ဝင်ငွေနဲ့ အသုံးစရိတ် မျှတအောင် ဘယ်လိုစီမံမလဲ။ ကိုယ့်ဝင်ငွေနဲ့ ကိုယ့်အသုံးစရိတ် မျှတမှု မရှိဘူးဆိုရင် ငွေကြေးပိုင်းဆိုင်ရာ စိုးရိမ်ပူပန်မှုတွေ ကြုံတွေ့ရနိုင်ပါတယ်။ ဒါ့ကြောင့် ဝင်ငွေနဲ့ အသုံးစရိတ်ကို မျှတအောင် စီမံခန့်ခွဲဖို့ နည်းလမ်း(၅)ခုကို လိုက်နာသင့်ပါတယ်။ ၁။ဝင်ငွေအားလုံးကို စာရင်းပြုစုပါ။ လစာ၊ ပင်စင်၊ ရင်းနှီးမြှုပ်နှံမှုကနေ ရရှိတဲ့ အကျိုးအမြတ် စသဖြင့် သင့်ဝင်ငွေအားလုံးကို တိကျစွာ မှတ်တမ်းတင်ပါ။ ၂။အသုံးစရိတ်အားလုံးကို မှတ်တမ်းတင်ပါ။ အိမ်လခ/အိမ်အရစ်ကျ၊ မီး၊ ရေ၊ ဖုန်းခ၊ အစားအသောက်၊ သယ်ယူပို့ဆောင်ရေး၊ အကြွေး များ၊ ကျန်းမာရေး စတဲ့ အသုံးစရိတ်အားလုံးကို အသေးစိတ် ချရေးပါ။ ၃။ဝင်ငွေနဲ့ အသုံးစရိတ်ကို နှိုင်းယှဉ်ပါ။ သင့်ရဲ့ ဝင်ငွေကနေ အသုံးစရိတ်ကို နှုတ်ကြည့်ပါ။ အမြတ်ကျန်ခဲ့ရင် စုဆောင်းဖို့ အခွင့်အလမ်း ရှိပါတယ်။ အသုံးစရိတ်က ဝင်ငွေထက် ပိုများနေရင်တော့ ချိန်ညှိဖို့ လိုပါပြီ။ ၄။အခြေခံလိုအပ်ချက်တွေကို အရင်ဖြည့်ပါ။ အိမ်စရိတ်၊ စားဝတ်နေရေး၊ မီး၊ ရေ စတဲ့ မဖြစ်မနေ လိုအပ်တဲ့ အရာတွေကို ပထမဦးစားပေးပါ။ ၅။အပိုအသုံးစရိတ်တွေကို ထိန်းချုပ်ပါ။ ဖျော်ဖြေရေး၊ အပြင်ထွက်စားသောက်ခြင်း စတဲ့ မရှိမဖြစ်မဟုတ်တဲ့ အသုံးစရိတ်တွေကို လျှော့ချဖို့ ကြိုးစားပါ။ သင့်ရဲ့ ဘတ်ဂျက်ကို ထိန်းချုပ်နိုင်ပြီး အရေးပေါ်ရန်ပုံငွေ ရှိလာပြီဆိုရင် အနာဂတ် ရည်မှန်းချက်တွေ (အိမ်ဝယ်တာ၊ ပညာရေး၊ အငြိမ်းစားယူတာ) အတွက် ရင်းနှီးမြှုပ်နှံဖို့ စဉ်းစားပါ။ ဝင်ငွေနဲ့ အသုံးစရိတ်ကို မျှတအောင် စီမံခြင်းဟာ စိတ်ငြိမ်သက်မှုနဲ့ ငွေကြေး လုံခြုံမှုကို ပေးစွမ်းနိုင်ပါတယ်။ ဒီအချက်တွေကို လိုက်နာပြီး သင့်ရဲ့ ငွေကြေးအခြေအနေကို တိုးတက်အောင် ဆောင်ရွက်နိုင်ပါတယ်။ #coachpannsu #innerupgrade #selfleadership

မိန်းမတွေကို သတိထား ----- တရုတ်ဆိုရိုးတစ်ခုရှိတယ်။ ပြောပြမယ် အမေ့ကို ချစ်ဖွယ်သောစကားဆို အဖေ့ကို လေးစားစွာ ဆက်ဆံ အစ်ကိုတွေကို ချစ်အောင်ပြော အစ်မတွေကို နှစ်သက်အောင်ပြော ကလေးတွေကို စိတ်ပါလက်ပါဆက်ဆံ ဆွေမျိုးတွေကို မျှဝေလိုစိတ်ထား မိတ်ဆွေတွေကို ရယ်ရယ်မောမောပြော ဂုဏ်ရှိသူတွေကို ယဉ်ကျေးစွာပြော ဈေးသည်ကို ပြတ်ပြတ်ပြော ဖောက်သည်ကို ရိုးသား အလုပ်သမားကို ယဉ်ကျေး နိုင်ငံရေးသမားကို သတိထား ဘုရားသခင်ကို တိတ်ဆိတ်စွာရှိခိုး အင်း ဇနီးမယားကိုလား ဟုတ်ကဲ့ ကိုယ့်မိန်းမကိုတော့ ပြန်မပြောနဲ့ နားထောင်တဲ့ ဘာကြောင့်လဲဆိုတော့ ဇာတ်လမ်းတစ်ပုဒ်ပြောပြဦးမယ် (၁) “မောင်” “ဘာလဲ” “ကျွန်မ ဝနေလားဟင်” “ဝနေတယ်” “အေးပေါ့ ဝနေပြီ ပြောတော့မှာပေါ့ ... ရှင် ခိုးခိုးကြည့်နေတဲ့ ဟိုဘက်အိမ်က ကောင်မ ငါးဖောင်ရိုးလိုတော့ မဟုတ်ဘူးပေါ့” “တိုးတိုးပြောပါကွာ ... ဟိုကကြားသွားပါ့မယ်” “ကြားကြား” (၂) “မောင်” “ပြော” “ကျွန်မ ဝလာလား” “မဝဘူး” “ကလိမ် ... ရှင်ဘယ်တုန်းက လိမ်ပြောတတ်တာလဲ ... ရှေ့တင်တောင် ဒီလောက် လိမ်နေတာ နောက်ကွယ်ဆို ပိုဆိုးတော့မှာပဲ” (၃) “မောင်” “ကျွန်မ ဝနေလားဟင်” “အင်း နည်းနည်းလေးတော့ ပြည့်တေ့တေ့ဖြစ်နေတယ်” “ဘာ ကျွန်မကို ဖောနေသလိုလို ဖောင်းနေသလို ကျန်းမာရေး မကောင်းသလိုလိုပြောတာ ... အေးလေ မြန်မြန်သေစေချင်နေမှာပေါ့” (၄) “မောင်” “ကျွန်မ ဝနေလားဟင်” “မသိတော့ဘူးကွာ” “ဪ ... ခုတော့ မသိတော့ဘူးပေါ့ ... ခုတော့ ကျွန်မဘာဖြစ်နေတယ်ဆိုတာ ရှင်က မကြည့်ချင် လောက်အောင် ဖြစ်နေပြီပေါ့ ... ရှင်ကန်းနေပြီပေါ့” (၅) “မောင်” “ဘာလဲ” “ကျွန်မ ဝနေသလားဟင်” “မင်းစိတ်ထဲမှာ ထင်တဲ့အတိုင်းပဲ” “ရှင်က ကျွန်မထင်တဲ့အတိုင်းပဲဆိုတော့ ဘာလဲ ကျွန်မကို အဖက်မလုပ်ချင်တဲ့သဘောလား ... ရှင်ပဲ မင်းကို မရရင် သေရပါတော့မယ်ဆိုပြီး မျက်ရည်ကျပြခဲ့တာ မေ့နေပြီလား” (၆) “မောင်” “အင်း” “ကျွန်မ ဝနေပြီလား” ယောကျ်ားက ပြန်မပြော “မောင်” ဘာမျှ မတုံ့ပြန် “ဘာလဲ ရှင် နားပင်းနေပြီလား” (The Way You Treat Your Wife) #တင်ညွန့် ၁၆.၁.၂၀၂၁ #credit #𝗠𝘆𝗮𝗻𝗺𝗮𝗿𝗕𝗼𝗼𝗸𝗦𝗵𝗲𝗹𝗳

🏵 #အစွမ်းထက်သော မန်ကျည်းသီးအသုံးဝင်မှုများ>>>> 🏵 #မန်ကျည်းရွက်မှာပါတဲ့ ဖလေဗိုးနွိုက်တွေက ရောင်ရမ်းမှုကို လျော့ကျစေပြီး နာကျင်ကိုက်ခဲမှုကို သက်သာစေတဲ့အစွမ်း ရှိပါတယ်။ >>>>> 🏵 #မန်ကျည်းရွက်ဟာ ကိုယ်တွင်း အပူကို လျော့ကျစေပြီး အစာစားချင်စိတ်ကို တိုးစေတယ်လို့ အင်ဒိုနီးရှား ဆေးဖက်ဝင် အပင်တွေကို လေ့လာသူတွေက ဆိုပါတယ်။ မန်ကျည်းသီးမှာ အင်တီအောက်ဆီးဒင့် ပါဝင်မှု များသလို ဗီတာမင်နဲ့ သတ္တုဓာတ်တွေလည်း များစွာ ပါဝင်နေပါတယ်။ >>>>>>>> 🏵 #မန်ကျည်းသီးမှာ ကျန်းမာရေးကောင်းဖို့ လိုအပ်တဲ့ ဗီတာမင်စီ၊ ဗီတာမင်ဘီနဲ့ တခြား အာဟာရဓာတ်တွေလည်း ပါဝင်ပါတယ်။ >>>>>>>>> 🏵 #အမျှင်ဓာတ်၊ ပိုတက်စီယမ်နဲ့ မဂ္ဂနီဆီယမ်ဓာတ်တွေလည်း များစွာ ပါဝင်တာကြောင့် အအေးမိရောဂါကို ကာကွယ်ပေးနိုင်တာ၊ အဖျားကျစေတာ၊ အစာကြေစေတာ၊ သွေးတွင်း မကောင်းတဲ့ ကိုလက်စထရော လျော့ကျစေတာ၊နှလုံးကျန်းမာရေးကောင်းစေတာ စတဲ့ ကောင်းကျိုးတွေအပြင် ဝမ်းမှန်စေတဲ့ အစွမ်းလည်း ရှိပါတယ်။>>>>>>> 🏵 #ကိုယ်ခံစွမ်းအား ကောင်းစေပါတယ်>>>>> 🏵 #မန်ကျည်းသီးမှာ ဗီတာမင်စီ များစွာ ပါဝင်တာကြောင့် နေ့စဉ် စားသုံးနေကျ အစားအသောက်ထဲ မန်ကျည်းသီးကို ထည့်စားပေးရင် ဗီတာမင်စီ ချို့တဲ့မှု မဖြစ်အောင် ကာကွယ်ပေးနိုင်ပါတယ်။ ဗီတာမင်စီ များစွာ ပါဝင်တာကြောင့် ကိုယ်ခံစွမ်းအားစနစ်ကို ကောင်းမွန်စေပါတယ်။>>>>>>> 🏵 #ကင်ဆာရောဂါကို တွန်းလှန်ပေးနိုင်ပါတယ်>>>>>>> 🏵 #မန်ကျည်းသီးမှာ အင်တီအောက်ဆီးဒင့်တွေက များစွာ ပါဝင်တဲ့အတွက် ခန္ဓာကိုယ်ထဲမှာ ဖရီးရယ်ဒီကယ်တွေကြောင့် ထိခိုက်မှုကို လျော့ကျစေပြီး ကင်ဆာလို ရောဂါတွေကို တွန်းလှန်ပေးနိုင်ပါတယ်။>>>>>>> 🏵 #ဝမ်းပျော့ပျော့သွားစေပါတယ်>>>>>>> 🏵 #မန်ကျည်းသီးမှာ ပါဝင်တဲ့ အက်စစ်ဓာတ်ကြောင့် ဝမ်းချုပ်တတ်သူတွေ အနေနဲ့ ဝမ်းပျော့ပျော့ သွားစေတယ်လို့ ဆိုကြပါတယ်။ မန်ကျည်းသီးမှာ အမျှင်ဓာတ်လည်း များစွာ ပါဝင်တာကြောင့် ဝမ်းမချုပ်အောင် ကာကွယ်ပေးနိုင်တာပါ။ 🏵 #သည်းခြေလုပ်ငန်းဆောင်တာ ကောင်းစေတယ်>>>>> #မန်ကျည်းသီးဟာ သည်းခြေလုပ်ငန်းဆောင်တာ ဝေဒနာတွေကို ကုသပေးနိုင်ပါတယ်။>>>>>> 🏵 #အစာကြေညက်စေပါတယ်>>>>> #မန်ကျည်းသီးဟာ အစာကြေညက်စေပြီး အူလှုပ်ရှားမှုကို ကောင်းမွန်စေပါတယ်။ အစာခြေလမ်းကြောင်း ဝေဒနာတွေ ကုသရာမှာ မန်ကျည်းသီးကို သုံးလေ့ရှိကြပါတယ်။>>>>>> 🏵 #နှလုံးကျန်းမာစေပါတယ်>>>> 🏵 #မန်ကျည်းသီးဟာ သွေးတွင်း မကောင်းတဲ့ ကိုလက်စထရောတွေကို လျော့ကျစေပြီး နှလုံးကို ကျန်းမာစေပါတယ်။>>>> 🏵 #သွေးသန့်စင်စေပါတယ်>>>>> 🏵 #မန်ကျည်းသီးဟာ ခန္ဓာကိုယ်တွင်း လှည့်ပတ် စီးဆင်းနေတဲ့ သွေးတွေကို သန့်စင်စေပါတယ်။>>>>>> 🏵 #အရေပြားကို အနာကျက်စေပါတယ်>>>>> 🏵 #မန်ကျည်းသီးဟာ အရေပြား ရောင်ရမ်းမှု ဖြစ်စဉ်ကို အမြန်သက်သာစေပြီး အနာကျက်မြန်စေပါတယ်။>>>>> 🏵 #လည်ချောင်းနာတာကို သက်သာစေပါတယ်>>>> 🏵 မန်ကျည်းသီးကို ရေနဲ့ အရည်ဖျော်ပြီး အာလုတ်ကျင်းပေးတာက လည်ချောင်းနာတာကို သက်သာစေပါတယ်။>>>> 🏵 သွေးဖိအားကို ပုံမှန်ဖြစ်စေပါတယ်>>>>> 🏵 မန်ကျည်းသီးမှာ ပိုတက်စီယမ်ဓာတ် များစွာ ပါဝင်ပါတယ်။ ပိုတက်စီယမ်ဟာ နှလုံးခုန်နှုန်းကို ဟန်ချက်ညီအောင် ထိန်းပေးပြီး ဆိုဒီယမ်ရဲ့ အာနိသင်ကို ထိန်းချုပ်ပေးကာ သွေးတိုးကို ကျစေပါတယ်။>>>>>>> #ကျန်းမာရေး #ဗဟုသုတ #စာပေ #မေတ္တာဖြင့်ပြန်လည်မျှဝေပါသည် #လေးစားစွာဖြင့်မူရင်းရေးသားသူကိုCrd ကျန်းမာရေးနဲ့ပတ်သတ်တဲ့ဆေးပညာတွေနေတိုင်းတင်သွားပေးမှာဖြစ်တဲ့အတွက်ကျွန်မတို့ရဲ့postလေးကို like and shareလေသွားမို့မမေ့နဲ့နော် အားလုံးဘဲကျေးဇူးတင်ပါတယ်🙏🥰

အသက်ကြီးလာလေလေ လူတွေကို ပိုနားလည်လာလေလေပဲ အခုနောက်ပိုင်း မုန်းတာလည်း မရှိတော့ဘူး စိတ်ဆိုးချင်တာ ... ဒေါသထွက်ချင်တာတွေလည်း မရှိတော့ဘူး ။ စိတ်ကိုပင်ပန်းစေမယ့် အတွေးတွေ ကိုယ့်ကို အဆင်မပြေ ဖြစ်စေတဲ့ လူတွေဆိုရင် မတွေးမိ မမြင်မိအောင် ‌နေလိုက်တယ် .. အငုံစိတ်ရှိတဲ့သူတွေဆို ရှောင်လိုက်တယ် အကောင်းမြင်စိတ်ရှိတဲ့သူတွေနဲ့ ဆက်ဆံရေးကိုပိုပြီး တည်ဆောက်ဖြစ်တယ် ။ အသက်ကြီးလာလေလေ အချိန်ကို အလဟဿကုန်ဆုံးရမှာ နှမြောလာလေလေပဲ အဲဒီတော့ အချိန်ကို လိုအပ်တဲ့နေရာမှာ တန်ဖိုးရှိတဲ့လူတွေနဲ့ အကျိုးရှိရှိပဲ ကုန်ဆုံးချင်တော့တာ ။ အဲဒီတော့ လူတွေ‌ကို စိတ်ဆိုးဖို့ထက် နားလည်ပေးနိုင်ဖို့ပဲ တွေးဖြစ်တယ် သူ့နေရာ ၊ သူရှုထောင့်ကနေ သူရဲ့ အခြေအနေ ဆိုတာမျိုးကိုပေါ့ .. လက်ကျန်အချိန်ကို မသိရတဲ့ လူတစ်ယောက်မို့ ပျော်ရွှင်ချင်တယ် .. တတ်နိုင်သမျှ အပူကင်းချင်တယ် .. ဘာဆိုဘာမှ များများမတွေးချင်တော့ဘဲ သောက ကင်းကင်းနဲ့ပဲ နေထိုင်ချင်တော့တယ် ။ #သက်ထားခင်(THK) #လက်ကျန်ဆန္ဒ #စာပေဗဟုသုတုလူတိုင်းရ #ခွန်အားရှိသောစာတ်ိုများ #ဘဝစာပေနှင့်ဗဟုသုတများ #crd_to_owner_with_respectcrd

စိတ်ကြီးဝင်နေတဲ့ ကြက်တူရွေးတကောင်ဟာ လင်းယုန်ငှက်ထံ ချဉ်းကပ်ပြီး ပြောတယ်။ "ကမ္ဘာ့အမြင့်ဆုံးသစ်ပင်တွေပေါ်အထိ ငါ ပျံသန်းနိုင်တယ်။ မင်း ဘယ်လောက် အမြင့်ထိ ပျံနိုင်လဲ" လင်းယုန်က ပြောတယ်။ "အင်း၊ ငါကအမြင့်ပျံ တော်တဲ့ငှက် မဟုတ်တော့ အမြင့်ဆုံးသစ်ပင်တွေကိုတောင် သိပ် မရောက်ဖူးပါဘူး" ကြက်တူရွေးက ရယ်မောလိုက်တယ်။ "အိုး...ရှက်စရာကောင်းလိုက်တာကွာ ငှက်အများစုထက်ငါက မြင့်မြင့်ပျံသန်းနေတာကို မယုံနိုင်လောက်အောင်ပျော်ရွှင်မိပါတယ်" လို့ ကြွားလုံးထုတ်လိုက်တယ်။ မင်းက တကယ့်ကို ကံကောင်းတဲ့ ငှက်ပဲ" လို့ လင်းယုန်က ပြောတယ်။ နောက်တနေ့မှာ ကြက်တူရွေးက လင်းယုန်ငှက်ထံ ထပ်သွားပြီး ပြောပြန်တယ်။ "မင်းကို အမြင့်ဆုံး ပျံသန်းတတ်အောင် သင်ပေးရင် ငါ့လိုပဲ အမြင့်ဆုံးသစ်ပင်တွေကို ရောက်နိုင်ပါ့မလား" "ဒါက အရမ်းမိုက်တာပဲ။ ကျေးဇူးပြုပြီး သင်ပေးပါ" လို့လင်းယုန်က ပြောတယ်။ အဲဒီနောက် လင်းယုန်ငှက်ဟာ ကြက်တူရွေးနဲ့အတူ လိုက်သွားပြီး ပျံသန်းခဲ့ပါတယ်။ "ဒီလိုပျံရတယ်ကွ" ကြက်တူရွေးက ပျံသန်းရင်းပြောတယ်။ ဒါပေမယ့် လင်းယုန်ငှက်ဟာ အင်အားနဲ့ ပျံသန်းလိုက်တယ်။လင်းယုန်ပျံတဲ့အမြင့်ထိ သူ လိုက်မပျံနိုင်တဲ့အခါ ကြက်တူရွေးဟာ လုံးဝအံ့အားသင့်သွားခဲ့ပြီး သူ့မျက်လုံးတွေကို သူမယုံနိုင်ဘူး။ နောက်ဆုံးတော့ လင်းယုန် အောက်ကို ပြန်ဆင်းသက်လာတဲ့အခါ ကြက်တူရွေးက နောင်တ၊အရှက်တရားတွေနဲ့ ပြည့်နှက်နေပြီး မေးလိုက်တယ်။ "မင်းက ပါရမီရှင်ပဲ။ ငါ့ကို ဘာလို့ မပြောခဲ့တာလဲ" လင်းယုန်က ပြုံးပြီး ပြောလိုက်တယ်။ "လင်းယုန်ငှက်နဲ့ ကြက်တူရွေးရဲ့ ကွာခြားချက် အဲဒါပဲ။ ငါက လင်းယုန်တကောင်ဖြစ်ပြီး စကားအများကြီး မပြောတတ်ဘူး။ လေလုံး ထွားတာ မဟုတ်ဘူး။ ငါ့ရဲ့ စွမ်းအားနဲ့ စွမ်းရည်အကြောင်း ငါသိတယ်။ ကောင်းကင် အမြင့်ဆုံးမှာ ငါ ပျံသန်းနေတာ မြင်ပြီး အံ့သြသွားလား။ငါဟာ မုန်တိုင်းတိမ်တိုက်တွေ အထက်မှာ ပျံသန်းနိုင်တဲ့ တကောင်တည်းသော ငှက်ပဲ။တခြားငှက်တွေ မိုးတွင်းမှာ မိုးကိုရှောင်ဖို့ ခိုလှုံစရာနေရာရှာရပေမယ့် ငါကတော့ တိမ်တွေအထက်မှာ ပျံသန်းပြီး မိုးကို ရှောင်လို့ရတယ်။ လေထုပါးတဲ့နေရာအထိ ငါ ပျံသန်းနိုင်တယ်၊ ပြီးတော့ ငါ့နှလုံးခုန်တိုင်း သွေးစီးကြောင်းထဲကို သွေးပိုသွင်းပြီး အောက်ဆီဂျင်ပို့ပေးနိုင်တယ်" ကျွန်တော်တို့ဟာ အများကြီး ကြွားလုံးထုတ်တတ်တဲ့ ကြက်တူရွေးတကောင် မဖြစ်ပါစေနဲ့။ လင်းယုန်လို နှိမ့်ချပြီး ဆိတ်ဆိတ်နေပါ။ ကိုယ့်တန်ဖိုးကို သက်သေပြဖို့ အချိန်မဖြုန်းပါနဲ့။ ကိုယ်က ဘာလဲ၊ ကိုယ် ဘာဖြစ်နိုင်တယ်ဆိုတာကို အချိန်က သက်သေပြပါလိမ့်မယ်။ #မေတ္တာဖြင့် #စာပေ #ဗဟုသုတ #စာပေချစ်သူ #စာပေကြိုက်သူများ #ဘဝစာပေ #လူငယ်များအတွက့်စာကြည့်တိုက့် #မေတ္တာဖြင့်ပြန်လည်မျှဝေပါသည် #မူရင်းရေးသားသူအားလေးစားလျှက် #လေးစားစွာဖြင့် ##CRD

"အိမ်" ငယ်ငယ်တုန်းက အိမ်ဆိုတာ အမေ အမေဆိုတာ အိမ်ပဲလို့ထင်တယ်။ အမေ မရှိရင် အိမ်ဆိုတာ ဘယ်ရှိလိမ့်မလဲ။ အိမ်ပြန်မယ်လို့သာ ပြောတယ်၊ တကယ်တော့ အမေ့ကိုရှာတာပဲ။ အမေ ဘယ်မှာလဲ.... အမေရှိတဲ့အရပ်က အိမ်ပေါ့။ အမေ မရှိတဲ့အရပ် အိမ်မရှိပါဘူး။ ကြီးလာတော့လည်း အမေဆိုတာ အိမ် အိမ်ဆိုတာ အမေလို့ထင်တုန်းပဲ။ အမေ မရှိရင် အိမ်မရှိဘူး။ အိမ်ကိုလွမ်းတယ်လို့သာ ပြောတယ်၊ တကယ်တော့ အမေ့ကို လွမ်းတာပါ။ အိမ်ထဲဝင်တာနဲ့ "အမေ" လို့ အရင်ခေါ်တာပါပဲ။ အမေကို မတွေ့ရင် အမေကိုရှာတယ်။ အမေကိုတွေ့မှ အော်.. အိမ် ပြန်ရောက်တယ်။ အင်း.... ဘာဖြစ်လို့ လူတွေဟာ အခက်အခဲနဲ့ ကြုံတဲ့အခါ အိမ်ပြန်ချင်ကြပါလိမ့်၊ အကြပ်တည်းဆုံးနဲ့ ကြုံတဲ့အခါ၊ အမေ့ကို အရင်သတိရကြပါလိမ့်၊ ဘာမှမတတ်နိုင်တဲ့အခါ "အမေ"လို့ တကြပါလိမ့်... တစ်သက်ရှိခဲ့ပါပြီ... တမ်းတရင်း လွမ်းဆွတ်ရင်း ဘယ်နေရာမှာ လောကရဲ့အလှဆုံးအိမ်ရှိသလဲလို့ တမ်းတလွမ်းဆွတ်လာတာ တစ်သက်ရှိပါပြီ။ ကျနော် အကျယ်ကြီး ပြောပါရစေ... အေမ အမေရဲ့နွေးထွေးတဲ့ရင်ခွင်ကမှ ကျွန်တော်တစ်သက်တာအတွက် အလုံခြုံ အပျော်ရွှင်ဆုံးအိမ်ပါ အမေ... #မူရင်းpostတင်သူကိုကျေးဇူးတင်စွာဖြင့်ဂါရဝပြုပါသည #crd_to_owner_with_respect #မေတ္တာဖြင့်ပြန်လည်မျှဝေလိုက်ပါသည်

⚠️ ဆေးလိပ်ကို ၁ချက်ရှိုက်လိုက်တိုင်းမှာ chemical ဓာတုပစ္စည်း ၇၀၀၀ လောက်က အဆုတ်ထဲကို ဝင်သွားပြီး ခန္ဓာကိုယ်ရဲ့ တခြား အစိတ်အပိုင်းတွေကို ပျံ့နှံ့သွားပါတယ်။ (ဒီအထဲမှာ ၆၉ခုက ကင်ဆာဖြစ်စေတဲ့ carcinogen တွေ ဖြစ်ပါတယ်) ⚠️ ကမ္ဘာပေါ်မှာ ကင်ဆာ ၈ခုတိုင်းမှာ ၁ခုက ဆေးလိပ်ကြောင့်ဖြစ်တာ ဖြစ်ပါတယ်။ ⚠️ ကင်ဆာကြောင့် အသက်ဆုံးရှုံးမှု ၅ခုတိုင်းမှာ ၁ခုက ဆေးလိပ်က ရတဲ့ ကင်ဆာကြောင့် ဖြစ်တာ ဖြစ်ပါတယ်။ ⚠️ ဆေးလိပ်သောက်ခြင်းကိုသာ မတီထွင်ခဲ့ရင်/ မတည်ရှိခဲ့ရင် အဆုတ်ကင်ဆာဆိုတာ ရှားပါးရောဂါ၁မျိုး ဖြစ်နေမှာပါ။ ⚠️ ဆေးလိပ်သောက်ခြင်းက အစာအိမ်ကင်ဆာဖြစ်နိုင်ခြေကို ၆၁ ရာခိုင်နှုန်း မြင့်တက်စေပါတယ်။ အစာအိမ်ကင်ဆာဆိုတာ ကြောက်ဖို့ အကောင်းဆုံးနဲ့ အသက်ဆုံးရှုံးစေမှု အမြင့်ဆုံး ကင်ဆာတွေထဲက၁ခုပါ။ ⚠️ ပါးစပ်တဝိုက်မှာလည်း ကင်ဆာတွေဖြစ်စေပြီး အစာရေမျို နဲ့ pharynx မှာ ကင်ဆာဖြစ်ခြင်းရဲ့ ၆၀ ရာခိုင်နှုန်း, larynx ကင်ဆာ ဖြစ်ခြင်းရဲ့ ၇၇ရာခိုင်နှုန်းဟာ ဆေးလိပ်သောက်ခြင်းနဲ့ ဆက်စပ်နေပါတယ်။ ⚠️ ဆေးလိပ်က ဝင်တဲ့ ဓာတုပစ္စည်းတွေ အဆိပ်တွေကြောင့် တစ်ကိုယ်လုံးမှာလည်း ကင်ဆာ ဖြစ်နိုင်ခြေကို မြင့်တက်စေပါတယ်။ (အခုဖော်ပြထားတဲ့ ကင်ဆာတွေကိုသာ ဖြစ်စေတာမဟုတ်ပါ) ✅ ဒါပေမယ့် ဆေးလိပ်ဖြတ်ဖို့ နောက်ကျနေပြီလို့ မတွေးပါနဲ့။ သင်နောက်ဆုံး သောက်လိုက်တဲ့ ဆေးလိပ်အပြီး ၆နာရီ အကြာမှာ ခန္ဓာကိုယ်က စပြီး ပြန်လည် တည်ဆောက်ဖို့ ပြုပြင်ဖို့လုပ်ပါတယ်။ ဒါကြောင့် ဒီနေ့ကစ ဆေးလိပ်ဖြတ်မယ်၊ အစားအစာကို သင့်တင့်လျှောက်ပတ်အောင် စားမယ်၊ အသီးအရွက် အသီးအနှံများများစားမယ်၊ အိပ်ရေးဝအောင်အိပ်မယ်၊ ကျန်းမာရေးလိုက်စားမယ်ဆိုရင် ဆေးလိပ်ကို အချိန်ကြာမြင့်စွာ သောက်ခဲ့တယ်ဆိုရင်တောင် ကျန်းမာစွာ အသက်ရှင်နေနိုင်ဖို့ ရာခိုင်နှုန်းကို များစေမှာ ဖြစ်ပါတယ်။ ‼️ ၁ခုသတိပြုရမှာက ကိုယ်တိုင်ဆေးလိပ်သောက်မှ ရောဂါဖြစ်မှာမဟုတ်ဘဲ မိမိဘေးမှာ/ အိမ်ထဲမှာ ဆေးလိပ်သောက်လို့ မိမိက မသောက်ဘဲ သူများသောက်တဲ့အငွေ့ကို ရှူမိတယ်ဆိုရင်လည်း အပေါ်က ပြောထားတဲ့ ရောဂါတွေ ဖြစ်နိုင်ပါတယ်။ 📩 ဒါကြောင့် ဆေးလိပ်သောက်တတ်တဲ့ သင်ချစ်ရတဲ့သူတွေကို ဒီ post ကို ပြဖို့ မမေ့ပါနဲ့ဦးခင်ဗျာ။ သင်ကိုယ်တိုင် သောက်တယ်ဆိုရင်လည်း ဖြတ်ဖို့ အသိ၁ခု ဝင်သွားဖို့ မျှော်လင့်ပါတယ်။ သူများသောက်တဲ့ ဆေးလိပ်ငွေ့ကို ရှူခြင်းကြောင့် မိမိမှာ ဘာရောဂါတွေ ဖြစ်စေနိုင်လဲဆိုတာကိုတော့ ကွန်းမန့်ထဲမှာ ဝင်ရောက်ကြည့်ရှုနိုင်ပါတယ်ခင်ဗျာ 👇🏻 ကူးယူဖော်ပြခွင့်မပြုပါ။ လွတ်လပ်စွာ မျှဝေနိုင်ပါတယ် ခင်ဗျာ ✅ Dr. Beast 🚭

ကောင်းသောညခင်းလေးပါ မနက်ဖန်အားအင်အပြည့်နဲ့နိုးထနိုင်ဖို့ ကောင်းစွာအိပ်စက်အနားယူနိုင်ကျပါစေ

..အမှန်တွေ့လောကမှာအဲလို့မျိုးက ခပ်များများ......"မဖိနှိမ့်ပါနဲ့" ခွေးကိုက်မှာစိုးလို့ လမ်းဖယ်ပေးတာကို ခွေးကြောက်တယ်ထင်ပြီး ရှူးတိုက်ချင်သေးတယ်။ လည်မျိုတက်နင်းလို့ လျှာထွက်နေတာကို မျက်နှာပြောင်တယ်ထင်ပြီး ပါးရိုက်ချင်သေးတယ်။ ကြိုးစားနေချိန်မို့ သည်းခံနေတာကို ကြောက်တတ်တယ်ထင်ပြီး ဗိုလ်ကျချင်သေးတယ်။ အားနာလို့ လိုက်ရောတာကို အ,တယ်ထင်ပြီး အနိုင်ကျင့်ချင်သေးတယ်။ ရန်ကင်းချင်လို့ ခေါင်းငုံ့နေတာကို သတ္တိမရှိဘူးထင်ပြီး မိုက်ကြေးခွဲချင်သေးတယ်။ နိမ့်ကျသူမို့ နှိမ့်ချပြီးနေတာကို အဆင့်မရှိဘူး ထင်ပြီး မောက်မာချင်သေးတယ်။ လူတစ်ချို့က ငါ သူ့ကိုလုပ်ချင်တိုင်း လုပ်လို့ရတယ်၊ ငါ သူ့ကိုပိုင်တယ်၊ ငါ လုပ်သမျှ ငြိမ်ခံနေတာပဲ၊ ခေါင်းငုံ့နေတာပဲ၊ ငါ့ကိုသူ မတော်လှန်ရဲဘူးဆိုပြီး အပေါ်စီးက အမြဲနေချင်ကြတယ်။ တစ်နေ့တစ်ချိန်မှာ နာကျင်မှုတွေ ပြင်းထန်ပြီး သည်းခံမှု ကုန်ဆုံးလာရင် ပေါက်ကွဲထွက်လာမယ့် ဒဏ်ရာတွေက အင်မတန် ပြင်းထန်လာလိမ့်မယ်။ အဲ့အချိန်ကျရင် သတိထားပေတော့ တန်ပြန်သက်ရောက်မှုက နှစ်ဆကြီးမားမှာမို့ သူတစ်ပါးကို ဘယ်တော့မှ မဖိနှိမ့်ပါနဲ့။ #မေတ္တာဖြင့်ပြန်လည်မျှဝေလိုက်ပါသည် #လေးစားစွာဖြင့်_ပြန်လည်မျှဝေပါသည် #crd_to_owner_with_respect #CRD Pointရှာတဲ့post

ဒါမှ ငါတို့ သောက်အညာသားကွ ! ••••••••••••••••••••••••••••••••••••••••• ( ၀ ) ‌ကြည်နူးရတယ် ငါ့ကောင်တို့ရေ • • • • ကြည်နူးရတယ် ဟ ! ! ! လူညစ်လူလိမ်တွေ ပေါများတဲ့ ဒီခေတ်ကြီးထဲမှာ အင်မတန်သဘောထားဖြူစင်တဲ့ အညာသားတချို့ကို ငါပြန်တွေ့ရတာ သိပ်ပြီးဝမ်းသာတယ်။ ( ၁ ) ခြေနှစ်ချောင်းလုံးကျိုးပြီး ခွဲစိတ်ခန်းဝင်ရတဲ့ ကလေးတယောက်ကို အသိ‌ နောင်တော်ဆရာဝန် တာဝန်ယူပြီး အစအဆုံး ခွဲစိတ်ပေးလိုက်တယ်။ ကုသစရိတ်အပြင် - နောက်ထပ် လိုတာသုံးဖို့ ၁၀ သိန်းပေးတော့ • • • ကလေးအဖေက " မခွဲခင်က ဆရာတို့ ၇ သိန်းပေးထားတယ်၊ ခုခွဲစိတ်ခလည်း ဆရာတို့ပဲ အကုန်ကျခံထားတာ တဲ့၊ နောက်ထပ် ကလေးအတွက် သိပ်မလိုတော့ ဘူးမလားဆရာ " တဲ့။ ဆရာဝန်က " အေး - - - ကုန်စရာကြီးကြီးမားမား မရှိတော့ဘူး " လို့လဲ ဆိုလိုက်ရော - ကလေးအဖေနဲ့အမေက • • • • • " ဒါဆိုရင် ခု ထပ်ပေးမယ့် ၁၀ သိန်းကို တခြား ကလေးတယောက်ကို ထပ်ကူညီလိုက်ပါ " တဲ့။ ယီး !!! ( ငါ့ သောက်ရုပ်အကြမ်းကြီးနဲ့ မျက်ရည်ပါကျ ) ဟာကွာ ! ဒီလူ ဘယ်လိုလူလဲပေါ့။ မနေနိုင်လို့ သွားမေးမိတယ်။ ခင်ဗျားကို ပေးတာလေ ယူပေါ့ဗျာဆိုတော့ • • • ကျုပ်ကလေး ကျန်းမာရေးအတွက် လုံလောက်ပြီတဲ့။ သူနေကောင်းရင် - စား၊ဝတ်‌၊နေရေးအတွက် ကျုပ်တို့ဘာသာ ရုန်းကန်ပါမယ်တဲ့။ ဟာကွာ !! ဒါမှ ငါတို့ သောက်အညာသား၊ တောသားကွလို့ ပြောခဲ့မိလိုက်တယ်။ အေးရော။ ( ၂ ) မနေ့ညနေက နောက်တယောက်။ ဆေးမကုဘဲ ငလျင်ကြောင့် ပိထားတဲ့ ခြေထောက်ကို တိုင်းရင်းဒဏ်ကြေလိမ်းဆေး လိမ်းနေတာ။ အိမ်ကပြို လူကဒဏ်ရာကတော့ ကုစရာရှိပုံမပေါ်ဘူးရယ်။ ကျွန်တော်တို့ ဇွတ်အတင်းခေါ်ပြီး ဘာမှ မယူခဲ့နဲ့ ၊ အကျီပဲယူခဲ့၊ တို့ဆီမှာ ထဘီအသစ်တွေပါတယ်ဆိုပြီး ခေါ်ခဲ့လိုက်တယ်။ ကားပေါ်ရောက်တော့ • • • ဆေးရုံတက်ရရင် ဝတ်ဖို့ဆိုပြီး ထဘီ ၅ ကွင်းပေးလိုက်တယ်။ ဒါနဲ့ ဆေးရုံရောက် ! ဓါတ်မှန်‌ရိုက်တော့ ကျိုးနေတာတဲ့။ ဪ!!! ဟိုက ဆရာဝန်က ကျောက်ပတ်တီးစီးပြီးတော့ ဆေးရုံတက်စရာမလိုဘူးဆိုတာနဲ့ အိမ်ပြန်ပို့လိုက်တာ။ ရွာထိပ်ရောက်တော့ ထဘီလေး ၅ ကွင်းကို ပြန်ပေးရှာတယ်။ ဘာလို့လဲဆိုတော့ " ကျုပ်တို့မှာ ဝတ်စရာ အိမ်မှာရှိပါတယ် " တဲ့။ " တခြားလိုတဲ့သူတွေ ပေးလိုက်ပါ " တဲ့။ ဟ !!! ဘယ်လို အညာသူမ တွေလဲ? လို့။ ငါ ကြည်နူးရပြန်တယ်။ ( ၃ ) မနေ့က အိမ်သာတလုံး သွားမျှဝေတယ်။ အမြန်ဆောက်ကြဗျာ။ ကျုပ်တို့ တာဝန်ယူတယ်...ဆိုပြီး ပြန်လာခဲ့လိုက်တယ်။ ဒီနေ့ လမ်းသင့်တာ နဲ့ ဝင်ကြည့်တော့ - ပြီးသွားပြီ။ " ဟ ! ဘယ်လိုများ ဆောတ်လိုက်တာလဲ ? " " မြေကျင်းတူးခ ဘယ်လောက်ကျလဲ ? " မေးတော့ " အကိုတို့ အကုန်အကျများမှာစိုးလို့ ကိုယ့်ဘာသာ တူးလိုက်တာပါ " တဲ့။ ဟာ ! ဒီသောက်အညာသားတွေနဲ့တော့ ခက်ပြီ.... လို့။ ဒါနဲ့ ပြိုလုလုဖြစ်နေတဲ့ ဒီအိမ်ရော ပြင်ချင်စိတ်ရှိလားလို့ မေးတော့။ ရှိပါတယ်တဲ့ ... " လက်ထဲစုထားတဲ့ ၂ သိန်းရယ် ! နွားပေါက်တကောင်ရှိတာရောင်းပြီး ပြင်ကြမယ် " တဲ့။ ဟ ! ဘယ်လိုလုပ် ရမှာလဲလို့။ ငါတို့ ကူရမလားဆိုတော့ - အိမ်သာရရင်ပဲ ကျေနပ်ပါပြီတဲ့။ အခြားသူတွေ ကူလိုက်ပါတဲ့။ ဟောဗျာ ! အတော်ခက်တဲ့ လူတွေပါကွာ။ အတော်ကိုခက်တဲ့ လူတွေ။ ဒီလူတွေ ခုလိုပြောချိန်တိုင်း သူတို့မျက်လုံးတွေကိုသေချာအကဲခတ်မိတယ်။ လူကြားကောင်းအောင် ပေးကမ်းချင်အောင် ပြောနေကြတာမဟုတ်။ တကယ့်ရင်ထဲက ပြောနေကြတာ။ ငါ့ဘဝမှာ ငါ့ကိုယ်ငါ အညာသားအဖြစ် ဂုဏ်ယူ မိတာ ဒီတကြိမ် အကြီးမားဆုံးပါပဲ။ #မင်းထက်မြတ် ( မိတ်ထီလာ)

မေတ္တာစစ်နဲ့ ချစ်ပေးသူတွေကို တန်ဖိုးထားပါ ။ အကူအညီ လိုအပ်နေသူတွေကို မျှော်လင့်ချက်မထားဘဲ ကူညီပါ ။ နာကျင်စေသူတွေကို အငြိုးအတေးမထားဘဲ ခွင့်လွှတ်ပါ ။ ထွက်ခွာသွားသူတွေကို မေ့ပစ်ပါ ။ Credit to #ယူနိုရာ

🔸လူတိုင်းမှာ အားနည်းချက် ကိုယ်စီရှိကြတယ်။ ကိုယ့်ရဲ့ရုပ်ရည်၊ ကိုယ့်ရဲ့ပိုင်ဆိုင်မှုနဲ့ ကိုယ့်ရဲ့ တစ်ခြားသော အားနည်းချက်တွေကြောင့် ကိုယ့်ကိုကိုယ် မလုံမလဲ စိတ်တွေဝင်လာကြတယ်။ ကိုယ့်ရဲ့အားနည်းချက်တွေကို လက်မခံနိုင်ဘဲ ဖုံးကွယ်ဖို့ကြိုးစားရင်းကနေ သိမ်ငယ်စိတ်တွေပါ ဝင်လာကြတယ်။ ကြာလာတော့ ဘဝကို ရင်မဆိုင် ရဲကြတော့ဘဲ ကြောက်ရွံ့လာကြပါတယ်။ လွယ်လွယ်နဲ့ အရူံးပေးချင်လာကြပါတယ်။ ဒါက လုံးဝကြောက်စရာကောင်းတဲ့ ရှင်သန်မှုပဲလို့ ကျွန်တော်ထင်တယ် ။ တကယ်လဲ ရှိပါတယ် ကျွန်တော်တို့ ပတ်ဝန်းကျင်မှာလဲ တချို့ဆိုရင် သိမ်ငယ်စိတ်တွေကို တမလွန်အထိ ယူဆောင်သွားကြတယ် ။ တော်တော်စိတ်မကောင်း ဖြစ်မိတယ် ။ အဲ့တော့ အသက်အရွယ် ငယ်တုန်းကနေစပြီး.. ကျွန်တော်တို့ စနစ်တကျနဲ့ ဘဝကို ပြင်ဆင်နေထိုင်သွားသင့်တယ် လို့ ထင်တယ် ။ ဘဝကို မကြောက်မရွံ့ရင်ဆိုင်ဖို့၊ လွယ်လွယ်နဲ့ အရူံးမပေးဖို့ဆိုရင် သင်ဟာ ရင့်ကျက်ဖို့ လိုပါတယ်။ ဘယ်သူ့ကိုမှ မကြောက်ရဘူး။ ရှင်ဘုရင်ပဲဖြစ်ဖြစ်၊ ဆင်ရဲသားပဲ ဖြစ်ဖြစ် ရုပ်ချောချော၊ ရုပ်ဆိုးဆိုး၊ ချမ်းသာတဲ့ သူဖြစ်ဖြစ်၊ ဘယ်သူပဲဖြစ်နေပါစေ အေးအေးဆေးဆေး ရင်ဆိုင်ရဲရမယ်။ ပျာယာခက်တဲ့ အကျင့်ကို ဖျောက်ရမယ်။ ခြေတုန်၊ လက်တုန်တာမျိုးတွေ မလုပ်ရဘူး။ မလောရဘူး။ ရဲရဲကြည့်ရမယ်။ ပြုံးပြနိုင်ရမယ်။ တစ်စုံတစ်ယောက်နဲ့ စကားပြောတဲ့ အခါပဲ ဖြစ်ဖြစ်၊ နုတ်ဆက်တဲ့ အခါပဲ ဖြစ်ဖြစ် မျက်လုံးချင်းဆိုင်ရမယ်။ ရိုးသားရမယ်။ ဖြူစင်ရမယ်။ ဘယ်သူ့ကိုမှ လူလည်မကျရဘူး။ မညစ်ပတ်ရဘူး။ မယုတ်မာနဲ့။ ပြတ်သားရမယ်။ အားမနာသင့်တဲ့အခါ အားနာ မနေနဲ့။ သည်းခံနိုင်တဲ့ အတိုင်းအတာထိပဲ သည်းခံရမယ်။ ရဲရင့်ရမယ်။ သန်မာရမယ်။ သတ္တိရှိရမယ်။ လူတွေရဲ့အမြင်ကို သောက်ဂရုမစိုက်နဲ့။ လူတိုင်း သဘောကျအောင်မနေနဲ့။ ကလေးဆန်တဲ့ အကျင့်တွေ ပြင်ရမယ်။ လိုချင်တာ မရလို့ ကလေးဆန်ဆန် ငိုတာမျိုး၊ မျှော်လင့်သလို ဖြစ်မလာလို့ ဒေါသထွက် ပူဆွေး နေတာမျိုးတွေကို ရှောင်ရမယ်။ ငြင်းပယ်မှုကို လက်ခံနိုင်ရမယ်။ ခါးသီးမှုတွေကို လက်ခံနိုင်ရမယ်။ စွန့်လွှတ်မှုတွေကို နားလည်နိုင်ရမယ်။ ပွင့်လင်းရမယ်။ အရှိကို အရှိအတိုင်း လက်ခံ နိုင်ရမယ်။ ဟန်ဆောင်မနေနဲ့။ လွတ်လပ်စွာနေရမယ်။ ဘယ်သူ့ရဲ့ လွှမ်းမိုးမှုကိုမှ မခံနဲ့။ လောင်းရိပ် မမိစေနဲ့။ လူတိုင်းကို လေးလေးစားစား ဆက်ဆံနိုင်ရမယ်။ နိုင်တဲ့သူကို နှိမ်တာမျိုး မလုပ်ရဘူး။ မလိုအပ်တာတွေကို စွန့်လွှတ်နိုင်ရမယ်။ လူတွေကို အရမ်းကြီး အပြစ်မမြင်နဲ့။ အဝေအဖန် မစောစေနဲ့။ အလိုက်သိတတ်ရမယ်။ ဘယ်အရာမှ အလကား မလိုချင်နဲ့။ သူတစ်ပါးဆီက အရာတွေကို လူလည်ကျ အလကား လိုချင်တာမျိုးတွေကို ရှောင်ပါ။ မလိုအပ်ပဲ အကူအညီ မတောင်းနဲ့။ ကိုယ်တိုင်လုပ်နိုင်အောင် ကြိုးစားပါ။ ကိုယ့်ဘဝကိုယ် ကျေနပ်ရမယ်။ အခြားသူတွေနဲ့ ယှဉ်ပြီး သိမ်ငယ်နေတာဟာ မရင့်ကျက်ခြင်းပဲ။ အမှီအခိုကင်းရမယ်။ တစ်ယောက်ထဲလည်း ရပ်တည် နိုင်ရမယ်။ ကိုယ်လုပ်မှ ကိုယ်စားရမှာ။ ဒါကြောင့် တစ်ယောက်ထဲ ရှင်သန်နိုင်ဖို့ ဘာကိုမှကြောက်မနေသင့်ဘူး။ ကိုယ့်အိမ်မက်ကိုယ် အကောင်အထည်ဖော် နိုင်ရမယ်။ ရူံးမှာကို မကြောက်သင့်ဘူး။ စာဖတ်ရမယ်။ စာဖတ်ခြင်းက လောကကိုရင်ဆိုင်နိုင်ဖို့ တွန်းအားတစ်ခုပဲ။ လဲကျနေရင် ပြန်ထပါ ဘယ်တော့မှ ခြေလှမ်းတွေကို မရပ်တန့်မိပါစေနဲ့။ ပထမခြေလှမ်းမှာ ခြေတုံချတုံဖြစ်နေမှာက လူသားလို့ ခံယူထားသူတိုင်း ကြုံရမှာပါ .. ဒါက ပုံစံပဲလေ ဒါမဲ့ အဲ့ပုံစံကနေ ကိုယ်ကိုယ်တိုင် ရုံးထွက်နိုင်အောင် ကြိုးစားရမှာလေ..... နောက်ဆုံးပြောချင်တာ... ဒီစာကိုဖတ်နေတဲ့ ကျွန်တော်ရဲ့ Friend လေးတွေ အတွက် စကားလက်ဆောင်လေးကတော့... သက်မဲ့ သစ်ရွက်လေးတွေတောင်မှ.. လေမင်းရဲ့ စေခိုင်းမှုနဲ့ လွန့်လူးကြ.. ဝဲပြန်ပြရသေးတာပဲ... ငါက.. လူသားတစ်ယောက်ပဲ... သူတပါးခိုင်းစေတာကို ဘာလို့စောင့်နေမှာလဲ မိမိဦးနှောက်က မိမိကိုယ်ကို ခိုင်းစေ တတ်အောင် အဖန်ဖန်ကြိုးစားပါ ။ အားအင်တစ်ခု ရပါစေ 🙏 #မေတ္တာဖြင့် #စာပေ #ဗဟုသုတ #စာပေချစ်သူ #စာပေကြိုက်သူများ #ဘဝစာပေ #လူငယ်များအတွက့်စာကြည့်တိုက့် #မေတ္တာဖြင့်ပြန်လည်မျှဝေပါသည် #မူရင်းရေးသားသူအားလေးစားလျှက် #လေးစားစွာဖြင့်