Search | Hello! - Meet. Chat. Connect.

Posts

Blogs

Users

Pages

Groups

Ko Phoe Thar Phoethar @Phoethar
2025-11-30 09:15:45 ·

#အရက်ဆိုင်ထဲမှာ အရက်သောက်နေတဲ့တပည့်က လမ်းမပေါ်ကနေ
လမ်းလျှောက်လာတဲ့ဆရာကိုမြင်တော့ နောက်ကနေ လိုက်လာပြီး
ပြုံးဖြဲဖြဲနဲ့လာနှုတ်ဆက်တယ်။

#လက်ဖက်ရည်ဆိုင်ထဲဝင်တုန်းက သောက်လက်စ ဆေးလိပ်ကလေးဝှက်ပြီး ဆရာနေကောင်းလား ဘာလား လာနှုတ်ဆက်တဲ့တပည့်မျိုးနဲ့ကြုံဖူးတယ်။

#တစ်ခါတစ်လေ ဘောလုံးကွင်းသွားရင် ဆရာဝင်ကန်လို့ရအောင် ခဏထွက်ပေးမယ့် တပည့်မျိုးလည်း ကြုံဖူးတယ်။

#ပျက်နေတဲ့ကိုယ့်ဆိုင်ကယ်လေးကို စေတနာပါပါပြင်ပေးပြီး ဆိုင်ကယ်ပြင်ခကို ဘယ်လိုပေးပေးမယူတဲ့အင်္ကျိမှာဆီချေးအထပ်ထပ်နဲ့တပည့်မျိုးနဲ့လည်းကြုံဖူးခဲ့တယ်။

#အမှန်အတိုင်းပြောရရင် သူတို့လေးတွေက ကိုးတန်း ဆယ်တန်းတုန်းက စာမတော်ခဲ့ဘူး။ သူတို့လေးတွေအတွက် ကျွန်တော်သိပ်ပြီး မကြိုးစားပေးမိခဲ့ဘူး။ ဂုဏ်ထူးရမယ့် တပည့်လေးတွေလောက် အားမကိုးမိခဲ့ဘူး။ ဆယ်တန်း အောင်ချက်နဲ့ ဂုဏ်ထူးရရေးကိုသာ အဓိက ပေးပြီး ကြိုးစားခဲ့မိတယ်။

#အောင်သွားသူတွေ ဂုဏ်ထူးရသွားသူတွေအတွက် ကျွန်တော်ဂုဏ်ယူမိခဲ့တာအမှန်ပဲ။
#ဒါပေမယ့် ဆယ်တန်းမအောင်ဘဲ အပြင်မှာ ဘဝကိုရုန်းကန်နေတဲ့တပည့်တွေအတွက် ဂုဏ်ယူပေးဖို့ ကျွန်တော်မေ့နေခဲ့မိတယ်။

#တစ်ချို့ဆယ်တန်းအောင်တပည့်တွေက ကိုယ့်ကိုနှုတ်ဆက်ဖို့ တွန့်ဆုတ်နေချိန်မှာ အပြင်ရောက်သွားတဲ့ကလေးက အရက်မူးမူးနဲ့ လာနှုတ်ဆက်နေတယ်။

#ဂုဏ်ထူးရဖို့ဖိပြီးကြိုးစားလုပ်ပေးခဲ့တဲ့တပည့်ထက် မထင်မှတ်ဘဲ အောင်သွားတဲ့တပည့်က ကိုယ့်ကို တွေ့တိုင်း နှုတ်ဆက်ပြုံးပြဖော်ရတယ်။

#လက်ဖက်ရည်ဆိုင်မှာ တက္ကသိုလ်ကျောင်းသားကြီးက game ကစားမပျက်ပေမယ့် ဆယ်တန်းမအောင်ဘဲ အပြင်ရောက်သွားတဲ့ကလေးက ဆေးလိပ်ကလေး ဝှက်ပြီး လာနှုတ်ဆက်တယ်။

#ကိုယ်ဟာ တစ်ချို့တပည့်တွေအတွက် hero တစ်ယောက်ပါလို့ကိုယ့်ကိုယ့်ကိုထင်ခဲ့မိတယ်။ တကယ်တော့ အဲဒီတပည့်တွေက ကိုယ့်ကို သတိရပုံတောင် မပေါ်ဘူး။
#ဒါပေမယ့် ကိုယ်သတိမထားမိတဲ့ တပည့်တွေက ကိုယ့်ကို hero တစ်ယောက်အဖြစ် သတ်မှတ်ထားတာရှိတယ်ဆိုတာကို တွေ့လာရတယ်။

#အောင်ချက်နဲ့ ဂုဏ်ထူးက ဆရာတွေအတွက် ဂုဏ်ယူစရာဖြစ်နေခဲ့တော့ ပညာမတော်တဲ့တပည့်လေးတွေက ဂုဏ်ငယ်စရာတွေပေးသလိုဖြစ်နေခဲ့တယ်။

#အခုတော့ နားလည်လာပါပြီ။ ကျွန်တော်တို့ကိုယ်တိုင်က ပညာနောက်လိုက်ရင်း စိတ်ဓာတ်နဲ့ စည်းကမ်းတွေကို မေ့လာကြတယ်။
စိတ်ဓာတ်လေးတွေကိုပြင်ပေးဖို့ထက် ကျက်ထား၊ တွက်ထားတဲ့စာအမှားတွေကိုပြင်ပေးဖို့ စိတ်သန်နေခဲ့တယ်။
လူ့ဘောင်စည်းမျဉ်းနဲ့အညီနေတတ်ဖို့ထက် အမှတ်ပေးစည်းမျဉ်းနဲ့အညီဖြေတတ်ဖို့ကိုပဲ ဦးစားပေးခဲ့မိတယ်။

#တက္ကသိုလ်မှာအပျော်လွန်ပြီး စာမေးပွဲကျတဲ့တပည့်တွေရဲ့သတင်းတွေကြားမိတော့ ပုစ္ဆာတွက်နည်းတွေပဲသင်ပေးခဲ့မိပြီး ကိုယ့်ဘဝကိုယ်ထိန်းနည်းတွေမသင်ပေးခဲ့မိတဲ့ ကျွန်တော့်ကိုယ့်ကျွန်တော် စိတ်မသန့်ဘူး။

#ပညာမတော်ချင်နေ ဘဝမှာ စိတ်ဓာတ်နဲ့ စိတ်ကမ်းကောင်းရင် ထိပ်ဆုံးရောက်နိုင်သေးတယ်ဆိုတာ တပည့်တွေကို ပြောပြဖို့ အကြိမိကြိမ်ဆွံ့အ ခဲ့မိတယ်။

#တပည့်ရေ ဆရာ့ကိုခွင့်လွှတ်ပေးကြပါ။ အောင်ချက်နဲ့ဂုဏ်ထူးက လောလောဆယ်နိုင်ငံတော်ရဲ့ အလိုချင်ဆုံး product တွေဖြစ်နေတော့ စိတ်ဓာတ်နဲ့စည်းကမ်းပိုင်းကို တော်တော်လေး မလေးမထား ပေါ့လျော့မိခဲ့ပါတယ်။

#စာရိတ္တအချိန်တိုင်း physics စာအုပ်ယူခိုင်းတုန်းကယူခိုင်းပြီးမှ ကျွန်တော်တပည့်တွေထဲက တစ်ချို့က ဆရာတွေကို နှုတ်ဆက်ဖော်တော်မရဘူးလို့ ပြောရင် ကျွန်တော်ပဲလွန်မှာပေါ့။

#ကာယအချိန်အတိုင်းအင်္ဂလိပ်စာတွေသင်ပေးခဲ့ပြီးမှ နောက်လာတဲ့ကလေးတွေ အားကစားမှာ ညံ့လာတယ်လို့ ကျွန်တော် မဝေဖန်ရဲတော့ဘူး။

#ပန်ချီ/ရသ/သက်မွေးချိန်မှာ သင်ရိုးနောက်မမှီတဲ့ဘာသာကို အစားထိုးတွန်းတိုက်သင်တုန်းကသင်ပြီးမှ ခေတ်ကလေးတွေ တိုင်းတစ်ပါးယဉ်ကျေးမှုကို အထင်ကြီးလာတဲ့အကြောင်း အာမချောင်ချင်တော့ဘူး။

#ဘဝချိန်မှာ ဘာသင်ရတာလဲတောင် မသိတဲ့ ကလေးတွေ အများဆိုတော့ လူမှုနေထိုင်ရေးနဲ့ဆက်ဆံရေးမှာ ဘယ်လိုယဉ်ကျေးလာတော့မလဲ။

#အောင်ချက်နဲ့ ဂုဏ်ထူး အရေးကြီးနဲ့စနစ်မှာ ဒါတွေကို တကူးတကလာသင်ပေးနေရင်ရော ဘယ်သူက အလေးထားပါ့မလဲ။

#ပြောရင် မုန့်လုံးစက္ကူကပ်လာနိုင်တယ်။

#အစွယ်လိုသူရယ် အသွားစေခိုင်းသူရယ်
#လေးပစ်သူ ကျွန်တော်တို့ရယ် အားလုံးက တစ်လမ်းထဲလျှောက်လာတာပဲလေ။

#ပညာတော်ပေမယ့် စိတ်ဓာတ်ပျက်လာတဲ့တပည့်တွေနဲ့စည်ကမ်းလိုက်နာနိုင်စွမ်းနည်းတဲ့တပည့်တွေကို မြင်မိတိုင်း ကိုယ်လည်း ကြံရာပါတစ်ယောက်ဖြစ်ခဲ့သလို ခံစားမိရင်း.......။

crd

#Credit:......

#အရက်ဆိုင်ထဲမှာ အရက်သောက်နေတဲ့တပည့်က လမ်းမပေါ်ကနေ လမ်းလျှောက်လာတဲ့ဆရာကိုမြင်တော့ နောက်ကနေ လိုက်လာပြီး ပြုံးဖြဲဖြဲနဲ့လာနှုတ်ဆက်တယ်။ #လက်ဖက်ရည်ဆိုင်ထဲဝင်တုန်းက သောက်လက်စ ဆေးလိပ်ကလေးဝှက်ပြီး ဆရာနေကောင်းလား ဘာလား လာနှုတ်ဆက်တဲ့တပည့်မျိုးနဲ့ကြုံဖူးတယ်။ #တစ်ခါတစ်လေ ဘောလုံးကွင်းသွားရင် ဆရာဝင်ကန်လို့ရအောင် ခဏထွက်ပေးမယ့် တပည့်မျိုးလည်း ကြုံဖူးတယ်။ #ပျက်နေတဲ့ကိုယ့်ဆိုင်ကယ်လေးကို စေတနာပါပါပြင်ပေးပြီး ဆိုင်ကယ်ပြင်ခကို ဘယ်လိုပေးပေးမယူတဲ့အင်္ကျိမှာဆီချေးအထပ်ထပ်နဲ့တပည့်မျိုးနဲ့လည်းကြုံဖူးခဲ့တယ်။ #အမှန်အတိုင်းပြောရရင် သူတို့လေးတွေက ကိုးတန်း ဆယ်တန်းတုန်းက စာမတော်ခဲ့ဘူး။ သူတို့လေးတွေအတွက် ကျွန်တော်သိပ်ပြီး မကြိုးစားပေးမိခဲ့ဘူး။ ဂုဏ်ထူးရမယ့် တပည့်လေးတွေလောက် အားမကိုးမိခဲ့ဘူး။ ဆယ်တန်း အောင်ချက်နဲ့ ဂုဏ်ထူးရရေးကိုသာ အဓိက ပေးပြီး ကြိုးစားခဲ့မိတယ်။ #အောင်သွားသူတွေ ဂုဏ်ထူးရသွားသူတွေအတွက် ကျွန်တော်ဂုဏ်ယူမိခဲ့တာအမှန်ပဲ။ #ဒါပေမယ့် ဆယ်တန်းမအောင်ဘဲ အပြင်မှာ ဘဝကိုရုန်းကန်နေတဲ့တပည့်တွေအတွက် ဂုဏ်ယူပေးဖို့ ကျွန်တော်မေ့နေခဲ့မိတယ်။ #တစ်ချို့ဆယ်တန်းအောင်တပည့်တွေက ကိုယ့်ကိုနှုတ်ဆက်ဖို့ တွန့်ဆုတ်နေချိန်မှာ အပြင်ရောက်သွားတဲ့ကလေးက အရက်မူးမူးနဲ့ လာနှုတ်ဆက်နေတယ်။ #ဂုဏ်ထူးရဖို့ဖိပြီးကြိုးစားလုပ်ပေးခဲ့တဲ့တပည့်ထက် မထင်မှတ်ဘဲ အောင်သွားတဲ့တပည့်က ကိုယ့်ကို တွေ့တိုင်း နှုတ်ဆက်ပြုံးပြဖော်ရတယ်။ #လက်ဖက်ရည်ဆိုင်မှာ တက္ကသိုလ်ကျောင်းသားကြီးက game ကစားမပျက်ပေမယ့် ဆယ်တန်းမအောင်ဘဲ အပြင်ရောက်သွားတဲ့ကလေးက ဆေးလိပ်ကလေး ဝှက်ပြီး လာနှုတ်ဆက်တယ်။ #ကိုယ်ဟာ တစ်ချို့တပည့်တွေအတွက် hero တစ်ယောက်ပါလို့ကိုယ့်ကိုယ့်ကိုထင်ခဲ့မိတယ်။ တကယ်တော့ အဲဒီတပည့်တွေက ကိုယ့်ကို သတိရပုံတောင် မပေါ်ဘူး။ #ဒါပေမယ့် ကိုယ်သတိမထားမိတဲ့ တပည့်တွေက ကိုယ့်ကို hero တစ်ယောက်အဖြစ် သတ်မှတ်ထားတာရှိတယ်ဆိုတာကို တွေ့လာရတယ်။ #အောင်ချက်နဲ့ ဂုဏ်ထူးက ဆရာတွေအတွက် ဂုဏ်ယူစရာဖြစ်နေခဲ့တော့ ပညာမတော်တဲ့တပည့်လေးတွေက ဂုဏ်ငယ်စရာတွေပေးသလိုဖြစ်နေခဲ့တယ်။ #အခုတော့ နားလည်လာပါပြီ။ ကျွန်တော်တို့ကိုယ်တိုင်က ပညာနောက်လိုက်ရင်း စိတ်ဓာတ်နဲ့ စည်းကမ်းတွေကို မေ့လာကြတယ်။ စိတ်ဓာတ်လေးတွေကိုပြင်ပေးဖို့ထက် ကျက်ထား၊ တွက်ထားတဲ့စာအမှားတွေကိုပြင်ပေးဖို့ စိတ်သန်နေခဲ့တယ်။ လူ့ဘောင်စည်းမျဉ်းနဲ့အညီနေတတ်ဖို့ထက် အမှတ်ပေးစည်းမျဉ်းနဲ့အညီဖြေတတ်ဖို့ကိုပဲ ဦးစားပေးခဲ့မိတယ်။ #တက္ကသိုလ်မှာအပျော်လွန်ပြီး စာမေးပွဲကျတဲ့တပည့်တွေရဲ့သတင်းတွေကြားမိတော့ ပုစ္ဆာတွက်နည်းတွေပဲသင်ပေးခဲ့မိပြီး ကိုယ့်ဘဝကိုယ်ထိန်းနည်းတွေမသင်ပေးခဲ့မိတဲ့ ကျွန်တော့်ကိုယ့်ကျွန်တော် စိတ်မသန့်ဘူး။ #ပညာမတော်ချင်နေ ဘဝမှာ စိတ်ဓာတ်နဲ့ စိတ်ကမ်းကောင်းရင် ထိပ်ဆုံးရောက်နိုင်သေးတယ်ဆိုတာ တပည့်တွေကို ပြောပြဖို့ အကြိမိကြိမ်ဆွံ့အ ခဲ့မိတယ်။ #တပည့်ရေ ဆရာ့ကိုခွင့်လွှတ်ပေးကြပါ။ အောင်ချက်နဲ့ဂုဏ်ထူးက လောလောဆယ်နိုင်ငံတော်ရဲ့ အလိုချင်ဆုံး product တွေဖြစ်နေတော့ စိတ်ဓာတ်နဲ့စည်းကမ်းပိုင်းကို တော်တော်လေး မလေးမထား ပေါ့လျော့မိခဲ့ပါတယ်။ #စာရိတ္တအချိန်တိုင်း physics စာအုပ်ယူခိုင်းတုန်းကယူခိုင်းပြီးမှ ကျွန်တော်တပည့်တွေထဲက တစ်ချို့က ဆရာတွေကို နှုတ်ဆက်ဖော်တော်မရဘူးလို့ ပြောရင် ကျွန်တော်ပဲလွန်မှာပေါ့။ #ကာယအချိန်အတိုင်းအင်္ဂလိပ်စာတွေသင်ပေးခဲ့ပြီးမှ နောက်လာတဲ့ကလေးတွေ အားကစားမှာ ညံ့လာတယ်လို့ ကျွန်တော် မဝေဖန်ရဲတော့ဘူး။ #ပန်ချီ/ရသ/သက်မွေးချိန်မှာ သင်ရိုးနောက်မမှီတဲ့ဘာသာကို အစားထိုးတွန်းတိုက်သင်တုန်းကသင်ပြီးမှ ခေတ်ကလေးတွေ တိုင်းတစ်ပါးယဉ်ကျေးမှုကို အထင်ကြီးလာတဲ့အကြောင်း အာမချောင်ချင်တော့ဘူး။ #ဘဝချိန်မှာ ဘာသင်ရတာလဲတောင် မသိတဲ့ ကလေးတွေ အများဆိုတော့ လူမှုနေထိုင်ရေးနဲ့ဆက်ဆံရေးမှာ ဘယ်လိုယဉ်ကျေးလာတော့မလဲ။ #အောင်ချက်နဲ့ ဂုဏ်ထူး အရေးကြီးနဲ့စနစ်မှာ ဒါတွေကို တကူးတကလာသင်ပေးနေရင်ရော ဘယ်သူက အလေးထားပါ့မလဲ။ #ပြောရင် မုန့်လုံးစက္ကူကပ်လာနိုင်တယ်။ #အစွယ်လိုသူရယ် အသွားစေခိုင်းသူရယ် #လေးပစ်သူ ကျွန်တော်တို့ရယ် အားလုံးက တစ်လမ်းထဲလျှောက်လာတာပဲလေ။ #ပညာတော်ပေမယ့် စိတ်ဓာတ်ပျက်လာတဲ့တပည့်တွေနဲ့စည်ကမ်းလိုက်နာနိုင်စွမ်းနည်းတဲ့တပည့်တွေကို မြင်မိတိုင်း ကိုယ်လည်း ကြံရာပါတစ်ယောက်ဖြစ်ခဲ့သလို ခံစားမိရင်း.......။ crd #Credit:......

1

· 0 Comments ·0 Shares ·39 Views

Please log in to like, share and comment!
Ko Phoe Thar Phoethar @Phoethar added a photo
2025-11-05 04:19:04 ·

ဘုန်းကြီး နဲ့ သူတောင်းစား
************************

ဗိုက်ဆာလို့ ကျောင်းမှာ လာတောင်းစားတဲ့ သူတောင်းစားကို ဘုန်းကြီးက အုပ်ခဲပုံရွှေခိုင်းလိုက်သောအခါ

တစ်နေ့မှာ ဘုန်းကြီးကျောင်း တစ်ကျောင်းကို လက်တစ်ဖက်တည်းရှိတဲ့ သူတောင်းစားတစ်ယောက် ရောက်လာပြီး စားစရာလာတောင်း စားတယ် ..အဲ့မှာ ကျောင်းထိုင်ဘုန်းကြီးနဲ့ တိုးတော့ ကျောင်းထိုင်ဆရာတော် ဆီမှာ စားစရာတောင်း တယ်။

ဆရာတော်က ဆွမ်းစားဆောင်ရှေ့ က အုတ်ပုံကို လက်ညိုး ထိုးပြ ပြီး “ဒကာတော် အဲ့ဒီအုတ်ပုံကို ဆွမ်းစားဆောင်နောက် အရင် ရွေ့ပေးပါအုန်း ” လို့ မိန့်တော်မူတယ်။ အဲ့တော့ လက်ပြတ် သူတောင်းစားက ဘုန်းကြီးကို မကျေမနပ်နဲ့ ပြောတယ်။

“ အရှင်ဘုရား။ တပည့်တော် မှာ လက်တစ်ဖက်တည်းရှိတာ ဘယ်လိုလုပ်ပြီး ဒီအုပ်ပုံကို ရွေ့နိုင်မှာလဲ အရှင်ဘုရား ဆွမ်းကျန် ဟင်းကျန်လေးတောင် မစွန့် ပေးချင်လဲ နေပါ။ တပည့်တော် တစ်ခြားမှာပဲ သွားတောင်းစားတော့ မယ် ” လို့ပြောရော ။

ဘုန်းကြီးက ဘာမှ ပြန်မပြောဘူး။ အုတ်ပုံဆီ လျောက်သွားပြီး လက် တစ်ဖက်တည်းနဲ့ အုတ်ခဲကို မပြီး ဆွမ်းစားဆောင်နောက်မှာ သွားချ တယ် ပြီးတော့မှ လေသံအေးအေးနဲ့ ပြောတာ “ ဒီလိုအလုပ်မျိုးက လက်တစ်ဖက်တည်းနဲ့လဲ လုပ်လို့ရတယ် ”

လက်တစ်ဖက်ပြတ် သူတောင်းစားလည်း ဗိုက်ကဆာ စားသောက်စရာလဲ လိုချင်တာ နဲ့ ဘုန်းကြီးပြောတဲ့အတိုင်း လုပ်ပါလေရော လက်တစ်ဖက် တည်းနဲ့ အုတ်ခဲတွေ တစ်ခဲချင်း တစ်ခဲချင်းစီ ဆွမ်းစားဆောင်နောက်ကို သယ်သွားချလိုက်တာ အချိန်အတော်လေးလဲကြာရောအုတ်ခဲပုံ တစ်ပုံလုံး ကျောင်းအနောက် ရောက်သွားပါလေရော။

အဲ့ဒီနောက် ဘုန်းကြီးလဲထမင်းဟင်းတွေကို ကောင်းကောင်း ပြင်ဆင်ပြီး ကျွေးလိုက်တယ် သူတောင်းစား ထမင်းစားပြီးတော့ ဘုန်းကြီးက ပိုက်ဆံတစ်ချို့ ထုတ်ပေးတယ် …

သူတောင်းစားလည်း ပိုက်ဆံတွေရတော့ အရမ်းဝမ်းသာသွားတယ်။ ဒါနဲ့ “ ကျေးဇူးတင်လိုက်တာဘုရား ကျေးဇူးတင်ပါတယ် အရှင်ဘုရား” နဲ့ ထိုင်ရှိခိုးရော။ ဘုန်းကြီးက ပြောတာ “ ဘုန်းဘုန်းကို ကျေးဇူးတင်စရာ မလိုပါဘူး ဒကာတော်။

ဘာကြောင့်လဲဆိုတော့ အဲ့ ဒီပိုက်ဆံတွေဟာ ဒကာတော်ရဲ့ အားအင် အစွမ်းအစကနေ လာတဲ့ ပိုက်ဆံတွေပဲလေ” တဲ့။သူတောင်းစားဟာ သူရဲ့ အစွမ်းအစ ကနေ ရတဲ့ငွေ အတွက် အရမ်း ကြည်နူ ပီတိ ဖြစ်မိတယ် လို့ခံစားရတယ်။

“ တပည့်တော် အမြဲ မှတ်သားထားပါ့မယ် ဘုရား ” ဆိုပြီး ဘုန်းကြီး ကို ကျေးဇူးတင်စွာနဲ့ ကန်တော့ပြီး ထွက်ခွာသွားခဲ့ ပါတော့တယ်။

နောက်ထပ် လေးငါးရက်လောက် ထပ်ကြာတော့ နောက်ထပ် သူတောင်းစားတစ်ယောက်က ကျောင်းမှာလာပြီး ဆွမ်းကျန်ထမင်းကျန် ထပ် လာတောင်းစားတယ် …

“ ဘုန်းကြီးလည်း သူတောင်းစားကို ဆွမ်းစားဆောင် နောက် ခေါ်သွားပြီး အုတ်ပုံကို လက်ညိုးထိုးပြပြီး ဒီအုတ်ပုံ ကို ဆွမ်းစာဆောင်အရှေ့ အရင်ရွေ့ပေးပါအုန်း လို့ ပြောတယ် ”
ဒါပေမဲ့ ခြေလက်အကောင်း နဲ့ အဲ့ဒီသူတောင်းစားဟာ ဘုန်းကြီး ခိုင်းတာ ကို စိတ်မဝင်စားပါဘူး ။
“ဆွမ်းကျန်လေး တောင်းစားတာတောင် မကျွေးချင်ဘူး။ လူကိုများ ဟိုခိုင်းလိုက် ဒီခိုင်းလိုက်နဲ့ ” လို့ မကျေမနပ်နဲ့ ပြောပြီး ထွက်ခွာသွားတော့ တယ်။

ကျောင်းထဲ က သံဃာတွေ အဲ့တာတွေကို မြင်တော့ ဘုန်းကြီးကို ဝိုင်းမေး ကြတယ်။
“ အရင်တစ်ခေါက်တုန်းက အရှင်ဘုရားက ဟိုသူတောင်းစားကို ဒီအုတ်ပုံကြီး ဆွမ်းစားဆောင်နောက် ရွေ့ ခိုင်းတယ်။ ခုတစ်ခါကျ ဒီသူတောင်းစားကို ကျောင်းရှေ့ ပြန်ရွေ့ခိုင်းတယ်။

တကယ်တမ်းတော့ အရှင်ဘုရားက အုတ်ပုံကို ဘယ်နား ထားစေချင်တာလဲ ဘုရား ”ဘုန်းကြီး က သံဃာတော်တွေကို ပြန်ပြောပြတာ “ အုတ်ပုံက ဆွမ်းစားဆောင် ရှေ့ မှာပဲနေနေ နောက်မှာပဲနေနေ မထူးခြားပါဘူး။ အတူတူ ပါပဲ။

ထူးခြားတာက အဲ့ဒီသူတောင်းစားတွေအတွက် ရွှေ့ မယ် မရွှေ့ဘူး ဆိုတာ လေးပါပဲ ” တဲ

အချိန်ကာလတွေ နှစ်ချီပြီး ကြာသွားခဲ့တယ်။ တစ်နေ့မှာ အဝတ်အစား သန့်သန့်ပြန့်ပြန့်နဲ့ လူတစ်ယောက် ကျောင်းမှာ အလှုလာလုပ်တယ်။ အဲ့ဒီလူ ဟာ လက်တစ်ဖက်ပဲ ရှိတယ်။

တကယ်တမ်းတော့ အဲ့ဒီလူဟာ အရင်တုန်းက ဘုန်းကြီး အုတ်ပုံရွေ့ဖို့ ခိုင်းလိုက်တဲ့ လက်တစ်ဖက်ပြတ်နဲ့ သူတောင်းစားပါပဲ…..

သူဟာ ဘုန်းကြီးနဲ့ ဆုံတွေ့ ခွင့်ရခဲ့ပြီးတဲ့နောက် သူ့ကိုယ်တွင်းမှာရှိတဲ့ သူရဲ့ တန်ဖိုးကို သိရှိနားလည်သွားခဲ့ပြီး သူနဲ့ သင့်တော် လျောက်ပတ်တဲ့ အလုပ်အကိုင်တွေကို ကြိုးစားလုပ်ကိုင်ရင်း ကိုယ့်ကိုယ်ကို အခြေအနေ ကောင်းမွန်မြင့်တက်လာစေနိုင်ခဲ့တော့တာပါပဲ

( မိမိ ကိုယ်ကို ယုံကြည် ကိုယ့်ရဲ့တန်ဖိုးကို ကိုယ် သိတတ် ပြီး ကိုယ့်အားကိုယ် ကိုး တတ်ခြင်းဟာ လူဖြစ်ခြင်းရဲ့ အရေးအကြီးဆုံး အခြေ ခံ အကြောင်းအရင်းပဲ ဖြစ်ပါတော့တယ် )
. . . . . . . . . . . . . . . . . . . . . . . . . . . . . .

လွပ်လပ်မှု့ဆိုတာလူတိုင်းအတွက်ဖြစ်နိုင်ပါတယ်
ကိုယ်ကသာရွေးချယ်မလား ဆိုတာမူတည်သွားတာပါ။

မန္တလေးစာကြည့်တိုက် ‘

မှတ်ချက်
မိမိ လိုင်းသုံးတဲ့အခါမှာ ဖုန်းဘေကုန်ရကျိုး
နပ်အောင်
အသိပညာတစ်ခုခုတော့ ရအောင်ယူသွားပါ။

#Crd
(ကူးယူမျှဝေဓမ္မဒါနပြုပါသည်)

ဘုန်းကြီး နဲ့ သူတောင်းစား ************************ ဗိုက်ဆာလို့ ကျောင်းမှာ လာတောင်းစားတဲ့ သူတောင်းစားကို ဘုန်းကြီးက အုပ်ခဲပုံရွှေခိုင်းလိုက်သောအခါ တစ်နေ့မှာ ဘုန်းကြီးကျောင်း တစ်ကျောင်းကို လက်တစ်ဖက်တည်းရှိတဲ့ သူတောင်းစားတစ်ယောက် ရောက်လာပြီး စားစရာလာတောင်း စားတယ် ..အဲ့မှာ ကျောင်းထိုင်ဘုန်းကြီးနဲ့ တိုးတော့ ကျောင်းထိုင်ဆရာတော် ဆီမှာ စားစရာတောင်း တယ်။ ဆရာတော်က ဆွမ်းစားဆောင်ရှေ့ က အုတ်ပုံကို လက်ညိုး ထိုးပြ ပြီး “ဒကာတော် အဲ့ဒီအုတ်ပုံကို ဆွမ်းစားဆောင်နောက် အရင် ရွေ့ပေးပါအုန်း ” လို့ မိန့်တော်မူတယ်။ အဲ့တော့ လက်ပြတ် သူတောင်းစားက ဘုန်းကြီးကို မကျေမနပ်နဲ့ ပြောတယ်။ “ အရှင်ဘုရား။ တပည့်တော် မှာ လက်တစ်ဖက်တည်းရှိတာ ဘယ်လိုလုပ်ပြီး ဒီအုပ်ပုံကို ရွေ့နိုင်မှာလဲ အရှင်ဘုရား ဆွမ်းကျန် ဟင်းကျန်လေးတောင် မစွန့် ပေးချင်လဲ နေပါ။ တပည့်တော် တစ်ခြားမှာပဲ သွားတောင်းစားတော့ မယ် ” လို့ပြောရော ။ ဘုန်းကြီးက ဘာမှ ပြန်မပြောဘူး။ အုတ်ပုံဆီ လျောက်သွားပြီး လက် တစ်ဖက်တည်းနဲ့ အုတ်ခဲကို မပြီး ဆွမ်းစားဆောင်နောက်မှာ သွားချ တယ် ပြီးတော့မှ လေသံအေးအေးနဲ့ ပြောတာ “ ဒီလိုအလုပ်မျိုးက လက်တစ်ဖက်တည်းနဲ့လဲ လုပ်လို့ရတယ် ” လက်တစ်ဖက်ပြတ် သူတောင်းစားလည်း ဗိုက်ကဆာ စားသောက်စရာလဲ လိုချင်တာ နဲ့ ဘုန်းကြီးပြောတဲ့အတိုင်း လုပ်ပါလေရော လက်တစ်ဖက် တည်းနဲ့ အုတ်ခဲတွေ တစ်ခဲချင်း တစ်ခဲချင်းစီ ဆွမ်းစားဆောင်နောက်ကို သယ်သွားချလိုက်တာ အချိန်အတော်လေးလဲကြာရောအုတ်ခဲပုံ တစ်ပုံလုံး ကျောင်းအနောက် ရောက်သွားပါလေရော။ အဲ့ဒီနောက် ဘုန်းကြီးလဲထမင်းဟင်းတွေကို ကောင်းကောင်း ပြင်ဆင်ပြီး ကျွေးလိုက်တယ် သူတောင်းစား ထမင်းစားပြီးတော့ ဘုန်းကြီးက ပိုက်ဆံတစ်ချို့ ထုတ်ပေးတယ် … သူတောင်းစားလည်း ပိုက်ဆံတွေရတော့ အရမ်းဝမ်းသာသွားတယ်။ ဒါနဲ့ “ ကျေးဇူးတင်လိုက်တာဘုရား ကျေးဇူးတင်ပါတယ် အရှင်ဘုရား” နဲ့ ထိုင်ရှိခိုးရော။ ဘုန်းကြီးက ပြောတာ “ ဘုန်းဘုန်းကို ကျေးဇူးတင်စရာ မလိုပါဘူး ဒကာတော်။ ဘာကြောင့်လဲဆိုတော့ အဲ့ ဒီပိုက်ဆံတွေဟာ ဒကာတော်ရဲ့ အားအင် အစွမ်းအစကနေ လာတဲ့ ပိုက်ဆံတွေပဲလေ” တဲ့။သူတောင်းစားဟာ သူရဲ့ အစွမ်းအစ ကနေ ရတဲ့ငွေ အတွက် အရမ်း ကြည်နူ ပီတိ ဖြစ်မိတယ် လို့ခံစားရတယ်။ “ တပည့်တော် အမြဲ မှတ်သားထားပါ့မယ် ဘုရား ” ဆိုပြီး ဘုန်းကြီး ကို ကျေးဇူးတင်စွာနဲ့ ကန်တော့ပြီး ထွက်ခွာသွားခဲ့ ပါတော့တယ်။ နောက်ထပ် လေးငါးရက်လောက် ထပ်ကြာတော့ နောက်ထပ် သူတောင်းစားတစ်ယောက်က ကျောင်းမှာလာပြီး ဆွမ်းကျန်ထမင်းကျန် ထပ် လာတောင်းစားတယ် … “ ဘုန်းကြီးလည်း သူတောင်းစားကို ဆွမ်းစားဆောင် နောက် ခေါ်သွားပြီး အုတ်ပုံကို လက်ညိုးထိုးပြပြီး ဒီအုတ်ပုံ ကို ဆွမ်းစာဆောင်အရှေ့ အရင်ရွေ့ပေးပါအုန်း လို့ ပြောတယ် ” ဒါပေမဲ့ ခြေလက်အကောင်း နဲ့ အဲ့ဒီသူတောင်းစားဟာ ဘုန်းကြီး ခိုင်းတာ ကို စိတ်မဝင်စားပါဘူး ။ “ဆွမ်းကျန်လေး တောင်းစားတာတောင် မကျွေးချင်ဘူး။ လူကိုများ ဟိုခိုင်းလိုက် ဒီခိုင်းလိုက်နဲ့ ” လို့ မကျေမနပ်နဲ့ ပြောပြီး ထွက်ခွာသွားတော့ တယ်။ ကျောင်းထဲ က သံဃာတွေ အဲ့တာတွေကို မြင်တော့ ဘုန်းကြီးကို ဝိုင်းမေး ကြတယ်။ “ အရင်တစ်ခေါက်တုန်းက အရှင်ဘုရားက ဟိုသူတောင်းစားကို ဒီအုတ်ပုံကြီး ဆွမ်းစားဆောင်နောက် ရွေ့ ခိုင်းတယ်။ ခုတစ်ခါကျ ဒီသူတောင်းစားကို ကျောင်းရှေ့ ပြန်ရွေ့ခိုင်းတယ်။ တကယ်တမ်းတော့ အရှင်ဘုရားက အုတ်ပုံကို ဘယ်နား ထားစေချင်တာလဲ ဘုရား ”ဘုန်းကြီး က သံဃာတော်တွေကို ပြန်ပြောပြတာ “ အုတ်ပုံက ဆွမ်းစားဆောင် ရှေ့ မှာပဲနေနေ နောက်မှာပဲနေနေ မထူးခြားပါဘူး။ အတူတူ ပါပဲ။ ထူးခြားတာက အဲ့ဒီသူတောင်းစားတွေအတွက် ရွှေ့ မယ် မရွှေ့ဘူး ဆိုတာ လေးပါပဲ ” တဲ အချိန်ကာလတွေ နှစ်ချီပြီး ကြာသွားခဲ့တယ်။ တစ်နေ့မှာ အဝတ်အစား သန့်သန့်ပြန့်ပြန့်နဲ့ လူတစ်ယောက် ကျောင်းမှာ အလှုလာလုပ်တယ်။ အဲ့ဒီလူ ဟာ လက်တစ်ဖက်ပဲ ရှိတယ်။ တကယ်တမ်းတော့ အဲ့ဒီလူဟာ အရင်တုန်းက ဘုန်းကြီး အုတ်ပုံရွေ့ဖို့ ခိုင်းလိုက်တဲ့ လက်တစ်ဖက်ပြတ်နဲ့ သူတောင်းစားပါပဲ….. သူဟာ ဘုန်းကြီးနဲ့ ဆုံတွေ့ ခွင့်ရခဲ့ပြီးတဲ့နောက် သူ့ကိုယ်တွင်းမှာရှိတဲ့ သူရဲ့ တန်ဖိုးကို သိရှိနားလည်သွားခဲ့ပြီး သူနဲ့ သင့်တော် လျောက်ပတ်တဲ့ အလုပ်အကိုင်တွေကို ကြိုးစားလုပ်ကိုင်ရင်း ကိုယ့်ကိုယ်ကို အခြေအနေ ကောင်းမွန်မြင့်တက်လာစေနိုင်ခဲ့တော့တာပါပဲ ( မိမိ ကိုယ်ကို ယုံကြည် ကိုယ့်ရဲ့တန်ဖိုးကို ကိုယ် သိတတ် ပြီး ကိုယ့်အားကိုယ် ကိုး တတ်ခြင်းဟာ လူဖြစ်ခြင်းရဲ့ အရေးအကြီးဆုံး အခြေ ခံ အကြောင်းအရင်းပဲ ဖြစ်ပါတော့တယ် ) . . . . . . . . . . . . . . . . . . . . . . . . . . . . . . လွပ်လပ်မှု့ဆိုတာလူတိုင်းအတွက်ဖြစ်နိုင်ပါတယ် ကိုယ်ကသာရွေးချယ်မလား ဆိုတာမူတည်သွားတာပါ။ မန္တလေးစာကြည့်တိုက် ‘ မှတ်ချက် မိမိ လိုင်းသုံးတဲ့အခါမှာ ဖုန်းဘေကုန်ရကျိုး နပ်အောင် အသိပညာတစ်ခုခုတော့ ရအောင်ယူသွားပါ။ #Crd (ကူးယူမျှဝေဓမ္မဒါနပြုပါသည်)

2

· 0 Comments ·0 Shares ·273 Views

Please log in to like, share and comment!
Yuu Kii @yuukii added a photo
2025-02-12 08:13:17 ·

တပို့တွဲလပြည့် ဩဝါဒပါတိမောက် အခါတော်နေ့

တပို့တွဲလပြည့်နေ့သည် ဗုဒ္ဓဘာသာဝင်သူတော်စင်တို့၏ 'ဩဝါဒပါတိမောက်အခါတော်နေ့'ဖြစ်ပါတယ်။ အဆူဆူပွင့်ခဲ့ကြကုန်သောဘုရားရှင်တို့၏ အဆုံးအမဩဝါဒနှင့် ပညတ်တော်မူသော သိက္ခာပုဒ်များကို 'ပါတိမောက်'ဟု ခေါ်ဆိုပါတယ်။ " ဩဝါဒပါတိမောက်" ဆိုတာကတော့ " အပါယ်ဘေးမှကင်းဝေးစေသည့် အဆုံးအမ " ဟု ဆိုပါတယ်။ " ပါတိမောက်ပြသည် " ဆိုသည်မှာ ဘုရားရှင်တို့သည် တပည့်သံဃာများအား ထိုအဆုံးအမကို ပြသဆုံးမတော်မူကြခြင်းကို ဆိုလိုပါတယ်။ ရှေးဟောင်းနောင်တော် ဘုရားရှင်တို့၏ ဓမ္မတာလက်သုံး ထုံးနည်းတံထွာ အစဉ်အလာဖြစ်သော "ခန္တီ ပရမံ တပေါ တိတိက္ခာ" အစချီသည့် ဩဝါဒပါတိမောက် (သုံးဂါထာ)ကိုမိန့်ကြားတော်မူပါတယ်။ ယင်း(သုံးဂါထာ)သည်ပင်လျှင် ခပ်သိမ်းသောဘုရားရှင်တို့၏ ဩဝါဒပါတိမောက်ဖြစ်ပါ‌တယ်။

တပို့တွဲလပြည့်နေ့ မှာ ဘုရားဆူဆူ တို့အားရည်မှန်း ကုသိုလ်ယူနိုင်ကြပါစေလိုပါတယ်။ ယခုလိုကာလ တပို့တွဲလဆန်းမှစပြီး တပို့တွဲလပြည့်နေ့အထိ ထမနဲထိုးပွဲများကိုလည်း ခြိမ့်ခြိမ့်သဲ ကျင်းပလေ့ရှိကြပါတယ်။ ယခုလိုကျရောက်တဲ့ တပို့တွဲလပြည့်အခါသမယနေ့မှာ မိတ်ဆွေများအားလုံး ကိုယ်ကျန်းမာ၊ စိတ်ချမ်းသာကြပါစေကြောင်း ဆုမွန်ကောင်း ပို့သအပ်ပါတယ် ခင်ဗျာ။ ကောင်းကျိုး လိုအင်ဆန္ဒများနဲ့ ပြည့်စုံနိုင်ကြပါစေ။ လာဘ်လာဘပြည့်စုံပါစေ။ ပျော်ရွှင်ဖွယ်ရာနေ့ရက်ကောင်းလေးတွေဖြစ်ပါစေ

တပို့တွဲလပြည့် ဩဝါဒပါတိမောက် အခါတော်နေ့ တပို့တွဲလပြည့်နေ့သည် ဗုဒ္ဓဘာသာဝင်သူတော်စင်တို့၏ 'ဩဝါဒပါတိမောက်အခါတော်နေ့'ဖြစ်ပါတယ်။ အဆူဆူပွင့်ခဲ့ကြကုန်သောဘုရားရှင်တို့၏ အဆုံးအမဩဝါဒနှင့် ပညတ်တော်မူသော သိက္ခာပုဒ်များကို 'ပါတိမောက်'ဟု ခေါ်ဆိုပါတယ်။ " ဩဝါဒပါတိမောက်" ဆိုတာကတော့ " အပါယ်ဘေးမှကင်းဝေးစေသည့် အဆုံးအမ " ဟု ဆိုပါတယ်။ " ပါတိမောက်ပြသည် " ဆိုသည်မှာ ဘုရားရှင်တို့သည် တပည့်သံဃာများအား ထိုအဆုံးအမကို ပြသဆုံးမတော်မူကြခြင်းကို ဆိုလိုပါတယ်။ ရှေးဟောင်းနောင်တော် ဘုရားရှင်တို့၏ ဓမ္မတာလက်သုံး ထုံးနည်းတံထွာ အစဉ်အလာဖြစ်သော "ခန္တီ ပရမံ တပေါ တိတိက္ခာ" အစချီသည့် ဩဝါဒပါတိမောက် (သုံးဂါထာ)ကိုမိန့်ကြားတော်မူပါတယ်။ ယင်း(သုံးဂါထာ)သည်ပင်လျှင် ခပ်သိမ်းသောဘုရားရှင်တို့၏ ဩဝါဒပါတိမောက်ဖြစ်ပါ‌တယ်။ တပို့တွဲလပြည့်နေ့ မှာ ဘုရားဆူဆူ တို့အားရည်မှန်း ကုသိုလ်ယူနိုင်ကြပါစေလိုပါတယ်။ ယခုလိုကာလ တပို့တွဲလဆန်းမှစပြီး တပို့တွဲလပြည့်နေ့အထိ ထမနဲထိုးပွဲများကိုလည်း ခြိမ့်ခြိမ့်သဲ ကျင်းပလေ့ရှိကြပါတယ်။ ယခုလိုကျရောက်တဲ့ တပို့တွဲလပြည့်အခါသမယနေ့မှာ မိတ်ဆွေများအားလုံး ကိုယ်ကျန်းမာ၊ စိတ်ချမ်းသာကြပါစေကြောင်း ဆုမွန်ကောင်း ပို့သအပ်ပါတယ် ခင်ဗျာ။ ကောင်းကျိုး လိုအင်ဆန္ဒများနဲ့ ပြည့်စုံနိုင်ကြပါစေ။ လာဘ်လာဘပြည့်စုံပါစေ။ ပျော်ရွှင်ဖွယ်ရာနေ့ရက်ကောင်းလေးတွေဖြစ်ပါစေ🙏

5

· 0 Comments ·0 Shares ·472 Views

Please log in to like, share and comment!
အိပ်ယာဝင်ပုံပြင်များ @bedtimestory added a photo
2024-12-11 01:08:38 ·

မထီမဲ့မြင် မပြုနှင့်
============
မြတ်စွာဘုရား ဇေတ၀န်ကျောင်းတော်မှာ သီတင်းသုံး နေတော်မူတဲ့ အချိန်ကာလ...
ရသေ့ အပါးငါးရာတို့ဟာ ဟိမ၀န္တာတောတွင် သီတင်းသုံးနေကြပါတယ်။ တစ်နေ့ ..နွေရာသီ
ကုန်ဆုံးလို့ မိုးရာသီမရောက်မီ စပ်ကူးကာလ အချိန်တွင် ရသေ့အပါးငါးရာတို့ ဒေသစာရီကြွချီရာ တစ်ခုသော လွင်ပြင်၌ အလွန့်အလွန် ကျယ်ပြန့်သော ညောင်ပင်ကြီးတစ်ပင်အောက်
ရောက်သွားပါတယ်။

အဲဒီ ညောင်ပင်ကြီးဟာ အလွန်စိမ်းလန်းစိုပြေပြီး ရသေ့အပါးငါးရာလုံး အဲဒီညောင်ပင်
ရိပ် ခိုနေလို့ ရပါတယ်။
အေး... စိတ်ချမ်းသာလိုက်တာ၊ အေးမြလိုက်တာ...။

၀ါတော်ကြီးတဲ့
ရသေ့က ငါ့ရှင်တို့ ဤညောင်ပင်ကြီးက သာယာဖွယ်ကောင်းလိုက်တာ၊ အရိပ်ကလည်း ကောင်း
လိုက်တာ၊ ဤ ညောင်ပင်ကြီးကို အစိုးရတဲ့ နတ်မင်းတော့ ရှိမှာပဲ။

အရပ်လေးမျက်နှာကိုကြည့်
ပြီး... ငါတို့ကလည်း ရေဆာလှပြီ၊ ဤ ညောင်ပင်နတ်စောင့်ကို ငါ့ရှင်နတ်မင်း ကျွန်ုပ်တို့ ရေဆာနေတယ်၊
ရေကိုပေးပါလို့ ရသေ့ကြီးက တောင်းလိုက်တဲ့အခါမှာ စမ်းချောင်းမှ ရေစီးဆင်းသလို ညောင်ပင်ကြီးက ချက်ချင်းပဲ ရေစီးဆင်းလာတယ်။ ရသေ့ငါးရာလုံး ရေကို ကိုယ်စီကိုယ်စီ သောက်သုံးပြီးတော့ ရေက အလိုလို ရပ်သွားတယ်။

ထပ်ပြီးတော့ ရသေ့ကြီးက တောင်းပြန်တယ်၊ ညောင်ပင်စောင့် နတ်မင်းကြီး ကျွန်ုပ်တို့
ရေမချိုးရတာ ကြာလှပြီ၊ ရေချိုးချင်ပါတယ်ဆိုတော့ ထပ်ပြီးတော့ ရေတွေပန်းထွက်လာတယ်။
ရသေ့ငါးရာလုံး အားရပါးရ ရေချိုးကြတယ်။ ရေချိုးလို့ပြီးတာနဲ့ ရေက အလိုလို ရပ်သွားတယ်။

ရေလည်း သောက်ကြရပြီ၊ ရေလည်း ချိုးကြရပြီ၊ အစာအဟာရ မစားရသေး။ ဒီတစ်ခါလည်းနတ်မင်းကြီး ကျွန်ုပ်တို့ အစာအဟာရ မစားသုံးရသေးပါ ကျွန်ုပ်တို့ကို (ထမင်း)အစာအဟာရ
ပေးပါလို့ ရသေ့ကြီးက တောင်းလိုက်တော့ ချက်ချင်း ညောင်ပင်ကြီးထဲက ထမင်းထုပ်တွေ
တစ်ပါးတစ်ထုပ်၊ တစ်ပါးတစ်ထုပ်နဲ့ လက်ခံယူလိုက်ရုံပဲ။ စားသုံးပြီး အပန်းဖြေကြတယ်။

ပြီး တော့မှ ရသေ့ကြီးက တန်ခိုးကြီးတဲ့ ညောင်ပင်စောင့်နတ်မင်း ... ငါတို့.. နတ်မင်းကြီးကို မြင်လိုပါတယ်၊
ငါတို့ကို ကိုယ်ထင်ပြပေးပါ။
ဒီတော့ ချက်ချင်းပဲ နတ်မင်းကြီးက ကိုယ်ထင်ပြတယ်။

ဟာ... အသင်နတ်မင်း ဘုန်း
တန်ခိုးကြီးလိုက်တာ.. အသင်နတ်မင်း အဘယ်အကြောင်းကြောင့်၊ အဘယ်ကုသိုလ်လုပ်ပြီး
ယခုကဲ့သို့ ဘုန်းတန်ခိုးကြီး ချမ်းသာရပါသလဲ ?။

ဒီတော့ နတ်မင်းကြီးက အရှင်ဘုရားတို့ မ
ပြောပြရပါစေနဲ့ဘုရား....၊ လက်အုပ်ချီပြီးတော့ တောင်းပန်တယ်။ ရသေ့ငါးရာတို့ကလည်း
အသင်နတ်မင်းကြီး ပြောသာပြောပါ။ နတ်မင်းကြီးကလည်း ... မပြောပြရစေနဲ့ .. ဘုရား၊
ရှက်စရာကြီး မို့လို့ပါ။

အဲဒီတော့ ရသေ့ကြီးက ပြောသာပြောပါ ကျွန်ုပ်တို့ သိချင်လို့ပါ။ နတ်မင်းကြီးကလည်း
မပြောပြရစေနဲ့လို့ သုံးကြိမ်တိုင်တိုင် ငြင်းပါတယ်၊ လေးကြိမ်မြောက်ကျတော့ .. ဒါဆိုလည်းပြောပြပါ့မယ်ဘုရား.. ။

ဘုရားတပည့်တော် .. နှစ်အနည်းငယ်ကလေးက သာသနာတော်ကြီး
ကို ပစ္စည်းလေးပါးထောက်ပံ့ပြီး ကိုးကွယ်တဲ့ အနာထပိဏ်သူဌေးကြီး ဆိုတာ ရှိပါတယ်ဘုရား။

အနာထပိဏ်သူဌေးကြီးရဲ့အိမ်မှာ တပည့်တော် (အလုပ်သမား)ကျွန်တစ်ယောက် ဖြစ်ခဲ့ပါတယ်
တပည့်တော် နေ့စဉ်အလုပ်မှန်မှန်လုပ်ပြီးမှ စားသောက်နေရပါတယ်ဘုရား။

တစ်နေ့ . တပည့်တော် မနက်စောစော အိပ်ရာမှထပြီး အလုပ်ခွင်သို့သွားကာ အလုပ်
လုပ်ပြန်လာတော့ နေ မွန်းတည့်နေပါပြီ။ ဒီတော့ အနာထပိဏ်သူဌေးက ဟေး.. လုလင်လေး
ဒီနေ့ ဥပုသ်ရက် မေ့နေသလား..?။

အေးကွာ .. မင်းကို သတိပေးဖို့လည်း မေ့သွားကြတယ်။
မင်းအတွက် ထမင်းတွေ၊ ဟင်းတွေ အကုန်ချက်ထားတယ်၊ ညနေစာအတွက်ပါ ချက်ထားတယ်
မင်းကြိုက်သလိုစား...၊ အားလုံးက ဥပုသ်သီလစောင့်ကြတယ်။

ဒီတော့ .. တပည့်တော်လည်း ဥပုသ်စောင့်ပါ့မယ်ဆိုပြီး သီလယူဥပုသ်စောင့်ပါတယ်။
ပြီးတော့ သူဌေးမင်း .. ယနေ့ ရရှိသော လုပ်အားခကို ဘုရားအမှူးရှိသော သံဃာတော်များကို
လှူဒါန်းပါတယ်ဆိုပြီး တစ်နေ့တာလုပ်အားခကို လှူဒါန်းလိုက်ပါတယ်။
ညနေကျတော့ လေနာရောဂါ ထလာပါတယ်။
အဲဒီအချိန်မှာ အနာထပိဏ်သူဌေးကြီး
ရောက်လာပြီး စတုမဓူ စားသုံးပေးဖို့ ဆိုတော့ တပည့်တော်က သီလစင်ကြယ်အောင် သီလ
မညိုးနွမ်းအောင် စောင့်ထိန်းပါ့မယ် မစားသုံးလိုပါဆိုပြီး သီလကိုစင်စင်ကြယ်ကြယ်နဲ့ စောင့်
ထိန်းလိုက်ပါတယ်။

ည လေနာထပြီးသေတော့ ညောင်ပင်စောင့် ရက္ခစိုးဖြစ်လာပါတယ်။
တပည့်တော်ဟာ မကျိုးပေါက်သော နေ့တစ်၀က်သီလ၊ အနည်းငယ်သော တစ်နေ့တာ
လုပ်အားခ ကောင်းမှုကုသိုလ်ကြောင့် ရေလိုရင်ရေ၊ မီးလိုရင်မီး၊ ရွှေလိုရင်ရွှေ၊ ငွေလိုရင်ငွေ
အစာအဟာရလိုရင် အစာအဟာရ .. ရပါတယ်ဘုရား။

ဒါကြောင့် တရားချစ်ခင် သူတော်စင်အပေါင်းတို့ကလည်း အနည်းငယ်သော ကောင်းမှု
ကုသိုလ်သည်ပင်လျှင် အကျိုးပေးကောင်းကြောင်း ကောင်းစွာ သိရှိနားလည်ကြပြီး မိမိတို့
ကောင်းမှုကုသိုလ် ပြုလုပ်တိုင်း ကိုယ်စီကိုယ်ငှ အသိဉာဏ် သတိဖြင့်ပြုလုပ်ကြကာ ဘဝြမင့်သ
ထက်မြင့်အောင် ကျင့်ကြံနိုင်ပြီး မြတ်နိဗ္ဗာန်ကို ရရောက်နိုင်ကြပါစေ ကုန်သတည်း။ ။

{ ၁၃၇၄ ခုနှစ်၊ တန်ခူးလဆန်း ၄ ရက်၊ ရန်ကုန်တိုင်းဒေသကြီး၊ ပုလဲမြို့သစ်၊ ရတနာမာရ်အောင်
တောရဓမ္မရိပ်သာ၌ မြောက်ဦးဆရာတော် ၀နဝါသီ အရှင်ဝါယာမိန္ဒ ဟောကြားသော
“ မထီမဲ့မြင် မပြုနှင့် ” တရားတော်မှ ကောက်နုတ်ရေးသားပူဇော်ပါသည်။ }

Credit: Original Author

မထီမဲ့မြင် မပြုနှင့် ============ မြတ်စွာဘုရား ဇေတ၀န်ကျောင်းတော်မှာ သီတင်းသုံး နေတော်မူတဲ့ အချိန်ကာလ... ရသေ့ အပါးငါးရာတို့ဟာ ဟိမ၀န္တာတောတွင် သီတင်းသုံးနေကြပါတယ်။ တစ်နေ့ ..နွေရာသီ ကုန်ဆုံးလို့ မိုးရာသီမရောက်မီ စပ်ကူးကာလ အချိန်တွင် ရသေ့အပါးငါးရာတို့ ဒေသစာရီကြွချီရာ တစ်ခုသော လွင်ပြင်၌ အလွန့်အလွန် ကျယ်ပြန့်သော ညောင်ပင်ကြီးတစ်ပင်အောက် ရောက်သွားပါတယ်။ အဲဒီ ညောင်ပင်ကြီးဟာ အလွန်စိမ်းလန်းစိုပြေပြီး ရသေ့အပါးငါးရာလုံး အဲဒီညောင်ပင် ရိပ် ခိုနေလို့ ရပါတယ်။ အေး... စိတ်ချမ်းသာလိုက်တာ၊ အေးမြလိုက်တာ...။ ၀ါတော်ကြီးတဲ့ ရသေ့က ငါ့ရှင်တို့ ဤညောင်ပင်ကြီးက သာယာဖွယ်ကောင်းလိုက်တာ၊ အရိပ်ကလည်း ကောင်း လိုက်တာ၊ ဤ ညောင်ပင်ကြီးကို အစိုးရတဲ့ နတ်မင်းတော့ ရှိမှာပဲ။ အရပ်လေးမျက်နှာကိုကြည့် ပြီး... ငါတို့ကလည်း ရေဆာလှပြီ၊ ဤ ညောင်ပင်နတ်စောင့်ကို ငါ့ရှင်နတ်မင်း ကျွန်ုပ်တို့ ရေဆာနေတယ်၊ ရေကိုပေးပါလို့ ရသေ့ကြီးက တောင်းလိုက်တဲ့အခါမှာ စမ်းချောင်းမှ ရေစီးဆင်းသလို ညောင်ပင်ကြီးက ချက်ချင်းပဲ ရေစီးဆင်းလာတယ်။ ရသေ့ငါးရာလုံး ရေကို ကိုယ်စီကိုယ်စီ သောက်သုံးပြီးတော့ ရေက အလိုလို ရပ်သွားတယ်။ ထပ်ပြီးတော့ ရသေ့ကြီးက တောင်းပြန်တယ်၊ ညောင်ပင်စောင့် နတ်မင်းကြီး ကျွန်ုပ်တို့ ရေမချိုးရတာ ကြာလှပြီ၊ ရေချိုးချင်ပါတယ်ဆိုတော့ ထပ်ပြီးတော့ ရေတွေပန်းထွက်လာတယ်။ ရသေ့ငါးရာလုံး အားရပါးရ ရေချိုးကြတယ်။ ရေချိုးလို့ပြီးတာနဲ့ ရေက အလိုလို ရပ်သွားတယ်။ ရေလည်း သောက်ကြရပြီ၊ ရေလည်း ချိုးကြရပြီ၊ အစာအဟာရ မစားရသေး။ ဒီတစ်ခါလည်းနတ်မင်းကြီး ကျွန်ုပ်တို့ အစာအဟာရ မစားသုံးရသေးပါ ကျွန်ုပ်တို့ကို (ထမင်း)အစာအဟာရ ပေးပါလို့ ရသေ့ကြီးက တောင်းလိုက်တော့ ချက်ချင်း ညောင်ပင်ကြီးထဲက ထမင်းထုပ်တွေ တစ်ပါးတစ်ထုပ်၊ တစ်ပါးတစ်ထုပ်နဲ့ လက်ခံယူလိုက်ရုံပဲ။ စားသုံးပြီး အပန်းဖြေကြတယ်။ ပြီး တော့မှ ရသေ့ကြီးက တန်ခိုးကြီးတဲ့ ညောင်ပင်စောင့်နတ်မင်း ... ငါတို့.. နတ်မင်းကြီးကို မြင်လိုပါတယ်၊ ငါတို့ကို ကိုယ်ထင်ပြပေးပါ။ ဒီတော့ ချက်ချင်းပဲ နတ်မင်းကြီးက ကိုယ်ထင်ပြတယ်။ ဟာ... အသင်နတ်မင်း ဘုန်း တန်ခိုးကြီးလိုက်တာ.. အသင်နတ်မင်း အဘယ်အကြောင်းကြောင့်၊ အဘယ်ကုသိုလ်လုပ်ပြီး ယခုကဲ့သို့ ဘုန်းတန်ခိုးကြီး ချမ်းသာရပါသလဲ ?။ ဒီတော့ နတ်မင်းကြီးက အရှင်ဘုရားတို့ မ ပြောပြရပါစေနဲ့ဘုရား....၊ လက်အုပ်ချီပြီးတော့ တောင်းပန်တယ်။ ရသေ့ငါးရာတို့ကလည်း အသင်နတ်မင်းကြီး ပြောသာပြောပါ။ နတ်မင်းကြီးကလည်း ... မပြောပြရစေနဲ့ .. ဘုရား၊ ရှက်စရာကြီး မို့လို့ပါ။ အဲဒီတော့ ရသေ့ကြီးက ပြောသာပြောပါ ကျွန်ုပ်တို့ သိချင်လို့ပါ။ နတ်မင်းကြီးကလည်း မပြောပြရစေနဲ့လို့ သုံးကြိမ်တိုင်တိုင် ငြင်းပါတယ်၊ လေးကြိမ်မြောက်ကျတော့ .. ဒါဆိုလည်းပြောပြပါ့မယ်ဘုရား.. ။ ဘုရားတပည့်တော် .. နှစ်အနည်းငယ်ကလေးက သာသနာတော်ကြီး ကို ပစ္စည်းလေးပါးထောက်ပံ့ပြီး ကိုးကွယ်တဲ့ အနာထပိဏ်သူဌေးကြီး ဆိုတာ ရှိပါတယ်ဘုရား။ အနာထပိဏ်သူဌေးကြီးရဲ့အိမ်မှာ တပည့်တော် (အလုပ်သမား)ကျွန်တစ်ယောက် ဖြစ်ခဲ့ပါတယ် တပည့်တော် နေ့စဉ်အလုပ်မှန်မှန်လုပ်ပြီးမှ စားသောက်နေရပါတယ်ဘုရား။ တစ်နေ့ . တပည့်တော် မနက်စောစော အိပ်ရာမှထပြီး အလုပ်ခွင်သို့သွားကာ အလုပ် လုပ်ပြန်လာတော့ နေ မွန်းတည့်နေပါပြီ။ ဒီတော့ အနာထပိဏ်သူဌေးက ဟေး.. လုလင်လေး ဒီနေ့ ဥပုသ်ရက် မေ့နေသလား..?။ အေးကွာ .. မင်းကို သတိပေးဖို့လည်း မေ့သွားကြတယ်။ မင်းအတွက် ထမင်းတွေ၊ ဟင်းတွေ အကုန်ချက်ထားတယ်၊ ညနေစာအတွက်ပါ ချက်ထားတယ် မင်းကြိုက်သလိုစား...၊ အားလုံးက ဥပုသ်သီလစောင့်ကြတယ်။ ဒီတော့ .. တပည့်တော်လည်း ဥပုသ်စောင့်ပါ့မယ်ဆိုပြီး သီလယူဥပုသ်စောင့်ပါတယ်။ ပြီးတော့ သူဌေးမင်း .. ယနေ့ ရရှိသော လုပ်အားခကို ဘုရားအမှူးရှိသော သံဃာတော်များကို လှူဒါန်းပါတယ်ဆိုပြီး တစ်နေ့တာလုပ်အားခကို လှူဒါန်းလိုက်ပါတယ်။ ညနေကျတော့ လေနာရောဂါ ထလာပါတယ်။ အဲဒီအချိန်မှာ အနာထပိဏ်သူဌေးကြီး ရောက်လာပြီး စတုမဓူ စားသုံးပေးဖို့ ဆိုတော့ တပည့်တော်က သီလစင်ကြယ်အောင် သီလ မညိုးနွမ်းအောင် စောင့်ထိန်းပါ့မယ် မစားသုံးလိုပါဆိုပြီး သီလကိုစင်စင်ကြယ်ကြယ်နဲ့ စောင့် ထိန်းလိုက်ပါတယ်။ ည လေနာထပြီးသေတော့ ညောင်ပင်စောင့် ရက္ခစိုးဖြစ်လာပါတယ်။ တပည့်တော်ဟာ မကျိုးပေါက်သော နေ့တစ်၀က်သီလ၊ အနည်းငယ်သော တစ်နေ့တာ လုပ်အားခ ကောင်းမှုကုသိုလ်ကြောင့် ရေလိုရင်ရေ၊ မီးလိုရင်မီး၊ ရွှေလိုရင်ရွှေ၊ ငွေလိုရင်ငွေ အစာအဟာရလိုရင် အစာအဟာရ .. ရပါတယ်ဘုရား။ ဒါကြောင့် တရားချစ်ခင် သူတော်စင်အပေါင်းတို့ကလည်း အနည်းငယ်သော ကောင်းမှု ကုသိုလ်သည်ပင်လျှင် အကျိုးပေးကောင်းကြောင်း ကောင်းစွာ သိရှိနားလည်ကြပြီး မိမိတို့ ကောင်းမှုကုသိုလ် ပြုလုပ်တိုင်း ကိုယ်စီကိုယ်ငှ အသိဉာဏ် သတိဖြင့်ပြုလုပ်ကြကာ ဘဝြမင့်သ ထက်မြင့်အောင် ကျင့်ကြံနိုင်ပြီး မြတ်နိဗ္ဗာန်ကို ရရောက်နိုင်ကြပါစေ ကုန်သတည်း။ ။ { ၁၃၇၄ ခုနှစ်၊ တန်ခူးလဆန်း ၄ ရက်၊ ရန်ကုန်တိုင်းဒေသကြီး၊ ပုလဲမြို့သစ်၊ ရတနာမာရ်အောင် တောရဓမ္မရိပ်သာ၌ မြောက်ဦးဆရာတော် ၀နဝါသီ အရှင်ဝါယာမိန္ဒ ဟောကြားသော “ မထီမဲ့မြင် မပြုနှင့် ” တရားတော်မှ ကောက်နုတ်ရေးသားပူဇော်ပါသည်။ } Credit: Original Author

1

· 0 Comments ·0 Shares ·655 Views

Please log in to like, share and comment!
အိပ်ယာဝင်ပုံပြင်များ @bedtimestory added a photo
2024-09-20 09:24:57 ·

အနီးဆုံးသူ၏တန်ဖိုး

တစ်ခါက နယ်စားမင်းတစ်ဦးဆီမှာ
မောင်နီဆိုတဲ့ လုလင်တစ်ယောက်ဟာ
နှစ်ပေါင်းများစွာ အမှုထမ်း ခစားနေခဲ့ပါတယ်။
နှစ်ရှည်လများစွာ အမှုထမ်း ခစားနေပေမဲ့
မောင်နီဟာ
မထင်မရှား ရာထူးကလေးမှာပဲ တာ၀န် ထမ်းဆောင် နေရတာကြောင့် စိတ်ပျက်နေခဲ့မိတာပေါ့..
ဒါကြောင့်
မောင်နီဟာသူ့သခင် နယ်စားမင်းကြီးအား
လျှောက်တင်လိုက်ပါတယ်
“ အရှင်နယ်စားမင်းကြီး
ကျွန်တော်မျိုးတော့ တောငန်းဖြူကြီးတွေလို
ဟိုးအဝေးဆီ ပျံတော့မယ် ခင်ဗျာ”
နယ်စားမင်းကလည်း
“ဟေ့...ဘာဖြစ်လို့လည်းကွ၊ ရှင်းရှင်းလင်းလင်း ဆိုစမ်းပါအုန်း” လို့မေးပါတော့တယ်
“ နယ်စားမင်းကြီး ခင်ဗျာ.. ခြံထဲက ကြက်ဖကို မြင်တယ်မဟုတ်လား” လို့ မောင်နီကဆိုပါတယ်..
“ သူ့ခေါင်းမှာ ဆောင်းထားတဲ့ အမောက်ဟာ ယဉ်ကျေးမှုကို ပြတဲ့ အမှတ်သင်္ကေတ တစ်ခု ဖြစ်ပါတယ်။
သူ့ခြေထောက်က
မာကြောတဲ့ ခြေသည်းနဲ့ ချွန်ထက်တဲ့ အတက်တွေဟာ သူရဲ့ ခွန်အားတွေကို ပြသနေပါတယ်။
ဘယ်ရန်သူမဆို ခွတ်ဖို့ ၀န်မလေးခြင်းက
သူ့ရဲ့ ရဲဝံ့မှုကို ပြနေပါတယ်။
အစာရှာတွေ့တဲ့ အခါတိုင်း
အခြားတစ်ပါး ကြက်တွေကို
တကွပ်ကွပ်နဲ့ ခေါ်ကျွေးတတ်ခြင်းဟာလည်း
သူရဲ့ ရက်ရော သဘောကောင်းမှုကို ထင်ဟပ် ပြသနေပါတယ်။
ညဉ့်ဦးယံ ကနေ မိုးသောက်ယံထိ အချိန်မှန်မှန် တွန်ကျူးတတ်ခြင်းကတော့ အမှန်ကိုသာ
ဆိုတတ်တဲ့
သူ့သဘောကို ထင်ရှားအောင် ပြသလို ရှိနေပါတယ်။
အဲဒီလို
ဂုဏ်အရည်အသွေးကောင်း ငါးရပ်နဲ့ပြည်စုံပါလျက် ကြက်ဖတွေဟာ အရှင် နယ်စားမင်းကြီးရဲ့ ပွဲတော်တည်ဖို့အတွက် နေစဉ်နဲ့အမျှ သတ်ဖြတ်ခံနေရတယ်။
ဘာကြောင့်
သူတို့ကို တန်ဖိုးမထား အလွယ်တကူ သတ်စားနေရသလဲ။ အကြောင်းအရင်းက …
လူနဲ့လက်လှမ်းတမီမှာ ရှိနေတဲ့
အတွက်ကြောင့်ပဲ။
သူဟာ လူနဲ့ နီးစပ်လွန်းတယ်
သူ့ကို အမြဲမြင်နေရတယ်
တွေ့နေရတယ်။
အဲဒီတော့ ရိုးသွားတယ်။
သူ့တန်ဖိုးတွေ
ဘယ်လိုရှိတယ်ဆိုတာ မစဉ်းစားမိကြတော့ဘူး။
ဟိုးအဝေးကြီးက
မိုင်ထောင်ချီဝေးတဲ့ အရပ်က
တစ်ခါတလေမှ နယ်ပြောင်းပယ်ပြောင်း ရောက်လာတတ်တဲ့ တောငန်းဖြူ ကြီးတွေကျတော့
ကြက်ဖရဲ့ ဂုဏ်အင်္ဂါနဲ့ ပြည်စုံကြတာမဟုတ်ပေမယ့်
ရှားပါတယ်၊ တွေ့ရခဲတယ် ဆိုတာ တစ်ခုတည်းနဲ့ နယ်စားကြီးက အင်မတန် တန်ဖိုးထားတယ်။
ဥယျာဉ်ထဲ
ရေကန်ထဲမှာ
ငါးတွေစား လိပ်တွေစား၊ ကောက်ပင်တွေ ကိုက်ဖြတ်နဲ့ အမျိုးမျိုးဖျက်ဆီးပေမယ့်
သူတို့ကို လုံး၀ ပစ်ခတ်သတ်ဖြတ်ခြင်းမရှိ၊
ဒီအတိုင်း အလှကြည့်ထားတယ်..
ဒါကြောင့်မို့
ကျွန်တေ်ာမျိုးလည်း တောငန်းဖြူကြီးများလို ဝေးရာဆီပဲ ပျံသန်းသွားတော့မယ်လို့ လျှောက်တင်ကြောင်းပါနယ်စားမင်း ခင်ဗျာ”
လို့ လျောက်တင်လိုက်ပါတယ်...
မှန်ပါတယ်...
ဒါကြောင့် ပုံပြင်ထဲကလိုပဲ
ကျွန်တော်တို့တတွေဟာ တစ်ခါတလေမှာ
ဆရာနဲ့တပည့်၊ မိဘနဲ့သားသမီး၊
အလုပ်ရှင်နဲ့ အလုပ်သမား၊ စသည့်တို့ကြားမှာ
“နီးလွန်းသည့်အခါ
မမြင် တွေ့ဖန်များသော အခါ တန်ဖိုး မရှိ”
ဆိုရိုးစကားကဲ့သို့ နီးနီးနားနားမှာရှိတဲ့ သူရဲ့တန်ဖိုးကို မေ့လျော့နေတတ်ကြပါတယ်...
ဒီပုံပြင်ထဲကပေးတဲ့
သင်ခန်းစာအတိုင်း အနီးဆုံးသူရဲ့တန်ဖိုးကို
မြင်တတ်ကြပါစေ......

Credit: Original Author

အနီးဆုံးသူ၏တန်ဖိုး 🌾🌾🌾🌾🌾🌾🌾🌾🌾🌾 တစ်ခါက နယ်စားမင်းတစ်ဦးဆီမှာ မောင်နီဆိုတဲ့ လုလင်တစ်ယောက်ဟာ နှစ်ပေါင်းများစွာ အမှုထမ်း ခစားနေခဲ့ပါတယ်။ နှစ်ရှည်လများစွာ အမှုထမ်း ခစားနေပေမဲ့ မောင်နီဟာ မထင်မရှား ရာထူးကလေးမှာပဲ တာ၀န် ထမ်းဆောင် နေရတာကြောင့် စိတ်ပျက်နေခဲ့မိတာပေါ့.. ဒါကြောင့် မောင်နီဟာသူ့သခင် နယ်စားမင်းကြီးအား လျှောက်တင်လိုက်ပါတယ် “ အရှင်နယ်စားမင်းကြီး ကျွန်တော်မျိုးတော့ တောငန်းဖြူကြီးတွေလို ဟိုးအဝေးဆီ ပျံတော့မယ် ခင်ဗျာ” နယ်စားမင်းကလည်း “ဟေ့...ဘာဖြစ်လို့လည်းကွ၊ ရှင်းရှင်းလင်းလင်း ဆိုစမ်းပါအုန်း” လို့မေးပါတော့တယ် “ နယ်စားမင်းကြီး ခင်ဗျာ.. ခြံထဲက ကြက်ဖကို မြင်တယ်မဟုတ်လား” လို့ မောင်နီကဆိုပါတယ်.. “ သူ့ခေါင်းမှာ ဆောင်းထားတဲ့ အမောက်ဟာ ယဉ်ကျေးမှုကို ပြတဲ့ အမှတ်သင်္ကေတ တစ်ခု ဖြစ်ပါတယ်။ သူ့ခြေထောက်က မာကြောတဲ့ ခြေသည်းနဲ့ ချွန်ထက်တဲ့ အတက်တွေဟာ သူရဲ့ ခွန်အားတွေကို ပြသနေပါတယ်။ ဘယ်ရန်သူမဆို ခွတ်ဖို့ ၀န်မလေးခြင်းက သူ့ရဲ့ ရဲဝံ့မှုကို ပြနေပါတယ်။ အစာရှာတွေ့တဲ့ အခါတိုင်း အခြားတစ်ပါး ကြက်တွေကို တကွပ်ကွပ်နဲ့ ခေါ်ကျွေးတတ်ခြင်းဟာလည်း သူရဲ့ ရက်ရော သဘောကောင်းမှုကို ထင်ဟပ် ပြသနေပါတယ်။ ညဉ့်ဦးယံ ကနေ မိုးသောက်ယံထိ အချိန်မှန်မှန် တွန်ကျူးတတ်ခြင်းကတော့ အမှန်ကိုသာ ဆိုတတ်တဲ့ သူ့သဘောကို ထင်ရှားအောင် ပြသလို ရှိနေပါတယ်။ အဲဒီလို ဂုဏ်အရည်အသွေးကောင်း ငါးရပ်နဲ့ပြည်စုံပါလျက် ကြက်ဖတွေဟာ အရှင် နယ်စားမင်းကြီးရဲ့ ပွဲတော်တည်ဖို့အတွက် နေစဉ်နဲ့အမျှ သတ်ဖြတ်ခံနေရတယ်။ ဘာကြောင့် သူတို့ကို တန်ဖိုးမထား အလွယ်တကူ သတ်စားနေရသလဲ။ အကြောင်းအရင်းက … လူနဲ့လက်လှမ်းတမီမှာ ရှိနေတဲ့ အတွက်ကြောင့်ပဲ။ သူဟာ လူနဲ့ နီးစပ်လွန်းတယ် သူ့ကို အမြဲမြင်နေရတယ် တွေ့နေရတယ်။ အဲဒီတော့ ရိုးသွားတယ်။ သူ့တန်ဖိုးတွေ ဘယ်လိုရှိတယ်ဆိုတာ မစဉ်းစားမိကြတော့ဘူး။ ဟိုးအဝေးကြီးက မိုင်ထောင်ချီဝေးတဲ့ အရပ်က တစ်ခါတလေမှ နယ်ပြောင်းပယ်ပြောင်း ရောက်လာတတ်တဲ့ တောငန်းဖြူ ကြီးတွေကျတော့ ကြက်ဖရဲ့ ဂုဏ်အင်္ဂါနဲ့ ပြည်စုံကြတာမဟုတ်ပေမယ့် ရှားပါတယ်၊ တွေ့ရခဲတယ် ဆိုတာ တစ်ခုတည်းနဲ့ နယ်စားကြီးက အင်မတန် တန်ဖိုးထားတယ်။ ဥယျာဉ်ထဲ ရေကန်ထဲမှာ ငါးတွေစား လိပ်တွေစား၊ ကောက်ပင်တွေ ကိုက်ဖြတ်နဲ့ အမျိုးမျိုးဖျက်ဆီးပေမယ့် သူတို့ကို လုံး၀ ပစ်ခတ်သတ်ဖြတ်ခြင်းမရှိ၊ ဒီအတိုင်း အလှကြည့်ထားတယ်.. ဒါကြောင့်မို့ ကျွန်တေ်ာမျိုးလည်း တောငန်းဖြူကြီးများလို ဝေးရာဆီပဲ ပျံသန်းသွားတော့မယ်လို့ လျှောက်တင်ကြောင်းပါနယ်စားမင်း ခင်ဗျာ” လို့ လျောက်တင်လိုက်ပါတယ်... မှန်ပါတယ်... ဒါကြောင့် ပုံပြင်ထဲကလိုပဲ ကျွန်တော်တို့တတွေဟာ တစ်ခါတလေမှာ ဆရာနဲ့တပည့်၊ မိဘနဲ့သားသမီး၊ အလုပ်ရှင်နဲ့ အလုပ်သမား၊ စသည့်တို့ကြားမှာ “နီးလွန်းသည့်အခါ မမြင် တွေ့ဖန်များသော အခါ တန်ဖိုး မရှိ” ဆိုရိုးစကားကဲ့သို့ နီးနီးနားနားမှာရှိတဲ့ သူရဲ့တန်ဖိုးကို မေ့လျော့နေတတ်ကြပါတယ်... ဒီပုံပြင်ထဲကပေးတဲ့ သင်ခန်းစာအတိုင်း အနီးဆုံးသူရဲ့တန်ဖိုးကို မြင်တတ်ကြပါစေ...... Credit: Original Author

2

· 0 Comments ·0 Shares ·960 Views

Please log in to like, share and comment!
Woo Bin @stars added a photo
2024-07-17 06:54:09 ·

ဗိုလ်ချုပ်အောင်ဆန်း

(၁) ကိုအောင်ဆန်းကို " ကျောင်းထွက်၊ နိုင်ငံရေးလုပ်တော့ကွာ " လို့ ပြောလိုက်တော့ ကိုအောင်ဆန်းတစ်ယောက် ရှိစုမဲ့စုအထုပ်အပိုးတွေယူပြီး တို့ဗမာအစည်းအရုံးကို ရောက်ရှိသွားတော့တယ်။ ဒီစကားပြောခဲ့တဲ့ပုဂ္ဂိုလ်ဟာ ဘယ်သူလဲဗျ။ ( သခင်ကိုယ်တော်မှိုင်း )

(၂) " ဓာတ်ပုံတစ်ပုံ လိုချင်တယ်။ ခါတိုင်းတွေ့နေကျ ရှုတည်တည်ပုံမျိုးတော့ မလိုချင်ဘူးဗျာ " ဆိုပြီး ပြောလို့ ဗိုလ်ချုပ်က ပြုံးယောင်ယောင်ပြုနေဟန်ဓာတ်ပုံကို ပေးအပ်ခဲ့ရတဲ့ပုဂ္ဂိုလ်ဟာ ဘယ်သူလဲဗျ။ ( ဒဂုန်တာရာ )

(၃) ဖဆပလအဖွဲ့ကြီးကို အဖွဲ့ပေါင်းစုံ၊ အသင်းပေါင်းစုံနဲ့ စုစည်းဖွဲ့တည်ထားပေမယ့် ဦးစောကို ဘယ်နည်းနဲ့မှ ဒီအဖွဲ့ထဲ ထည့်လို့မဖြစ်ကြောင်း ဗိုလ်ချုပ်ကို ပြောကြားခဲ့တဲ့ပုဂ္ဂိုလ်ဟာ ဘယ်သူလဲဗျ။ ( ဂျာနယ်ကျော် ဦးချစ်မောင် )

(၄) ၁၉၄၆ ခုနှစ် ဧပြီလ ၅ ရက်နေ့မှာ ရွှေတိဂုံစေတီတော် တောင်ဘက်ခြေတော်ရင်း စတုဒိသာဇရပ်ကနေ ကြံတောသုသာန်ကို မပို့ဆောင်ခင် ဗိုလ်ချုပ်ကိုယ်တိုင် လူထုကြီးနဲ့အတူ ခြေကျင်လိုက်ပါပို့ဆောင်ပေးခဲ့တဲ့စျာပနဟာ ဘယ်ပုဂ္ဂိုလ်ရဲ့စျာပနလဲဗျ။ ( ဂျာနယ်ကျော် ဦးချစ်မောင် )

(၅) ဗိုလ်ချုပ် သက်ရှိထင်ရှားရှိနေစဉ် ၁၉၄၅ ခုနှစ် ဒီဇင်ဘာလမှာ ' အောင်ဆန်းဘာလဲ ' အမည်နဲ့ စာအုပ်တစ်အုပ်ထွက်ရှိခဲ့တယ်။ အုပ်ရေ ၅၀၀၀ ထုတ်ဝေရောင်းချခဲ့တဲ့ အဲဒီစာအုပ်ရေးသားသူက စာမူခ တစ်ပြားမှမယူဘဲ ရဲဘော်စာအုပ်အသင်းကို လှူဒါန်းခဲ့တယ်။ ဒီစာရေးဆရာရဲ့အမည်က ဘာလဲဗျ။ ( မြဒေါင်းညို )

(၆) ၁၉၃၅ ခုနှစ်က ဂန္ထလောကမဂ္ဂဇင်းမှာ ကျောင်းသားတွေ တူညီဝတ်စုံဝတ်ဆင်ကြရေးနဲ့စပ်လျဉ်းပြီး တက္ကသိုလ်ကျောင်းသား ကိုအောင်ဆန်းနဲ့ အပြန်အလှန် အချေအတင် ချေပရေးသားခဲ့တဲ့ပုဂ္ဂိုလ်ဟာ ဘယ်သူလဲဗျ။ ( ဦးသန့် )
( အပြန်အလှန် ရေးသားနေကြတာ သုံးလလောက်ကြာလာတော့ ဒီကိစ္စ ဒီလောက်နဲ့ လုံလောက်ပြီလို့ ဆုံးဖြတ်ပြီး အယ်ဒီတာ ဦးခန့်ကိုယ်တိုင်က ရပ်တန့်ပစ်ခဲ့ရတယ်။ )

(၇) " လူပေါင်းလူသင်း အားနာတတ်၍ အချို့ဝါဒသဘောများ ( ဥပမာ အင်းအိုင်မန္တရားလိုက်စားခြင်း ) တွင် ကျွန်တော်တို့လူငယ်ပိုင်းများက သဘောမတူနိုင်သော်လည်း အချောင်သမားလည်းမဟုတ်၊ သာယာစီးလည်းမဟုတ်၊ စေ့စပ်ရေးသမားလည်းမဟုတ်၊ မဖောက်ပြန်ခဲ့သော ရေမရောသည့် ဝံသာနုတစ်ဦးဖြစ်ကြောင်း " လို့ ဗိုလ်ချုပ်က ဖော်ညွှန်းရေးသားခဲ့တဲ့ပုဂ္ဂိုလ်ဟာ ဘယ်သူလဲဗျ။ ( ဒီးဒုတ်ဦးဘချို )

(၈) " ခင်ဗျားထမင်းကျွေးတာ ကျေးဇူးတင်စရာ မလိုဘူးနော်။ ကျွေးဖို့က ခင်ဗျားဝတ္တရား၊ ကျွန်တော်က နိုင်ငံရေးလုပ်နေတာ။ တိုင်းပြည်အတွက် ထမ်းဆောင်နေတာ " လို့ ရန်ကုန် ဆန်းကဖေးမှာ ဗိုလ်ချုပ်က ပြောပစ်ခဲ့တဲ့ပုဂ္ဂိုလ်ဟာ ဘယ်သူလဲဗျ။ ( လူထုဦးလှ )

(၉) ဒဂုန်မဂ္ဂဇင်း တာဝန်ခံအယ်ဒီတာအဖြစ်နဲ့ တခြားစာရေးဆရာတွေကိုဆိုရင် ဆောင်းပါးတစ်ပုဒ်အတွက် အများဆုံး ၂၀ ကျပ်သာပေးခဲ့ပေမယ့် သခင်အောင်ဆန်းကို ပုဂ္ဂိုလ်ရေးအရ လေးစားမှုကြောင့် စာမူခ ၃၀ ကျပ်အထိ ပေးအပ်ခဲ့တဲ့ပုဂ္ဂိုလ်ဟာ ဘယ်သူလဲဗျ။ ( ရွှေညာမောင် )

(၁၀) ဗိုလ်ချုပ်ရေးသားပေးခဲ့တဲ့အမှာစာတွေထဲက အရှည်ဆုံးဖြစ်တဲ့အမှာစာကို ဂျပန်ခေတ် သေနင်္ဂဗျူဟာ စစ်သမိုင်းစာအုပ်မှာ တွေ့ရှိရပါတယ်။ ဒီစာအုပ်ကိုပြုစုခဲ့တဲ့ပုဂ္ဂိုလ်က ဘယ်သူလဲဗျ။ ( မောင်သုတ/ ဗိုလ်မှူးဘသောင်း )

(၁၁) ဗိုလ်ချုပ်အောင်ဆန်းနဲ့ ဗိုလ်ချုပ်ကတော် ဒေါ်ခင်ကြည်တို့ရဲ့ မင်္ဂလာဆောင်အတွက် အမှတ်တရမင်္ဂလာဆောင်ပန်းချီကားကြီး ရေးဆွဲပေးခဲ့တဲ့ပန်းချီဆရာကြီးဟာ ဘယ်သူလဲဗျ။ ( ပန်းချီ ဦးငွေကိုင် )

(၁၂) ဗိုလ်ချုပ်တို့ ကျဆုံးသွားပြီးနောက် ဝါသနာအရ ဗိုလ်ချုပ်ပုံသဏ္ဍာန်ကို ဖယောင်းနဲ့ ထုလုပ်ခဲ့တဲ့ပန်းချီဆရာကြီးဟာ ဘယ်သူလဲဗျ။ ( ပန်းချီ ဦးဘကြည် )
( ဂျာနယ်ကျော် အတွဲသစ် ၉၊ အမှတ် ၁၀ (၂၃ ဩဂုတ် ၁၉၄၇) မှာ ' ဗိုလ်ချုပ်နှင့် ရုပ်လုံး ' ဆိုတဲ့ဆောင်းပါးကိုလည်း သူကိုယ်တိုင်ရေးသားခဲ့ဖူးတယ်။ )

(၁၃) ရွှေတိဂုံစေတီတော် အနောက်ဘက်မုခ်မှာ ဖဆပလညီလာခံကျင်းပနေတုန်းက ဗိုလ်ချုပ်အောင်ဆန်းဟောပြောနေတဲ့ပုံကို sketch ထိုင်ဆွဲခဲ့တဲ့ ( ဓာတ်ပုံကို ပန်းချီပြန်လည်ရေးဆွဲတာမျိုးကို မနှစ်သက်တဲ့ ) ပန်းချီဆရာကြီးဟာ ဘယ်သူလဲဗျ။ ( ပန်းချီ ဦးအုန်းလွင် )

(၁၄) ၁၉၄၂ ခုနှစ် ဧပြီလ ၅ ရက်က ရွှေတောင်ကြားလမ်း အမှတ် ၅၆ မှာ ဆရာကြီးသခင်ကိုယ်တော်မှိုင်းက ကြီးမှူးကျင်းပပေးပြီး စစ်ဝန်ကြီး ဗိုလ်ချုပ်အောင်ဆန်းကိုယ်တိုင် သီချင်းသီဆိုပေးခဲ့တဲ့မင်္ဂလာဆောင်အခမ်းအနားဟာ ဘယ်ပုဂ္ဂိုလ်ရဲ့မင်္ဂလာဆောင်အခမ်းအနားဖြစ်ပါသလဲ။ ( ကိုလှမောင် - ယိုးဒယားသံအမတ်ကြီး )
( စန္ဒရားတီးပေးသူက ဒဂုန်တာရာပါ။ )

(၁၅) ဗိုလ်ချုပ်ရဲ့အပါးတော်မှာ အမြဲလိုလိုရှိပြီး ဗိုလ်ချုပ်အသည်းစွဲဖြစ်တဲ့ (ဘိလပ်ပြန်သန်းသီဆိုခဲ့တဲ့) မြပန်းခွေသီချင်းကို စန္ဒရားနဲ့ ဆိုတီးပြတတ်တဲ့ပုဂ္ဂိုလ်ဟာ ဘယ်သူလဲ။ ( ဗိုလ်ထွန်းလှ )
( မြပန်းခွေသီချင်းကိုရေးစပ်သူက ဂီတစာဆို စန်းသော်တာပါ။ )

(၁၆) ကျန်းမာရေးအခြေအနေဆိုးရွားပြီး အိပ်ရာထဲ လဲနေခဲ့ပေမယ့် ဗိုလ်ချုပ်က " တပ်မတော်အင်အားရှိမှ တိုင်းပြည်အင်အားရှိမယ့်အကြောင်း " ကို သီချင်းစပ်ပေးပါဆိုလို့ မဆိုင်းမတွထပြီး အနီးကပ်ပြုစုနေတဲ့ တပည့်ဖြစ်သူ စိန်မြမောင်ကို သီချင်းချပေးကာ ဗိုလ်ထွန်းလှက တယောနဲ့ သီချင်းတက်ယူခဲ့ရတဲ့ " တပ်မတော်ကြီးကို အင်အားရှိဖို့ အရာရာမှာ ကူညီ၊ ရဲဘော်အပေါင်းကို ကိုယ့်သွေးသားလို အစဉ်မမေ့အပ်ပေသည်၊ ကြိုးကြိုးစားစား တို့အမျိုးသား စစ်သည်၊ ဇွဲသတ္တိညီ၊ ထူးထူးခြားခြား အင်အားစွမ်းပြသည် ရဲဘော်ဇာနည်၊ တိုင်းပြည် နိုင်ငံကျက်သရေဆောင်ကြပြီ၊ တကယ်မွန်မြတ်တဲ့တပ်မတော် ရှေ့ကိုချီ " သီချင်းကို ရေးစပ်ခဲ့တဲ့ပုဂ္ဂိုလ်ဟာ ဘယ်သူလဲဗျ။ ( ဂီတစာဆို ရွှေတိုင်ညွန့် )
( သူ အဆုတ်ရောဂါနဲ့ သေဆုံးသွားတဲ့အခါ ဗိုလ်ချုပ်က အဲဒီစျာပနကို ကိုယ်တိုင်တက်ရောက်ပြီး အသုဘခေါင်းထက်မှာ တော်လှန်ရေးအလံကို ဖုံးအုပ်ဂုဏ်ပြုပေးခဲ့တယ်။ )

(၁၇) စစ်ကြိုခေတ်က အဆိုတော် မကြည်အောင်သီဆိုခဲ့တဲ့ ရာသီတော်ဦး သီချင်းအလိုက်ကို ဂီတသံစဉ်ယူပြီး ဗိုလ်ချုပ်တို့ဇနီးမောင်နှံအတွက် တေးသီချင်းတစ်ပုဒ်ကို အထူးတလည်ရေးဖွဲ့ထားပေးခဲ့တဲ့၊ ဒီကနေ့ခေတ်မှာ ' ဆရာမ ' သီချင်းလို့သိနေကြတဲ့ သီချင်းကို ရေးဖွဲ့ခဲ့တဲ့ ကဗျာသမား၊ စာသမား လူငယ်ရဲဘော်ကလေးဟာ ဘာတိုင်းရင်းသားလဲဗျ။ ( ကရင်တိုင်းရင်းသား )

(၁၈) ဗိုလ်ချုပ်ကတော် ဒေါ်ခင်ကြည်ဟာ မြစ်ဝကျွန်းပေါ်ဒေသ မြောင်းမြဇာတိ၊ ကရင်သွေးပါသူတစ်ဦးဖြစ်ပါတယ်။ သူမရဲ့ဖခင်ဖြစ်တဲ့ ဦးဘိုးညှင်းဟာ ဘယ်ဘာသာကို ယုံကြည်ကိုးကွယ်သူ ဖြစ်ပါသလဲ။ ( ခရစ်ယာန်ဘာသာကို ယုံကြည်ကိုးကွယ်သူပါ။ )

(၁၉) ကိုအောင်ဆန်းဟာ ဖြစ်ကတက်ဆန်းနေထိုင်တတ်တယ်။ အဝတ်အစားဆိုပြီးလည်း မယ်မယ်ရရ မရှိ။ တခြားမိတ်ဆွေတွေရဲ့ ပုဆိုးကိုလည်း ယူဝတ်တတ်တယ်။ သူအများဆုံးယူဝတ်တတ်တဲ့ပုဆိုးတွေဟာ ဘယ်သခင်ရဲ့ ပုဆိုးတွေပါလဲ။ ( သခင် သန်းထွန်း )
( အဲဒီသခင်က ဗိုလ်ချုပ်လုပ်ရပ်ကို မနှစ်မြို့ပေမယ့် ဖွင့်ဟ ဟန့်တားတာတော့ မလုပ်ခဲ့ဘူး။ )

(၂၀) ဗိုလ်ချုပ်ပါဝင်သရုပ်ဆောင်ခဲ့ဖူးတဲ့ ရုပ်ရှင်ဇာတ်ကားရဲ့အမည်က ဘာလဲ။ ( Boycotter )
( ၁၉၃၇ ခုနှစ်က ရန်ကုန်မြို့ အော်လံပီယာရုပ်ရှင်ရုံမှာ ပြသခဲ့တယ်။ အဲဒီတုန်းက ဗိုလ်ချုပ်ဟာ ထင်ရှားကျော်ကြားမှု မရှိသေးဘူး။ ရန်ကုန်တက္ကသိုလ်ကျောင်းသားတစ်ဦးမျှသာ ဖြစ်သေးတယ်။ )

(၂၁) ဗိုလ်ချုပ်အောင်ဆန်းကို အထူးကြည်ညိုလေးစားတဲ့ ကျေးလက်တောရွာတစ်ခုနေ လူငယ်လေးတစ်ဦးက ဗိုလ်ချုပ်ကို တွေ့ဖူးချင်လွန်းလို့ ရန်ကုန်မြို့ဆီ တက်လာခဲ့ပုံအကြောင်းကို အကြမ်းအရမ်းနဲ့ ဟာသစွက်ရိုက်ကူးထားတဲ့ရုပ်ရှင်ဇာတ်ကားကို ၁၉၄၇ ခုနှစ်က ရုံတင်ပြသခဲ့ဖူးတယ်။ အဲဒီရုပ်ရှင်ဇာတ်ကားနာမည်က ဘာပါလဲ။ ( ဗိုလ်ချုပ် )
( ဒါရိုက်တာက ဦးအောင်ဇံ၊ မင်းသားက ညွန့်ရွှေ။ )

(၂၂) ' တောင်တန်းဗိုလ် ' ရုပ်ရှင်ဇာတ်ကားကြီးအတွက် ဗိုလ်ချုပ်အောင်ဆန်းနဲ့ တိုင်းရင်းသားခေါင်းဆောင်တွေကို ခွင့်ပန်ပြီး ပင်လုံစာချုပ် ချုပ်ဆိုနေပုံကို မှတ်တမ်းတင်ရိုက်ကူးခဲ့ကာ ရုပ်ရှင်ဇာတ်လမ်းထဲမှာ ဆီလျော်အောင် ထည့်သွင်းအသုံးပြုခဲ့တဲ့ ဒါရိုက်တာဟာ ဘယ်သူလဲ။ ( ဒါရိုက်တာ ဆရာခန့် )
( ရုပ်ရှင်ကို ရုံတင်ပြသတဲ့အချိန်မှာတော့ ဗိုလ်ချုပ်နဲ့ အာဇာနည်ခေါင်းဆောင်ကြီးတွေ ကျဆုံးသွားခဲ့ကြပြီ ဖြစ်ပါတယ်။ )

(၂၃) တော်လှန်ရေးထဲ ဝင်ရောက်လိုတာကြောင့် ဦးဝိစာရလမ်းရှိ စစ်ရုံးကိုလာပြီး ဗိုလ်ချုပ်အောင်ဆန်းနဲ့တွေ့ဆုံစဉ် " ကျွန်တော်တို့ ရန်ကုန်မှာ စစ်သားတစ်ထောင် ထားခဲ့တယ်။ ခင်ဗျားတစ်ယောက်ကတော့ ပြဇာတ်ပေါ်က ဝါဒဖြန့်ပေးတာ ပိုပြီး ခရီးရောက်တယ် " လို့ ဗိုလ်ချုပ်က ပြောကြားခဲ့တဲ့ ရုပ်ရှင်မင်းသားဟာ ဘယ်သူလဲ။ ( ကျော်ဝင်း )
( သူဟာ မြန်မာ့ရုပ်ရှင်လောကမှာ ပထမဆုံး အကယ်ဒမီရရှိခဲ့တဲ့ ရုပ်ရှင်မင်းသားလည်း ဖြစ်ပါတယ်။ )

(၂၄) အငြိမ့်စီစဉ်သူတွေက မင်းသမီး . . . . . . . . အနေနဲ့ ဗိုလ်ချုပ်အောင်ဆန်းရဲ့လက်ကို ဆွဲရဲရင် ဆုတော်ငွေ ၅၀ ကျပ် ဆုချမယ်လို့ ကြိုတင်ပြောပြထားကြတာကြောင့် အငြိမ့်ပွဲစတာနဲ့ ဗိုလ်ချုပ်လက်ကို ဆွဲကိုင်ပြဖို့အရေး ဗိုလ်ချုပ်နား ရစ်သီရစ်သီလုပ်နေပြီး အရှိန်အဝါကြီးမားလှတဲ့ ဗိုလ်ချုပ်အောင်ဆန်းရဲ့လက်ကို မဆွဲရဲဖြစ်နေတော့တာမို့ ဆွဲဖို့သွားလိုက်၊ နောက်ပြန်ဆုတ်လိုက်နဲ့ ဗျာများနေတဲ့ မင်းသမီး . . . . . . . . . . ကို ရိပ်မိဟန်ရှိတဲ့ ဗိုလ်ချုပ်က
" မင်းသမီး၊ ကျုပ်ကို ဆွဲလားရမ်းလားလုပ်ဖို့တော့ မကြိုးစားနဲ့၊ ကျုပ်မှာ ကာမပိုင်ရှိတယ်။ မခင်ကြည်ကြားရင် စိတ်ဆိုးသွားလိမ့်မယ်။ မင်းသမီး ဆွဲလားရမ်းလားလုပ်ချင်ရင်တော့ ဟောဟိုကဟာကြီးကိုသာ ဆွဲပေတော့ " လို့ ဘကြီးဘဘေကို လက်ညှိုးထိုးပြထည့်လိုက်လို့ တဝါးဝါး ပွဲကျသွားခဲ့ရဖူးတယ်။ အဲဒီမင်းသမီးဟာ ဘယ်သူလဲ။ ( မင်းသမီး ညိုညိုစိန် )

___________________________________________________

သေသေချာချာ ကိုယ်တိုင်လေ့လာမှုမလုပ်ဘဲ သူများက ဗိုလ်ချုပ်လို့ ပါးစပ်ဖျားကလေးကနေ ဗိုလ်ချုပ်နေတာထက် ပိုမိုလေးနက်မြတ်နိုးစွာ ဗိုလ်ချုပ်လာနိုင်အောင် ဒီစာအုပ်ကို ဒုတိယအကြိမ်မြောက် အသေးစိတ်လိုက်ဖတ်ပြီး မေးခွန်းတွေ ထုတ်ဖြစ်ခဲ့တာပါ။ ( လွန်ခဲ့တဲ့တစ်နှစ်ကတော့ မေးခွန်းတွေချည်းသာ တင်ခဲ့ဖူးတာပါ။ အခုတော့ အဖြေတွေပါ ဖော်ပြလိုက်ပါတယ်။ ) အခုဖော်ပြထားတဲ့အချက်အလက်၊ ဖြစ်စဉ်တွေလိုမျိုးကို စာအုပ်ထဲမှာ များစွာ တွေ့ရပါလိမ့်ဦးမယ်။

စာပေကဏ္ဍ၊ ပန်းချီကဏ္ဍ၊ ဂီတကဏ္ဍ၊ ရုပ်ရှင်ကဏ္ဍ၊ ပြဇာတ်ကဏ္ဍနဲ့ သဘင်ကဏ္ဍဆိုပြီး အခန်း ခြောက်ခန်းခွဲကာ ရေးသားပြုစုထားတဲ့စာအုပ်ပါ။ ကဏ္ဍတစ်ခုချင်းစီအလိုက် ဗိုလ်ချုပ်နဲ့ ထိတွေ့ဆက်ဆံခဲ့သူတွေအကြောင်းကို စိတ်ဝင်စားဖွယ်ရာ ဖတ်ရှုရပါလိမ့်မယ်။

ဒီစာအုပ်ဟာ ပြတင်းပေါက်တစ်ခုပါ။ ဒါတင်မကသေး၊ ဒီပြတင်းပေါက်ကို ဖွင့်မိလိုက်ရင် နောက်ထပ် ဆက်တိုက် လိုက်လံဖွင့်မိတော့မယ် ပြတင်းပေါက်များစွာကို ထပ်တွေ့ရပါလိမ့်မယ်။ ဒီအချက်က ဒီစာအုပ်ရဲ့အားသာချက်ပါ။ ( ဝါရင့်စာဖတ်သမားကြီးတွေအတွက်တော့ မရည်ရွယ်ပါ။ )

#AungSan #BogyokeAungSan
#ဗိုလ်ချုပ်အောင်ဆန်းနှင့်_အနုပညာရှင်များ
တင်နိုင်တိုး

ဗိုလ်ချုပ်အောင်ဆန်း 🙏🙏🙏 (၁) ကိုအောင်ဆန်းကို " ကျောင်းထွက်၊ နိုင်ငံရေးလုပ်တော့ကွာ " လို့ ပြောလိုက်တော့ ကိုအောင်ဆန်းတစ်ယောက် ရှိစုမဲ့စုအထုပ်အပိုးတွေယူပြီး တို့ဗမာအစည်းအရုံးကို ရောက်ရှိသွားတော့တယ်။ ဒီစကားပြောခဲ့တဲ့ပုဂ္ဂိုလ်ဟာ ဘယ်သူလဲဗျ။ ( သခင်ကိုယ်တော်မှိုင်း ) (၂) " ဓာတ်ပုံတစ်ပုံ လိုချင်တယ်။ ခါတိုင်းတွေ့နေကျ ရှုတည်တည်ပုံမျိုးတော့ မလိုချင်ဘူးဗျာ " ဆိုပြီး ပြောလို့ ဗိုလ်ချုပ်က ပြုံးယောင်ယောင်ပြုနေဟန်ဓာတ်ပုံကို ပေးအပ်ခဲ့ရတဲ့ပုဂ္ဂိုလ်ဟာ ဘယ်သူလဲဗျ။ ( ဒဂုန်တာရာ ) (၃) ဖဆပလအဖွဲ့ကြီးကို အဖွဲ့ပေါင်းစုံ၊ အသင်းပေါင်းစုံနဲ့ စုစည်းဖွဲ့တည်ထားပေမယ့် ဦးစောကို ဘယ်နည်းနဲ့မှ ဒီအဖွဲ့ထဲ ထည့်လို့မဖြစ်ကြောင်း ဗိုလ်ချုပ်ကို ပြောကြားခဲ့တဲ့ပုဂ္ဂိုလ်ဟာ ဘယ်သူလဲဗျ။ ( ဂျာနယ်ကျော် ဦးချစ်မောင် ) (၄) ၁၉၄၆ ခုနှစ် ဧပြီလ ၅ ရက်နေ့မှာ ရွှေတိဂုံစေတီတော် တောင်ဘက်ခြေတော်ရင်း စတုဒိသာဇရပ်ကနေ ကြံတောသုသာန်ကို မပို့ဆောင်ခင် ဗိုလ်ချုပ်ကိုယ်တိုင် လူထုကြီးနဲ့အတူ ခြေကျင်လိုက်ပါပို့ဆောင်ပေးခဲ့တဲ့စျာပနဟာ ဘယ်ပုဂ္ဂိုလ်ရဲ့စျာပနလဲဗျ။ ( ဂျာနယ်ကျော် ဦးချစ်မောင် ) (၅) ဗိုလ်ချုပ် သက်ရှိထင်ရှားရှိနေစဉ် ၁၉၄၅ ခုနှစ် ဒီဇင်ဘာလမှာ ' အောင်ဆန်းဘာလဲ ' အမည်နဲ့ စာအုပ်တစ်အုပ်ထွက်ရှိခဲ့တယ်။ အုပ်ရေ ၅၀၀၀ ထုတ်ဝေရောင်းချခဲ့တဲ့ အဲဒီစာအုပ်ရေးသားသူက စာမူခ တစ်ပြားမှမယူဘဲ ရဲဘော်စာအုပ်အသင်းကို လှူဒါန်းခဲ့တယ်။ ဒီစာရေးဆရာရဲ့အမည်က ဘာလဲဗျ။ ( မြဒေါင်းညို ) (၆) ၁၉၃၅ ခုနှစ်က ဂန္ထလောကမဂ္ဂဇင်းမှာ ကျောင်းသားတွေ တူညီဝတ်စုံဝတ်ဆင်ကြရေးနဲ့စပ်လျဉ်းပြီး တက္ကသိုလ်ကျောင်းသား ကိုအောင်ဆန်းနဲ့ အပြန်အလှန် အချေအတင် ချေပရေးသားခဲ့တဲ့ပုဂ္ဂိုလ်ဟာ ဘယ်သူလဲဗျ။ ( ဦးသန့် ) ( အပြန်အလှန် ရေးသားနေကြတာ သုံးလလောက်ကြာလာတော့ ဒီကိစ္စ ဒီလောက်နဲ့ လုံလောက်ပြီလို့ ဆုံးဖြတ်ပြီး အယ်ဒီတာ ဦးခန့်ကိုယ်တိုင်က ရပ်တန့်ပစ်ခဲ့ရတယ်။ ) (၇) " လူပေါင်းလူသင်း အားနာတတ်၍ အချို့ဝါဒသဘောများ ( ဥပမာ အင်းအိုင်မန္တရားလိုက်စားခြင်း ) တွင် ကျွန်တော်တို့လူငယ်ပိုင်းများက သဘောမတူနိုင်သော်လည်း အချောင်သမားလည်းမဟုတ်၊ သာယာစီးလည်းမဟုတ်၊ စေ့စပ်ရေးသမားလည်းမဟုတ်၊ မဖောက်ပြန်ခဲ့သော ရေမရောသည့် ဝံသာနုတစ်ဦးဖြစ်ကြောင်း " လို့ ဗိုလ်ချုပ်က ဖော်ညွှန်းရေးသားခဲ့တဲ့ပုဂ္ဂိုလ်ဟာ ဘယ်သူလဲဗျ။ ( ဒီးဒုတ်ဦးဘချို ) (၈) " ခင်ဗျားထမင်းကျွေးတာ ကျေးဇူးတင်စရာ မလိုဘူးနော်။ ကျွေးဖို့က ခင်ဗျားဝတ္တရား၊ ကျွန်တော်က နိုင်ငံရေးလုပ်နေတာ။ တိုင်းပြည်အတွက် ထမ်းဆောင်နေတာ " လို့ ရန်ကုန် ဆန်းကဖေးမှာ ဗိုလ်ချုပ်က ပြောပစ်ခဲ့တဲ့ပုဂ္ဂိုလ်ဟာ ဘယ်သူလဲဗျ။ ( လူထုဦးလှ ) (၉) ဒဂုန်မဂ္ဂဇင်း တာဝန်ခံအယ်ဒီတာအဖြစ်နဲ့ တခြားစာရေးဆရာတွေကိုဆိုရင် ဆောင်းပါးတစ်ပုဒ်အတွက် အများဆုံး ၂၀ ကျပ်သာပေးခဲ့ပေမယ့် သခင်အောင်ဆန်းကို ပုဂ္ဂိုလ်ရေးအရ လေးစားမှုကြောင့် စာမူခ ၃၀ ကျပ်အထိ ပေးအပ်ခဲ့တဲ့ပုဂ္ဂိုလ်ဟာ ဘယ်သူလဲဗျ။ ( ရွှေညာမောင် ) (၁၀) ဗိုလ်ချုပ်ရေးသားပေးခဲ့တဲ့အမှာစာတွေထဲက အရှည်ဆုံးဖြစ်တဲ့အမှာစာကို ဂျပန်ခေတ် သေနင်္ဂဗျူဟာ စစ်သမိုင်းစာအုပ်မှာ တွေ့ရှိရပါတယ်။ ဒီစာအုပ်ကိုပြုစုခဲ့တဲ့ပုဂ္ဂိုလ်က ဘယ်သူလဲဗျ။ ( မောင်သုတ/ ဗိုလ်မှူးဘသောင်း ) (၁၁) ဗိုလ်ချုပ်အောင်ဆန်းနဲ့ ဗိုလ်ချုပ်ကတော် ဒေါ်ခင်ကြည်တို့ရဲ့ မင်္ဂလာဆောင်အတွက် အမှတ်တရမင်္ဂလာဆောင်ပန်းချီကားကြီး ရေးဆွဲပေးခဲ့တဲ့ပန်းချီဆရာကြီးဟာ ဘယ်သူလဲဗျ။ ( ပန်းချီ ဦးငွေကိုင် ) (၁၂) ဗိုလ်ချုပ်တို့ ကျဆုံးသွားပြီးနောက် ဝါသနာအရ ဗိုလ်ချုပ်ပုံသဏ္ဍာန်ကို ဖယောင်းနဲ့ ထုလုပ်ခဲ့တဲ့ပန်းချီဆရာကြီးဟာ ဘယ်သူလဲဗျ။ ( ပန်းချီ ဦးဘကြည် ) ( ဂျာနယ်ကျော် အတွဲသစ် ၉၊ အမှတ် ၁၀ (၂၃ ဩဂုတ် ၁၉၄၇) မှာ ' ဗိုလ်ချုပ်နှင့် ရုပ်လုံး ' ဆိုတဲ့ဆောင်းပါးကိုလည်း သူကိုယ်တိုင်ရေးသားခဲ့ဖူးတယ်။ ) (၁၃) ရွှေတိဂုံစေတီတော် အနောက်ဘက်မုခ်မှာ ဖဆပလညီလာခံကျင်းပနေတုန်းက ဗိုလ်ချုပ်အောင်ဆန်းဟောပြောနေတဲ့ပုံကို sketch ထိုင်ဆွဲခဲ့တဲ့ ( ဓာတ်ပုံကို ပန်းချီပြန်လည်ရေးဆွဲတာမျိုးကို မနှစ်သက်တဲ့ ) ပန်းချီဆရာကြီးဟာ ဘယ်သူလဲဗျ။ ( ပန်းချီ ဦးအုန်းလွင် ) (၁၄) ၁၉၄၂ ခုနှစ် ဧပြီလ ၅ ရက်က ရွှေတောင်ကြားလမ်း အမှတ် ၅၆ မှာ ဆရာကြီးသခင်ကိုယ်တော်မှိုင်းက ကြီးမှူးကျင်းပပေးပြီး စစ်ဝန်ကြီး ဗိုလ်ချုပ်အောင်ဆန်းကိုယ်တိုင် သီချင်းသီဆိုပေးခဲ့တဲ့မင်္ဂလာဆောင်အခမ်းအနားဟာ ဘယ်ပုဂ္ဂိုလ်ရဲ့မင်္ဂလာဆောင်အခမ်းအနားဖြစ်ပါသလဲ။ ( ကိုလှမောင် - ယိုးဒယားသံအမတ်ကြီး ) ( စန္ဒရားတီးပေးသူက ဒဂုန်တာရာပါ။ ) (၁၅) ဗိုလ်ချုပ်ရဲ့အပါးတော်မှာ အမြဲလိုလိုရှိပြီး ဗိုလ်ချုပ်အသည်းစွဲဖြစ်တဲ့ (ဘိလပ်ပြန်သန်းသီဆိုခဲ့တဲ့) မြပန်းခွေသီချင်းကို စန္ဒရားနဲ့ ဆိုတီးပြတတ်တဲ့ပုဂ္ဂိုလ်ဟာ ဘယ်သူလဲ။ ( ဗိုလ်ထွန်းလှ ) ( မြပန်းခွေသီချင်းကိုရေးစပ်သူက ဂီတစာဆို စန်းသော်တာပါ။ ) (၁၆) ကျန်းမာရေးအခြေအနေဆိုးရွားပြီး အိပ်ရာထဲ လဲနေခဲ့ပေမယ့် ဗိုလ်ချုပ်က " တပ်မတော်အင်အားရှိမှ တိုင်းပြည်အင်အားရှိမယ့်အကြောင်း " ကို သီချင်းစပ်ပေးပါဆိုလို့ မဆိုင်းမတွထပြီး အနီးကပ်ပြုစုနေတဲ့ တပည့်ဖြစ်သူ စိန်မြမောင်ကို သီချင်းချပေးကာ ဗိုလ်ထွန်းလှက တယောနဲ့ သီချင်းတက်ယူခဲ့ရတဲ့ " တပ်မတော်ကြီးကို အင်အားရှိဖို့ အရာရာမှာ ကူညီ၊ ရဲဘော်အပေါင်းကို ကိုယ့်သွေးသားလို အစဉ်မမေ့အပ်ပေသည်၊ ကြိုးကြိုးစားစား တို့အမျိုးသား စစ်သည်၊ ဇွဲသတ္တိညီ၊ ထူးထူးခြားခြား အင်အားစွမ်းပြသည် ရဲဘော်ဇာနည်၊ တိုင်းပြည် နိုင်ငံကျက်သရေဆောင်ကြပြီ၊ တကယ်မွန်မြတ်တဲ့တပ်မတော် ရှေ့ကိုချီ " သီချင်းကို ရေးစပ်ခဲ့တဲ့ပုဂ္ဂိုလ်ဟာ ဘယ်သူလဲဗျ။ ( ဂီတစာဆို ရွှေတိုင်ညွန့် ) ( သူ အဆုတ်ရောဂါနဲ့ သေဆုံးသွားတဲ့အခါ ဗိုလ်ချုပ်က အဲဒီစျာပနကို ကိုယ်တိုင်တက်ရောက်ပြီး အသုဘခေါင်းထက်မှာ တော်လှန်ရေးအလံကို ဖုံးအုပ်ဂုဏ်ပြုပေးခဲ့တယ်။ ) (၁၇) စစ်ကြိုခေတ်က အဆိုတော် မကြည်အောင်သီဆိုခဲ့တဲ့ ရာသီတော်ဦး သီချင်းအလိုက်ကို ဂီတသံစဉ်ယူပြီး ဗိုလ်ချုပ်တို့ဇနီးမောင်နှံအတွက် တေးသီချင်းတစ်ပုဒ်ကို အထူးတလည်ရေးဖွဲ့ထားပေးခဲ့တဲ့၊ ဒီကနေ့ခေတ်မှာ ' ဆရာမ ' သီချင်းလို့သိနေကြတဲ့ သီချင်းကို ရေးဖွဲ့ခဲ့တဲ့ ကဗျာသမား၊ စာသမား လူငယ်ရဲဘော်ကလေးဟာ ဘာတိုင်းရင်းသားလဲဗျ။ ( ကရင်တိုင်းရင်းသား ) (၁၈) ဗိုလ်ချုပ်ကတော် ဒေါ်ခင်ကြည်ဟာ မြစ်ဝကျွန်းပေါ်ဒေသ မြောင်းမြဇာတိ၊ ကရင်သွေးပါသူတစ်ဦးဖြစ်ပါတယ်။ သူမရဲ့ဖခင်ဖြစ်တဲ့ ဦးဘိုးညှင်းဟာ ဘယ်ဘာသာကို ယုံကြည်ကိုးကွယ်သူ ဖြစ်ပါသလဲ။ ( ခရစ်ယာန်ဘာသာကို ယုံကြည်ကိုးကွယ်သူပါ။ ) (၁၉) ကိုအောင်ဆန်းဟာ ဖြစ်ကတက်ဆန်းနေထိုင်တတ်တယ်။ အဝတ်အစားဆိုပြီးလည်း မယ်မယ်ရရ မရှိ။ တခြားမိတ်ဆွေတွေရဲ့ ပုဆိုးကိုလည်း ယူဝတ်တတ်တယ်။ သူအများဆုံးယူဝတ်တတ်တဲ့ပုဆိုးတွေဟာ ဘယ်သခင်ရဲ့ ပုဆိုးတွေပါလဲ။ ( သခင် သန်းထွန်း ) ( အဲဒီသခင်က ဗိုလ်ချုပ်လုပ်ရပ်ကို မနှစ်မြို့ပေမယ့် ဖွင့်ဟ ဟန့်တားတာတော့ မလုပ်ခဲ့ဘူး။ ) (၂၀) ဗိုလ်ချုပ်ပါဝင်သရုပ်ဆောင်ခဲ့ဖူးတဲ့ ရုပ်ရှင်ဇာတ်ကားရဲ့အမည်က ဘာလဲ။ ( Boycotter ) ( ၁၉၃၇ ခုနှစ်က ရန်ကုန်မြို့ အော်လံပီယာရုပ်ရှင်ရုံမှာ ပြသခဲ့တယ်။ အဲဒီတုန်းက ဗိုလ်ချုပ်ဟာ ထင်ရှားကျော်ကြားမှု မရှိသေးဘူး။ ရန်ကုန်တက္ကသိုလ်ကျောင်းသားတစ်ဦးမျှသာ ဖြစ်သေးတယ်။ ) (၂၁) ဗိုလ်ချုပ်အောင်ဆန်းကို အထူးကြည်ညိုလေးစားတဲ့ ကျေးလက်တောရွာတစ်ခုနေ လူငယ်လေးတစ်ဦးက ဗိုလ်ချုပ်ကို တွေ့ဖူးချင်လွန်းလို့ ရန်ကုန်မြို့ဆီ တက်လာခဲ့ပုံအကြောင်းကို အကြမ်းအရမ်းနဲ့ ဟာသစွက်ရိုက်ကူးထားတဲ့ရုပ်ရှင်ဇာတ်ကားကို ၁၉၄၇ ခုနှစ်က ရုံတင်ပြသခဲ့ဖူးတယ်။ အဲဒီရုပ်ရှင်ဇာတ်ကားနာမည်က ဘာပါလဲ။ ( ဗိုလ်ချုပ် ) ( ဒါရိုက်တာက ဦးအောင်ဇံ၊ မင်းသားက ညွန့်ရွှေ။ ) (၂၂) ' တောင်တန်းဗိုလ် ' ရုပ်ရှင်ဇာတ်ကားကြီးအတွက် ဗိုလ်ချုပ်အောင်ဆန်းနဲ့ တိုင်းရင်းသားခေါင်းဆောင်တွေကို ခွင့်ပန်ပြီး ပင်လုံစာချုပ် ချုပ်ဆိုနေပုံကို မှတ်တမ်းတင်ရိုက်ကူးခဲ့ကာ ရုပ်ရှင်ဇာတ်လမ်းထဲမှာ ဆီလျော်အောင် ထည့်သွင်းအသုံးပြုခဲ့တဲ့ ဒါရိုက်တာဟာ ဘယ်သူလဲ။ ( ဒါရိုက်တာ ဆရာခန့် ) ( ရုပ်ရှင်ကို ရုံတင်ပြသတဲ့အချိန်မှာတော့ ဗိုလ်ချုပ်နဲ့ အာဇာနည်ခေါင်းဆောင်ကြီးတွေ ကျဆုံးသွားခဲ့ကြပြီ ဖြစ်ပါတယ်။ ) (၂၃) တော်လှန်ရေးထဲ ဝင်ရောက်လိုတာကြောင့် ဦးဝိစာရလမ်းရှိ စစ်ရုံးကိုလာပြီး ဗိုလ်ချုပ်အောင်ဆန်းနဲ့တွေ့ဆုံစဉ် " ကျွန်တော်တို့ ရန်ကုန်မှာ စစ်သားတစ်ထောင် ထားခဲ့တယ်။ ခင်ဗျားတစ်ယောက်ကတော့ ပြဇာတ်ပေါ်က ဝါဒဖြန့်ပေးတာ ပိုပြီး ခရီးရောက်တယ် " လို့ ဗိုလ်ချုပ်က ပြောကြားခဲ့တဲ့ ရုပ်ရှင်မင်းသားဟာ ဘယ်သူလဲ။ ( ကျော်ဝင်း ) ( သူဟာ မြန်မာ့ရုပ်ရှင်လောကမှာ ပထမဆုံး အကယ်ဒမီရရှိခဲ့တဲ့ ရုပ်ရှင်မင်းသားလည်း ဖြစ်ပါတယ်။ ) (၂၄) အငြိမ့်စီစဉ်သူတွေက မင်းသမီး . . . . . . . . အနေနဲ့ ဗိုလ်ချုပ်အောင်ဆန်းရဲ့လက်ကို ဆွဲရဲရင် ဆုတော်ငွေ ၅၀ ကျပ် ဆုချမယ်လို့ ကြိုတင်ပြောပြထားကြတာကြောင့် အငြိမ့်ပွဲစတာနဲ့ ဗိုလ်ချုပ်လက်ကို ဆွဲကိုင်ပြဖို့အရေး ဗိုလ်ချုပ်နား ရစ်သီရစ်သီလုပ်နေပြီး အရှိန်အဝါကြီးမားလှတဲ့ ဗိုလ်ချုပ်အောင်ဆန်းရဲ့လက်ကို မဆွဲရဲဖြစ်နေတော့တာမို့ ဆွဲဖို့သွားလိုက်၊ နောက်ပြန်ဆုတ်လိုက်နဲ့ ဗျာများနေတဲ့ မင်းသမီး . . . . . . . . . . ကို ရိပ်မိဟန်ရှိတဲ့ ဗိုလ်ချုပ်က " မင်းသမီး၊ ကျုပ်ကို ဆွဲလားရမ်းလားလုပ်ဖို့တော့ မကြိုးစားနဲ့၊ ကျုပ်မှာ ကာမပိုင်ရှိတယ်။ မခင်ကြည်ကြားရင် စိတ်ဆိုးသွားလိမ့်မယ်။ မင်းသမီး ဆွဲလားရမ်းလားလုပ်ချင်ရင်တော့ ဟောဟိုကဟာကြီးကိုသာ ဆွဲပေတော့ " လို့ ဘကြီးဘဘေကို လက်ညှိုးထိုးပြထည့်လိုက်လို့ တဝါးဝါး ပွဲကျသွားခဲ့ရဖူးတယ်။ အဲဒီမင်းသမီးဟာ ဘယ်သူလဲ။ ( မင်းသမီး ညိုညိုစိန် ) ___________________________________________________ သေသေချာချာ ကိုယ်တိုင်လေ့လာမှုမလုပ်ဘဲ သူများက ဗိုလ်ချုပ်လို့ ပါးစပ်ဖျားကလေးကနေ ဗိုလ်ချုပ်နေတာထက် ပိုမိုလေးနက်မြတ်နိုးစွာ ဗိုလ်ချုပ်လာနိုင်အောင် ဒီစာအုပ်ကို ဒုတိယအကြိမ်မြောက် အသေးစိတ်လိုက်ဖတ်ပြီး မေးခွန်းတွေ ထုတ်ဖြစ်ခဲ့တာပါ။ ( လွန်ခဲ့တဲ့တစ်နှစ်ကတော့ မေးခွန်းတွေချည်းသာ တင်ခဲ့ဖူးတာပါ။ အခုတော့ အဖြေတွေပါ ဖော်ပြလိုက်ပါတယ်။ ) အခုဖော်ပြထားတဲ့အချက်အလက်၊ ဖြစ်စဉ်တွေလိုမျိုးကို စာအုပ်ထဲမှာ များစွာ တွေ့ရပါလိမ့်ဦးမယ်။ စာပေကဏ္ဍ၊ ပန်းချီကဏ္ဍ၊ ဂီတကဏ္ဍ၊ ရုပ်ရှင်ကဏ္ဍ၊ ပြဇာတ်ကဏ္ဍနဲ့ သဘင်ကဏ္ဍဆိုပြီး အခန်း ခြောက်ခန်းခွဲကာ ရေးသားပြုစုထားတဲ့စာအုပ်ပါ။ ကဏ္ဍတစ်ခုချင်းစီအလိုက် ဗိုလ်ချုပ်နဲ့ ထိတွေ့ဆက်ဆံခဲ့သူတွေအကြောင်းကို စိတ်ဝင်စားဖွယ်ရာ ဖတ်ရှုရပါလိမ့်မယ်။ ဒီစာအုပ်ဟာ ပြတင်းပေါက်တစ်ခုပါ။ ဒါတင်မကသေး၊ ဒီပြတင်းပေါက်ကို ဖွင့်မိလိုက်ရင် နောက်ထပ် ဆက်တိုက် လိုက်လံဖွင့်မိတော့မယ် ပြတင်းပေါက်များစွာကို ထပ်တွေ့ရပါလိမ့်မယ်။ ဒီအချက်က ဒီစာအုပ်ရဲ့အားသာချက်ပါ။ ( ဝါရင့်စာဖတ်သမားကြီးတွေအတွက်တော့ မရည်ရွယ်ပါ။ ) #AungSan #BogyokeAungSan #ဗိုလ်ချုပ်အောင်ဆန်းနှင့်_အနုပညာရှင်များ တင်နိုင်တိုး

1

· 0 Comments ·0 Shares ·1K Views

Please log in to like, share and comment!