ဘုန်းကြီး နဲ့ သူတောင်းစား ************************ ဗိုက်ဆာလို့ ကျောင်းမှာ လာတောင်းစားတဲ့ သူတောင်းစားကို ဘုန်းကြီးက အုပ်ခဲပုံရွှေခိုင်းလိုက်သောအခါ တစ်နေ့မှာ ဘုန်းကြီးကျောင်း တစ်ကျောင်းကို လက်တစ်ဖက်တည်းရှိတဲ့ သူတောင်းစားတစ်ယောက် ရောက်လာပြီး စားစရာလာတောင်း စားတယ် ..အဲ့မှာ ကျောင်းထိုင်ဘုန်းကြီးနဲ့ တိုးတော့ ကျောင်းထိုင်ဆရာတော် ဆီမှာ စားစရာတောင်း တယ်။ ဆရာတော်က ဆွမ်းစားဆောင်ရှေ့ က အုတ်ပုံကို လက်ညိုး ထိုးပြ ပြီး “ဒကာတော် အဲ့ဒီအုတ်ပုံကို ဆွမ်းစားဆောင်နောက် အရင် ရွေ့ပေးပါအုန်း ” လို့ မိန့်တော်မူတယ်။ အဲ့တော့ လက်ပြတ် သူတောင်းစားက ဘုန်းကြီးကို မကျေမနပ်နဲ့ ပြောတယ်။ “ အရှင်ဘုရား။ တပည့်တော် မှာ လက်တစ်ဖက်တည်းရှိတာ ဘယ်လိုလုပ်ပြီး ဒီအုပ်ပုံကို ရွေ့နိုင်မှာလဲ အရှင်ဘုရား ဆွမ်းကျန် ဟင်းကျန်လေးတောင် မစွန့် ပေးချင်လဲ နေပါ။ တပည့်တော် တစ်ခြားမှာပဲ သွားတောင်းစားတော့ မယ် ” လို့ပြောရော ။ ဘုန်းကြီးက ဘာမှ ပြန်မပြောဘူး။ အုတ်ပုံဆီ လျောက်သွားပြီး လက် တစ်ဖက်တည်းနဲ့ အုတ်ခဲကို မပြီး ဆွမ်းစားဆောင်နောက်မှာ သွားချ တယ် ပြီးတော့မှ လေသံအေးအေးနဲ့ ပြောတာ “ ဒီလိုအလုပ်မျိုးက လက်တစ်ဖက်တည်းနဲ့လဲ လုပ်လို့ရတယ် ” လက်တစ်ဖက်ပြတ် သူတောင်းစားလည်း ဗိုက်ကဆာ စားသောက်စရာလဲ လိုချင်တာ နဲ့ ဘုန်းကြီးပြောတဲ့အတိုင်း လုပ်ပါလေရော လက်တစ်ဖက် တည်းနဲ့ အုတ်ခဲတွေ တစ်ခဲချင်း တစ်ခဲချင်းစီ ဆွမ်းစားဆောင်နောက်ကို သယ်သွားချလိုက်တာ အချိန်အတော်လေးလဲကြာရောအုတ်ခဲပုံ တစ်ပုံလုံး ကျောင်းအနောက် ရောက်သွားပါလေရော။ အဲ့ဒီနောက် ဘုန်းကြီးလဲထမင်းဟင်းတွေကို ကောင်းကောင်း ပြင်ဆင်ပြီး ကျွေးလိုက်တယ် သူတောင်းစား ထမင်းစားပြီးတော့ ဘုန်းကြီးက ပိုက်ဆံတစ်ချို့ ထုတ်ပေးတယ် … သူတောင်းစားလည်း ပိုက်ဆံတွေရတော့ အရမ်းဝမ်းသာသွားတယ်။ ဒါနဲ့ “ ကျေးဇူးတင်လိုက်တာဘုရား ကျေးဇူးတင်ပါတယ် အရှင်ဘုရား” နဲ့ ထိုင်ရှိခိုးရော။ ဘုန်းကြီးက ပြောတာ “ ဘုန်းဘုန်းကို ကျေးဇူးတင်စရာ မလိုပါဘူး ဒကာတော်။ ဘာကြောင့်လဲဆိုတော့ အဲ့ ဒီပိုက်ဆံတွေဟာ ဒကာတော်ရဲ့ အားအင် အစွမ်းအစကနေ လာတဲ့ ပိုက်ဆံတွေပဲလေ” တဲ့။သူတောင်းစားဟာ သူရဲ့ အစွမ်းအစ ကနေ ရတဲ့ငွေ အတွက် အရမ်း ကြည်နူ ပီတိ ဖြစ်မိတယ် လို့ခံစားရတယ်။ “ တပည့်တော် အမြဲ မှတ်သားထားပါ့မယ် ဘုရား ” ဆိုပြီး ဘုန်းကြီး ကို ကျေးဇူးတင်စွာနဲ့ ကန်တော့ပြီး ထွက်ခွာသွားခဲ့ ပါတော့တယ်။ နောက်ထပ် လေးငါးရက်လောက် ထပ်ကြာတော့ နောက်ထပ် သူတောင်းစားတစ်ယောက်က ကျောင်းမှာလာပြီး ဆွမ်းကျန်ထမင်းကျန် ထပ် လာတောင်းစားတယ် … “ ဘုန်းကြီးလည်း သူတောင်းစားကို ဆွမ်းစားဆောင် နောက် ခေါ်သွားပြီး အုတ်ပုံကို လက်ညိုးထိုးပြပြီး ဒီအုတ်ပုံ ကို ဆွမ်းစာဆောင်အရှေ့ အရင်ရွေ့ပေးပါအုန်း လို့ ပြောတယ် ” ဒါပေမဲ့ ခြေလက်အကောင်း နဲ့ အဲ့ဒီသူတောင်းစားဟာ ဘုန်းကြီး ခိုင်းတာ ကို စိတ်မဝင်စားပါဘူး ။ “ဆွမ်းကျန်လေး တောင်းစားတာတောင် မကျွေးချင်ဘူး။ လူကိုများ ဟိုခိုင်းလိုက် ဒီခိုင်းလိုက်နဲ့ ” လို့ မကျေမနပ်နဲ့ ပြောပြီး ထွက်ခွာသွားတော့ တယ်။ ကျောင်းထဲ က သံဃာတွေ အဲ့တာတွေကို မြင်တော့ ဘုန်းကြီးကို ဝိုင်းမေး ကြတယ်။ “ အရင်တစ်ခေါက်တုန်းက အရှင်ဘုရားက ဟိုသူတောင်းစားကို ဒီအုတ်ပုံကြီး ဆွမ်းစားဆောင်နောက် ရွေ့ ခိုင်းတယ်။ ခုတစ်ခါကျ ဒီသူတောင်းစားကို ကျောင်းရှေ့ ပြန်ရွေ့ခိုင်းတယ်။ တကယ်တမ်းတော့ အရှင်ဘုရားက အုတ်ပုံကို ဘယ်နား ထားစေချင်တာလဲ ဘုရား ”ဘုန်းကြီး က သံဃာတော်တွေကို ပြန်ပြောပြတာ “ အုတ်ပုံက ဆွမ်းစားဆောင် ရှေ့ မှာပဲနေနေ နောက်မှာပဲနေနေ မထူးခြားပါဘူး။ အတူတူ ပါပဲ။ ထူးခြားတာက အဲ့ဒီသူတောင်းစားတွေအတွက် ရွှေ့ မယ် မရွှေ့ဘူး ဆိုတာ လေးပါပဲ ” တဲ အချိန်ကာလတွေ နှစ်ချီပြီး ကြာသွားခဲ့တယ်။ တစ်နေ့မှာ အဝတ်အစား သန့်သန့်ပြန့်ပြန့်နဲ့ လူတစ်ယောက် ကျောင်းမှာ အလှုလာလုပ်တယ်။ အဲ့ဒီလူ ဟာ လက်တစ်ဖက်ပဲ ရှိတယ်။ တကယ်တမ်းတော့ အဲ့ဒီလူဟာ အရင်တုန်းက ဘုန်းကြီး အုတ်ပုံရွေ့ဖို့ ခိုင်းလိုက်တဲ့ လက်တစ်ဖက်ပြတ်နဲ့ သူတောင်းစားပါပဲ….. သူဟာ ဘုန်းကြီးနဲ့ ဆုံတွေ့ ခွင့်ရခဲ့ပြီးတဲ့နောက် သူ့ကိုယ်တွင်းမှာရှိတဲ့ သူရဲ့ တန်ဖိုးကို သိရှိနားလည်သွားခဲ့ပြီး သူနဲ့ သင့်တော် လျောက်ပတ်တဲ့ အလုပ်အကိုင်တွေကို ကြိုးစားလုပ်ကိုင်ရင်း ကိုယ့်ကိုယ်ကို အခြေအနေ ကောင်းမွန်မြင့်တက်လာစေနိုင်ခဲ့တော့တာပါပဲ ( မိမိ ကိုယ်ကို ယုံကြည် ကိုယ့်ရဲ့တန်ဖိုးကို ကိုယ် သိတတ် ပြီး ကိုယ့်အားကိုယ် ကိုး တတ်ခြင်းဟာ လူဖြစ်ခြင်းရဲ့ အရေးအကြီးဆုံး အခြေ ခံ အကြောင်းအရင်းပဲ ဖြစ်ပါတော့တယ် ) . . . . . . . . . . . . . . . . . . . . . . . . . . . . . . လွပ်လပ်မှု့ဆိုတာလူတိုင်းအတွက်ဖြစ်နိုင်ပါတယ် ကိုယ်ကသာရွေးချယ်မလား ဆိုတာမူတည်သွားတာပါ။ မန္တလေးစာကြည့်တိုက် ‘ မှတ်ချက် မိမိ လိုင်းသုံးတဲ့အခါမှာ ဖုန်းဘေကုန်ရကျိုး နပ်အောင် အသိပညာတစ်ခုခုတော့ ရအောင်ယူသွားပါ။ #Crd (ကူးယူမျှဝေဓမ္မဒါနပြုပါသည်)

ဝဋ်နာကံနာ ဆိုတာလား မသိပါဘူးကွာ.... စားချင်တာမစားရ သောက်ချင်တာမသောက်ရနဲ့... သူတို့ ခံစားနေရတာကို ကြည့်ပြီး... အတော်ကြီး သံဝေဂရမိတယ် မောင်လင်းရေဆိုပြီး ‌.. ဦးအောင်မင်းက ပြောလာတယ်။ သံဝေဂရတယ်ဆိုတဲ့ စကားကိုပါ ကြားလိုက်မိတာကြောင့်... ဘာတွေများ သံဝေဂရစရာရှိလို့လည်း ဦးလေးရာ လို့ ကျနော်က မေးလိုက်တော့... ဘာရမှာလည်းကွာ ငါ့ဇနီး ငါ့သ္မီး ခံစားနေရတဲ့ ဒုက္ခဝေဒနာပေါ့... ဘာမှကို တည့်တာမရှိဘူးကွာ... ဘာလေးစားစား တချက်မှားတာနဲ့ ခံစားရတာပဲ။ မဟုတ်မှလွဲ အတိတ်ဘဝမှာ သူတို့သားမိက သူများ စားတာကို ပိတ်ပင်ခဲ့တာကြောငိ့ဖြစ်မယ် ကွ.. အဲ့ဒါကြောင့်... ယူတတ်ရင် တရားရတယ်လို့ပြောတာ... သူတို့ရောဂါက ဝဋ်နာ ကံနာပဲ မို့ လား ...? ဟာ.... အဲ့လို မဟုတ်ပါဘူး ဦးလေးရာ... ဝဋ်နာ ကံနာဆိုတာက ဘာဆေးနဲ့ကုကု ဆေးမတိုး ဘယ်ဆရာနဲ့ပြပြ ရောဂါရှာမရပဲ ခံစားနေရတာမျိုး ရှေးဆရာသမားတွေရဲ့အမှာစကားအရဆို ဝဋ်နာကံနာ မှန်ရင် ဘုရားကု ကုမှ ရတာတဲ့။ ခု ... ဦးလေး ဇနီးနဲ့သ္မီး ဖြစ်နေတဲ့ရောဂါက ကုလို့ရပါတယ်။ ပြီးတော့ ဂေါက်ရောဂါလို့ သိထားပြီ ပဲ။ လေးဘက်နာရောဂါ ဂေါက်ရောဂါ စတဲ့ ရောဂါတွေက အစားတော့ ရှောင်နိုင်မှ ဗျ။ ဦးလေးပြောသလို အတိတ်ဘဝက သူများစားတာကို ပိတ်ပင်ခဲ့လို့လားဆိုတာတော့ ကျနော်လည်းမသိဘူး။ သေခြာတဲ့အချက်ကတော့... ဂေါက် မှန်ရင် .... မြေထဲကထွက်တဲ့ အု မှန်သမျှရှောင်ရမယ်။ အဆိုးဆုံးက (မြေပဲဆံ၊နဲ့တွင်းအောင်းသားတွေကိုပေါ့။(ကြွက်သား၊ ပွေးသား)စသဖြင့်ပေါ့။ နောက်တချက်က ဝမ်းတွင်းသားတွေရှောင်ရမယ်။ အသည်း အူ အဆုပ် ကလီစာ တွေပေါ့။ အေးကွ ဟုတ်မယ်... ငါ့သမီးက ဝက်သားဒုတ်ထိုးဆို အလွန်ကြိုက်တာ.. အဲ့ဒါစားပြီးတာ ငြှီးငြူနေရတော့တာ... တခါတလေ မင်းပြောတဲ့ မြေပဲဆံစားပြီး သားမိနှစ်ယောက်လုံး အဆစ်တွေရောင်လာတဲ့အထိ အဆစ်အမြစ်နေရာတွေက ကိုက်လို့ဆိုပြီး အမလေးပြိုင်တနေတာများ... သူတို့သားမိနှစ်ယောက်အသံကြားပြီး ငါ့မှာ စိတ်ဆင်းရဲရပါတယ် ကွာ... အဲ့ဒါကြောင့် မင်းဆီကနေ ဆေးနည်းလေးနဲ့ ရောဂါသက်သာအောင်နေထိုင်စားသောက်ရမဲ့ နည်းလမ်းလေးတွေ သိချင် လိုချင်လို့ လာခဲ့တာပဲ... ဦးလေးကို ကူညီပါ ငါတူကြီးရာ... ထိုက်သင့်တဲ့ ညဏ်ပူဇော်ခလည်း ပေးမှာပါကွ=တဲ့။ မလိုပါဘူး ဦးလေးရာ... ကျနော်တို့ဦးလေးတို့ဆိုတာက ပြောရမဲ့သူတွေမှမဟုတ်တာ... ဒါပေမဲ့ ... ကျနော်ပြောသလိုတော့ သေခြာလိုက်နာပြီး လုပ်ကိုင်စားသောက်ဖို့နဲ့ နေ့စဉ်ပုံမှန် အညွန်းအတိုင်း စားသောက်ပေးဖို့တော့ လိုမယ်နော် လို့ ပြောလိုက်တော့... စိတ်ချ ငါ့တူ... ဦးလေးကိုယ်တိုင် ဂရုတစိုက်နဲ့ လုပ်ပေးမှာလို့ ပြောတာကြောင့်.. ဒါဆို ပထမဆုံးအချက်က... ဂေါက်ရောဂါ ကြောင့် ဖြစ်လေ့ဖြစ်ထရှိတဲ့ အဆစ်အမြစ်ရောင်ခြင်း... အဆစ်တွေ ရောင်မယ် မနေနိုင်မထိုင်နိုင်ဖြစ်တဲ့အထိ ကိုက်ခဲနေတဲ့အခါ... ရဲယိုပင်ကို သိတယ်မို့လား..(သိတယ်) ရဲယိုပင်ကနေ အရွက်ကိုခူးယူပြီး ရေသေခြာဆေး... အရွက်ကိုပက်လက်ထားပြီး နနွင်းမှုန့်လူးပြီး... ကိုက်တဲ့နေရာ ရောင်တဲ့နေရာတွေမှာ စည်းပေးပါ။ နေ့စဉ်ကိုက်ရင် နေ့စဉ်စည်းပေး။ အရောင်မကျရင် ကျတဲ့အချိန်ထိ အမြဲစည်းပေးပါ။ အရွက်ကိုတော့ တစ်နေ့တခါ အသစ်လဲပေးရပါမယ်။ ပြီးတော့... ရှောင်ရမှာတွေက တွင်းအောင်းသားတွေမစားရ ကလီစာတွေမစားရ ‌ဥဆိုရင်မြေထဲကဥတဲ့ ဥကော သတ္တဝါတွေရဲ့ဝမ်းထဲကလာတဲ့ ဥကော မစားရဘူး။ ရောဂါအတွက် ဆေးကုသလို အကျိုးရှိမဲ့ ဓာတ်စာအနေနဲ့ ‌မကြာမကြာ စားပေးသင့်တဲ့ အရွက်ကတော့ ကျောက်သင်ပုန်းရွက်လို့ခေါ်တဲ့ နတ်သမီးကွမ်းရွက်ကို အမြဲတမ်းတို့စရာအဖြစ်စားပေးနိုင်ရင် အကောင်းဆုဲးပဲ။ အရေးအကြီးဆုံးလုပ်ရမဲ့အချက်ကတော့... ဂေါက်ရောဂါရှိသူတွေအနေနဲ့... ပူစီနံကို ၂ပတ်တိတိ နေ့စဉ် ကျိုသောက်ပေးနိုင်မယ်ဆိုရင် သက်သာပါမယ်။ ကျနော်တို့နိုင်ငံထဲမှာ ပူစီနံ ၂မျိုးရှိပြီး ဂေါက်ရောဂါနဲ့လေးဘက်နာရောဂါအတွက် ၂မျိုးလုံး အသုံးပြုလို့ရပါတယ်။ အသုံးပြုပုံ။ ။ ပူစီနံအရိုးအရွက် လက်တဆုပ်ကို ရေသေခြာဆေးပြီး ရေဖန်ခွက်ကြီး၃ခွက်စာ ထည့် ပြီး ၂ခွက်စာကျန်တဲ့အထိ ပြုတ်ပါပါ။ လဖက်ခြောက်ခပ်ထားသော ရေနွေးကြမ်းလို အရောင်ကာလာဖြစ်လာပါလိမ့်မယ် ၎င်း ဆေးရေအား တစ်နေ့တာ ကုန်အောင်သောက်ပေးပါ။ ဆေးသောက်တဲ့အချိန်ဟာ မနက်ပိုင်းအချိန်က အကောင်းဆုံးပါ။ ဆေးသောက်နေတဲ့ရက်များအတွင်း ခရီးရှည်မသွားပါနဲ့။ဘာလို့ဆို ထိုဆေးရေသောက်ပါက ဆီးခဏခဏ သွားရတာကြောင့် လိုင်းကားစီးသွားရမဲ့သူဆို ကားသမားနှင့်စကားများရတတ်တယ်) အထက်ပါအတိုင်း ပြောပြလိုက်ပြီး ကျနော့်အမကြီး ဖော်စပ်ထားတဲ့ ရှားစောင်းလက်ပက်ဆေးကိုလည်း ဖြည့်စွက်စာအဖြစ်စားပေးနိုင်ကြောင်း ပြောပြလိုက်တော့ ၂ဗူးဝယ်သွားပါသေးတယ်။ ကျနော်ပြောတဲ့အတိုင်း သူ့သမီးနှင့် သူ့ဇနီးအား သူကိုယ်တိုင် ဂရုတစိုက်လုပ်ပေးပြီး ကုသမယ်လို့ အကြိမ်ကြိမ်ပြောပြီး ပြန်သွားပါတယ်။ ကျနော်ကတော့ ဦးအောင်မင်းကိုတွေ့တိုင်း အခြေနေမေးကြည့်ဖြစ်ပါတယ်။ အဲ့လို မေးတဲ့အခါတိုင်း ပြုံးရွှင်သော မျက်နှာနှင့် ကျေးဇူးရှင်တစ်ယောက်ပုံစံမျိုး သူ့ဘက်က ပြန်လည်ပြုမူပြောဆိုတတ်သလို ခုဆိုရင်... သူတို့မိသားစုလေး သွားချင်တဲ့ဆီ သွားလာနိုင်ပြီဖြစ်သလို... စားချင်တာကိုလည်း ထိုက်သင့်စွာ စားလို့ရနေပါပြီ။ ကျေးဇူးတင်လိုက်တာ ကိုလင်းရေ ဆိုပြီး.... တွေ့တဲ့နေရာတိုင်းမှာ အော်ဟစ်ပြောဆို နှုတ်ဆက်တတ်တဲ့ သူတို့မိသားစုရဲ့ တုန့်ပြန်မှုကို... ညဏ်ပူဇော်ခဆိုပြီး အိမ်အထိလာပို့သွားတဲ့ စာအိတ်ထဲကငွေကြေးထက်... ကျနော်က ပိုပြီး ပီတိဖြစ်ရတယ်ဆိုတာကတော့... ဒီနေ့ သူတို့မိသားစုနဲ့ဆုံပြီး နှုတ်ဆက်စကားပြောရင်း ကျေးဇူးတင်ကြောင်း အထပ်ထပ်ပြောနေလို့... အမှတ်တရအဖြစ် ဒီpostအား ရေးလိုက်ခြင်းဖြစ်ပါတယ်။ ပြီးတော့... မိတ်ဆွေတို့အနေဖြင့် အသုံးလိုရင်သော်၎င်း မိတ်ဆွေတို့ ပတ်ဝန်းကျင်မှာ ငေါက်ရောဂါ ဝေဒနာ ခံစားနေရသူများရှိနေရင်သော်၎င်း... ဒီနည်းလမ်းလေး မျှဝေပေးနိုင်ရန် ရည်ရွယ်၍... ကျနော့်မိတ်ဆွေများအားလုံး အနာရောဂါဘေးမှ ကင်းဝေးကြပါစေ.... #newfun #crd_to_owner_with_respect ချစ်ခြင်းမေတ္တာဖြင့် 👤လယ်တွင်းသား (ပန်းလောင်မြေ) Photo ၁။ အများသိသော ပူစီနံ Photo ၂။ ၃။ ပူစီနံ (အသေး )အရိုးနီ အမွှေးပါ။

ဦးနှောက်အတွက် အကောင်းဆုံး Viamin က viamin B12ပါ။ အာရုံကြောတွေအားကောင်းစေပြီး ကြက်ဥ၊ နွားနို့နဲ့ အသားတွေဆီက ရနိုင်ပါတယ်။ နှလုံးအတွက်အကောင်းဆုံး သတ္တုဓတ်က magnesium ပါ။ သွေးလည်ပင်မှုနဲ့ သွေးပေါင်ကို ထိန်းညှိပေးပြီး ထောပတ်သီးနဲ့ မြေပဲဆီက ရန်ိုင်ပါတယ်။ အဆုတ်အတွက်အကောင်းဆုံး Vitaminက vitamin C ပါ။ အဆုတ်တစ်ရှူးတွေကို ကာကွယ်ပေးပြီး လိ မ္မော်သီး၊ ရေုတ်ပွသီးတို့ဆီကနေ ရနိုင်ပါတယ်။ အသည်းအတွက် အကောင်းဆုံး Vitamin က vitamin E ပါ။ အိုမင်းရင့်ရော်မှုကိုကာကွယ်ပေးပြီး နေကြာစေ့နဲ့ သံလွင်ဆီကနေ ရနိုင်ပါတယ်။ အာရုံကြောအတွက် အကောင်းဆုံး Vitamin က vitamin B1ပါ။ ထုံကျဥ်မှုကို သက်သာစေပြီး ပဲသီး နဲ့ ဝက်သားဆီကနေ ရနိုင်ပါတယ်။ အရုိးအတွက်အကောင်းဆုံး သတ္တုဓာတ်က calciumပါ။ အရိုးနဲ့သွားတွေကို ခိုင်မာစေပြီး နွားနို့နဲ့ ဒိန်ချဥ်ဆီက ရနိုင်ပါတယ်။ မျက်စိအတွက် အကောင်းဆုံး Vitaminက vitamin A ပါ။ အမြင်အာရုံ ပိုကောင်းစေပြီး ကန်စွန်းဥနဲ့ မုန်လာဥနီဆီကနေ ရနိုင်ပါတယ်။ ကြွက်သားအတွက်အကောင်းဆုံး သတ္တုဓာတ်က potassium ပါ။ ကြွက်တက်တာကို ကာကွယ်ပေးပြီး ငှက်ပျော်သီးနဲ့ အာလူးဆီကနေ ရနိုင်ပါတယ်။ ကျောက်ကပ်အတွက် အကောင်းဆုံး vitamin က vitamin B6ပါ။ ကျောက်တည်ခြင်းကို ကာကွယ်ပေးပြီး ငါးနဲ့ ကြက်သားဆီကနေ ရနိုင်ပါတယ်။ အစာအိမ်အတွက် အကောင်းဆုံး vitaminက vitamin B3ပါ။ အစာခြေစနစ်ကို ကောင်းမွန်စေပြီး ဆန်လုံးညိုနဲ့ မိူဆီကနေ ရနိုင်ပါတယ်။

✅ဆေးသောက်တာထက် ပိုကောင်းတဲ့ အလေ့အကျင့်များ ✅ရယ်မောခြင်းက-စိတ်ဖိစီးမှူ ဟော်မုန်းကို လျော့ချပေးပြီး နှလုံးကျန်းမာရေး ကောင်းစေတယ်ိ ✅နေ့ခင်းဖက် ခဏတာအိပ်စက်ခြင်း-မှတ်ညဏ်အားကောင်းစေပြီး နှလုံးရောဂါဖြစ်နိုင်ခြေ နည်းပါးစေပါတယ် ✅အစာစားပြီးနောက် လမ်းလျှောက်ခြင်း-သွေးတွင်းသကြားဓါတ်နှင့်အစာခြေဖျက်မှူကို ထိန်းညှိပေးပါတယ် ✅ကော်ဖီမသောက်ခင် ရေသောက်ပါ- သင့်ခန္ဓာကိုယ်ရေဓါတ်ကို ပြန်လည်ဖြည့်တင်းပေးပြီ အစာအိမ်ကို ကာကွယ်ပါတယ် ✅ဖြည်းဖြည်းစားခြင်း-အလွန်အကျွံစားခြင်းကိုလျော့ချပေးပြီး အာဟာရစုပ်ယူမှူကောင်း စေတယ် ✅မိနစ်၄၀ ထိုင်ပြီးတိုင်း မတ်တပ် ၁၀ မိနစ်ကျော်ရပ်ပါ-ဆီးချိုရောဂါနှင့် နလုံးရောဂါ ဖြစ်နိုင်ခြေ လျော့ချပေးပါတယ် ✅လေ့ကျင့်ခန်းပြုလုပ်ခြင်း လမ်းလျှောက်ခြင်း- အသက်ကြီးလာတာအမျှ ကြွက်သားနှင့်အရိုး ကျန်းမာရေးကောင်မွန်ပါတယ်လမ်းလျှောက်ခြင်းကြောင်း သင့်ရဲ့ကျန်းမာရေး ၅၀% လမ်းလျှောက်ခြင်းကရရှိပါတယ် ✅အသက်ပြင်းပြင်းရှူသွင်းခြင်း-သွေးဖိအားနှင့် စိတ်ဖိစီးမှူလျော့ချပေးပြီးသင့်နှလုံးအတွက် အထောက်အပံပေးပါတယ် ချစ်တဲ့ကေခိုင် #ကျန်းမာရေးဗဟုသုတရကြပါစေ #creditပေးပါတယ်ရှင့်

ကျွန်တော်ကိုယ်တိုင် သွေ;လေးဘက်နာဝေဒနာရှင်တစ်ယောက်အနေနဲ့ ဆေးပြင်းတွေ မှီဝဲနေရတဲ့အတွက် ကျောက်ကပ်ကျန်းမာရေးကို အထူးဂရုစိုက်ဖို့ လိုအပ်တယ်ဆိုတာ နားလည်ပါတယ်။ ကျောက်ကပ်ကို ဂရုစိုက်ဖို့ နည်းလမ်းတွေ အမျိုးမျိုးရှိပါတယ်။ ပထမဆုံးနဲ့ အရိုးရှင်းဆုံးအချက်ကတော့ ရေများများသောက်ခြင်းပါပဲဗျာ။ နောက်တစ်ခုကတော့ အစားအသောက်နဲ့ ကျောက်ကပ်ကို အားဖြည့်၊ ကာကွယ်တာပါပဲ။ လေးဘက်နာသမားတွေဟာ ရှောင်ရတာများလွန်းလို့ အစားအသောက်ရွေးချယ်ရတာ တော်တော်ခက်ပါတယ်။ ဒါပေမဲ့ လေးဘက်နာနဲ့လဲ အဆင်ပြေပြီး ကျောက်ကပ်ကို အထူးကာကွယ်ပေးတဲ့ အစားအစာကို ကျွန်တော်တွေ့ရှိခဲ့ပါတယ်။ အဲဒါကတော့ ကျောက်ဖရုံသီးပါပဲဗျ။ ကျောက်ဖရုံသီးကို စားသုံးတဲ့နည်းလမ်းတွေကတော့ အမျိုးမျိုးရှိပါတယ်- 1. ဖျော်ရည်သဘောမျိုး သောက်သုံးခြင်း • ကျောက်ဖရုံသီးကို ကြိတ်ပြီး ဖျော်ရည်လိုမျိုး သောက်လို့ရပါတယ်။ •📛 လုံးဝမမေ့ပါနဲ့ဗျာ! - သကြား လုံးဝမထည့်ပါနဲ့။ သွေ;လေးဘက်နာသမားတွေဟာ အချိုလုံးဝရှောင်သင့်ပါတယ်။ ဆီးချိုဖြစ်ဖို့ အခွင့်အလမ်း မြန်လွန်းလို့ပါ။ 2. ဟင်းချို သို့မဟုတ် စွပ်ပြုတ်အနေဖြင့် ချက်သောက်ခြင်း • ဟင်းချိုချက်သောက်တာမျိုး ဒါမှမဟုတ် ကြက်ရိုးလေးနဲ့ စွပ်ပြုတ်သဘောမျိုး ချက်သောက်တာမျိုး လုပ်လို့ရပါတယ်။ • ကျွန်တော်ကိုယ်တိုင်ကတော့ဖြင့် ကြက်ရိုးလေးနဲ့ ချက်သောက်ဖြစ်ပါတယ်။ အရသာအတွက် ဆားလေးပဲခပ်ပြီး သောက်ပါတယ်။ အချိုမှုန့်၊ ဓာတုပစ္စည်းတွေ ဘာမှမထည့်ပါဘူး။ ထည့်ဖို့လည်း မလိုအပ်ပါဘူးဗျ။ ကျောက်ဖရုံသီးက သူ့အလိုလိုကို ချိုနေပြီးသားပါ။ အစာလဲဆေး၊ ဆေးလဲအစာမို့လို့ ကျွန်တော့်ရဲ့ ကိုယ်တွေ့အတွေ့အကြုံလေးကို မျှဝေလိုက်ရတာပါဗျာ။ မိတ်ဆွေများအားလုံး ကျန်းမာကြပါစေလို့ ဆုတောင်းပေးလိုက်ပါတယ်! 🙏 #newfun #crd_to_owner_with_respect

ကျွန်တော်ကိုယ်တိုင် သွေ;လေးဘက်နာဝေဒနာရှင်တစ်ယောက်အနေနဲ့ ဆေးပြင်းတွေ မှီဝဲနေရတဲ့အတွက် ကျောက်ကပ်ကျန်းမာရေးကို အထူးဂရုစိုက်ဖို့ လိုအပ်တယ်ဆိုတာ နားလည်ပါတယ်။ ကျောက်ကပ်ကို ဂရုစိုက်ဖို့ နည်းလမ်းတွေ အမျိုးမျိုးရှိပါတယ်။ ပထမဆုံးနဲ့ အရိုးရှင်းဆုံးအချက်ကတော့ ရေများများသောက်ခြင်းပါပဲဗျာ။ နောက်တစ်ခုကတော့ အစားအသောက်နဲ့ ကျောက်ကပ်ကို အားဖြည့်၊ ကာကွယ်တာပါပဲ။ လေးဘက်နာသမားတွေဟာ ရှောင်ရတာများလွန်းလို့ အစားအသောက်ရွေးချယ်ရတာ တော်တော်ခက်ပါတယ်။ ဒါပေမဲ့ လေးဘက်နာနဲ့လဲ အဆင်ပြေပြီး ကျောက်ကပ်ကို အထူးကာကွယ်ပေးတဲ့ အစားအစာကို ကျွန်တော်တွေ့ရှိခဲ့ပါတယ်။ အဲဒါကတော့ ကျောက်ဖရုံသီးပါပဲဗျ။ ကျောက်ဖရုံသီးကို စားသုံးတဲ့နည်းလမ်းတွေကတော့ အမျိုးမျိုးရှိပါတယ်- 1. ဖျော်ရည်သဘောမျိုး သောက်သုံးခြင်း • ကျောက်ဖရုံသီးကို ကြိတ်ပြီး ဖျော်ရည်လိုမျိုး သောက်လို့ရပါတယ်။ •📛 လုံးဝမမေ့ပါနဲ့ဗျာ! - သကြား လုံးဝမထည့်ပါနဲ့။ သွေ;လေးဘက်နာသမားတွေဟာ အချိုလုံးဝရှောင်သင့်ပါတယ်။ ဆီးချိုဖြစ်ဖို့ အခွင့်အလမ်း မြန်လွန်းလို့ပါ။ 2. ဟင်းချို သို့မဟုတ် စွပ်ပြုတ်အနေဖြင့် ချက်သောက်ခြင်း • ဟင်းချိုချက်သောက်တာမျိုး ဒါမှမဟုတ် ကြက်ရိုးလေးနဲ့ စွပ်ပြုတ်သဘောမျိုး ချက်သောက်တာမျိုး လုပ်လို့ရပါတယ်။ • ကျွန်တော်ကိုယ်တိုင်ကတော့ဖြင့် ကြက်ရိုးလေးနဲ့ ချက်သောက်ဖြစ်ပါတယ်။ အရသာအတွက် ဆားလေးပဲခပ်ပြီး သောက်ပါတယ်။ အချိုမှုန့်၊ ဓာတုပစ္စည်းတွေ ဘာမှမထည့်ပါဘူး။ ထည့်ဖို့လည်း မလိုအပ်ပါဘူးဗျ။ ကျောက်ဖရုံသီးက သူ့အလိုလိုကို ချိုနေပြီးသားပါ။ အစာလဲဆေး၊ ဆေးလဲအစာမို့လို့ ကျွန်တော့်ရဲ့ ကိုယ်တွေ့အတွေ့အကြုံလေးကို မျှဝေလိုက်ရတာပါဗျာ။ မိတ်ဆွေများအားလုံး ကျန်းမာကြပါစေလို့ ဆုတောင်းပေးလိုက်ပါတယ်! 🙏 #newfun #crd_to_owner_with_respect

ဒီနေ့ကစပြီး နာနတ်သီးဖျော်ရည် နေ့စဥ်သောက်တော့မယ်... နာနတ်သီးဖျော်ရည်၏ အစွမ်းသတ္တိ- က'င်ဆာကို တိုက်ဖျက်ရာတွင် အရေးပါသော အခန်းကဏ္ဍ နာနတ်သီးဖျော်ရည်သည် က'င်ဆာကို နှိမ်နင်းရာတွင် ကူညီပေးရုံသာမက က'င်ဆာကို တိုက်ဖျက်ရာ၌လည်း အဓိက အထောက်အကူတစ်ခု ဖြစ်သည်။ မကြာသေးမီက ပြုလုပ်ခဲ့သော သုတေသနများအရ နာနတ်သီး ထဲတွင် သဘာဝအတိုင်း တွေ့ရှိရသော ဓာတ်ပေါင်းများသည် ကင်ဆာဆဲလ်များ ကြီးထွားမှုကို ဟန့်တားနိုင်ပြီး အပေါ့ပ်တိုဆစ် (apoptosis) ဟုခေါ်သော ကင်ဆာဆဲလ်များ သေဆုံးမှုကို ဖြစ်ပေါ်စေသည့် လုပ်ငန်းစဉ်ကို လှုံ့ဆော်ပေးနိုင်ကြောင်း ထုတ်ဖော်ပြသထားသည်။ နာနတ်သီးထဲတွင် ကြွယ်ဝစွာ ပါဝင်သော အင်ဇိုင်းဓာတ်ပေါင်းတစ်မျိုးဖြစ်သည့် ဘရိုမီလိန်း (Bromelain) သည် အဓိကသော့ချက် ဖြစ်သည်။ သုတေသီများက ဘရိုမီလိန်းသည် က'င်ဆာဆဲလ်များ ကြီးထွားပျံ့နှံ့စေသော ဆဲလ်ယန္တရားများကို နှောင့်ယှက်ခြင်းအားဖြင့် ပုံမှန်ဆဲလ်များကို မပျက်စီးစေဘဲ က'င်ဆာဆဲလ်များကိုသာ ရွေးချယ် ပစ်မှတ်ထားနိုင်ကြောင်း တွေ့ရှိခဲ့သည်။ ထိုသို့ လုပ်ဆောင်ခြင်းကြောင့် ရောဂါသည် သူ့အလိုလို ပျက်စီးသွားစေသည်။ ဤတွေ့ရှိချက်ကြောင့် နာနတ်သီးဖျော်ရည်သည် ဓာတ်ခွဲခန်း လေ့လာမှုများအရရော၊ ပေါ်ပေါက်လာဆဲ ဆေးဘက်ဆိုင်ရာ စမ်းသပ်မှုများအရပါ “က'င်ဆာတိုက်ဖျက်ရေးအတွက် မရှိမဖြစ် ကိရိယာ” တစ်ခု ဖြစ်လာခဲ့သည်။ ဘရိုမီလိန်းအပြင် နာနတ်သီးတွင် ဓာတ်တိုးဆန့်ကျင်ပစ္စည်းများ (Antioxidants)၊ ဗီတာမင် စီ (Vitamin C) နှင့် အခြားသော ဇီဝ-မော်လီကျူးများ ပါဝင်ပြီး ကိုယ်ခံအားစနစ်ကို အားကောင်းစေသည်။ ဤဓာတ်ပေါင်းများသည် ရောင်ရမ်းမှုနှင့် ဓာတ်တိုး ဖိစီးမှု (oxidative stress) တို့ကို လျှော့ချပေးရာတွင် အထောက်အကူပြုပြီး ၎င်းတို့ နှစ်ခုစလုံးသည် က'င်ဆာရောဂါ ပိုမိုဆိုးရွားလာခြင်းနှင့် ဆက်စပ်နေသည်။ နာနတ်သီးကို ပုံမှန် စားသုံးခြင်းသည် ဆဲလ်များ၏ ကျန်းမာရေးကို မြှင့်တင်ပေးပြီး က'င်ဆာဆဲလ်များကို ခန္ဓာကိုယ်၏ သဘာဝ ကာကွယ်ရေးစနစ်ဖြင့် တိုက်ထုတ်ရာတွင် အားဖြည့်ပေးနိုင်သည်။ နာနတ်သီးဖျော်ရည် တစ်မျိုးတည်းနှင့် ဆေးဘက်ဆိုင်ရာ ကုသမှုများကို အစားထိုးနိုင်မည် မဟုတ်သော်လည်း ၎င်း၏ သဘာဝ က'င်ဆာဆန့်ကျင်ဂုဏ်သတ္တိများက အဖိုးတန်သော ဖြည့်စွက်ဗျူဟာ (supplementary strategy) တစ်ခု ဖြစ်စေသည်။ သုတေသီများသည် ပုံမှန်ကုသမှုများနှင့် တွဲဖက်၍ နာနတ်သီးမှ ထုတ်ယူသော အဆီအနှစ်များကို အာရုံစိုက် ထုတ်ယူကာ ရလဒ်များကို ပိုမို ကောင်းမွန်စေရန်နှင့် ဘေးထွက်ဆိုးကျိုးများကို လျှော့ချရန်အတွက် မည်သို့ အသုံးပြုနိုင်ကြောင်းကို ဆက်လက် လေ့လာနေကြသည်။ ဤတွေ့ရှိချက်သည် နေ့စဉ် စားသုံးနေကျဖြစ်ပြီး တစ်ခါတစ်ရံ လျစ်လျူရှုခံထားရသည့် အစားအစာများက ဆဲလ်အဆင့်တွင် ကျန်းမာရေးကို မြှင့်တင်ပေးရာ၌ မည်သို့ အခန်းကဏ္ဍမှ ပါဝင်နိုင်ကြောင်းကို ဖော်ပြနေသည်။ နာနတ်သီးဖျော်ရည် တစ်ဖန်ခွက်သောက်ခြင်းသည် က'င်ဆာကို ကာကွယ်သည့် ပိုမိုကျယ်ပြန့်သော ဗျူဟာကို အားပေးနိုင်ပြီး သဘာဝတရားတွင် အစွမ်းထက်သော ဖြေရှင်းနည်းများ မကြာခဏ ရှိနေသည်ဟူသော အယူအဆကို အခိုင်အမာ ပြသနေပါသည်။ #yoyocooking

အရင်တုန်းက ကျွန်မဟာ အစာအိမ်နဲ့ အက်ဆစ်ပြန်ဆန်တက်တဲ့ ပြဿနာရှိလို့ ရင်ပူတာတွေ ခံစားရတယ်။ ဘာစားစား ဝေဒနာခံစားရပြီး ဆေးကို အမြဲဆောင်ထားရတယ်။ 😣 ဒါပေမဲ့ သူငယ်ချင်းတစ်ယောက်က "ရုံးပတေသီး" နည်းနည်းလေးကို နေ့စဉ် စားကြည့်ဖို့ အကြံပေးပြီးနောက် (အစိမ်းရော၊ ရေနွေးနဲ့ ပြုတ်ပြီးရော စမ်းစားကြည့်တာ) ရက်အနည်းငယ်အကြာမှာ ဗိုက်ထဲက ပူလောင်တဲ့ ဝေဒနာတွေ တဖြည်းဖြည်း ပျောက်ကွယ်သွားတာကို ကျွန်မတောင် အံ့သြမိတယ်။ သိသာထင်ရှားတဲ့ အကျိုးကျေးဇူးများ • အစာအိမ်အက်ဆစ် လျော့ကျသွားတယ်၊ အစာစားချိန်မှာ ပူလောင်တဲ့ ခံစားမှု မရှိတော့ဘူး။ • ဆီးထဲမှာ အမြှုပ်များတာတွေ ပိုကောင်းလာတယ်၊ ခန္ဓာကိုယ်ထဲက အညစ်အကြေးတွေ ဖယ်ရှားလိုက်သလို ဖြစ်သွားတယ်။ • ခန္ဓာကိုယ်က ပိုပြီး လန်းဆန်းတက်ကြွလာတယ်၊ သွေးနီဥတွေ ကောင်းကောင်းထုတ်လုပ်နိုင်လို့ အရင်ကထက် အားပိုရှိလာတယ်။ • အူလမ်းကြောင်းစနစ်က အရမ်းကောင်းလာတယ်။ ဝမ်းချုပ်သူတွေ စမ်းကြည့်သင့်တယ်။ ဗိုက်ထဲမှာ အလွန်သက်သောင့်သက်သာ ရှိလာတယ်။ 💩 စားသောက်ရန် နည်းလမ်းများ • သဘာဝအတိုင်း စားချင်ရင် သေချာဆေးကြောပြီး အစိမ်းလိုက် လှီးဖြတ်စားနိုင်ပါတယ်။ • ဒါမှမဟုတ် ရေနွေးနဲ့ အနည်းငယ်ပြုတ်ပြီး ငပိထောင်းနဲ့တို့စားရင်လည်း အရသာရှိပါတယ်။ • ဝါးစားရတာ မကြိုက်ရင် ရုံးပတေသီးကို ပြုတ်ပြီး အရည်ကိုပဲ သောက်သုံးနိုင်ပါတယ်။ 🍵 ကောင်းတဲ့အရာတွေဟာ လက်လှမ်းမီတဲ့ နေရာမှာပဲ ရှိနေတာပါ။ စမ်းကြည့်ပါ၊ တကယ် အကူအညီဖြစ်မယ်လို့ ကျွန်မယုံကြည်ပါတယ်။ ❤️ #ကျန်းမာရေးချစ်သူများ #ရုံးပတေသီး #သဘာဝနည်းလမ်း #စားရလွယ်ကူအကျိုးများ #yoyocooking

👁‍ ဒီရက်ပိုင်း မျက်လုံးမှုန်တာ၊ မျက်လုံးမှာ မြူခိုးတွေကွယ်နေသလို ခံစားရတာ ဒါမှမဟုတ် မျက်လုံးဝါးတဲ့ပြဿနာတွေ စဖြစ်နေပြီဆိုရင် ကျွန်မတို့ နေ့တိုင်းလုပ်နေကျ ရိုးရှင်းတဲ့ အိမ်တွင်းနည်းလမ်းကို စမ်းကြည့်နိုင်ပါတယ် 🌿 ကျွန်မကိုယ်တိုင်လည်း ဒီလိုလက္ခဏာမျိုးတွေ ကြုံဖူးပါတယ်။ အိမ်မှာ ကိုယ်တိုင် ဖော်စပ်သောက်ကြည့်တော့ လွယ်ကူတဲ့ပစ္စည်းလေးတွေနဲ့ အများကြီး အထောက်အကူပြုတာကို တွေ့ရပါတယ်။ 🍵 သုံးစွဲရမည့် ပါဝင်ပစ္စည်းများ... • အောင်မဲညိုပန်း အစို သို့မဟုတ် အခြောက် ၅ ပွင့် ၈ ပွင့်ခန့် • ရေနွေး အသင့်အတင့် • သံပရာသီးတစ်ခြမ်း (ချဉ်ငံအရသာ ကြိုက်သူများအတွက်) ပြုလုပ်နည်း က အရမ်းလွယ်ပါတယ်။ အောင်မဲညိုပန်းတွေကို ဖန်ခွက်ထဲထည့်၊ ရေနွေးလောင်းထည့်ပြီး ခရမ်းရောင်ရင့်ရင့်ရတဲ့အထိ စိမ်ထားလိုက်ပါ။ ပြီးရင် စစ်ပြီး မနက်ခင်းစောစောမှာ သောက်သုံးပါ။ ☀️ အရသာကို ပိုမိုနူးညံ့ချင်ရင် သံပရာရည်လေး နည်းနည်းညှစ်ထည့်လိုက်ပါ။ ဒါဆိုရင် ချဉ်ငံချို အရသာရှိပြီး လန်းဆန်းစေတဲ့အပြင် အာဟာရဓာတ်တွေကိုလည်း ပိုမိုစုပ်ယူနိုင်ပါတယ်။ ကျွန်မ ဒီလိုမျိုး နေ့တိုင်း ဆက်တိုက်သောက်ခဲ့တာ တစ်ခဏအကြာမှာ မျက်လုံးတွေ ပိုကြည်လာပြီး အရင်လို မဝါးတော့ဘူးလို့ ခံစားရပါတယ်။ ဒါ့အပြင် သွေးလည်ပတ်မှု ပိုကောင်းလာတယ်၊ ဦးနှောက်ကြည်လင်တယ်၊ ဆံပင်တွေလည်း ပိုထူပြီး သန်မာလာတယ် 🌸 တန်ဖိုးကြီးတဲ့ ဆေးဝါးတွေ မသုံးဘဲ ကိုယ့်ပတ်ဝန်းကျင်မှာရှိတဲ့ အကောင်းစားပစ္စည်းလေးပါ။ စမ်းကြည့်ပါ၊ တကယ်ကို အလုပ်ဖြစ်တယ်လို့ ကျွန်မထင်ပါတယ် 💜 ရွှင်လန်းချမ်းမြေ့ကြပါစေ 🙏🏻 MON SOUNG #MONSOUNG

ချောင်းဆိုး လည်ချောင်းယားချောင်းဆိုး ဆားရည်ငုံထွေးပါ။ ရှောက်သီးအရည်၃ဇွန်း နဲ့ ပျားရည်၁ဇွန်း စပ်သောက်ပါ။ တိုင်းရင်းဆေးအမှတ် ၁။မက်လင်ချဉ် သလိပ်ပုတ်နိုင်ဆေး၀ယ် လျက်ပေးပါ။ ဆေးမရလျှင် ဆားကိုနီအောင်လှော် သံပရာရည်ညှစ်ဖျော်လျက်ပေးပါ။ - မန်ကျည်းမှည့်ဖျော်ရည်ညအိပ်ယာဝင်သောက်ပေးပါ။ ဆီပါသောအစာများရှောင်စားပါ။ ရေအေးမသောက်ပါနဲ့ရေနွေး၊ရေကျက်အေးသောက်ပါ။ ပြည်ပန်းညိုရွက်ဟင်းချိုသောက်ပါ။ ချောင်းဆိုးအသံဝင်အတွက် ဓာတ်စာပါ။ ကြည်လွင်မြင့် (မုဒြာ) Crd

အသည်းဟာ... ခန္ဓာကိုယ်ထဲမှာ အလုပ်အများဆုံး လုပ်ရတဲ့ အင်္ဂါဖြစ်ပါတယ်။ အညစ်အကြေးစစ်ထုတ်တာ၊ သည်းခြေရည်ထုတ်တာ၊ စွမ်းအင်ထုတ်လုပ်တာနဲ့ သွေးတွင်းအဆီကို ထိန်းချုပ်တာ စတဲ့ အလုပ်တွေကို လုပ်ဆောင်ပါတယ်။ ဒါပေမယ့် ကျွန်မတို့က ညဉ့်နက်တဲ့အထိ မအိပ်သေးဘူး၊ အာလူး၊ ကစီဓာတ်တွေ၊ အချိုတွေ စားမယ်၊ ရေနည်းနည်းပဲ သောက်မယ်ဆိုရင်... အသည်းက အဆီတွေကို တိတ်တိတ်လေး စုဆောင်းလာပြီး သတိမထားမိဘဲ "အသည်းအဆီဖုံးခြင်း" ဖြစ်လာနိုင်ပါတယ်။ အသည်းက သတိပေးတဲ့ လက္ခဏာများ အကြောင်းရင်းမရှိဘဲ မောပန်းလွယ်ခြင်း ညစာ စားပြီးနောက် ဝမ်းဗိုက်တင်းခြင်း၊ လေပွခြင်း၊ အောင့်ခြင်း အသားအရေ ညိုမည်းခြင်း၊ ချွေးနံ့နံခြင်း ညာဘက်နံရိုးအောက်နား တင်းပြီး နာကျင်ခြင်း ညဘက် ခဏခဏ နိုးခြင်း သို့မဟုတ် အိပ်မပျော်ခြင်း ဒီလို လက္ခဏာတွေ ရှိနေရင်... "အသည်းစွမ်းအင်" ကို ဒီနေ့ကစပြီး အမြန်ဆုံး ပြန်လည်အားဖြည့်ပါတော့။ သဘာဝနည်းလမ်းဖြင့် အသည်းကို ပြန်လည်အားဖြည့်နည်းများ ၁။ ည ၁၀ နာရီ မတိုင်ခင် အိပ်ရာဝင်ပါ ဘာကြောင့်လဲဆိုတော့ "အသည်းရဲ့ မီးဓာတ် (စွမ်းအား)" ဟာ ည ၁၀ နာရီကနေ မနက် ၂ နာရီအတွင်းမှာ အကောင်းဆုံး ပြန်လည်ပြုပြင်ခြင်း အလုပ်ကို လုပ်ဆောင်လို့ပါပဲ။ အဲဒီအချိန်နောက်ပိုင်းမှ အိပ်ရင် အသည်းက ဆဲလ်တွေကို ပြင်ဆင်ဖို့ အချိန်မရတော့ဘဲ၊ အဆီနဲ့ အညစ်အကြေးတွေ စွန့်ထုတ်မယ့်အစား ပိုပြီး စုမိလာပါလိမ့်မယ်။ ၂။ မနက်အိပ်ရာထပြီး ရေနွေး ၂ ဖန်ခွက် သောက်ပါ ဒါက အသည်းထဲက သည်းခြေရေစနစ် လည်ပတ်မှုကို ကောင်းမွန်စေပါတယ်။ အသည်းရှိ သွေးကြောမျှင်လေးတွေထဲက အညစ်အကြေးတွေကို ဆေးကြောပေးပြီး သည်းခြေအိတ်က အဆိပ်အတောက်တွေကို ဝမ်းကနေတဆင့် စွန့်ထုတ်ဖို့ကိုလည်း လှုံ့ဆော်ပေးပါတယ်။ ၃။ ကစီဓာတ်နှင့် သကြားဓာတ်ကို တစ်ဝက် လျှော့ချပါ အသည်းက ပိုလျှံနေတဲ့ သကြားဓာတ်ကို အဆီအဖြစ် ပြောင်းလဲပစ်ပါတယ်။ အချိုများများ စားလေ၊ အသည်းက ပိုပင်ပန်းလေပါပဲ။ သကြားဓာတ် လျှော့ချတာဟာ "အသည်းကို အနားပေးခြင်း" အစစ်အမှန်ပါပဲ။ ၄။ တစ်နေ့ကို ရေ ၃ လီတာ ရအောင် သောက်ပါ ရေဟာ အညစ်အကြေးတွေကို ခန္ဓာကိုယ်ကနေ သယ်ယူထုတ်ပစ်ပေးတဲ့ ယာဉ်ပါပဲ။ ရေလုံလောက်စွာ သောက်သုံးခြင်းက သွေးပျစ်တာကို သက်သာစေပြီး အသည်းကိုလည်း စစ်ထုတ်တဲ့နေရာမှာ လုပ်အားပိုမပေးရအောင် ကူညီပေးပါတယ်။ ၅။ နေ့စဉ် ကိုယ်လက်လှုပ်ရှားမှု ပေါ့ပေါ့ပါးပါး လုပ်ပါ မိနစ် ၃၀ လမ်းလျှောက်တာ ဒါမှမဟုတ် လက်ဝှေ့ယမ်းတာကို ၁၀ မိနစ် လုပ်တာနဲ့တင် လုံလောက်ပါတယ်။ ဒီလိုလုပ်ခြင်းက သွေးကို အသည်းဆီ ပိုမိုကောင်းမွန်စွာ ရောက်ရှိစေပြီး ကိုယ်တွင်းမီးဓာတ်ကိုပါ မျှတစေပါတယ်။ သမားတော်များထံမှ မှာကြားချက် "သန့်ရှင်းတဲ့အသည်းဟာ ခိုင်မာတဲ့ဘဝရဲ့ အခြေခံအုတ်မြစ်ပဲ။ ကျန်းမာရေးဟာ ဆေးဝါးအစွမ်းနဲ့ စတာမဟုတ်ဘူး... ည ၁၀ နာရီမတိုင်ခင် သင်အိပ်ရာဝင်တဲ့ ညကစပြီး စတင်တာပါ" ဒီညကစပြီး မီးကို မိနစ် ၃၀ လောက် စောပိတ်ပြီး အိပ်ကြည့်ပါ။ ပြီးတော့ မနက်အိပ်ရာထရင် ရေနွေး ၂ ဖန်ခွက် သောက်ကြည့်ပါ အသည်း ပြန်လည်အားကောင်းလာတဲ့အခါ ခန္ဓာကိုယ် ဘယ်လောက် ပေါ့ပါးသွားတယ်၊ စိတ်ဘယ်လောက် ကြည်လင်လန်းဆန်းလာတယ်ဆိုတာ သင်ကိုယ်တိုင် သိလာပါလိမ့်မယ် ။ Crd #fblifestyle

"ကျန်းမာရေးအတွက် ဤစာကို ဖတ်ဖြစ်အောင် ဖတ်ပါ " ************************** ဒေါက်တာ လျှူရီပင်းက ဤသတင်းကို လူဆယ်ယောက်ကိုဖြန့်ဝေပေးပါက လူတစ်ယောက်၏အသက်ကို ကယ်နိုင် ကောင်းတယ် လို့ဆိုပါတယ်။ ကျွန်တော်လုပ်ရမဲ့အပိုင်းကိုကျွန်တော်လုပ်ပြီးပြီ။ ...................................... သင့်အပိုင်းကို သင်လုပ်ဖို့ပဲ ကျန်ပါတော့တယ်။ ကျေးဇူးတင်ပါတယ်။ ..................................... သံပယိုရည်နဲ့ ရေနွေးကို သောက်သုံးခြင်းဖြင့် ကင်ဆာကို ကာကွယ်နိုင်ပါတယ်။ သကြား မထည့်ပါနဲ့။ ပူနေတဲ့သံပယိုရေနွေးဟာ အေးနေတဲ့ သံပယိုရည်ထက်ပိုပြီး အကျိုးကျေးဇူးရှိပါတယ်။ ကဇွန်းဥ အဝါနဲ့ခရမ်းရောင်တို့မှာလည်း ကင်ဆာကို ကာကွယ်နိုင်တဲ့ အရာကောင်းများပါဝင်ပါတယ်။ ၁။ ညနှောင်းပိုင်း အစားအစာစားခြင်းဟာ အစာအိမ်ကင်ဆာကို ဖြစ်နိုင်ခြေများစေပါတယ်။ ၂။ တစ်ပတ်တွင် ကြက်ဥ၄လုံးထက်ပို၍ မစားမိပါစေနဲ့။ ၃။ ကြက်အဆီဘူးကို စားခြင်းဟာ အစာအိမ်ကင်ဆာကို ဖြစ်စေပါတယ်။ ၄။အစာစားပြီး အသီးကို မစားပါနှင့်။ အသီးကို အစာမစားမီ စားသုံးပါ။ ၅။ ရာသီလာချိန်တွင် လက်ဖက်ရည်မသောက်ပါနှင့်။ ၆။ ပဲနို့ကိုလျှော့သောက်ပါ။ ပဲနို့ထဲတွင်သကြားနှင့်ကြက်ဥထည့်မသောက်ပါနှင့်။ ၇။ အစာမရှိဘဲ ခရမ်းချဉ်သီး မစားပါနဲ့။ ၈။ သည်းခြေတွင်ကျောက်တည်ခြင်းမှ ကာကွယ်ရန် နံနက်အစာအစားမီ ရေတစ်ခွက်သောက်ပါ။ ၉။ ညမအိပ်မီ ၃နာရီအလို မည်သည့်အစားအစာမှ မစားပါနှင့်။ ၁၀။ Teh Tarik နွားနို့နှင့်ရောစပ်ဖျော်ထားသော လက်ဖက်ရည်လျှော့သောက်ပါ။ အာဟာရမရှိသောအရာများက ဆီးချိုနှင့်သွေးတိုး ရောဂါကိုဖြစ်စေသည်။ ၁၁။ ပေါင်မုန့်မီးကင်စက် သို့မဟုတ် မီးဖိုတွင် ပေါင်မုန့်ကိုဖုတ်ပြီးနောက်ပူနေစဉ် မစားပါနှင့်။ ၁၂။ သင်အိပ်နေစဉ်သင့်နားတွင် ဆဲလ်ဖုံး သို့မဟုတ်မည်သည့်လျှပ်စစ်အားသွင်းခြင်းကိုမဆို အနားတွင်ထား၍ မအိပ်ပါနှင့်။ ၁၃။ သည်းခြေကင်ဆာဖြစ်ဖြင်းမှ ကာကွယ်ရန် တစ်နေ့လျှင်ရေ ၁၀ခွက်ခန့်သောက်ပေးပါ။ ၁၄။ နေ့ပိုင်းတွင် ရေကိုများများသောက်၍ ညပိုင်းတွင် လျှော့သောက်ပါ။ ၁၅။ တစ်နေ့လျှင်ကော်ဖီကို၂ခွက်ထက်ပို၍ မသောက်ပါနှင့် သို့မဟုတ်ပါက အိပ်မပျော်သောရောဂါနှင့် အစာအိမ်ရောဂါ ရရှိနိုင်သည်။ ၁၆။ ဆီပါဝင်မှုနည်းသော အစားအစာကိုစားပါ။ ဆီပါဝင်မှုရှိပါက ၅နာရီမှ၇နာရီကြာမျှ ယင်းအစာကို ကြေညက်အောင် ချက်ရသည့်အတွက် သင့်ကိုပင်ပန်းနွမ်းနယ်မှုကို ဖြစ်ပေါ်စေသည်။ ၁၇။ ညနေ၅နာရီနောက်ပိုင်း အစားကိုလျော့စားပါ။ ၁၈။ အစားအစာ၆မျိုးသည် သင့်ကိုပျော်ရွှင်မှု ပေးနိုင်သည်။ ငှက်ပျောသီး၊ ဂရိတ်ဖရု၊ ဂျုံပေါင်မုန့်၊ စပင်းနပ်ခ်ျ၊ ရွှေဖရုံသီး၊ မက်မွန်သီး၊ ၁၉။ တနေ့ ၈နာရီထက် လျော့နည်းစွာအိပ်လျှင် ဦးဏှောက်လည်ပတ်ဆောင်ရွက်နိုင်မှုကို တဖြည်းဖြည်းချို့ယွင်းစေပါသည်။ မွန်းလွဲပိုင်းအနားယူမှေးစက်မှုက သင့်အား ငယ်ရွယ်နုပျိုစေပါသည်။. ချက်ထားသည့် ခရမ်းချဉ်သီးက ခရမ်းချဉ်သီး အစိမ်းထက်ပိုပြီး ဝေဒနာများကုသပေးနိုင်စွမ်းသတ္တိ ရှိသည်။ ပူနေသော သံပယိုရေနွေးရည်သည် သင့်ကျန်းမာရေးကို ထိန်းထားနိုင်ပြီး အသက်ကိ်ုပိုမိုရှည်စေသည်။ ပူသောသံပယိုရည်သည် ကင်ဆာဆဲလ်များကိုသတ်နိုင်စွမ်းရှိသည်။ ရေနွေးပူပူထဲသို့ အကွင်းလိုက်လှီးထားသော သံပယိုကွင်း၂ခု-၃ခုခန့်ကို ထည့်ပါ။ နေ့စဉ်သောက်သုံးပေးပါ။ သံကယိုရည်ပူပူတွင်ရှိ ခါးသက်သက်ဓါတ်သည် ကင်ဆာဆဲလ်များကို သတ်နိုင်သည့် အကောင်းဆုံးသောဒြဗ်ပင်ဖြစ်သည်။ သံပယိုရည်အေးတွင် ဗီတာမင်စီသာရှိပြီး ကင်ဆာကာကွယ်နိုင်စွမ်းမရှိပါ။ ပူသော သံပယိုရည်သည် ကင်ဆာကျုမာကြီးထွားမှုကို ထိန်းချုပ်နိုင်စွမ်းရှိသည်။ ဓာတ်ခွဲခန်းစမ်းသပ်မှုအရ သံပယိုပူရည်သည် အလုပ်ဖြစ်ကြောင်းသက်သေပြခဲ့သည်။ မကောင်းသောကင်ဆာဆဲလ်များကို ထိုသံပယိုတွင်ရှိသည့်ဓာတ်သတ္တိဖြင့် ကုသမှုကဖျက်ဆီးနိုင်စွမ်းရှိသည်။ ထိုအရာက ကောင်းမွန်သောဆဲလ်များကို ထိခိုက်မှုမရှိပါ။ နောက်တစ်ခုမှာ သံပယိုရည်အတွင်းရှိ စီထရစ်အက်စစ်(Citric acid) နှင့် သံပယို ပိုလီဖင်နော် (lemon polyphenol) သည်သွေးတိုးခြင်းကို ကျဆင်းစေနိုင်စွမ်းရှိသည်။ သွေးကြောပိတ်ခြင်းကို လျော့နည်းစေခြင်း၊ သွေးလှည်ပတ်မှုကို တိုးတက်ကောင်းမွန်စေခြင်းနှင့် နက်ရှိုင်းစွာအတွင်းတွင်ရှိသည့် သွေးကြောတွင်းပိတ်ဆို့ခြင်းကို ကာကွယ်မှုပေးနိုင်သည်။ သင်မည်မျှအလုပ်ရှုပ်နေပါစေ။ ဤစာကိုဖတ်ဖြစ်အောင်ဖတ်ပါ။ အခြားသူများကိုချစ်မေတ္တာဖြင့် ဖြန့်ဝေပါ။ သင့်ကိုယ်တိုင်ရဲ့ ကျန်းမာရေးကိုလည်း ဂရုစိုက်ပါ။ (Ko Htun Aung Gyaw ဘာသာပြန်ပေးပို့သည်။) via Zawana Shen #yoyocooking Credit: Thorn Nay Soe