ငယ်ငယ်ကလောက် ***ဉာဏ်မကောင်းတော့ဘူး၊ ခုတလော ခဏခဏ မေ့တတ်လာတယ်***ဆိုပြီး စိတ်မကောင်း မဖြစ်ပါနဲ့နော်။ 🤗 ဦးနှောက်ဆိုတာ ဓားတစ်လက်လိုပါပဲ။ သွေးလေလေ ထက်လေလေမို့ ပြန်လည်သွေးယူလို့ ရပါတယ်။ ကိုယ့်ရဲ့ မှတ်ဉာဏ်စွမ်းအားတွေ ပြန်ကောင်းလာဖို့ ဒီနည်းလမ်း (၅) ခုကို ပုံမှန်လေး လုပ်ကြည့်ဖို့ တိုက်တွန်းချင်ပါတယ်။ 👇 (၁) တရားထိုင်ပါ 🧘‍♀️ ******************* တရားထိုင်တာက စိတ်ကို တည်ငြိမ်စေပြီး အာရုံစူးစိုက်မှုကို အားကောင်းစေပါတယ်။ နေ့စဉ် ပုံမှန်လေး တရားထိုင်ပေးတာက မှတ်ဉာဏ်စွမ်းရည်ကို သိသိသာသာ မြင့်တက်လာစေမှာပါ။ (၂) ချရေးပါ၊ မှတ်စုထုတ်ပါ ✍️ *************************** "နှစ်ထပ်ရှိမှ မှတ်မိတယ်" ဆိုတဲ့ စကားလိုပါပဲ။ ခေါင်းထဲမှာပဲ မှတ်ထားမယ့်အစား စာအုပ်ထဲမှာ ချရေးလိုက်တာက ဦးနှောက်ကို ပိုစွဲမြဲစေပါတယ်။ မေ့သွားရင်လည်း ပြန်လှန်ကြည့်လိုက်ရုံပဲလေ။ (၃) အိပ်ချိန်၊ ထချိန် မှန်ပါစေ ⏰ ****************************** ဦးနှောက်က ညဘက် လူအိပ်ပျော်နေတဲ့အချိန်မှာ အလုပ်လုပ်ပါတယ်။ မလိုအပ်တဲ့ အချက်အလက်တွေကို ဖျက်၊ လိုအပ်တာတွေကို သိမ်းဆည်းပြီး ဦးနှောက်ကို ‘သန့်ရှင်းရေး’ လုပ်တာပါ။ ဒါကြောင့် ညဘက်တွေမှာ ပြည့်ဝစွာ အိပ်စက်ဖို့ လိုပါတယ်။ (၄) လေ့လာမှုတွေ မရပ်လိုက်ပါနဲ့ 📚 ********************** စက်ပစ္စည်းတွေတောင် မသုံးဘဲ ပစ်ထားရင် သံချေးတက်သွားသလို ဦးနှောက်ကလည်း မသုံးရင် လေးလံသွားတတ်ပါတယ်။ စာဖတ်ပါ၊ အသစ်အဆန်းတွေ လေ့လာပါ။ ဦးနှောက်ကို အမြဲတမ်း Active ဖြစ်နေအောင် ထားပါ။ (၅) စိတ်ဖိစီးမှုတွေ လျှော့ချပါ 💆‍♂️ **************************** Stress များလာရင် ဦးနှောက်က ကောင်းကောင်း အလုပ်မလုပ်နိုင်တော့ပါဘူး။ ဒါကြောင့် စိတ်ဖိစီးမှုတွေကို တတ်နိုင်သမျှ လျှော့ချပြီး နေထိုင်တာက မှတ်ဉာဏ်အတွက် အကောင်းဆုံး ဆေးတစ်လက်ပါပဲ။ ဒီအချက်လေးတွေကို နေ့စဉ်ဘဝမှာ အကျင့်လုပ်ပြီး လိုက်နာကြည့်မယ်ဆိုရင် ဉာဏ်ကောင်းပြီး ထက်မြက်တဲ့သူတစ်ယောက် ဖြစ်လာမှာ အသေအချာပါပဲနော်။ 💪✨ သူငယ်ချင်းတွေလည်း သိရအောင် ဒီ Post လေးကို Share ပေးသွားပါဦး။ Family Cooking ++++++++++++++++ #ဆေးနည်း #ကျန်းမာရေး #familycooking #မေ့ #ခဏခဏ

အိမ်တိုင်းအိမ်တိုင်းမှာ မုရိုးပင် တပင်လောက်တော့ စိုက်ထားသင့်တဲ့ အကြောင်းအရင်း🌿🌿🌳 အရိုးတစ်ချောင်းမှာ အရွက်က တစ်ဖက်တစ်ချက် ထွက်ပြီး အကိုင်းဖျားအထိ အရွက်က အစိမ်းရောင်ရင့်ရင့်၊ အမွှေးနုပါတဲ့ဖက်က အဖြူရောင်ဖက်ကို နဲနဲယိမ်းပါတယ်။ အသီးက စိမ်တစ်လုံး သရက်လို ပုံသဏ္ဌာန်ရှိတယ်။ ဒါပေမဲ့ အထဲမှာက လေအပွသီး ဝတ်ဆံအနက်နဲ့၊ အမွှေးမျှင်မျှင်တွေ လေမှာပျံပြီး မျိုးပွားတယ်။ ACID ဓါတ်များပါတယ် ကျွဲမရိုးလည်း ခေါ်တယ် တောင်မရိုးပင်လည်း ခေါ်တယ်။ အညာဒေသမှာတော့ မရိုးပင်လို့ ခေါ်ပါတယ်။ ကျွဲပေါက်ပင်လို့လည်း ခေါ်ပါတယ်။ ရခိုင်ဒေသမှာ မုရိုးပင်ကို ဖြူကြီးပင်လို့ခေါ်တယ်။ ငဖြူ ကြီးပင်လို့လည်းခေါ်ပါတယ်။ပြည်ဘက်မှာတော့ နွားဖြူကြီးပင်(နွားနို့ခဲ) အပင်လို့ ခေါ်ပါသည်။ ဆေးနည်းများ (၁) ဒူးနာ ခါးနာဖြစ်ရင် အရွက်ကို ရေနဲ့ သေချာဆေးပါ။ ပြီးတော့ အရွက်ကို မီးကင်ပြီး ၂ည ၃ည ပတ်စီးပေးရင် ယူပစ်သလို ပျောက်ပါတယ်။ (၂) လေးဘက်နာပျောက်တယ် အပင်ရော အမြစ်ပါမကျန်နူတ်ပြီး အိုးထဲမှာထည့် အပေါ်ကနေ ဆေးရွက်ကြီးအုပ် ရေထည့်ပြုတ်ပါ။ အဲဒီရေကို ချိုးပေးပါ။ နောက်တနည်းကတော့ မရိုး အမြစ်နဲ့ ဆန်ဆေးရည် သွေးပြီး လိမ်းရင်လည်း အဆစ်အမြစ်ရောင် လေးဖက်နာ ပျောက်ပါတယ်။ (၃) ခြေထောက်ခေါက်လဲလို့ မျက်သွားပြီး ယောင်ကိုင်းနေရင် မုရိုးစေးကို အသာလေး ပွတ်လိမ်းပေးပြီး အရွက်ကို မီးကင် လက်လေးနဲ့ အသာလေးချေ အပြန့်လိုက် ကပ်ပြီး ပိတ်စနဲ့ စည်းထားလိုက်ပါ။ (၄) ကြွက်နို့ကိုဖြတ်ပြီး အစေးနဲ့ တို့ထားရင် အမြစ်ပါ စားပြီး ကျင်းခွက်လို ဖြစ်သွားတယ်။ ပြီးတော့ ပျောက်သွားတယ်။ ငါးမျက်စိ ပေါက်နေသူများ မုရိုးရွက်ကို ချိုးလိုက်တဲ့အခါ ထွက်လာသော အစေးနဲ့ ခဏခဏ တို့ပေးပါ။ အလိုလို ထွက်ကျလာမည်။ (၅) ခြေထောက်မှာ ဝတ်ဆံတည်တာကို ခြေပူနာလို့ ခေါ်ပါသည်။ ကြက်ဆူး ထည့်သွားပြီဆိုရင် ခဲနင်းမိပါက အမလေး တ ရတဲ့ အနာပါ။ အနာထိပ်ကို ဓားနှင့် လှီးပြီး အစေးကို သုတ်လိမ်းပေးပါက ပျောက်ပါသည်။ (၆) အမျိုးသမီးများ သားအိမ်အတွင်း သွေးလုံး လေလုံးဖြစ်ခဲ့ပါလျှင် မုရိုး၅ပွင့်ကို နှမ်းဆီနှင့်ကြော်စား၊ ဝမ်းဗိုက်ကို မုရိုးစေးနှင့် ဆနွင်းမှုန့် ဆတူရောစပ် လိမ်းပေးပါက တဖြည်းဖြည်း သေးငယ်ပြီး သက်သာပျောက်ကင်းစေပါတယ်။ ဓမ္မတာမမှန်တာ သွေးမပေါ်တာဆိုရင် အရည်ညှစ်ပြီး နှစ်ခေါင်းထဲကို တစ်စက်ဆီ ထဲ့ပေးပါ။ သွေးချက်ချင်း ဆင်းပါတယ်။ (၇)ပန်းနာ ရင်ကြပ် ရောဂါ ပျောက်ပါတယ် မရိုးပင်ကို ၃လက်မ လောက်ဖြတ်ပြီး နေလှမ်းပါ။ ခြောက်သွေ့တဲ့အခါ မီးရှို့ပြာချပါ။ ပြာကို ရေစိမ် မွှေပေးပြီး အနယ်ထိုင်ရင် အရေကြည်ကို ဆားချက်ပါ။ မုရိုးကြီးရုက္ခမူ ဆားရမယ်။ အဲဒီဆား တစ်ပဲသားကို ပျားရည် တစ်ဆယ်သားနဲ့ ရောသမမွှေ သုံးဆောင်ပါ။ (၈) ဆူး စူးပြီး ဆူးကိုထွင်လို့ မရတဲ့အခါ ဒီအပင်ရဲ့အစေးကို ထည့်လိုက်ပါ။ နာရီ အနည်းငယ်ကြာတဲ့အခါ ဆူးက သူ့အလိုလို အပြင်ကို ထွက်လာပါတယ်။ ဆူး စူးပြီး အနာဝ ပိတ်သွားလို့ ဆူးကျန်ပြီး အထဲက နာနေလျှင်လည်း အနာဝကို ဖွင့်ပြီး အစေးချ အရွက်မီးကင် ကပ်လိုက်တာ ညောင့်ထွက်လာပါတယ်။ ခြေထောက်မှာ ဆူးစူးလို့ ရှာမရဖြစ်နေရင် အစေးကို အနာဝပေါ် တို့ပြီး အရွက်ကို မီးကင်ကပ်ရင် ဆူးထွက်ပါတယ်။ ပတ်တီးဖွဖွလေး စည်းထားရင်လည်း အဆင်ပြေပါတယ်။ ကန္တာရဆူး စူးပြီး တော်တော်နာနေတာ အပ်နဲ့ကော်ထုတ်လဲ မရပါ။ အသိတစ်ယောက်ကပြောလို့ မုရိုးအစေးနဲ့ ကပ်လိုက်တာ နောက်နေ့ အနာကိုညှစ်လိုက်တော့ ဆူးပါသွားတယ်။ (၉) ချောင်းဆိုး တီဘီ အဆုတ်နာ မုရိုးရွက် တစ်ရွက်၊ ကွမ်းရွက်တစ်ရွက်၊ ဆားအနည်းငယ် ထည့်ပြီး ပြာချပါ။ အဲဒီပြာကို လျှက်ဆားလို တစ်နေ့ အနည်းငယ် လျှက်ပေး ပါ ပျောက်ပါတယ်။ (၁၀) အနာစိမ်း မွှေးကျွတ်နာ အနာလုံးများပေါက်ရင် အနာပေါ်မှာ အရွက်ကို မီးလေးပြပြီး ကပ်ထားပါက အလျှင်အမြန် ပျောက်ကင်းပါသည်။ (၁၀) ထိပ်ကပ်နာခေါ်တဲ့ နှာပိတ်ရောဂါကို မရိုးအစေးဖြူလေး နှာခေါင်းထိပ်ထဲ ထည့်ပေးပြီး ၁၀မိနစ်လောက်နေရင် နှာဆက်တိုက်ချေပြီး နှပ်ပုတ်များ ထွက်လာကာ သက်သာ-ပျောက်ကင်းပါသည်။ ထိတ်ခတ်နာကို အရွက်ကိုနေလှန်း ဆေးလိပ်လိုလိပ်၍ မီးရှို့ပြီး ရှူပါ။ ပြီးတော့ နှာခေါင်းမှ ပြန်ထုတ်ပါ။ ပျောက်ကင်းပါသည်။ ထိပ်ကပ်နာ နားခေါင်းယားလျှင် အရွက်ကို ချေပြီး ရှူပေးပါ။ မရိုးရွက်ကို အခြောက်လှမ်း ဆေးလိပ်တွင် ထည့်ကာ မီးခိုးကို ရှူပါက နှာရည်များကျကာ ပွင့်သွားပါသည်။ တစ်သက်လုံး မယားတော့ပါ။ နှာခေါင်းပိတ်(ထိပ်ကပ်နာ) အသက်ရှူကြပ်ရောဂါရှိသူများ မရိုးရွက်မီးကင်ကို နှာခေါင်းအတွင်းမော့၍ ညှစ်ထည့်ပါ။ ခဏအကြာတွင် နှာချေ၍ နှာခေါင်းအတွင်းမှ အဝါရောင် အညစ်ကြေးများ ထွက်လာပြီး လုံးဝကောင်းသွားပါမည်။ ဆေးလိပ် အသောက်များသူများ မရိုး အရိုးအခြောက်ကို ဆေးလိပ်သောက်သကဲ့သို့ တစ်ဖက်မှမီးရှို့၍ တစ်ဖက်မှရှူပေးလျှင် ဆေးလိပ်ချိုး ချေးများ ပြန်အန်ထွက်လာပါလိမ့်မည်။ နှာခေါင်း ခဏခဏ ပိတ်ရင် မုရိုးရွက် အခြောက်ကို မီးခဲပေါ်တင် ရှူပါက သက်သာတယ်။ မုရိုးခေါ် မရွေး တစ်နည်း ဖြူကြီးရွက် ၇ ရွက် ဖင်ပြန် ခေါင်းပြန် ထပ်ပါ။ ထပ်ပြီးရင် ကတော့ထိုးပါ။ ကတော့ထဲမှာ ဆားထည့်ပြီး မီးဖြင့်ဖုတ်ပါ။ ရလာသော ဆားမီးဖုတ်ကို တစ်နေ့ သုံးကြိမ် ရွေးစေ့ငယ်ခန့် လျှက်ပေးပါက ပန်းနာရင်ကြပ် လုံးဝ အမြစ်ပြတ် ပျောက်ပါတယ်။ တစ်လလောက် သီးခံလျှက်ပေးပါ။ (၁၁) အစာအိမ်ရောဂါ ဖြစ်ပါက မုရိုးရွက်တစ်ရွက်ကို အရင်းအဖျား စတိပယ်ပါ။ ရှောက်ရွက် ခုနစ်ရွက်၊ အိမ်သုံးဆား ခုနစ်ကျပ်သား ရောပြီး အိုးထဲထည့် အလုံပိတ် မီးဖုတ်။ ပြာကျ သွားပါက အစာစားပြီးတိုင်း လျှက်ပေးပါ။ ပျောက်ကင်း၏။ (၁၂) သွားကိုက်ရင် သွားအခေါင်းထဲကို ဂွမ်းစလေးနဲ့ သူ့အစေးကိုတို့ပြီး သိပ်ထားပါ။ ခဏနဲ့ ပျောက်ပါတယ်။ သွားအခြေကို အစေးတို့ပြီး ငါးမိနစ်ခန့်အကြာမှာ အဲဒီသွားကိုနှုတ်ရင် အလွယ်တကူ ကျွတ်ပါတယ်။ အသံမထွက်တဲ့လူများ အသံ ထွက်လာပါလိမ့်မယ်။ ဆေးနည်းကတော့ အရွက်ကို ခြောက်အောင်နေလှမ်းပါ။ ခြောက်တဲ့အရွက်ကို မီးကင်ပါ။ ပြာဖြစ်အောင် ကင်ရမှာပါ။ အဲဒီကင်ပြီးသား အရွက်ကို အမှုန့်ကြိတ်ပြီး ပျားရေနဲ့ နယ်ကာ လက်ဖက်စားဇွန်းနဲ့ တစ်နေ့ သုံးကြိမ် နံနက် နေ့ ညနေ စားပေးပါ။ ၃လကြာရင် အသံထွက်လာပါမယ်(မွေးရာပါ စကားမပြောနိုင်တဲ့ လူများ မပါပါ။) မြင်းစဂုံနီမြစ် မရိုးမြစ် မိုးနံမြစ်တို့ကို သွေးပြီး လိမ်းပါက အနာမျိုးစုံပျောက်ပါသည်။ သံနဲ့ ထိခိုက်မိရင် ချက်ချင်း သူရဲ့အစေး အဖြူရောင်ကို အနာမှာထည့်ပါ။ မူရင်းရေးသားသူများအားလေး စားစွာခရက်ဒစ်ပေးပါသည်။ #မြန်မာတိုင်းရင်းဆေး #ကျန်းမာရေးဗဟုသုတရကြပါစေ #sweswe #frypanシ゚viralシ

ရှေးလူကြီးသူမတို့‌၏ အမှာစကားများထဲ၌ ... အိမ်ရှေ့မှာ တမာ၊ အိမ်နောက်မှာ ကတက် မလုပ်ပဲလည်း စီးပွားတက် ဟု ဆိုခဲ့၏။ ယနေ့ခေတ်၌ ထိုသို့ ပြောမည်ဆိုလျင်... ရူးပကွာ မလုပ်ပဲနဲ့တော့ ဘယ်လိုလုပ်စီးပွား ကြီးပွားမှာလဲ ဟု အငြင်းပွားကြမည်မှာ အမှန်။ ။ အရိုးသားဆုံး ဝန်ခံရလျင်... ထိုစကား၏ အနက်အဓိပ္ပါယ်အား သိချင်လွန်း၍ လေ့လာကြည့်သော်လဲ.... အကျယ်တဝန်း ဖော်ပြထားခြင်းကို မတွေ့ရသောကြောင့်.... ဆိုလိုရင်းအမှန်ကို ကျနော်လည်းပဲ တိတိကျကျ မသိပါ။ သေခြာသည့်အချက်ကတော့... အိမ်ရှေ့တမာ အိမ်နောက်ကတက် ရှိသော မိသားစုနှင့် သာမာန်မိသားစု မည်သည့်အလုပ်ကိုဖြစ်စေ၊ မည်သည့်စီးပွားရေးကိုဖြစ်စေ ပြိုင်၍ ပြုလုပ်မည်ဆိုပါက ရှေးလူတို့ဆိုခဲ့သည့်အတိုင်း ... မည်သို့မှပြိုင်မရကြောင်း... အတွေ့အကြုံအရ ကျနော်ကောင်းကောင်း သိသည်။ ထို့အပြင်... တမာပင်သည် ဆေးဖက်ဝင်သော အပင်ဖြစ်ပြီး လူသားတို့အတွက် အလွန်အထောက်အကူ‌ပြုသလို ကတက်ပင်သည်လည်း ဆေးဖက်ဝင်အပင်ဖြစ်ပြီး လူသားတို့အတွက် အလွန်အကျိုးပြုသော အပင်များဖြစ်နေခြင်းကြောင့်... ထိုအပင်များ စိုက်ထားခြင်းက.... ကောင်းကျိုးများစွာ ရနိုငကြောင်း သေခြာသည်။ ကတက်ရွက်ကို ကျနော်တို့နိုင်ငံရှိ လူမျိုးတိုင်းက နှစ်သက်စွာ စားသုံးကြပြီး.. ကတက်ပင်၏ ပဉ္စငါးပါးလုံးက ဆေးဖက်ဝင်သည်။ ကတက်ရွက်ကို အချဉ်တည်ပြီး တို့စရာအဖြစ်စားကြသလို.. အခြားသော အသားငါးများဖြင့်လည်း ကြော်စား ချက်စားကြပါသည်။ ထိုသို့ စားပေးခြင်းက လေကို နိုင်စေပြီး... လေနာရောဂါရှင်များအတွက် ဆေးကုပြီးဖြစ်သလို သွေးအားနည်း သွေးပေါင်ကျတတ်သူများအတွက် အလွန်အထောက်အကူဖြစ်စေသည်။ မြန်မာ့တိုင်းရင်းဆေးကျမ်း၏ အဆိုအရ... ကတက်သည် ခါး သက် ၏ ပူ၏ ဝမ်းမီးကိုတောက်စေ၏။ အနည်းငယ် ဝမ်းကို သက်စေ၏။။ လေသလိပ်ကို ကြေစေ၏ ဆီးအောင့်ရောဂါ ဆီးပူ ဆီးကျင်ရောဂါ၊ ဆီးချို၊ ကျောက်တည်၊ အကိုက်အခဲ ဖျားနာခြင်းနှင့် ရောဂါပေါင်းများစွာကို ကုသရာ၌ အသုံးပြုနိုင်ကြောင်း ဖော်ပြထားပါသည်။ လေးဖက်နာ ကဲ့သို့သော ဝေဒနာ အဆစ်အမြစ်ရောင် ခြင်း စတဲ့ ခံစားနေရပါက... ကတက်ရွက်ကိုထောင်းပြီး သတ္တုရည်ယူ ကွမ်းရွက်ကိုထောင်းပြီး သတ္တုရည်ယူ ထိုအရည်၂မျိုးအား ဆတူရောပြီး ထောပက်သင့်ရုံထည့် သောက်ပါက ရောဂါသက်သာစေမည်။ လေနှင့်ဆိုသော ရောဂါဝေဒနာရှိသူများ ... အပေါ်လေ အောက်လေ ပိတ်တတ်သူများ လေခွေ့ လေထိုး လေအောက် ခဏခဏဖြစ်သူများ ကတက်ရွက် ကတက်ချဉ်ကို မကြာမကြာ စားပေးပါက ဝေဒနာ သက်သာစေမည်။ ဆီးလမ်းကြောင်းနှင့်ဆိုင်သော ရောဂါများ ဆီးချို ရောဂါ ဆီးအိမ်ရောင်ခြင်း နှင့် မည်သည့်နေရာ ကျောက်တည်နေသည်ဖြစ်စေ .. ကတက်မြစ်ကို အသုံးပြု၍ ကုသနိုင်ပါသည်။ ဖော်ပြပါ ရောဂါအတွက်... ကတက်မြစ် ၁၀သား ရေသန့်၄၀သား ကို တစ်ခွက်ကျန်တဲ့အထိ ပြုတ်သောက်ပေးရပါမည်။ ရောဂါအပေါ်မူတည်၍ နေ့စဉ် ပုံမှန် သောက်ပေးပါ ဝေဒနာ သက်သာစေပါမည်။ ကတက်ခေါက်ကို အနာပဆုပ် သွေးဆူးနာ ဂရင်ဂျီနာ သက်တန့်နာ စတဲ့ အနာများပေါက်ပါက ပရန္နဝါနှင့်ရောသွေးပြီး လိမ်းပေးပါက နုလျင်ပိန် ရင့်လျင်ပေါက်ပြီး အနာရောဂါ သက်သာစေမည်။ အပြင်းဖျားသော ဖျားနာရောဂါအတွက်.. ကတက်ခေါ်ကိုသော်၎င်း၊ ကတက်အမြစ်ကိုသော်၎င်း သုံးခွက်တစ်ခွက်တင် ကျိုပြီးပြုတ်ရေကို သောက်ပါက ဖျားနာရောဂါ သက်သာပါမည်။ ဗ‌ဟုသုတအဖြစ်မျှဝေပေးခြင်းဖြစ်ပြီး... လိုအပ်လာပါက ယုံကြည်စွာအသုံးပြုနိုင်ရန် ရည်ရွယ်၍.... #crd #သမားတော်တိုင်းရင်းဆေး ..

ကျွန်မတို့ အဘွားလည်း အရင်က ဒီလိုပဲ ဖြစ်ဖူးတယ် 🌿 နေပူပြင်းပြင်းတွေ့ရင် သွေးတိုးတတ်တယ်။ ခဏလေး လမ်းလျှောက်ပြီးပြန်လာတာနဲ့ ခေါင်းမူး၊ မျက်လုံးတွေဝါး၊ နားထင်ကိုက်ပြီး အမြဲတမ်း အိပ် အနားယူနေရတယ်။ 😣 တစ်နေ့မှာတော့ အိမ်နားက အဒေါ်တစ်ယောက်က "ဒန့်ဒလွန်ရွက်" ကို စမ်းကြည့်ဖို့ အကြံပေးတယ်။ ဒါနဲ့ ကျွန်မတို့လည်း အရွက်နုလေးတွေကို ခူး၊ သန့်စင်အောင်ဆေးပြီး ရေနွေးနဲ့ ပြုတ်ကာ နွေးနွေးလေး တစ်ငုံချင်း သောက်ကြည့်တယ်။ နည်းနည်းတော့ ခါးပေမယ့် သောက်လို့တော့ ရပါတယ်။ 🍵 ၂ ရက် ၃ ရက်လောက် ဆက်သောက်ပြီးတဲ့နောက်မှာတော့ ခေါင်းမူးတာတွေ သက်သာလာတယ်၊ အိပ်ပျော်တာ ပိုကောင်းလာတယ်၊ အရင်လို မျက်လုံး လွယ်လွယ် မဝါးတော့ဘူး။ အပ်ချုပ်ရင်လည်း အရင်ကလို ခဏခဏ နားစရာ မလိုတော့ဘူး။ 🌱 ကျွန်မတို့ အထူးကောင်းတယ်လို့ ယူဆတဲ့ ဒန့်ဒလွန်ရွက်ရဲ့ အကျိုးကျေးဇူးများကတော့... • သွေးပေါင်ချိန်ကို မျှတအောင် ထိန်းညှိပေးနိုင်ခြင်း • သွေးတွင်းသကြားဓာတ်ပမာဏကို ထိန်းချုပ်ပေးနိုင်ခြင်း • ဗီတာမင်အေ မြင့်မားစွာ ပါဝင်လို့ မျက်စိ အားကောင်းစေခြင်း • ကယ်လ်ဆီယမ်များစွာ ပါဝင်လို့ အရိုးနဲ့သွားတွေကို သန်မာစေခြင်း • ဟင်းသီးဟင်းရွက် အများစုထက် ပရိုတင်းဓာတ်ပိုများလို့ ခွန်အားဖြစ်စေခြင်း • ဓာတ်တိုးဆန့်ကျင်ပစ္စည်း (Antioxidants) များ ပါဝင်လို့ ခန္ဓာကိုယ်ကို လန်းဆန်းစေပြီး အသားအရေ မပျက်စီးစေခြင်း • ညအိပ်ရာဝင်ခါနီး သောက်ရင် ကောင်းကောင်း အိပ်ပျော် စေခြင်း 🍃 အဘွားပုံမှန်လုပ်တဲ့ နည်းလမ်းကတော့... • အရွက်စိမ်းသုံးနည်း - ဒန့်ဒလွန်ရွက် လက်တစ်ဆုပ်ကို သေချာဆေးပါ။ ရေ ၁ လီတာခန့်ကို ဆူအောင်တည်ပြီး အရွက်တွေထည့်ကာ ၅-၇ မိနစ်လောက် ထပ်ပြုတ်ပါ။ ရေကို စစ်ယူပြီး ညနေဘက် နွေးနွေးလေး သောက်ပါ။ • အရွက်ခြောက်သုံးနည်း - ဒန့်ဒလွန်ရွက်တွေကို ဆေးပြီး နေလှန်းအခြောက်ခံကာ ပုလင်းထဲ ထည့်သိမ်းထားပါ။ သောက်မယ်ဆိုရင် လက်ဖက်ရည်ဇွန်း ၁-၂ ဇွန်းခန့်ကို ရေနွေးထဲမှာ လက်ဖက်ရည်ကြမ်းဖျော်သလို စိမ်ပြီး သောက်ပါ။ ဒီလို ကိုယ့်အနီးအနားမှာ ရှိတဲ့ အကောင်းစားပစ္စည်းမျိုးကို ဈေးကြီးပေးပြီး ရှာဝယ်စရာမလိုပါဘူး 💚 မှန်မှန်လေး ရက်အနည်းငယ် သောက်လိုက်ရုံနဲ့ ခန္ဓာကိုယ် ပေါ့ပါးလန်းဆန်းလာတာကို ခံစားရမှာပါ။ စမ်းကြည့်ပါ၊ တကယ် အကျိုးရှိပါတယ်လို့ ကျွန်မ ထင်ပါတယ်။ ကျန်းမာချမ်းသာလို့ ပျော်ရွှင်ကြရပါစေ 🙏🏻 MON SOUNG #MONSOUNG #fblifestyle

ဝဋ်နာကံနာ ဆိုတာလား မသိပါဘူးကွာ.... စားချင်တာမစားရ သောက်ချင်တာမသောက်ရနဲ့... သူတို့ ခံစားနေရတာကို ကြည့်ပြီး... အတော်ကြီး သံဝေဂရမိတယ် မောင်လင်းရေဆိုပြီး ‌.. ဦးအောင်မင်းက ပြောလာတယ်။ သံဝေဂရတယ်ဆိုတဲ့ စကားကိုပါ ကြားလိုက်မိတာကြောင့်... ဘာတွေများ သံဝေဂရစရာရှိလို့လည်း ဦးလေးရာ လို့ ကျနော်က မေးလိုက်တော့... ဘာရမှာလည်းကွာ ငါ့ဇနီး ငါ့သ္မီး ခံစားနေရတဲ့ ဒုက္ခဝေဒနာပေါ့... ဘာမှကို တည့်တာမရှိဘူးကွာ... ဘာလေးစားစား တချက်မှားတာနဲ့ ခံစားရတာပဲ။ မဟုတ်မှလွဲ အတိတ်ဘဝမှာ သူတို့သားမိက သူများ စားတာကို ပိတ်ပင်ခဲ့တာကြောငိ့ဖြစ်မယ် ကွ.. အဲ့ဒါကြောင့်... ယူတတ်ရင် တရားရတယ်လို့ပြောတာ... သူတို့ရောဂါက ဝဋ်နာ ကံနာပဲ မို့ လား ...? ဟာ.... အဲ့လို မဟုတ်ပါဘူး ဦးလေးရာ... ဝဋ်နာ ကံနာဆိုတာက ဘာဆေးနဲ့ကုကု ဆေးမတိုး ဘယ်ဆရာနဲ့ပြပြ ရောဂါရှာမရပဲ ခံစားနေရတာမျိုး ရှေးဆရာသမားတွေရဲ့အမှာစကားအရဆို ဝဋ်နာကံနာ မှန်ရင် ဘုရားကု ကုမှ ရတာတဲ့။ ခု ... ဦးလေး ဇနီးနဲ့သ္မီး ဖြစ်နေတဲ့ရောဂါက ကုလို့ရပါတယ်။ ပြီးတော့ ဂေါက်ရောဂါလို့ သိထားပြီ ပဲ။ လေးဘက်နာရောဂါ ဂေါက်ရောဂါ စတဲ့ ရောဂါတွေက အစားတော့ ရှောင်နိုင်မှ ဗျ။ ဦးလေးပြောသလို အတိတ်ဘဝက သူများစားတာကို ပိတ်ပင်ခဲ့လို့လားဆိုတာတော့ ကျနော်လည်းမသိဘူး။ သေခြာတဲ့အချက်ကတော့... ဂေါက် မှန်ရင် .... မြေထဲကထွက်တဲ့ အု မှန်သမျှရှောင်ရမယ်။ အဆိုးဆုံးက (မြေပဲဆံ၊နဲ့တွင်းအောင်းသားတွေကိုပေါ့။(ကြွက်သား၊ ပွေးသား)စသဖြင့်ပေါ့။ နောက်တချက်က ဝမ်းတွင်းသားတွေရှောင်ရမယ်။ အသည်း အူ အဆုပ် ကလီစာ တွေပေါ့။ အေးကွ ဟုတ်မယ်... ငါ့သမီးက ဝက်သားဒုတ်ထိုးဆို အလွန်ကြိုက်တာ.. အဲ့ဒါစားပြီးတာ ငြှီးငြူနေရတော့တာ... တခါတလေ မင်းပြောတဲ့ မြေပဲဆံစားပြီး သားမိနှစ်ယောက်လုံး အဆစ်တွေရောင်လာတဲ့အထိ အဆစ်အမြစ်နေရာတွေက ကိုက်လို့ဆိုပြီး အမလေးပြိုင်တနေတာများ... သူတို့သားမိနှစ်ယောက်အသံကြားပြီး ငါ့မှာ စိတ်ဆင်းရဲရပါတယ် ကွာ... အဲ့ဒါကြောင့် မင်းဆီကနေ ဆေးနည်းလေးနဲ့ ရောဂါသက်သာအောင်နေထိုင်စားသောက်ရမဲ့ နည်းလမ်းလေးတွေ သိချင် လိုချင်လို့ လာခဲ့တာပဲ... ဦးလေးကို ကူညီပါ ငါတူကြီးရာ... ထိုက်သင့်တဲ့ ညဏ်ပူဇော်ခလည်း ပေးမှာပါကွ=တဲ့။ မလိုပါဘူး ဦးလေးရာ... ကျနော်တို့ဦးလေးတို့ဆိုတာက ပြောရမဲ့သူတွေမှမဟုတ်တာ... ဒါပေမဲ့ ... ကျနော်ပြောသလိုတော့ သေခြာလိုက်နာပြီး လုပ်ကိုင်စားသောက်ဖို့နဲ့ နေ့စဉ်ပုံမှန် အညွန်းအတိုင်း စားသောက်ပေးဖို့တော့ လိုမယ်နော် လို့ ပြောလိုက်တော့... စိတ်ချ ငါ့တူ... ဦးလေးကိုယ်တိုင် ဂရုတစိုက်နဲ့ လုပ်ပေးမှာလို့ ပြောတာကြောင့်.. ဒါဆို ပထမဆုံးအချက်က... ဂေါက်ရောဂါ ကြောင့် ဖြစ်လေ့ဖြစ်ထရှိတဲ့ အဆစ်အမြစ်ရောင်ခြင်း... အဆစ်တွေ ရောင်မယ် မနေနိုင်မထိုင်နိုင်ဖြစ်တဲ့အထိ ကိုက်ခဲနေတဲ့အခါ... ရဲယိုပင်ကို သိတယ်မို့လား..(သိတယ်) ရဲယိုပင်ကနေ အရွက်ကိုခူးယူပြီး ရေသေခြာဆေး... အရွက်ကိုပက်လက်ထားပြီး နနွင်းမှုန့်လူးပြီး... ကိုက်တဲ့နေရာ ရောင်တဲ့နေရာတွေမှာ စည်းပေးပါ။ နေ့စဉ်ကိုက်ရင် နေ့စဉ်စည်းပေး။ အရောင်မကျရင် ကျတဲ့အချိန်ထိ အမြဲစည်းပေးပါ။ အရွက်ကိုတော့ တစ်နေ့တခါ အသစ်လဲပေးရပါမယ်။ ပြီးတော့... ရှောင်ရမှာတွေက တွင်းအောင်းသားတွေမစားရ ကလီစာတွေမစားရ ‌ဥဆိုရင်မြေထဲကဥတဲ့ ဥကော သတ္တဝါတွေရဲ့ဝမ်းထဲကလာတဲ့ ဥကော မစားရဘူး။ ရောဂါအတွက် ဆေးကုသလို အကျိုးရှိမဲ့ ဓာတ်စာအနေနဲ့ ‌မကြာမကြာ စားပေးသင့်တဲ့ အရွက်ကတော့ ကျောက်သင်ပုန်းရွက်လို့ခေါ်တဲ့ နတ်သမီးကွမ်းရွက်ကို အမြဲတမ်းတို့စရာအဖြစ်စားပေးနိုင်ရင် အကောင်းဆုဲးပဲ။ အရေးအကြီးဆုံးလုပ်ရမဲ့အချက်ကတော့... ဂေါက်ရောဂါရှိသူတွေအနေနဲ့... ပူစီနံကို ၂ပတ်တိတိ နေ့စဉ် ကျိုသောက်ပေးနိုင်မယ်ဆိုရင် သက်သာပါမယ်။ ကျနော်တို့နိုင်ငံထဲမှာ ပူစီနံ ၂မျိုးရှိပြီး ဂေါက်ရောဂါနဲ့လေးဘက်နာရောဂါအတွက် ၂မျိုးလုံး အသုံးပြုလို့ရပါတယ်။ အသုံးပြုပုံ။ ။ ပူစီနံအရိုးအရွက် လက်တဆုပ်ကို ရေသေခြာဆေးပြီး ရေဖန်ခွက်ကြီး၃ခွက်စာ ထည့် ပြီး ၂ခွက်စာကျန်တဲ့အထိ ပြုတ်ပါပါ။ လဖက်ခြောက်ခပ်ထားသော ရေနွေးကြမ်းလို အရောင်ကာလာဖြစ်လာပါလိမ့်မယ် ၎င်း ဆေးရေအား တစ်နေ့တာ ကုန်အောင်သောက်ပေးပါ။ ဆေးသောက်တဲ့အချိန်ဟာ မနက်ပိုင်းအချိန်က အကောင်းဆုံးပါ။ ဆေးသောက်နေတဲ့ရက်များအတွင်း ခရီးရှည်မသွားပါနဲ့။ဘာလို့ဆို ထိုဆေးရေသောက်ပါက ဆီးခဏခဏ သွားရတာကြောင့် လိုင်းကားစီးသွားရမဲ့သူဆို ကားသမားနှင့်စကားများရတတ်တယ်) အထက်ပါအတိုင်း ပြောပြလိုက်ပြီး ကျနော့်အမကြီး ဖော်စပ်ထားတဲ့ ရှားစောင်းလက်ပက်ဆေးကိုလည်း ဖြည့်စွက်စာအဖြစ်စားပေးနိုင်ကြောင်း ပြောပြလိုက်တော့ ၂ဗူးဝယ်သွားပါသေးတယ်။ ကျနော်ပြောတဲ့အတိုင်း သူ့သမီးနှင့် သူ့ဇနီးအား သူကိုယ်တိုင် ဂရုတစိုက်လုပ်ပေးပြီး ကုသမယ်လို့ အကြိမ်ကြိမ်ပြောပြီး ပြန်သွားပါတယ်။ ကျနော်ကတော့ ဦးအောင်မင်းကိုတွေ့တိုင်း အခြေနေမေးကြည့်ဖြစ်ပါတယ်။ အဲ့လို မေးတဲ့အခါတိုင်း ပြုံးရွှင်သော မျက်နှာနှင့် ကျေးဇူးရှင်တစ်ယောက်ပုံစံမျိုး သူ့ဘက်က ပြန်လည်ပြုမူပြောဆိုတတ်သလို ခုဆိုရင်... သူတို့မိသားစုလေး သွားချင်တဲ့ဆီ သွားလာနိုင်ပြီဖြစ်သလို... စားချင်တာကိုလည်း ထိုက်သင့်စွာ စားလို့ရနေပါပြီ။ ကျေးဇူးတင်လိုက်တာ ကိုလင်းရေ ဆိုပြီး.... တွေ့တဲ့နေရာတိုင်းမှာ အော်ဟစ်ပြောဆို နှုတ်ဆက်တတ်တဲ့ သူတို့မိသားစုရဲ့ တုန့်ပြန်မှုကို... ညဏ်ပူဇော်ခဆိုပြီး အိမ်အထိလာပို့သွားတဲ့ စာအိတ်ထဲကငွေကြေးထက်... ကျနော်က ပိုပြီး ပီတိဖြစ်ရတယ်ဆိုတာကတော့... ဒီနေ့ သူတို့မိသားစုနဲ့ဆုံပြီး နှုတ်ဆက်စကားပြောရင်း ကျေးဇူးတင်ကြောင်း အထပ်ထပ်ပြောနေလို့... အမှတ်တရအဖြစ် ဒီpostအား ရေးလိုက်ခြင်းဖြစ်ပါတယ်။ ပြီးတော့... မိတ်ဆွေတို့အနေဖြင့် အသုံးလိုရင်သော်၎င်း မိတ်ဆွေတို့ ပတ်ဝန်းကျင်မှာ ငေါက်ရောဂါ ဝေဒနာ ခံစားနေရသူများရှိနေရင်သော်၎င်း... ဒီနည်းလမ်းလေး မျှဝေပေးနိုင်ရန် ရည်ရွယ်၍... ကျနော့်မိတ်ဆွေများအားလုံး အနာရောဂါဘေးမှ ကင်းဝေးကြပါစေ.... #newfun #crd_to_owner_with_respect ချစ်ခြင်းမေတ္တာဖြင့် 👤လယ်တွင်းသား (ပန်းလောင်မြေ) Photo ၁။ အများသိသော ပူစီနံ Photo ၂။ ၃။ ပူစီနံ (အသေး )အရိုးနီ အမွှေးပါ။

အသည်းဟာ... ခန္ဓာကိုယ်ထဲမှာ အလုပ်အများဆုံး လုပ်ရတဲ့ အင်္ဂါဖြစ်ပါတယ်။ အညစ်အကြေးစစ်ထုတ်တာ၊ သည်းခြေရည်ထုတ်တာ၊ စွမ်းအင်ထုတ်လုပ်တာနဲ့ သွေးတွင်းအဆီကို ထိန်းချုပ်တာ စတဲ့ အလုပ်တွေကို လုပ်ဆောင်ပါတယ်။ ဒါပေမယ့် ကျွန်မတို့က ညဉ့်နက်တဲ့အထိ မအိပ်သေးဘူး၊ အာလူး၊ ကစီဓာတ်တွေ၊ အချိုတွေ စားမယ်၊ ရေနည်းနည်းပဲ သောက်မယ်ဆိုရင်... အသည်းက အဆီတွေကို တိတ်တိတ်လေး စုဆောင်းလာပြီး သတိမထားမိဘဲ "အသည်းအဆီဖုံးခြင်း" ဖြစ်လာနိုင်ပါတယ်။ အသည်းက သတိပေးတဲ့ လက္ခဏာများ အကြောင်းရင်းမရှိဘဲ မောပန်းလွယ်ခြင်း ညစာ စားပြီးနောက် ဝမ်းဗိုက်တင်းခြင်း၊ လေပွခြင်း၊ အောင့်ခြင်း အသားအရေ ညိုမည်းခြင်း၊ ချွေးနံ့နံခြင်း ညာဘက်နံရိုးအောက်နား တင်းပြီး နာကျင်ခြင်း ညဘက် ခဏခဏ နိုးခြင်း သို့မဟုတ် အိပ်မပျော်ခြင်း ဒီလို လက္ခဏာတွေ ရှိနေရင်... "အသည်းစွမ်းအင်" ကို ဒီနေ့ကစပြီး အမြန်ဆုံး ပြန်လည်အားဖြည့်ပါတော့။ သဘာဝနည်းလမ်းဖြင့် အသည်းကို ပြန်လည်အားဖြည့်နည်းများ ၁။ ည ၁၀ နာရီ မတိုင်ခင် အိပ်ရာဝင်ပါ ဘာကြောင့်လဲဆိုတော့ "အသည်းရဲ့ မီးဓာတ် (စွမ်းအား)" ဟာ ည ၁၀ နာရီကနေ မနက် ၂ နာရီအတွင်းမှာ အကောင်းဆုံး ပြန်လည်ပြုပြင်ခြင်း အလုပ်ကို လုပ်ဆောင်လို့ပါပဲ။ အဲဒီအချိန်နောက်ပိုင်းမှ အိပ်ရင် အသည်းက ဆဲလ်တွေကို ပြင်ဆင်ဖို့ အချိန်မရတော့ဘဲ၊ အဆီနဲ့ အညစ်အကြေးတွေ စွန့်ထုတ်မယ့်အစား ပိုပြီး စုမိလာပါလိမ့်မယ်။ ၂။ မနက်အိပ်ရာထပြီး ရေနွေး ၂ ဖန်ခွက် သောက်ပါ ဒါက အသည်းထဲက သည်းခြေရေစနစ် လည်ပတ်မှုကို ကောင်းမွန်စေပါတယ်။ အသည်းရှိ သွေးကြောမျှင်လေးတွေထဲက အညစ်အကြေးတွေကို ဆေးကြောပေးပြီး သည်းခြေအိတ်က အဆိပ်အတောက်တွေကို ဝမ်းကနေတဆင့် စွန့်ထုတ်ဖို့ကိုလည်း လှုံ့ဆော်ပေးပါတယ်။ ၃။ ကစီဓာတ်နှင့် သကြားဓာတ်ကို တစ်ဝက် လျှော့ချပါ အသည်းက ပိုလျှံနေတဲ့ သကြားဓာတ်ကို အဆီအဖြစ် ပြောင်းလဲပစ်ပါတယ်။ အချိုများများ စားလေ၊ အသည်းက ပိုပင်ပန်းလေပါပဲ။ သကြားဓာတ် လျှော့ချတာဟာ "အသည်းကို အနားပေးခြင်း" အစစ်အမှန်ပါပဲ။ ၄။ တစ်နေ့ကို ရေ ၃ လီတာ ရအောင် သောက်ပါ ရေဟာ အညစ်အကြေးတွေကို ခန္ဓာကိုယ်ကနေ သယ်ယူထုတ်ပစ်ပေးတဲ့ ယာဉ်ပါပဲ။ ရေလုံလောက်စွာ သောက်သုံးခြင်းက သွေးပျစ်တာကို သက်သာစေပြီး အသည်းကိုလည်း စစ်ထုတ်တဲ့နေရာမှာ လုပ်အားပိုမပေးရအောင် ကူညီပေးပါတယ်။ ၅။ နေ့စဉ် ကိုယ်လက်လှုပ်ရှားမှု ပေါ့ပေါ့ပါးပါး လုပ်ပါ မိနစ် ၃၀ လမ်းလျှောက်တာ ဒါမှမဟုတ် လက်ဝှေ့ယမ်းတာကို ၁၀ မိနစ် လုပ်တာနဲ့တင် လုံလောက်ပါတယ်။ ဒီလိုလုပ်ခြင်းက သွေးကို အသည်းဆီ ပိုမိုကောင်းမွန်စွာ ရောက်ရှိစေပြီး ကိုယ်တွင်းမီးဓာတ်ကိုပါ မျှတစေပါတယ်။ သမားတော်များထံမှ မှာကြားချက် "သန့်ရှင်းတဲ့အသည်းဟာ ခိုင်မာတဲ့ဘဝရဲ့ အခြေခံအုတ်မြစ်ပဲ။ ကျန်းမာရေးဟာ ဆေးဝါးအစွမ်းနဲ့ စတာမဟုတ်ဘူး... ည ၁၀ နာရီမတိုင်ခင် သင်အိပ်ရာဝင်တဲ့ ညကစပြီး စတင်တာပါ" ဒီညကစပြီး မီးကို မိနစ် ၃၀ လောက် စောပိတ်ပြီး အိပ်ကြည့်ပါ။ ပြီးတော့ မနက်အိပ်ရာထရင် ရေနွေး ၂ ဖန်ခွက် သောက်ကြည့်ပါ အသည်း ပြန်လည်အားကောင်းလာတဲ့အခါ ခန္ဓာကိုယ် ဘယ်လောက် ပေါ့ပါးသွားတယ်၊ စိတ်ဘယ်လောက် ကြည်လင်လန်းဆန်းလာတယ်ဆိုတာ သင်ကိုယ်တိုင် သိလာပါလိမ့်မယ် ။ Crd #fblifestyle

ဆောင်းတွင်း နှာခဏခဏ စီးနေသူများ အတွက် ပူစရာ မလိုတော့ဘူး <--😊 လန်ဒန်မှာ ပညာတော်သင် ရောက်နေတဲ့ ဆရာဝန်လေး တစ်ယောက်က နှာခဏခဏ စီးနေလို့ လန်ဒန်မှာနေတဲ့ ဆရာဝန်ကြီးတစ်ယောက် အိမ်ကို အလည်သွားရင်း ဘာဆေး သောက်ရမလဲလို့ မေးတဲ့အခါ...😊 ဆရာဝန်ကြီးက သူ့ ဇနီးကို ငါစားနေကြ ဆေးလေး လုပ်ခဲ့ပါဦးလို့ ပြောလိုက်တဲ့အခါ ခဏကြာတော့ ကြက်သွန်ဖြူ မီးဖုတ်တွေ ပန်းကန်လေးနဲ့ ထည့်ယူလာပါတယ်။ အဲဒါ စား ဘာဆေးမှ သောက်စရာ မလိုဘူးတဲ့ စားပြီးတဲ့နေ့က စပြီး သက်သာသွားပါသတဲ့။ အခုလည်း နှာတစ်ချိန်လုံး စီးနေတဲ့သူကို ဒီနည်းပေးပြီး စားခိုင်းတော့ သက်သာလို့ပါတဲ့။ ။ ကျန်းမာချမ်းသာလို့ပျော်ရွှင်ကြပါစေခင်ဗျာ🙏 သင့်မိတ်ဆွေတွေလည်းသိစေရန်ပြန်လည်မျှဝေခြင်းဖြင့်ကျန်းမာရေး ကုသိုလ်ယူပေးပါ။ ကျန်းမာရေးဗဟုသုတများကိုနေ့စဉ်နှင့်အမျှတင်ဆက်ပေးနေတာကြောင့် page ကိုfollowလုပ်ထားပါ။ #crd_to_owner_with_respect

လွမ်းလွန်းလို့ ရူးတော့မလို... ဒါပေမယ့် မဆက်သွယ်ရဲဘူး။ တကယ်တမ်း ခင်ဗျားကို လှမ်းခေါ်ဖို့ထက် ကိုယ့်ကိုကိုယ် ပြန်ချုပ်တည်းနေရတာ ဘယ်လောက်ခက်ခဲလဲ ခင်ဗျားသိရဲ့လား။ ဖုန်းထဲမှာ ခင်ဗျားနာမည်ကို ခဏခဏ ရိုက်ထည့်ကြည့်မိတယ်။ ပြီးတော့လည်း မပို့ဖြစ်တဲ့ စာတွေ တစ်ပုံကြီး ရေးလိုက် ဖျက်လိုက်နဲ့... ဒီလို နာကျင်မှုတွေနဲ့ ကျွန်တော် နေ့ရက်တွေကို ဖြတ်သန်းနေရတယ်ဆိုတာ ခင်ဗျား သိနိုင်ပါ့မလား။ -အညတရ(zero)

လွမ်းလွန်းလို့ ရူးတော့မလို... ဒါပေမယ့် မဆက်သွယ်ရဲဘူး။ တကယ်တမ်း ခင်ဗျားကို လှမ်းခေါ်ဖို့ထက် ကိုယ့်ကိုကိုယ် ပြန်ချုပ်တည်းနေရတာ ဘယ်လောက်ခက်ခဲလဲ ခင်ဗျားသိရဲ့လား။ ဖုန်းထဲမှာ ခင်ဗျားနာမည်ကို ခဏခဏ ရိုက်ထည့်ကြည့်မိတယ်။ ပြီးတော့လည်း မပို့ဖြစ်တဲ့ စာတွေ တစ်ပုံကြီး ရေးလိုက် ဖျက်လိုက်နဲ့... ဒီလို နာကျင်မှုတွေနဲ့ ကျွန်တော် နေ့ရက်တွေကို ဖြတ်သန်းနေရတယ်ဆိုတာ ခင်ဗျား သိနိုင်ပါ့မလား။ -အညတရ(zero)

ဘာတွေပဲဖြစ်ဖြစ် နောက်ဆုံးတော့ ကိုယ်ကိုယ်တိုင်ကသာ အရေးအကြီးဆုံးဖြစ်တယ်ဆိုတာသိပြီးတဲ့နောက်မှ လိုတာထက်ပိုနေတဲ့ခံစားချက်တွေကို ဖြုတ်ချခဲ့ရတာပဲ ဘယ်သူမှ အသိအမှတ်မပြုလည်း ကိုယ်လုပ်နိုင်တဲ့အရာတွေအပေါ်မှာ ကိုယ့်ကိုယ်ကိုယ်တိုးတိုးလေးပြန်ပြီး အသိအမှတ်ပြန်ပြုပေးနေရတယ် ဘာကိစ္စပဲ ဖြစ်ဖြစ် ဘာတွေပဲစိတ်ဆိုးဆိုး ဘယ်လောက်ပဲပျော်ပျော် လူဆိုတာ ကိုယ့်ကိုယ်ကိုယ်ပဲ ပြန်ပြန်ပြီး အားပေးမှ ကိုယ်ပြန်ထနိုင်တယ်ဆိုတာ ဒီနှစ်တွေထဲမှာ အများကြီးပိုသိလာရတယ် ကိုယ့်ပေတံနဲ့ နေရာတကာ လိုက်လိုက်တိုင်းပြီး ကိုယ်ချစ်ခင်ဖြစ်ရင် ကိုယ့်ပမာကိုယ်ချင်းစာစိတ်နဲ့ စိတ်ပူပေးတတ်တဲ့ အလေ့အထလေးကိုလည်း ခဏခဏသင်းသတ်နေရတယ် လူတွေဟာ ကိုယ့်လိုမဟုတ်ဘူးလေ ဆိုပြီး မကြာခဏ ကိုယ့်ကိုယ်ကိုယ်ပြန်သတိပေးနေရပါတယ် ဒီနှစ်တွေထဲမှာ ကိုယ့်အတ္တနဲ့ကိုယ် အဆင်ပြေပြေ နေနိုင်ဖို့ ကိိုယ့်ကိုယ်ကိုယ် ကြိုးစားနေထိုင်နေရပါတယ် အဆင်ပြေပြေမပြေပြေ ကိုယ့်ပြဿနာနဲ့ကိုယ်တော့ အသားကျအောင်ကြိုးစားနေရတာပါပဲ အဆင်ပြေပြေမပြေပြေ ကိုယ်တိုင်ပြန်ထနိုင်အောင်တော့ကြိုးစားရတာပဲ #credittooriginalwriterwithrespect

တစ်ခါတလေ ဘဝမှာ လမ်းပျောက်တဲ့အချိန်တွေ ရှိတယ် ။ ရည်ရွယ်ရာ လမ်းတစ်ခုကို တည့်တည့်မတ်မတ် လျှောက်နေတုန်းမှာပဲ လမ်းပျောက်တယ်ဆိုတဲ့ အခိုက်အတန့်တွေ ကြုံရတာပါ ပဲ။ တစ်ခါတလေ သိပ်ပင်ပန်းလာတယ် ။ ရှေ့ဆက်လျှောက်ဖို့ တွေဝေလာသလို နောက်ပြန်လှည့်ချင်မိတယ် ။ ဘာကြောင့် အသက်ရှင်နေရတာလဲ ။ ရှင်သန်ခြင်းတွေဟာ အဓိပ္ပာယ် ရှိနေရဲ့လား မသိတော့ဘဲ လက်လျှော့လိုက်ချင်မိတယ် ။ အဲဒီလို အခြေနေမျိုးတွေ ကျွန်မဘဝမှာ ခဏခဏ ကြုံတွေ့ဖူးပါတယ် ။ အဲဒီလိုမျိုး လမ်းပျောက်တဲ့ အချိန် ၊ ရှေ့ဆက်ဖို့အတွက် စိတ်ရောလူရော အဆင်မပြေ ပင်ပန်းခက်ခဲနေတဲ့ နေ့ရက်တွေမှာ ဘာကြောင့် စတင်ခဲ့တာလဲ ဆိုတဲ့ စမှတ်တွေကို ပြန်စဉ်းစားဖြစ်တယ် ။ ဒီလမ်းကို ဘာလို့လျှောက်ခဲ့တာလဲ ဒါကို ငါ ဘာလို့ ဖြစ်ချင်ခဲ့တာလဲ ဒါကို ဘာလို့ လိုချင်ခဲ့တာလဲ ဒီလူတစ်ယောက်ကို ဘာလို့ ချစ်တာလဲ ဆိုတဲ့ The reasons why i startedကို ပြန်စဉ်းစားဖြစ်တယ် ။ လမ်းတွေဟာ ဝေဝါးလာတဲ့အခါ ကောက်ရိုးတစ်မျှင်ကလဲ ကယ်တင်နိုင်ကောင်းပါရဲ့။ ဆက်ပြီး ဖမ်းဆုပ်ထားဖို့ရာ အကြောင်းပြချက်လေး ပြန်ရှာတွေ့လိုတွေ့ငြား ရှာဖွေကြည့်တာပဲ ။ စိတ်လိုလက်ရ ပြန်ရှာကြည့်တော့လဲ ပျောက်နေတဲ့ လမ်းတွေကိုရော ၊ မိမိကိုယ်မိမိ ပြန်ရှာတွေ့ပါတယ် ။ စိတ်ကူးအိပ်မက်တွေကို လက်မလွှတ်ချင်သေးတဲ့ မိမိကိုယ်မိမိ၊ လက်မလျှော့ချင်တဲ့ မိမိကိုယ်မိမိ ၊ နူးညံ့ပေမဲ့ သန်မာတဲ့ ပုံရိပ်တွေ နဲ့ မိမိကိုယ်မိမိ ပြန်ရှာတွေ့ခဲ့တာပါပဲ ။ အဖြေဟာ အစကတည်းက ရှိနှင့်နေပါတယ် ။ အဖြေဟာ စမှတ်မှာကတည်းက ရှိနှင့်နေပါတယ် ။ -စူးရှမေ #Note_Pages

ဘာလို့ချစ်တယ်လို့ခဏခဏပြောတာလဲဆိုရင် ဘာမဆိုဖြစ်သွားနိုင်တဲ့ အခြေနေချည်းပဲမို့ပေါ့အချစ်ရယ် ကမ္ဘာကြီးကိုရောမင်းကိုရော ဘယ်အရာကိုမှမပိုင်စိုးနိုင်တာပဲ ။ -ရိပ်ငြိမ်