ဒါမှ ငါတို့ သောက်အညာသားကွ ! ••••••••••••••••••••••••••••••••••••••••• ( ၀ ) ‌ကြည်နူးရတယ် ငါ့ကောင်တို့ရေ • • • • ကြည်နူးရတယ် ဟ ! ! ! လူညစ်လူလိမ်တွေ ပေါများတဲ့ ဒီခေတ်ကြီးထဲမှာ အင်မတန်သဘောထားဖြူစင်တဲ့ အညာသားတချို့ကို ငါပြန်တွေ့ရတာ သိပ်ပြီးဝမ်းသာတယ်။ ( ၁ ) ခြေနှစ်ချောင်းလုံးကျိုးပြီး ခွဲစိတ်ခန်းဝင်ရတဲ့ ကလေးတယောက်ကို အသိ‌ နောင်တော်ဆရာဝန် တာဝန်ယူပြီး အစအဆုံး ခွဲစိတ်ပေးလိုက်တယ်။ ကုသစရိတ်အပြင် - နောက်ထပ် လိုတာသုံးဖို့ ၁၀ သိန်းပေးတော့ • • • ကလေးအဖေက " မခွဲခင်က ဆရာတို့ ၇ သိန်းပေးထားတယ်၊ ခုခွဲစိတ်ခလည်း ဆရာတို့ပဲ အကုန်ကျခံထားတာ တဲ့၊ နောက်ထပ် ကလေးအတွက် သိပ်မလိုတော့ ဘူးမလားဆရာ " တဲ့။ ဆရာဝန်က " အေး - - - ကုန်စရာကြီးကြီးမားမား မရှိတော့ဘူး " လို့လဲ ဆိုလိုက်ရော - ကလေးအဖေနဲ့အမေက • • • • • " ဒါဆိုရင် ခု ထပ်ပေးမယ့် ၁၀ သိန်းကို တခြား ကလေးတယောက်ကို ထပ်ကူညီလိုက်ပါ " တဲ့။ ယီး !!! ( ငါ့ သောက်ရုပ်အကြမ်းကြီးနဲ့ မျက်ရည်ပါကျ ) ဟာကွာ ! ဒီလူ ဘယ်လိုလူလဲပေါ့။ မနေနိုင်လို့ သွားမေးမိတယ်။ ခင်ဗျားကို ပေးတာလေ ယူပေါ့ဗျာဆိုတော့ • • • ကျုပ်ကလေး ကျန်းမာရေးအတွက် လုံလောက်ပြီတဲ့။ သူနေကောင်းရင် - စား၊ဝတ်‌၊နေရေးအတွက် ကျုပ်တို့ဘာသာ ရုန်းကန်ပါမယ်တဲ့။ ဟာကွာ !! ဒါမှ ငါတို့ သောက်အညာသား၊ တောသားကွလို့ ပြောခဲ့မိလိုက်တယ်။ အေးရော။ ( ၂ ) မနေ့ညနေက နောက်တယောက်။ ဆေးမကုဘဲ ငလျင်ကြောင့် ပိထားတဲ့ ခြေထောက်ကို တိုင်းရင်းဒဏ်ကြေလိမ်းဆေး လိမ်းနေတာ။ အိမ်ကပြို လူကဒဏ်ရာကတော့ ကုစရာရှိပုံမပေါ်ဘူးရယ်။ ကျွန်တော်တို့ ဇွတ်အတင်းခေါ်ပြီး ဘာမှ မယူခဲ့နဲ့ ၊ အကျီပဲယူခဲ့၊ တို့ဆီမှာ ထဘီအသစ်တွေပါတယ်ဆိုပြီး ခေါ်ခဲ့လိုက်တယ်။ ကားပေါ်ရောက်တော့ • • • ဆေးရုံတက်ရရင် ဝတ်ဖို့ဆိုပြီး ထဘီ ၅ ကွင်းပေးလိုက်တယ်။ ဒါနဲ့ ဆေးရုံရောက် ! ဓါတ်မှန်‌ရိုက်တော့ ကျိုးနေတာတဲ့။ ဪ!!! ဟိုက ဆရာဝန်က ကျောက်ပတ်တီးစီးပြီးတော့ ဆေးရုံတက်စရာမလိုဘူးဆိုတာနဲ့ အိမ်ပြန်ပို့လိုက်တာ။ ရွာထိပ်ရောက်တော့ ထဘီလေး ၅ ကွင်းကို ပြန်ပေးရှာတယ်။ ဘာလို့လဲဆိုတော့ " ကျုပ်တို့မှာ ဝတ်စရာ အိမ်မှာရှိပါတယ် " တဲ့။ " တခြားလိုတဲ့သူတွေ ပေးလိုက်ပါ " တဲ့။ ဟ !!! ဘယ်လို အညာသူမ တွေလဲ? လို့။ ငါ ကြည်နူးရပြန်တယ်။ ( ၃ ) မနေ့က အိမ်သာတလုံး သွားမျှဝေတယ်။ အမြန်ဆောက်ကြဗျာ။ ကျုပ်တို့ တာဝန်ယူတယ်...ဆိုပြီး ပြန်လာခဲ့လိုက်တယ်။ ဒီနေ့ လမ်းသင့်တာ နဲ့ ဝင်ကြည့်တော့ - ပြီးသွားပြီ။ " ဟ ! ဘယ်လိုများ ဆောတ်လိုက်တာလဲ ? " " မြေကျင်းတူးခ ဘယ်လောက်ကျလဲ ? " မေးတော့ " အကိုတို့ အကုန်အကျများမှာစိုးလို့ ကိုယ့်ဘာသာ တူးလိုက်တာပါ " တဲ့။ ဟာ ! ဒီသောက်အညာသားတွေနဲ့တော့ ခက်ပြီ.... လို့။ ဒါနဲ့ ပြိုလုလုဖြစ်နေတဲ့ ဒီအိမ်ရော ပြင်ချင်စိတ်ရှိလားလို့ မေးတော့။ ရှိပါတယ်တဲ့ ... " လက်ထဲစုထားတဲ့ ၂ သိန်းရယ် ! နွားပေါက်တကောင်ရှိတာရောင်းပြီး ပြင်ကြမယ် " တဲ့။ ဟ ! ဘယ်လိုလုပ် ရမှာလဲလို့။ ငါတို့ ကူရမလားဆိုတော့ - အိမ်သာရရင်ပဲ ကျေနပ်ပါပြီတဲ့။ အခြားသူတွေ ကူလိုက်ပါတဲ့။ ဟောဗျာ ! အတော်ခက်တဲ့ လူတွေပါကွာ။ အတော်ကိုခက်တဲ့ လူတွေ။ ဒီလူတွေ ခုလိုပြောချိန်တိုင်း သူတို့မျက်လုံးတွေကိုသေချာအကဲခတ်မိတယ်။ လူကြားကောင်းအောင် ပေးကမ်းချင်အောင် ပြောနေကြတာမဟုတ်။ တကယ့်ရင်ထဲက ပြောနေကြတာ။ ငါ့ဘဝမှာ ငါ့ကိုယ်ငါ အညာသားအဖြစ် ဂုဏ်ယူ မိတာ ဒီတကြိမ် အကြီးမားဆုံးပါပဲ။ #မင်းထက်မြတ် ( မိတ်ထီလာ)

❝သူမချစ်တော့တာသေချာရင်❞ ----------------------- ◽လူဆိုတာ ကိုယ့်ဘဝနဲ့ကိုယ်ပါပဲ... လူတစ်ကိုယ် စိတ်တမျိုးရှိကြတာကြောင့် ကိုယ့်ကို မလိုအပ်တော့ဘူးဆိုတဲ့နေရာမှာ ရပ်မနေတာက သင့်ရဲ့တန်ဖိုးပါ။ ◽သူမချစ်တော့တာသေချာနေပြီဆိုရင်... လှည့်သာထွက်ခဲ့လိုက် အချိန်တွေကြာလာတာနဲ့အမျှ ကိုယ့်ရဲ့တန်ဖိုးကို သူနားလည်လာလိမ့်မယ် ဒါပေမဲ့ နောက်တစ်ကြိမ် ပြန်မရနိူင်တဲ့ အရာမှန်းသိတဲ့နောင်တတွေနဲ့ပေါ့။ ◽ကိုယ်ဆွဲမှ မြဲမယ့် လက်တွေအတွက် အတင်းဆွဲထားစရာမလိုပါဘူး... သူ့ဘက်က တဖြည်းဖြည်းချင်းလျော့လာရင် ကိုယ့်ဘက်ကလည်း လွှတ်ပေးလိုက်ပါ။ ◽မချစ်တော့တာ သေချာနေတဲ့လူအနားမှာ ထပ်ပြီးကပ်တွဲမနေပါနဲ့ သင့်ရဲ့မာနနဲ့သိက္ခာအတွက် ရဲရဲကြီး မေ့ပြစ်လိုက်ပါ။ #မေဆု(ရာမညမြေ)

နေတတ်သလို နေလိုက်တယ် မနေတတ်ရင် ဘဝကြီးက နေပျော်စရာ ရှိနေပါ့မလား??? အဆင်ပြေသလို ဖြတ်သန်းတယ် အဆင်မပြေမှုတွေကို လိုက်ပြီးခံစားနေလို့ ဘယ်အရာမှ အဆင်ပြေချောမွေ့လာမှာ မဟုတ်ဘူးလေ... သည်းခံသင့်သလောက် သည်းခံတယ်... သည်းမခံနိူင်တော့တဲ့အဆုံး ဥပေက္ခာ ပြုထားလိုက်တယ်... သည်းခံခြင်းမှာ ဂုဏ်သိက္ခာတွေ အထိခိုက်မခံစားနိူင်တော့လို့... အားနာသင့်သလောက်ပဲ အားနာတော့မယ် အားနာခြင်းကို အခွင့်ရေးပေးပြီး ကိုယ့်မာနတွေ ရိုက်ချိုးခံနေရတာ မကြည့်ရက်တော့ဘူးလေ... ခွင့်လွှတ်သင့်သလောက် ခွင့်လွှတ်လိုက်မယ် ခွင့်လွှတ်ပေးတာကို အခွင့်ကောင်းယူပြီး သိက္ခာတွေ ချနင်းသွားရင် ဘယ်လောက်ချစ်ချစ် ဘယ်လောက်ခင်ခင် စွန့်လွှတ်လိုက်တော့မယ်... မေတ္တာပေးသင့်သလောက်ပေးလိုက်မယ် သံယောဇဉ်တွေအရင်လို ကြာကြာ မချည်နှောင်ချင်တော့ဘူး သံယောဇဉ်ကြိုးတွေက ဖြတ်ရခက်တဲ့အခါ အစွဲလမ်းကြီးသူက ပိုခံစားရလို့ပါ... အမုန်းတွေ ပွားမနေတော့ဘူး... အတ္တတွေ များမနေတော့ဘူး... လောဘတွေ ထားမနေတော့ဘူး... အတိတ်တွေ၊အနာဂတ်တွေအစား ဒီနေ့နဲ့မနက်ဖြန်မှာ ဘယ်လိုအကောင်းဆုံး ဖြတ်သန်းရမယ်ဆိုတာပဲ တွေးတော့တယ်.... ဘဝရဲ့အနှစ်ဆိုတာကြီးကို ကောင်းကောင်းသိလာတဲ့တစ်နေ့ ရင့်ကျက်သယောင် ဟန်ဆောင်ခြင်းတွေက ဝေးပြီး ကလေးတစ်ယောက်လို ရိုးသားလာတယ် ဖြူစင်လာတယ် ဒါက လူ့ဘဝရဲ့အနှစ်ပဲ... #မေတ္တာဖြင့် #စာပေ #ဗဟုသုတ #စာပေချစ်သူ #စာပေကြိုက်သူများ #ဘဝစာပေ #လူငယ်များအတွက့်စာကြည့်တိုက့် #မေတ္တာဖြင့်ပြန်လည်မျှဝေပါသည် #မူရင်းရေးသားသူအားလေးစားလျှက် #လေးစားစွာဖြင့်

မိန်းကလေး တစ်ယောက်ဟာ သူမ တစ်ယောက်ထဲ တိတ်တဆိတ်လေးပဲ နေ့ရက်တွေကို ဖြတ်သန်းနေ တယ်ဆိုရင် သူမရဲ့ နာကျင်မှု တွေဟာ ဘယ်သူမှ သတိမထား မိခင်မှာ အတိုင်းတာတစ်ခုကို ကျော်လွန်သွားလို့ပါ အမျိုးသမီးတွေဟာ ~~ မှီခိုစရာရှိရင် တစ်ခါတလေမှာ စိတ်ပျော့ တယ်လို့ ထင်ရပေမယ့် တစ်ခါတခါကျရင်တော့ ~~ သန်သန်မာမာ ရှင်သန်ပြဖို့ အရမ်းကို သတ္တိ ကောင်းပါတယ်။ ပျော်အောင်လည်း နေပြီး ပိုလှအောင်လည်း နေတတ်လာတယ်။ ပြီးတော့ တိတ်တဆိတ်လေး နေရတဲ့ အရသာကို ပိုသဘောကျသွားပါတယ် တိတ်ဆိတ်မှု တစ်မျိုးက ဘဝကို ပိုအဓိပ္ပါယ် ရှိစေပါတယ် #crd_to_owner_with_respect

စိတ်ကလေး အချည်ခံထားရတယ် အသံလေးကြားရတာနဲ့ အမောတစ်ဝက်ပြေတယ် အရိပ်တကြည့်ကြည့် ဖြစ်ရတယ် မြတ်နိုးရတယ် တန်ဖိုးထားရတယ် တစ်နေ့တာရဲ့ ပထမဆုံး ဝတ္တရားဟာ မင်းကို သတိရဖို့ပဲ ဖြစ်ခဲ့တယ် ။ 🌻🖤 #Lionel Sn

🔸လူတိုင်းမှာ အားနည်းချက် ကိုယ်စီရှိကြတယ်။ ကိုယ့်ရဲ့ရုပ်ရည်၊ ကိုယ့်ရဲ့ပိုင်ဆိုင်မှုနဲ့ ကိုယ့်ရဲ့ တစ်ခြားသော အားနည်းချက်တွေကြောင့် ကိုယ့်ကိုကိုယ် မလုံမလဲ စိတ်တွေဝင်လာကြတယ်။ ကိုယ့်ရဲ့အားနည်းချက်တွေကို လက်မခံနိုင်ဘဲ ဖုံးကွယ်ဖို့ကြိုးစားရင်းကနေ သိမ်ငယ်စိတ်တွေပါ ဝင်လာကြတယ်။ ကြာလာတော့ ဘဝကို ရင်မဆိုင် ရဲကြတော့ဘဲ ကြောက်ရွံ့လာကြပါတယ်။ လွယ်လွယ်နဲ့ အရူံးပေးချင်လာကြပါတယ်။ ဒါက လုံးဝကြောက်စရာကောင်းတဲ့ ရှင်သန်မှုပဲလို့ ကျွန်တော်ထင်တယ် ။ တကယ်လဲ ရှိပါတယ် ကျွန်တော်တို့ ပတ်ဝန်းကျင်မှာလဲ တချို့ဆိုရင် သိမ်ငယ်စိတ်တွေကို တမလွန်အထိ ယူဆောင်သွားကြတယ် ။ တော်တော်စိတ်မကောင်း ဖြစ်မိတယ် ။ အဲ့တော့ အသက်အရွယ် ငယ်တုန်းကနေစပြီး.. ကျွန်တော်တို့ စနစ်တကျနဲ့ ဘဝကို ပြင်ဆင်နေထိုင်သွားသင့်တယ် လို့ ထင်တယ် ။ ဘဝကို မကြောက်မရွံ့ရင်ဆိုင်ဖို့၊ လွယ်လွယ်နဲ့ အရူံးမပေးဖို့ဆိုရင် သင်ဟာ ရင့်ကျက်ဖို့ လိုပါတယ်။ ဘယ်သူ့ကိုမှ မကြောက်ရဘူး။ ရှင်ဘုရင်ပဲဖြစ်ဖြစ်၊ ဆင်ရဲသားပဲ ဖြစ်ဖြစ် ရုပ်ချောချော၊ ရုပ်ဆိုးဆိုး၊ ချမ်းသာတဲ့ သူဖြစ်ဖြစ်၊ ဘယ်သူပဲဖြစ်နေပါစေ အေးအေးဆေးဆေး ရင်ဆိုင်ရဲရမယ်။ ပျာယာခက်တဲ့ အကျင့်ကို ဖျောက်ရမယ်။ ခြေတုန်၊ လက်တုန်တာမျိုးတွေ မလုပ်ရဘူး။ မလောရဘူး။ ရဲရဲကြည့်ရမယ်။ ပြုံးပြနိုင်ရမယ်။ တစ်စုံတစ်ယောက်နဲ့ စကားပြောတဲ့ အခါပဲ ဖြစ်ဖြစ်၊ နုတ်ဆက်တဲ့ အခါပဲ ဖြစ်ဖြစ် မျက်လုံးချင်းဆိုင်ရမယ်။ ရိုးသားရမယ်။ ဖြူစင်ရမယ်။ ဘယ်သူ့ကိုမှ လူလည်မကျရဘူး။ မညစ်ပတ်ရဘူး။ မယုတ်မာနဲ့။ ပြတ်သားရမယ်။ အားမနာသင့်တဲ့အခါ အားနာ မနေနဲ့။ သည်းခံနိုင်တဲ့ အတိုင်းအတာထိပဲ သည်းခံရမယ်။ ရဲရင့်ရမယ်။ သန်မာရမယ်။ သတ္တိရှိရမယ်။ လူတွေရဲ့အမြင်ကို သောက်ဂရုမစိုက်နဲ့။ လူတိုင်း သဘောကျအောင်မနေနဲ့။ ကလေးဆန်တဲ့ အကျင့်တွေ ပြင်ရမယ်။ လိုချင်တာ မရလို့ ကလေးဆန်ဆန် ငိုတာမျိုး၊ မျှော်လင့်သလို ဖြစ်မလာလို့ ဒေါသထွက် ပူဆွေး နေတာမျိုးတွေကို ရှောင်ရမယ်။ ငြင်းပယ်မှုကို လက်ခံနိုင်ရမယ်။ ခါးသီးမှုတွေကို လက်ခံနိုင်ရမယ်။ စွန့်လွှတ်မှုတွေကို နားလည်နိုင်ရမယ်။ ပွင့်လင်းရမယ်။ အရှိကို အရှိအတိုင်း လက်ခံ နိုင်ရမယ်။ ဟန်ဆောင်မနေနဲ့။ လွတ်လပ်စွာနေရမယ်။ ဘယ်သူ့ရဲ့ လွှမ်းမိုးမှုကိုမှ မခံနဲ့။ လောင်းရိပ် မမိစေနဲ့။ လူတိုင်းကို လေးလေးစားစား ဆက်ဆံနိုင်ရမယ်။ နိုင်တဲ့သူကို နှိမ်တာမျိုး မလုပ်ရဘူး။ မလိုအပ်တာတွေကို စွန့်လွှတ်နိုင်ရမယ်။ လူတွေကို အရမ်းကြီး အပြစ်မမြင်နဲ့။ အဝေအဖန် မစောစေနဲ့။ အလိုက်သိတတ်ရမယ်။ ဘယ်အရာမှ အလကား မလိုချင်နဲ့။ သူတစ်ပါးဆီက အရာတွေကို လူလည်ကျ အလကား လိုချင်တာမျိုးတွေကို ရှောင်ပါ။ မလိုအပ်ပဲ အကူအညီ မတောင်းနဲ့။ ကိုယ်တိုင်လုပ်နိုင်အောင် ကြိုးစားပါ။ ကိုယ့်ဘဝကိုယ် ကျေနပ်ရမယ်။ အခြားသူတွေနဲ့ ယှဉ်ပြီး သိမ်ငယ်နေတာဟာ မရင့်ကျက်ခြင်းပဲ။ အမှီအခိုကင်းရမယ်။ တစ်ယောက်ထဲလည်း ရပ်တည် နိုင်ရမယ်။ ကိုယ်လုပ်မှ ကိုယ်စားရမှာ။ ဒါကြောင့် တစ်ယောက်ထဲ ရှင်သန်နိုင်ဖို့ ဘာကိုမှကြောက်မနေသင့်ဘူး။ ကိုယ့်အိမ်မက်ကိုယ် အကောင်အထည်ဖော် နိုင်ရမယ်။ ရူံးမှာကို မကြောက်သင့်ဘူး။ စာဖတ်ရမယ်။ စာဖတ်ခြင်းက လောကကိုရင်ဆိုင်နိုင်ဖို့ တွန်းအားတစ်ခုပဲ။ လဲကျနေရင် ပြန်ထပါ ဘယ်တော့မှ ခြေလှမ်းတွေကို မရပ်တန့်မိပါစေနဲ့။ ပထမခြေလှမ်းမှာ ခြေတုံချတုံဖြစ်နေမှာက လူသားလို့ ခံယူထားသူတိုင်း ကြုံရမှာပါ .. ဒါက ပုံစံပဲလေ ဒါမဲ့ အဲ့ပုံစံကနေ ကိုယ်ကိုယ်တိုင် ရုံးထွက်နိုင်အောင် ကြိုးစားရမှာလေ..... နောက်ဆုံးပြောချင်တာ... ဒီစာကိုဖတ်နေတဲ့ ကျွန်တော်ရဲ့ Friend လေးတွေ အတွက် စကားလက်ဆောင်လေးကတော့... သက်မဲ့ သစ်ရွက်လေးတွေတောင်မှ.. လေမင်းရဲ့ စေခိုင်းမှုနဲ့ လွန့်လူးကြ.. ဝဲပြန်ပြရသေးတာပဲ... ငါက.. လူသားတစ်ယောက်ပဲ... သူတပါးခိုင်းစေတာကို ဘာလို့စောင့်နေမှာလဲ မိမိဦးနှောက်က မိမိကိုယ်ကို ခိုင်းစေ တတ်အောင် အဖန်ဖန်ကြိုးစားပါ ။ အားအင်တစ်ခု ရပါစေ 🙏 #မေတ္တာဖြင့် #စာပေ #ဗဟုသုတ #စာပေချစ်သူ #စာပေကြိုက်သူများ #ဘဝစာပေ #လူငယ်များအတွက့်စာကြည့်တိုက့် #မေတ္တာဖြင့်ပြန်လည်မျှဝေပါသည် #မူရင်းရေးသားသူအားလေးစားလျှက် #လေးစားစွာဖြင့်

ကိုယ့်စိတ်ကို မနှိပ်စက်ပါနဲ့။ ===================== စိတ်မညစ်ရအောင် ဒီစာလေး ဖတ်ပါနော်…. ကိုယ့်ကို နှိပ်စက်နိုင်နေတဲ့ အတွေးတွေ မတွေးပါနဲ့။ ကိုယ့်စိတ်ကို ပူလောင်စေတဲ့ အတွေးတွေ မတွေးပါနဲ့။ ကိုယ့်အပေါ် မကောင်းတဲ့ သူတွေ အကြောင်း မတွေးပါနဲ့။ ကိုယ့်ကို မခေါ်ချင်တဲ့ သူတွေ အကြောင်း မတွေးပါနဲ့။ ကိုယ့်ကို ဂရုမစိုက်တဲ့ သူတွေ အကြောင်း မတွေးပါနဲ့။ ကိုယ့် စေတနာကို နားမလည်တဲ့ သူတွေ အကြောင်း မတွေးပါနဲ့။ ကိုယ့်အပေါ် သစ္စာမရှိတဲ့ သူတွေ အကြောင်း မတွေးပါနဲ့။ ကိုယ့်အပေါ် လိမ်ညာလှည့်စားတဲ့ သူတွေ အကြောင်း မတွေးပါနဲ့။ ကိုယ့်ကို မုန်းတဲ့ သူတွေ အကြောင်းလည်း မတွေးပါနဲ့။ ကိုယ့်ကိုမချစ်လို့ ကျောခိုင်းထွက်သွားတဲ့ သူတစ်ယောက် အကြောင်း မတွေးပါနဲ့။ “မတွေးပါနဲ့” အဲ့ဒီ သူတွေ အကြောင်း မတွေးပါနဲ့ အဲဒီ အကြောင်းတွေ တွေးမိနေ သမျှ "ကိုယ့်စိတ်ကို နှိပ်စက်နေလို့” ကိုယ့်မှာ စိတ် ချမ်းသာမှုဆိုတာ ဘယ်တော့မှ ရနိုင်ဖို့မလွယ်ပါဘူး။ ဒါ့ကြောင့် ကိုယ့်စ်ိတ်ကို ချမ်းသာအောင် တွေးပါ။ နားလည်ပေးနိုင်မယ့် အတွေးသာတွေးပါ။ မေတ္တာပွားနိုင်ဖို့ တွေးပါ။ ခွင့်လွှတ်နိုင်အောင် ကြိုးစားဖို့တွေးပါ။ အမုန်း မပွားဖို့ပဲ တွေးပါ။ မေတ္တာထားခြင်းသည် အကောင်းဆုံး လက်စားချေခြင်းပါပဲ။ ကိုယ့်စိတ်ကို နှိပ်စက်နိုင်ဆုံးသူဟာ ကိုယ် ကိုယ်တိုင်သာ ဖြစ်ပါတယ်။ တစ်ခြားသူတွေဟာ ကိုယ့်စိတ်ထဲကို ဝင်လာပြီး နှိပ်စက်လို့ မရပါဘူး။ အဲ့ဒီ သူတွေကို ကိုယ့်စိတ်ထဲမှာ ထားပြီး ကိုယ့်ကိုယ်ကို ပြန်နှိပ်စက်နေတာပါပဲ။ ကိုယ့်အတွေးတွေနဲ့ ကိုယ့်ကိုယ်ကို ပြန်ပြီး မနှိပ်စက်ပါနဲ့တော့…… လူ့ဘဝက တိုတောင်းလွန်းလှပါတယ်။ ခဏတာရလာတဲ့ လူ့ဘဝလေးမှာ ကိုယ့်ကိုယ်ကို ပျော်ရွှင်အေးချမ်းမှု ရအောင် ကိုယ်တိုင်လုပ်ယူ ဖန်တီးပြီး ပျော်ပျော်နေနိုင်ဖို့ အရေးကြီးပါတယ်။ ငယ်ငယ်ကလည်း ငိုခဲ့ပြီးပြီ။ အရွယ်ရောက်တော့လည်း ငိုခဲ့ပြီးပြီ။ မနေ့ကလည်း ငိုခဲ့ပြီးပြီ။ ဒီနေ့လည်း ငိုခဲ့ပြီးပြီ။ မနက်ဖြန်ကစပြီး ရယ်နိုင်ဖို့ ကြိုးစားပါ။ လူ့ဘဝ တိုတိုလေးမှာ အမြဲတမ်း ငိုနေရရင် လူဖြစ်ရှုံးပါတယ်။ ” ကိုယ့်စိတ်ကို မနှိပ်စက်ပါနဲ့တော့ ” Credit _ ဒိုက်ဒိုက် (မြင်းခြံ) #နန်းနှောင်းယိန်း မှ ပြန်လည်မျှဝေသည်။ Photo credit - We Heart It.

စိတ်ညစ်မခံပါနဲ့ သူတစ်ပါးကြောင့်လည်း ကိုယ့်ကိုယ်ကိုယ် စိတ်ညစ်မခံနဲ့ ။ကိုယ့်ကိုယ်ကိုယ်ကြောင့်လည်း စိတ်ညစ်မခံလိုက်ပါနဲ့ ။ လူတစ်ယောက်မှာ စိတ်ကအဓိအကျဆုံး ဖြစ်တယ် ။ ဒါကြောင့် ဘာအတွက်နဲ့မှ ကိုယ့်ရဲ့စိတ်ကို စိတ်ညစ်မခံပါနဲ့ ။ကိုယ့်စိတ်ကို ပျော်ရွှင်အောင်ထားပါ ။ လူတစ်ယောက် စိတ်ပျော်ရွှင်နေရင် ရုပ်လည်ပျော်ရွှင်လာမယ် ။ ကိုယ့်စိတ်က ညစ်နေရင် ရုပ်လည်းကျဆင်းလာမယ် ။ အောင်မြင်မှုတွေ ကျရှုံးမှုတွေ ပျော်ရွှင်မှုတွေ ဝမ်းနည်းမှုတွေ ချစ်ခြင်း မုန်းခြင်းတွေ သိပ်ပြီးခံစားမနေလိုက်ပါနဲ့ ။အဲဒါတွေကိုသာယာယစ်မူးပြီး ခံစားနေရင် စိတ်ပျော်ရွှင်မှုထက် စိတ်ညစ်စရာတွေပဲ ခံစားရဖို့များပါတယ် ။ လောကမှာ နေရမယ့်အချိန်က တကယ်ရေတွက်ကြည့်ရင်နည်းနည်းလေးရယ်ပါ ။ နေရမယ့်အချိန်လေးမှာ ကိုယ့်ကြောင့်လည်း သူတစ်ပါး စိတ်မညစ်စေနဲ့ ။ သူတစ်ပါးကြောင့်လည်း မိမိရဲ့စိတ်ကို အညစ်မခံပါနဲ့ ။ ကိုယ့်ဘဝအတွက် စိတ်အေးစေမယ့်အရာတွေ ၊ ကိုယ့်ကြောင့် တစ်ပါးသူတွေ စိတ်ပျော်ရွှင်စေမယ့်အရာတွေကို ကိုယ်က ပြုလုပ်ပေးနိုင်အောင် ကြိုးစားပါ ။ စိတ်ပျော်ရွှင်နေရင် ရုပ်ကလည်း ပြုပြင်စရာမလိုပဲ အလိုလိုနေရင်း ကြည့်လို့ကောင်းလာမှာပါ ။ စိတ်ညစ်စေမယ့်အရာတွေကို ခေါင်းထဲမထည့်မိအောင်နေပါ ။ စိတ်မကြည်လင်ဘူးဆိုရင် အပြောဆိုတွေ မှားလာမယ် ။ မကောင်းတဲ့အရာတွေကို ပြုလုပ်လာမယ် ။ ဒါကြောင့် မိမိရဲ့စိတ်ကို သူတစ်ပါးကြောင့်ဖြစ်စေ မိမိကြောင့်ဖြစ်စေ စိတ်ညစ်မခံပါနဲ့ အတတ်နိုင်ဆုံး မိမိရဲ့စိတ်ကို ပျော်ရွှင်အောင်ထားပါ ။ အရှင်ဇဝန (ရွှေကုန်းမြေ)

မိန်းကလေး တစ်ယောက်ဟာ သူမ တစ်ယောက်ထဲ တိတ်တဆိတ်လေးပဲ နေ့ရက်တွေကို ဖြတ်သန်းနေ တယ်ဆိုရင် သူမရဲ့ နာကျင်မှု တွေဟာ ဘယ်သူမှ သတိမထား မိခင်မှာ အတိုင်းတာတစ်ခုကို ကျော်လွန်သွားလို့ပါ အမျိုးသမီးတွေဟာ ~~ မှီခိုစရာရှိရင် တစ်ခါတလေမှာ စိတ်ပျော့ တယ်လို့ ထင်ရပေမယ့် တစ်ခါတခါကျရင်တော့ ~~ သန်သန်မာမာ ရှင်သန်ပြဖို့ အရမ်းကို သတ္တိ ကောင်းပါတယ်။ ပျော်အောင်လည်း နေပြီး ပိုလှအောင်လည်း နေတတ်လာတယ်။ ပြီးတော့ တိတ်တဆိတ်လေး နေရတဲ့ အရသာကို ပိုသဘောကျသွားပါတယ်💙 တိတ်ဆိတ်မှု တစ်မျိုးက ဘဝကို ပိုအဓိပ္ပါယ် ရှိစေပါတယ်

ကျွန်မက ဟန်မဆောင်တတ်ဘူး စိတ်ထဲရှိရင် ရှိတဲ့အတိုင်းပြောတတ်တယ်... စိတ်ထဲမှာမုန်းပြီး အပြင်မှာ ပျားရည်လောင်ထားတဲ့ အပြုံးတွေနဲ့ ပေါင်းတတ်တဲ့ လူတွေထဲမှာ ကျွန်မမပါဘူး... ကိုယ်မပြုံးပြချင်တဲ့လူကို ဟန်ဆောင်ပြီး မပြုံးပြတတ်ဘူး... ကျွန်မက အပေါ်ယံတွေကို သိပ်မုန်းတာလေ ကိုယ်ကလည်း ဟန်မဆောင်တတ်သလို ဟန်ဆောင်ပြီးတော့လည်း ကိုယ့်ဘဝထဲကို ဝင်မလာပါနဲ့... ဟန်ဆောင်သူတွေကို ကျွန်မ မလိုလားဘူး ကျွန်မက ပွင့်ပွင့်လင့်လင့်ပဲ ချစ်ရင် ချစ်တယ် မုန်းရင်မုန်းတယ်... ပြုံးရင်ပြုံးတယ် မဲ့ရင်မဲ့မယ် လူတစ်ယောက်ကို မပတ်သက်ချင်တော့ရင် တစ်သက်လုံး လှည့်မကြည့်တတ်တဲ့စိတ်တော့ရှိတယ်. . . ။ ဆုမြတ်နိုး (𝐰.𝐬)

လူထဲကလူဆိုပေမယ့် သူများဦးချတိုင်း မျက်စိစုံမိတ် မှန်ပါ့ဘုရားထဲတော့ ကျွန်တော်မပါဘူး။ သူများပြောသမျှ မျက်စိစုံမိတ် ယုံကြည်ပေးတဲ့ထဲတော့ ကျွန်တော်မပါဘူး။ သူများခိုင်းသမျှ ပိုက်ဆံရရင်ပြီးရော မျက်စိစုံမိတ် အံကြိတ်လုပ်မယ့်ထဲတော့ ကျွန်တော်မပါဘူး။ သူများလုပ်တိုင်း တရားရား မတရားရား မျက်စိစုံမိတ် လိုက်လုပ်တဲ့ထဲတော့ ကျွန်တော်မပါဘူး။ သူများမိုးခါးရေသောက်တိုင်း အများနည်းတူဆိုပြီး မျက်စိစုံမိတ် သိက္ခာမထိန်းတဲ့ထဲတော့ ကျွန်တော်မပါဘူး။

ဖြစ် ပျက် နေတဲ့ လောကကြီးမှာ နေထိုင်နေပေမယ့် ခဏ ခဏ အပျက်တွေ ကြုံလာရပါများတော့ လူလည်း ယိုင်နဲ့နဲ့ စိတ်နှလုံးတွေလည်း တဖြည်းဖြည်းနဲ့ ကြေကွဲလာရတာပေါ့ အားတင်းထားပါလို့ အားပေးရုံကလွဲလို့ ကိုယ်တိုင်လည်း ဘာမှ မတတ်နိုင်ခဲ့ပါ မိုးရိပ် ညို Credit to photo