင်းအောင်လုပ်ဆောင်နိုင်တဲ့ အနုပညာတစ်ခုပါပဲ။ တွေးစရာတစ်ခုရမယ်ဆိုရင် Yes လို့ရေးခဲ့ပါ။ #coachpannsu #innerupgrade #selfleadership

ဒီတစ်ခါ.. ငါ့ကိုငါ ပြန်ရွေးသွားပြီမို့.. ရှေ့ဆက် ငါမပါဝင်တော့တဲ့နေ့ရက်တွေကြီး သက်သက်မို့ congratulation ပါနော်။ (ဂုဏ်ယူပါတယ်).. ငါနေတတ်သွားတဲ့အခါ (မင်းကိုမင်းခွင့်လွှတ်ပါ)။ ငါတိတ်ဆိတ်သွားတဲ့အခါ (မင်းကိုမင်း နားလည်ပါ)။ သဲကြီးမဲကြီး လိုက်ရှာရင်း... အဆုံးမှာ ငါ့ကိုငါပဲပြန်ရှာတွေ့သွားတယ်။ ဒီတစ်တခါတော့. ငါ့ကိုငါ ပြန်ချစ်ကြည့်မယ်နော်။ ငါ့ကိုငါ ပြန်ဂရုစိုက်ကြည့်မယ် ငါ့ကိုငါ အချိန်တွေပြန်ပေးမယ်။ထောက်လက်စဒူးတွေ ပြန်မတ် လိုက်မယ်။ ရှေ့လျှောက်.. စကားတွေလိုတာထက်ပိုမပြောတော့မှာမို့ မေတ္တာတွေ လိုတာထက်ပိုမပေးတော့မှာမို့ လမ်းတွေ့တောင် မျက်နှာလွှဲပေးပါ။ ဘဝမှာ. မတွေ့ဖူးလောက်အောင် ပျော့ညံ့ဈေးပေါသူဖြစ်ဖူး သလို... ဘယ်သူမှ မမြင်ဖူးလောက်အောင် ပြတ်သားဈေးကြီး လွန်းသူ လည်း ဖြစ်ကြည့်ချင်တယ်။ ချစ်စိတ်...သည်းခံစိတ်.. ပျော့ညံ့စိတ်..စောင့်မျှော်စိတ် လိုချင် တပ်မက်စိတ်တွေဟာ Expire date(အချိန်အကန့်သတ်) ရှိတယ်။ #crd_to_owner_with_respect